المقالات
السياسة
ارشيف مقالات سياسية
الخلاف السياسي بعد الانفصال (افجخي بصلة قبل مايبقى أصلة).. اا
الخلاف السياسي بعد الانفصال (افجخي بصلة قبل مايبقى أصلة).. اا
07-12-2011 06:53 PM

الخلاف السياسي بعد الانفصال (افجخي بصلة قبل مايبقى أصلة)..

جمال على حسن
[email protected]

والحقيقة القاسية تقول ان التاسع من يوليو قد مر على الخرطوم مثل غيره من ايام الدنيا ولاأدري ما الذي حدث للشعب السوداني حتى صارت كل الأمور متساوية وكل الايام متشابهة ولاشئ يعنينا اطلاقا ..فبعض النخب المهتمة بامور السياسة في الخرطوم فقط هي التي ربما خالجتها تلك المشاعر الاستثنائية لحظة رفع علم جمهورية جنوب السودان وانزال علم جمهورية السودان من سارية مدينة جوبا ..
سألني جاري في الحي حين خرجت بعد انتصاف النهار من المنزل حيث كنت اتابع الحدث عبر شاشات التلفزيون قال لي (الليلة مالك مارق متأخر كدا) فكان ردي عليه (لا والله بس حادي على الجنوب الفرتق مننا دا) وكانت بجواره امراة كبيرة في السن كان تعليقها (ياخي داير بيهم شنو..؟) فلم انجح في صياغة اجابة تناسب للرد عليها ..وكان الصمت الباسم عنوة قد انهى حديثنا بسلام ..
هل تعرفون سادتي لماذا راجت دعوات منابر الانفصاليين الشماليين في الفترة الماضية ليس لعبقرية اقلامهم ولالحلاوة لسانهم ولابسبب قدراتهم السياسية او الابداعية انما لسبب بسيط جدا هو انهم تعاملوا مع شفرة التخلف الاجتماعي والثقافي في مجتمعنا بطريقة انتهازية واعية..
وهل تعرفون لماذا جاءت نتيجة الاستفتاء على مصير جنوب السودان بخيار الانفصال ..؟ لسببين اثنين في تقديري الاول هو فشل النخب السياسية والثقافية الشمالية والجنوبية معا في مواجهة ظاهرة التعالي الاجتماعي الموروث عند الشماليين والشعور بالدونية المتوارث ايضا عند الجنوبيين مما جعل الفترة الانتقالية هي امتداد لماهو موجود من سلوك اجتماعي وسياسي وثقافي غير محفز للتعامل مع اللافتات اللامعة مثل لافتة (الوحدة الجاذبة) دون اية محاولة حتى لامتصاص نسب من تراكمات الغبينة او ابداء حسن نوايا في العمل لامتصاصها ..اما السبب الثاني فهو تمكن خطاب الكراهية المؤسس في الشمال من اختراق دماغ الممارسة السياسية عند صناع القرار في الدولة خاصة وان صناعة القرار في السودان ظلت وحتى الان تتحرك بنظرية الفعل ورد الفعل ممايسر مهمة التاثير السالب على الممارسة السياسية لحكومة المؤتمر الوطني تجاه النخبة السياسية الجنوبية المشاركة معهم في الحكم ..وليس من مثال ابرز من اقتياد امين عام الحركة الشعبية باقان اموم ذات يوم امام الجميع بواسطة (كومر الشرطة) في حين ان هناك بدائل اخرى كان يمكن اتباعها في استدعائه واستجوابه مثلا ..!..
لن نبكي على مافات الا بالقدر الذي يمكننا من تقويم الممارسة السياسية على مستوى العلاقة مع الدولة الجديدة من جهة والجبهة السياسية الداخلية من الجهة الاخرى ..
فالجمهورية الثانية في شمال السودان وشرقه وغربه ووسطه وحدوده الجنوبية الجديدة يجب ان تبدأ من نقطة البحث عن الوفاق السياسي اولا وتقديم الدعوة لكل القوى السياسية للاقرار اولا باخطائها التاريخية الجسيمة وضلوعها في تضييع الجنوب من خارطة السودان ثم الالتزام بتقديم تنازلات مشتركة من الجميع لتاسيس مرحلة انطلاق حقيقية بتوافق واعتراف من الجميع بانهم ضيعوا اكثر من خمسين عاما من عمر السودان في التنافر والتربص والاختلاف حول كيف يحكم السودان ومن الذي يحكمه في حين ان الاجابة عن هذا السؤال وحدها لا تكفي لاحداث النهضة وتجاوز قائمة الدول الفقيرة والمتخلفة ..
ولااجد نصحا لكم ياساسة الشمال سوى البحث عن مؤامرة ضد الخلافات القديمة على طريقة من نصحت اختها المتزوجة لتوها بوصفة التغلب على تسلط الرجل في المثل السوداني (افجخي بصلة قبل مايبقى اصلة)..وخلافاتكم في طريقها الى ان تتحول الى اخطر انواع الافاعي السامة بعد الانفصال فحذاري منها ..
اعملوا سادتي للسودان قليلا فقد افرطتم في العمل لانفسكم ولاحزابكم ولمصالحكم وشيدتم القصور (وجيهتو اموركم ) وتركتم اهل السودان يعيشون الان في قمة الاحباط من كل شئ ..


تعليقات 2 | إهداء 0 | زيارات 1577

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#177869 [الجعلى البعدى يومو خنق]
0.00/5 (0 صوت)

07-13-2011 07:30 PM
أنا عجبتنى حكايه (ألفجخ) دى أنا معرس لى عشرين سنه وبعانى من مرض مزمن أسمو ( الفجخانجيه) ألنهار ما طال نحنا فى حالة (فجخ) وأصلاً ما راودتنى نفسى الاماره بالسؤ كى أبقى (أصله) فى يوم من الايام . اليوم كلو أنا يفجخو فينى بالمراسيل جيب جيب ما تنسى تجيب فجخ شديد لمن جانى وجع فى جهاز الفجخ بتاعى . أتاريهم النساوين خايفات من الاصله وهن ياكلولنا فى البصله لمنو بقوا قدر الاصله والله وكت أدخل البيت وتلاقينى المره (البصله) دى تقول شفت لى (أصله) فيا أخ جمال نحنا البصله ذاتا وبقينا ذى الكُشنه حقت (البصله) وفى راجل الزمن دا ببقى (أصله) فى بيتو دا الا يكون (عذابى) وقاعد براه بعدين ما لقيت فى اللغه العربيه د كلها وعلى وسعها غير تعبير تُدلل بيهو على مهانتنا غير الفجخ . فى البيت مفجوخين وفى السوق مفجوخين الله يستر علينا من القبر بعدين ما يقومو الجماعه فوقنا فجخ لانو السويناهو فى الدنيا بيعنى أنو الفجخ راجينا راجينا قبر قبر شبر شبر بيت بيت دار دار زنقا زنقا فجخا فجخا وأنا زولا سمين على مقياس ريختر ما بتحمل الفجخ ألله يستر علينا ............... الجعلى البعدى يومو كلو فجخ ....


#177418 [الامين احمد التلب]
0.00/5 (0 صوت)

07-13-2011 09:20 AM
لم ينفصل الجنوب زور المؤتمر اللاوطنى الانتخابات فى الشمال وصادر جهد السودان وزورت الحركة الشعبية زورت الاستفتاء فى الجنوب دون اعتراض من المؤتمر اللاوطنى
والمشكك يسال نفسه سؤال واحد لماذا اعلن المؤتمر اللا وطنى نفسه فائزا وتراجع بعد ضغط الحركة الشعبية
هل كانت انتخابات لا كانت مهزله للتزوبر البليد الذى لم تتوازن ارقامه الى اليوم
هل كان استفتاء لا تحت البطش والقمع لا يوجد استفتاء
لقد اشترى المشير بقائه المزور فى السلطه بثمن غالى على السودانيين رخيص على المشير وهو انفصال الجنوب
وان ظل قابعا فستتوالى الماسى
الصورة الاسوا لنميرى
التحية للاصم وعبعالله المايوى
ولجنة الانتخابات الارزقية


جمال على حسن
جمال على حسن

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة