المقالات
السياسة
ارشيف مقالات سياسية
قال شنو حلايب سودانية !ا
قال شنو حلايب سودانية !ا
07-13-2010 04:54 PM

قال شنو حلايب سودانية !!

اْ/ضحيةسرير توتو/القاهرة
[email protected]

لم اْكن اْريد اْن اْكتب في موضوع حلايب المثير للجدل .لاْني اْعرف ان البشير ينفخ في قربة مقدودة . لولا جاري المصري الذي يقطن اْمامي (شقته تفتح اْمام شقتي ) الذي قابلته الصبح واْنا في طريقي الي العمل . بعد التصبيحة . قال لي اْيه ياعم السوداني عايزين تاْخذوا حلايب مننا ؟ عشم اْبليس في الجنة ! وحلم الجعان عيش!. والله كنت ساْموت من الغيظ لولا اْن هداني ربي الي رشدي .وقلت له واْنا اْلعن اليوم الجاب البشير رئيس علي السودان .(ليه كده بس ياعمي دي حلايب . مفيش اْثنين سودانيين اْو مصريين يختلفوا فيها باْنها سودانية مية المية . قال لي عندك مايثبت ذالك ؟ وقال لي اْيضاً. دي الحكومة بتعتنا قالت حلايب مصرية خالصة منذ الفراعنة ! وهل ريسكم عنده مايثبت اْنها سودانية كما يقول ؟ ثم تعال هنا اْذا كانت سودانية بجد لماذا كل هذا الصمت والسكون ؟ وجاين النهار ده تقولوا حلايب سودانية والله بشيركم ده (بق) (( بق عند المصرين يعني بتاع كلام وجعجعة في الفاضي والفاضي يعمل قاضي ولا يقدر يعمل حاجة )) . لو المصري قال لك يا عم انت (بق بس) يكون قد قذف بك الي سابع اْرض وطلعك اْي كلام وخار بارم . وقال لي اْيضاً ده نحن مسيطرين علي حلايب شعباً واْرضاً وعملنا فيها تنمية ( ماكنوش ) بيحلموا بيها يا عمي اْصحوا باْه. وشوفوا الجنوب عايز ينفصل ليه واوْكامبوا عايز يقبض علي البشير ليه ودار فور مولعة ليه واْقليم كردفان الجميلة التي كان يحكمها الملك فاروق عندما كان ملك علي مصر والسودان واْقليم كردفان . هي الاْخر بتنطط ليه . ختم قوله بسخرية بهذه الكلمة (قال اْيه حلايب سودانية قال) .وذهب وتركني اْشد في شعري من الغيظ والحالة التي وطلتنا اْليها الشيطان الوطني . واْصبحنا في الغربة لا نستطيع اْن نقول السودان كله سودانية مية المية خليك من حلايب التي اْصبحت مصرية بفعل فاعل . وسياسات حمقاء وعمياء . ودار فور الاْن بها مستوطنون جدد وقوات دولية من شت بقاء الاْرض .واْقليم كردفان شماله وجنوبه اْيضاً بها مستوطنون جدد وقوات اْفريقية ودولية . فكيف نستطيع اْن نقول السودان سودانية ونحن لا نعلم متي ستخرج هذه القوات والمستوطنون الجدد.
حلايب التي لو حلف البشير بتطليق زوجتيه ورقص رقصته المشهور بها ونبح ونعق وحدد .لن ترجع حلايب سودانية .مواطنين حلايب الاْن يحملون الجنسية المصرية التي لا تمنح الي اي شخص مهما ثقل وزنه . اْلا اْن يكون مولود من اْبوين مصريين ( اْواْحدهما ) .هل سمع اْحدكم اْن فلان الفلاني يحمل الجنسية المصرية بالاْضافة الي جنسيته الاْصلية ؟ .حلايب اْصبحت مصرية منذ اْن اْستولوا هؤلاء (الاْنقاذيين) المجرمين علي السلطة .حلايب الاْن بها خدمات مصرية ومدارس ومستشفيات واْقسام شرطة ومحاكم واْسواق وكل متتطلبات الحياة فيها مصرية مية المية . طلاب الشهادة الثانوية العليا جلسوا فيها واْمتحنوا فيها الشهادة المصرية وقريباًستفتح فيها جامعة .فكيف ستكون سودانية ؟ بعد ده كلوا اْي حلايب يتحدث عنها الهارب من اْوكامبو باْنها سودانية ؟ اْعتقد اْن البشير لديه حلايب جديدة يتحدث عنها . لاْن حلايب القديمة اْصبحت من الذكريات الاْليمة .البشير واْعوانه المنافقين المطبلين ضيعوا السودان وفتتوه حتت من اْجل مشروعهم الجائر . بالاْمس حلايب وجاي اليوم يقول اْنها سودانية وغداًجنوبنا الحبيب وبعد غداًغرة عيني جبال النوبة وبعدها صديقتنا دار فور وبعدها منفذنا الي العالم( الشرق) . وبعده لا نعلم هل سيكون في سودان علي الخارطةاْما لا ؟ الاْجابة علي هذا السؤال يجب اْن ناْتي بالعرافة الاْخطبوط(بول) ليقراء لنا الرؤية المستقبلية لهذا البلد الجميل!!


تعليقات 9 | إهداء 0 | زيارات 1479

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#7719 [سوداني123]
0.00/5 (0 صوت)

07-15-2010 07:41 PM


الجنسية المصرية دي وق وح نرجعوا ليهم في صناديق
مع جنودهم ان شاء الله .

واصلوا اذا الرئيس ضيع البلد زي ما قلتي طيب خلينا نصل معاه للحد كلامك ده معناه ضايعين ضايعين
اما كلنا نموت سوا أو نرجع كرامتنا وبرضو بالبشير والمصريين آخر من يضحكوا علينا0 وكان وزعوا جنسيات والا جنيات 0



والمصريين مع شنو اديهم الكلام وحليفة الطلاق






#7487 [محمود ود احمد]
0.00/5 (0 صوت)

07-15-2010 05:00 AM
لو ركزت نقدك للمقالة ذلك افيد
من التعرض لوالده وجده


#7481 [محمود ود احمد]
0.00/5 (0 صوت)

07-15-2010 03:51 AM
ما دخل والده وجده في تعليقك ولما السخرية يا استاذ محمود ؟


#7278 [الجعلي]
0.00/5 (0 صوت)

07-14-2010 01:00 PM
بعدين يالسوداني القح لو أنت صحيح سوداني ما بتقول الكلام دا أختشي وغير أسمك
وعلي الطلاق أنا لوعدوك أنت وجاء واحد من خارج السودان اتحرش بيك بقيف معاك بالرغم عفانتك لأني سوداني أصيل


#7275 [الجعلي]
0.00/5 (0 صوت)

07-14-2010 12:57 PM
علي الطلاق يا ضحية لو أنا في محلك كان قددت ليه عيونه وبعدين هم المصرين يسوا شنو عشان يتهكموا على الناس ناس يا لهوتي ورقصني يا جدع وبعدين ناس الحكومة أوع من مصر كلها مصر أخذت حلايب وكانت عاوزة تفتح جبهة تشغل بيها الحكومة تكون متزامنة مع حرب الجنوب والشرق وطبعاً دي افكار المعارضة ولكن الحكومة كانت واعية ولم تتحدث وعلي الطلاق حلايب ترجع باي هوك أور كروك


#7210 [سودانى أصيل]
0.00/5 (0 صوت)

07-14-2010 10:01 AM
العراف وليس العرافة يا.................................


#7149 [محمد]
0.00/5 (0 صوت)

07-14-2010 04:20 AM
يا سريرتو والغيرو والله بقينا ملطشةللبسوي والمابسوي لاننا بنشمت ي نفسنا وبنفتكر انه البصيب البشير والكيزان اكتر من البصيبنا اذا قامت قيامتنا ويجب علينا ان نرق بين ما هو وطني وماهو شخصي وبهديها يحترمنا الاخرونويدعون لنا ارضنا لو صرخنا فيهم بس مش صرينا ليهم عينا وحمرنا فيهم لكن واه من لكن بعد الشتات ده ياسودان الله يلمك ويجمع كلمة اهلك ويوحدك ياوطن عز الخريف وبامصابيح الطريق ياشمسا بتشرق وضوي للناس الطريق


#7147 [سودانية]
0.00/5 (0 صوت)

07-14-2010 03:34 AM
انت ياضحية كلامك حرق دمى ورفع ضغط دمى بس دى الحقيقة والحقيقة مرة وده كله حاصل وده كلنا عرفنه والمصرين ماسكين على الكيزان ذلة من محاولة اديس اباابا لاغتيال مبارك ولو احتلو كل الشمالية الكيزان مابتكلمو وانسى حلايب وانسى الجنوب


#7060 [سوداني قح]
0.00/5 (0 صوت)

07-13-2010 05:47 PM
أخي ضحية من يهن يسهل الهوان عليه ..حكومة الشيطان اللا وطني هذه مرمغت بنا الأرض و جعلتنا ملطشة أمام الفراعنة أولاد فوزية هانم أكثر شعب مكروه في العالم بعد إسرائيل طبعا

ليهم الحق يتريقوا طالما أن حكومة الزفت دي تلعب دور الأسد في بناطلين و عرض أزياء و تركت حلايب تضيع و الجنوب منفصل و دارفور تغلي و السودان كله موعود بمصير قاتم أسود

أخي ضحية لن يطول الأمر فلو قرأت الوجوه جيدا ترى فيها قتامة المصير الذيينتظرهم خاصة أن أوكاميو لن يترك البشير يهنأ إلا بعدما يجيب خبرو و قريب إن شاء الله


ضحيةسرير توتو
مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة