تحسبو لعب....!ا
07-11-2011 05:16 PM

حديث المدينة

(تحسبو لعب..) ..!!

عثمان ميرغني

بكل صدق.. هذا الرجل يستحق تحية خاصة.. كرس كل وقته وجهده في الثغرة التي تخصص فيها.. السموأل خلف الله وزير الثقافة الاتحادي.. بكل أسف حتى ولو تظاهر البعض بغير ذلك. لكن الإحساس الرسمي العام أن \"الثقافة\" و\"الفنون\" هي محض ترف ولهو لعب على قول الفنان إبراهيم إدريس (تحسبو لعب. جري ونطيط بطان فوق الدميرة). لكن لو أحسنّا استثمار الثقافة والفنون في بلادنا لما كان حالنا اليوم على الذي تكابدون.. الشعب السوداني مترف بالعواطف.. وتؤثر فيه للغاية المفردة الإبداعية.. وقبل سنوات كانت الخرطوم قبلة الشعراء العرب من فرط الحفاوة التي يجدونها بين أحضان النيلين. نزار قباني وعبد الرحمن الأبنودي وسعاد الصباح وصلاح عبد الصبور وآخرون.. ولا يزال التلفزيون المصري يعيد باستمرار عرض التسجيل النادر لحفلات الفنانة أم كلثوم في الخرطوم. التي كانت من أهم محطات حياته الفنية.. ويدهشني كلما أستمع لحكايات الفنانين السودانيين خاصة رواد العصر الذهبي قصصهم التي يروونها عن زيارتهم لجنوب السودان.. كأني بهم جميعاً كانوا يزورون الجنوب قرية قرية كل شهر.. من فرط ما سمعناه من قصصهم في الجنوب.. بل بعض الأغنيات المشهور الخالدة ولدت هناك (مثل أغنية وردي ما في داعي- مدينة واو 1963). وفي أعماق ضمير كل سوداني ذكرى محفورة برنين أغنية. ومع ذلك لم نفلح في استثمار هذا السلاح المجيد.. أسلحة العمار الشامل.. لأننا كنا ننظر دائماً لوزارة الثقاة على أنها ذلك الاسم الملحق بوزارة الإعلام.. مضاف إليه لمجرد الزينة والبهاء البروتوكولي. لكن منذ أن تولى السموأل خلف الله وزارة الثقاقة أتابع بكل سعادة صدى نشاطه الرنان في كل اتجاه.. خاصة رحلاته الثقافة الأخيرة إلى ولايات دارفور.. والفرق بينه والذين سبقوه.. أن السموأل مؤمن بمهمته إلى أقصى مدى.. بينما غيره كانوا يقومون بها وظيفة والسلام.. تؤدى بكل بيروقراطية ديوانيه.. ليت الحكومة تستشعر أن الثقافة ليست مهلكة للمال.. كل جنيه ينفق في الثقافة يعود بألف مثله.. بل هي مثل النفط مورد مالي.. لو وثقنا في أنفسنا وتوكلنا على الله فإن الفن السوداني بكل ضروبه يشكل أحد مصادر الثروة الوطنية.. مصدر حقيقي وليس مجازاً أو بلاغة.. ليت الحكومة تنفق المزيد على الثقافة والفنون.. ولا يبخلون عليها.. والله العظيم هي ليست لهواً ولعباً كما يظنون، هي صناعة الإنسان.. بل أعمق عمق الإنسان على رأي الشاعر إسماعيل حسن ( جو.. الجو.. زغرد فيها صوت الناي..). بكل يقين هذا الرجل- السموأل خلف الله- نجح بامتياز.. لأنه يؤمن أن الثقافة والفنون تصنع الإنسان..

التيار


تعليقات 26 | إهداء 1 | زيارات 5309

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#177605 [salim ]
0.00/5 (0 صوت)

07-13-2011 12:58 PM
انت عارف الشهرة التي أخذتها سببها أخونا عثمان ميرغني الكاتب النحرير في صحيفة الشرق الأوسط . .. أسأل عن السيرة الذاتية للسمؤال أولاً ثم بعد ذلك حدثنا عن الثقافة واهتمام وزير الثقافة..


#176974 [شايل جراح]
0.00/5 (0 صوت)

07-12-2011 02:26 PM
يا المش مهندس/ عثمان. الله يهدينا ويهديك
انت الليلة بره الشبكة مرة واحده. الناس في شنو وكسار التلج في شنو
ياعمك كسر بعيد اثلجت صدورنا


#176838 [الساير]
0.00/5 (0 صوت)

07-12-2011 11:01 AM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا عتمان مالك بقيت زي البوشاني ؟؟؟؟؟؟

الكشك رجع ولا لسة ؟؟؟؟؟

أكتب في حاجة مفيدة وسيبك من التطبيل !!!!



#176809 [سمر على المدنى]
0.00/5 (0 صوت)

07-12-2011 10:11 AM
( ياعشمان ميرغنى )
بلاش تطبيل وكسير تلج



#176786 [الزول الكان سمح]
0.00/5 (0 صوت)

07-12-2011 09:47 AM

ياعثمان ميرغنى

خلاص..رميت طوبة صاحبك ود الخدر...المارجع للراجل كشكو ...وأولادو الطشو...قلت أحسن تتطبل لى ناس الثقافة والإعلام ...يا راجل إختشى على دمك ...أنا قبل دا قلت ليك يا عثمان ميرغنى لو أن معينك قد نضب مع تقدمك فى السن فتنح ..وأفتح المجال لغيرك..

جايى تقول لى السموءل وربيع عبد العاطى وسناء حمد وكمال عبيد

ديل ناس شليل ترتار وقيرا ذاتهم

أما كان من الأجدى صرف تلك الأموال التى صرفت فى ليالى العاصمة المثلثة أن توظف لحل مشاكل التعليم والشماشة وأطفال المايقوما وتنمية الريف؟؟

لو عشمان ليك فى منصب فى حكومة السودان الجديدة من زى ديل ( وآ أسفاى )

الرمادة التكيل خشمك...

واللا رأيك شنو يا سيف الحق


#176744 [عصمتووف]
0.00/5 (0 صوت)

07-12-2011 08:55 AM
يا تو ثقافه بالله عليك ,,, مششكلتنا الناس اصبحت تسمع اي شئ وتاكل كل شئ لمرحلة الشبع القلوب ماتت شعب كرتون عملو فيه اي شئ برضو سااااااااااكت فلاحتو في بقرتو قال ثقافه اكبر سخافة نشاهدها علي المسرح السودان الاوائل في العالم


#176691 [إمام]
0.00/5 (0 صوت)

07-12-2011 02:32 AM
معذرة يا استاذ إن قلت لك أني قهقهت من سذاجتك التي تبدو الأن .. ما هى علاقة الاسلاميين بالثقافة.. وأسألهم هل الغناء حلال أم حرام كمدخل وستعجب .. ثم من كان في أيام جامعة الخرطوم الغر يعتدي على التجمعات الثقافية..

ثم أن الثقافة تحترم العقل والتنوع الثقافي والفكري فهل حكامنا القبليون يهتمون بها؟.. أن الثقافة تنمى العقول وهم يريدونها مغلقة لا تفهم الا ما يريدون..
ومما تقدم نري أن بين الثقافة والانقاذ عداء مستحكم.. وقال ثقافة قال.. وعاش الحزب الواحد الى حين ..


#176688 [abubakr]
0.00/5 (0 صوت)

07-12-2011 02:20 AM
لو أعاد الاخ عثمان قراءة مقاله لتكشف له كم هو مقال هزيل..أغنية لوردي تم تأليفها في واو دون ذكر لمضمونها! ولكن ماذا غن واو واهلهاوحياتهم؟


#176672 [بشير]
0.00/5 (0 صوت)

07-12-2011 01:22 AM
غايتو الفهم قسم....


#176667 [ود مهيره]
0.00/5 (0 صوت)

07-12-2011 01:07 AM
والله ماضر السودان غير ثقافة التخدير والشعارات الفارغة والتغني بامجاد ليس لنا اي يد فيها , يا استاذنا الهمام انت وامثالك ماذا فعلتم للسودان القديم وما دوركم في السودان الجديد وماذا فعل السمؤل غير الها الشباب بالطرب , طوال عدة قرون غنينا للجنوب بكل لغة ولحن , وما ذا بعد , وفي زمن غير هذا كان الرجال يقومون بالبطولات والنساء يغنين بامجادهم , والان الرجال والنساء يغنين لللاشئ , مع عرضة بعض المغفلين السذج ,كانت منطقة العرضة بامدرمان نسبة لعرضة المهدي الزعيم على اشلاء غردون , , فلنغني ولنرقص وفي النهاية انت ونحن ومن يحكمنا الى مزبلة التاريخ ......


#176661 [قرفان خالص]
0.00/5 (0 صوت)

07-12-2011 12:38 AM

قلت كده احسن !!

طيب اديني طاقيتي ..

أخخخخخخخخخخخخخخخخخ


#176640 [اوهـــاج]
0.00/5 (0 صوت)

07-11-2011 11:24 PM
بسم الله الرحمن الرحيم

الاخ الكريم الباش مهندس عثمان

اليوم اختلف معك .. وارجو من الاخوان الكرام المعلقين ان يلا يخرجو عن الموضوع

ويكيلون الشتائم .. فقط ان كان لكم راى مخالف فمرحبآ

الاخ عثمان

ورد فى مقالك الآتى ( والله العظيم هي ليست لهواً ولعباً كما يظنون، ) واقول لك لا تحلف

بالله العظيم فى امرفيه جدال شرعى لانه والله اعلم يدخل هنا اللهو والغناءوالحفلات العامه

التى تتبناها وزارة الثقافه او مايعرف بامسيات الخرطوم وام درمان وبحرى الثقافيه

وفد شن ائمة المساجد عليها هجومآ شديدآ .

وايضآ وردت العباره التاليه فى مقالك ( هي صناعة الإنسان ) عجبى ,,,,,,,,,, ماهى

معايير صناعة الانسان ( وكان الاجدر بك ان تقول صياغة الانسان ) هل الثقافه بمعناها

الشامل هى فقط من تصنع الانسان ...... اين دور الدين ,,,, انت بالتاكيد تقصد اعادة

صياغة الانسان السودانى بمفاهيم وبرامج زات اهداف مخطط لها ولن اسميها ولك ان

تتخيلها

اخى ,,,,,,, للاسف هى لهو ولعب ,,

والله اعلم


#176638 [wahied]
0.00/5 (0 صوت)

07-11-2011 11:21 PM
يا باشمهندسى انت بتحرث فى البحر والله شنو أى دولة هذه التى تريد منها ان تدفع وتدعم الثقافة هذه الدولة التى تتكلم عنها رفعت يدها عن دعم الطالب المسكين رفعت يدها عن علاج المواطن المقهور وأتت لنا بثقافة لم نعرفها منذ ان خلقنا ثقافة لم يمارسها حتى المستعمر الغربى هذه الحكومة من اهم انجازاتها ثقافة الصالح العام والتى بموجبها فقد الوطن كل الكفاءات الوطنية واحتفظ بالولاءات البطنية التى تركت الوطن واهتمت بالبطن .


#176624 [قاسم أمين]
0.00/5 (0 صوت)

07-11-2011 10:50 PM
أنا قايتو ما بعرف السمؤل خلف الله لكن بعرفوا أخوه في سودانيزأونلاين والله كرهنا في الوزير السمؤل..اول حاجة اخوه في منتدى بكري ابكري زول دمه تقيل وهو من العلامات الكرهت الناس في الحكومة وفي السمؤل على شاكلة الطيب مصطفى واسحاق فضل الله ..إلخ.
عليك الله يا عثمان مرغني كلم الوزير ده قول ليه عندك اخوك في سودانيزاونلاين سكتو عشان ما تزيد عليك كراهية الناس.


#176622 [الامين@@@]
0.00/5 (0 صوت)

07-11-2011 10:37 PM
اها ياخوى داير كم فى المقال ده !!!!!!!!!!!!!!!!!!!!!!!!!!!!!!!!!


#176607 [بني أمية ]
0.00/5 (0 صوت)

07-11-2011 10:02 PM
ركبت ليك زول تاني ... وكسرت ليه التلج بالله كترو ....

أين الثقافة التي تتحدث عنها ....

في زمن الناس البتقول عليهم ديل ... معارض الكتاب مالية البلد ...والندوات والمسرحيات على قفا من يشيل ...
أما الآن .. فعن ماذا يتكلمون وعن ماذا يتحدثون ...
عن تقسيم بلدهم .. أم عن العنصرية البغيضة التي نهشت لحم هذا البلد ... ألا يجب أن تكون هذه هي هواجسهم وتطلعاتهم ...

والله ما عارفين الثقافة ذاتها بتعني بيها شنو يا عصمان ...

الثقافة التي تتحدث عنها أنت هي أن يذهب بعض الناس لمنطقة يتناولون طعام الغداء ثم يقيمون ليلة شعرية تتحدث عن مكرمة من مكرمات الشهداء الحرقو في الجنوب ...

بالله فكنا وأطلع من راسنا .. وإنشاء يدوك نجمة ...

عن أي ثقافة


#176573 [ابو النصر]
0.00/5 (0 صوت)

07-11-2011 08:34 PM
السؤال : ماعلاقة الكيزان بالصحافة ؟ الاجابة ذي علاقة عثمان ميرغني بالصحافة يعني مافي علاقة عثمان ميرغني فاكر الصحافة تكسير تلج وشكر حكامة شكرية نمازج ( والي الخرطوم الذي لايظلم عنده احد ) واعادة صياغو المجتمع عن طريق الفذ خلف الله ههههههههههههههههههههههه بجد مهازل مهازل


#176559 [ملاح بشير]
0.00/5 (0 صوت)

07-11-2011 08:03 PM
عثمان ميرغني الذي يكتب في الشرق الاوسط شخص آخر
وهو مستشار يعمل بالسعودية


#176549 [hajabbakar]
0.00/5 (0 صوت)

07-11-2011 07:50 PM
الانقاذ والثقافة والفكر كالليل والقمر
قامو بتكسير كل الاصنام فى الجامعات والمدارس الثانوية القديمة تقربا الى الله حتى لانعبدها فهم الاوصياء الذين ينيرون لنا الطريق
احرق الخال الرئاسى العديد من التسجيلات النادرة باستوديوهات التلفزيون كاغانى البلابل مثلا بحجة انهم عورة..كما قاموا بايقاف العديد من الاغانى بحجج واهية
المسرح القومى يشكو لطوب الارض من العدم ومكتبته العامرة اختفت واختفت معها كل الاعمال المسرحية القديمة منذ بداياته فى 1967 وتوقفت تماما المواسم المسرحية والتى كان يقصدها سكان العاصمة
اغلب المبدعين من الشعراء والفنانين حالتهم تغنى عن السؤال
هؤلاء منذ نعومة اظفارهم عدو لدود للثقافة حيث قام رئيس مجلس شورى المؤتمر الوطنى فى عام 1968 بالقاء اول كرسى فى حفل جمعية الثقافة الوطنية والفكر التقدمى بقاعة الامتحانات بجامعة الخرطوم وتبعه حاج نور وقتل طالب الكاملين وتم اغلاق الجامعة
الانقاذ قامت بعملية تدمير منظم للثقافة واول مافعلته حل الاتحاد العام للكتاب السودانيين ومصادرة دارهم وتحويلها لمقر دائم للمؤتمر الوطنى بولاية الخرطوم
وهذا قيض من فيض ولا اريد الاسترسال


#176548 [صنديد]
0.00/5 (0 صوت)

07-11-2011 07:49 PM
انت عارف الناس بيدخلو علي صفحة مقالك ليه ؟!!

عشان عايزين يوم يشوفوك بتنتقد في رئيس الحكومة الفاسدة دي

عايزين يوم يشوفك بتكتب مقال رجال .. لكن يبدو انّك شخص خايب


#176545 [abuamin]
0.00/5 (0 صوت)

07-11-2011 07:41 PM

بصراحه يا عثمان انت زول فـارغـات سـاكـت سمو ئل شنو و ثقافة شنو ؟؟؟؟ الجاى تحجينا بيها الليله داهيه تاخدك !!!!!!!!الزول دا زى ما قالو نص عمرو داخل الوزارة دى من مستشار لغاية وزير عمل شنو ؟؟؟؟؟ غير مـحــق كل شئ خاصة لو فى بـلـع !!!! و حسع صدقت لو فعلا قصدت الجمله المفيده فى مقالتك ((لكن الإحساس الرسمي العام أن \"الثقافة\" و\"الفنون\" هي محض ترف ولهو لعب على قول الفنان إبراهيم إدريس (تحسبو لعب. جري ونطيط بطان فوق الدميرة)) يعنى عمل ليهو شوية حفلات غنائية فاشلة( و دى تحتاج لشرح ليه ما مدايح وذكر؟؟؟؟؟) حشد فيها الفنانين الفارغين زويو او النجمهم افل ولقوها فرصه للاطلاله و طبعا لا علاقة له بفن او شئ مرتبط بيهو و طبعا الغرض من تلك الحفلات كان لالهاء الناس لما يدأت الثورات فى تونس و مصر..... و كمان كم مباراة كده لانو دا فهم هؤلاء الشرذمة من الجبهجية !!!! و السفريات دى ما معروفة اهدافها و الا شنو علاقتها بالثقافة !!!!و دلوقت بتوجيه من جهات عليا ليك عشان تطبل ليهو بمعنى شكرا او كما قلت (( هذا الرجل يستحق تحية خاصة.. كرس كل وقته وجهده في الثغرة التي تخصص فيها)) دورك هنا مكشوف يا حدق سيبك من السموئل دا و امسك فى صاحبك الوالى ود الخدر الما بنظلم عندو احد و الما رجع للزول الما انتحر كشكو و اولادو الطشو


#176532 [maw]
0.00/5 (0 صوت)

07-11-2011 07:22 PM
تانى انت يا عثمان رجعت لى حركاتك دى
يعنى مثلاً السموأل صاحبك دا ياخد وزارتو ويمشى معسكر كلمه مثلاً


#176499 [حاتم]
0.00/5 (0 صوت)

07-11-2011 06:06 PM
الفاضي يهمز امو


#176497 [سليمان قش]
0.00/5 (0 صوت)

07-11-2011 06:03 PM
عليك الله ياعثمان مرغني ابعد انت وناسك عن الثقافة والفنون وبلاش اعادة صياغة الانسان السوداني من جديد نستحلفك باالله ابعد عن الموضوع دا .... وما عندنا مانع ترجع لكسيير التلج لصاحبك ود الخضر الما بنظلم عندو احد والما رجع للزول الما انتحر كشكو واولادو الطشو


#176491 [SaifAlhag.hassan]
0.00/5 (0 صوت)

07-11-2011 05:57 PM
يا الزول الكان سمح

صاحبك كنا مفتكرنو كاتب الموضوع عن الجنوب تحسبو لعب

بعد ما شال الوالى فوق راسه وقال لا يظلم عنده احد عاوز يدخل وزير ثقافته السمؤل

الحقنا يا الزول الحق صاحبك عثمان بالنجمة


#176473 [مندي]
0.00/5 (0 صوت)

07-11-2011 05:39 PM
يا باشمهندس اذا ما عندك موضوع كان افضل ليك عبارة يحتجب اليوم.....عليك دينك ده وقتو ياخي؟ البلد بتضيع وبتتقسم وبتتباع الجنوب انفصل واراضي الجزيرة والشمالية في طريقها لتباع الي مصر ولا ده انتو بتحسبوا لعب؟ السلام عبرك لصاحبك ود الخضر الوالي الذي لا يظلم عنده احد الما رجع الكشك للزول الكان داير ينتحر ولسة ما انتحر والاولادو طشوا ولسة ما رجعوا
وين الزول الكان سمح؟ اظهر وبان عليك الامان وتعال شوف جغمسة صاحبك عثمان


عثمان ميرغني
عثمان ميرغني

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة