التجارة تتراجع عن قرار حظر استيراد الإسبيرات المستعملة

يعني كالعادة تصدر القرارات لأجل مصلحة رمز من رموزهم و من دون بذل أدنى جهد لدراسة الوضع و تقييمه والا لماذا لم يصدر منشور توضيح الملابسات التي دعت لاتخاذ القرار مع هذا القرار لو كان القرار مبنيا على علم

اقتباس:
(إن الوزارة استثنت من القرار إسبيرات السيارات التي تعرضت لحوادث مرورية)يا أهل الله زول يشرح لي الكلام دة معناهو شنو؟ والله قريتو اكتر من خمسة مرات ما فهمتا حاجة….بعدين القرارات دي بتصدر كدة ساي ولا بي فهم؟ اها ويزاولو اعمالهم كالمعتاد بعد يجيبوها في الميناء تاني بتطلعو ليهم قرار مخالف ولا لا؟ غايتو جنس تخبط

ياجماعة هي وزارة ولا زريبة حمل وبعدين وين مستشارين الحكومة الكتار ديل ماافتوهم في القرار دا ولا هم ذاتهم ماناقشين حاجة بس بجو اخر الشهر علشان قريشاتهم عليك الله شوف ليك جنس عوارة طيب وين المشكلة لو السيارة تعرضت لحادث مروري ولا ما تعرضت ناس البستوردوا ديل قالوا ليكم ذي ناس وزارتكم ولاشنو مابعرفوا السمح من الشين والله كان حقوا انتو تمشوا للأسبيرات المستعملة وهم يجو الوزارة لانو بعد الدراسة اللي عملتوها اعترفتوا بان هم افهم منكم بكتير

جاء رجل يسأل رسول الله «صلى الله عليه وسلم» قال: متى تقوم الساعة؟ فقال له صلى الله عليه وسلم: «إذا ضيعت الأمانة فانتظر الساعة! فقال: وكيف إضاعتها يا رسول الله؟ قال: إذا وكل الأمر لغير أهله فانتظر الساعة» وبحسب الأوضاع الراهنة التي نعيشها الآن في الساحة على جميع الأصعدة.. ها نحن ننتظر قيام الساعة.