قهوة جون قرنق والبدون
07-23-2011 06:36 PM

قهوة جون قرنق والبدون

طة احمد ابوالقاسم
[email protected]

.. البدون .. لعلها ظاهرة فى المجتمع الكويتى ..واصبح مصطلح .. ولهم تفسير فى ذلك .. .. وقد حكى ان سودانيا فى الثمانيات وقف من غير قصد فى قسم الاجانب فى مطار بغداد وكاد الضابط ان يهشم راسة وقال لة تقف فى قسم العرب . عيب عليك يازول انت مننا وفينا .ويقال ان كلمة جعلى اتت من جعلناك منا .. وليس فارق لا تلم. ويقال اذا مرت حامل من سور السفارة الامريكية ودخلت وقد فاجأها طلق الولادة يكون المولود امريكيا حتى لو كانت تكرونية تجمع علب البيبسى كولا ربما ساعده ذلك المنتج اذا ترشح للرئاسة فى المستقبل . وقبل ايام داعب مقدم برنامج نجوم الغد الاستاذ بابكر فتاة جنوبية ابوها من ملكال والام من الشمال وقال لها اليوم كم فى الشهر .. ..
الجنسية السودانية تمنح من لة قدم فى كرة القدم .. الحضرى ترك الكرة تدخل المرمى ربما اتتة من المدافع لان اسمة احمد الباشا .. كذلك كليتشى اضاع ضربة الجزاء بكل برود وخرج المريخ بواسطة السودانيين الجدد من بطولة احرزها من قبل عدة مرات .المريخ شطب الحارس بهاء الدين لانة اخفق ذات مرة ولكن برافو مازدا اعادة حارسا للمنتخب القومى .. كذلك سوف نسحب الجنسية من ال على عبداللطيف وعبد الفضيل الماظ لان لهم اصول جنوبية .. كذلك اهالى منطقة ابيى مسرية دينكا . وكلهم تجدهم فى المجلد لفة لفة .. ونغير كتب التاريخ ليصبح رهط من حوش بانقا
الان كيف يحدث هذا فى السودان وهذا معناة لقد تورط كل من كان يعمل من اجل وحدة جاذبة وكان افضل ان يعمل وحدة كاذبة كيف يفصل التليفزيون القومى موظفة مجرد امها جنوبية وكمان ابوها جعلى .. يعنى جون قرنق كان على حق يود ان يشرب جبنة فى المتمة لكى يحرر بنات جعل


تعليقات 3 | إهداء 0 | زيارات 4033

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#184048 [Ahmed]
0.00/5 (0 صوت)

07-24-2011 10:32 PM
اولا انا ما من جماعة الانقاذ لكن يا جماعة الحق حق الموظفة بتاعة التلقزيون دى تم تعيينها على الحصص المخصصة للجنوبيين ( ال20 % ) بعدين لما الجنوب انفصل الحصة دى اتلغلت تلقائا عشان كدة الموظفة راحت مع الغاء الحصة المهم الان ان تشغل هذه الوظائف بعدالة ولا توزع لاهل الحظوة


#183510 [الجعلى البعدى يومو خنق]
0.00/5 (0 صوت)

07-24-2011 08:34 AM
يا أخ طه الحبيب السلام عليكم من ( دار جعل ) حيث ( جعلناك ) حبيباً وصديقاً ودوداً لفرعنا بصعيد الدندر القويسى ونقول كما قال ابراهيم العبادى فى رائعته المقرؤه (ريا وسكينه) ياطه عندى نصيحه ليك بفداها العُقده الصعيبه العاقل بتعداها ) ..
أظنك ياطه عاوز تسخن الاسافير والمواقع بالمساس بموضوع (الجبنه) فتتحرك الاقلام بالاحبار الساخنه وتتسمع لسيل عرم من الشتائم المقذعه المؤلمه .. فالتعريض بالعروض لا يليق أصلاً والاشارات السالبه مرفوضه .. بعدين الجعليات وبنات دار جعل ليسو من بنات الانبياء والقديسين .. فالزواج والارتباط مافيهو قداسه .. دى روابط انسانيه وحاله بشريه عاديه بتتوقف على القبول (العام والخاص ) فالكثير من أهل الشمال ارتبطوا وتصاهروا بأكرم النساء من كل القبائل وكذا تزوج الكثيرون من شندى وقرى شندى والشماليه عموماً فمن يود أن يشرب (الجبنه) فى شندى وفوق كبرى المتمه الجديد (حبابو ألف) اذا كان ضيف أو عابر أو يود الزواج (بجعليه) فالجبنه بوابة الاكرام والتكريم للناس .. فهى دعوه للتصالح مع النفس وللتوادد .. وكفايه بلطجه أفضت للتأزيم وللتقسيم والشتات وللهجره فمن يود أن يشرب الجبنه بشندى فمرحباً به ومن يزورنا بفروعنا بالصعيد فقلوبنا وبيوتنا مفتوحه على وسعها .. فالتحيه لك أخى طه ولقلمك الرشيق ..

( الجعلى البعدى يومو كلو خنق فى اشارت ود أحمد قاسم !! )

من الدندر الطيب زولا وراقِ انسانا والمطر نازل رذاذ لطيف وجميل والجو بارد ونحمد الله على النعمه دى .. والفطور كِسرا حمرا بى ويكاب كارب وشطه حاره اتفضلوا معانا وبعد الويكاب العجيب بنجيب ليكم (جبنه كاربه) بن حبشى من متمة الحبشه يا طه وفيها دوا وبهارات عملتا (الجعليه الفرس كلاس) بت الفكى (اللهم أرض عنها)


ردود على الجعلى البعدى يومو خنق
United Arab Emirates [عادل ] 07-24-2011 12:47 PM
ياالجعلي ماتستعجل ... حتي جون غرنق ماكان قصده عدائي لما قال اشرب جبنة في المتمه .. لكن اعلام الحكومة ولاسباب تعبوية قص الكلام من نصه واداهو الصبغة العنصرية (دي طبعا علامه مسجله) وقام بنشره وتسبب في الانفعال السلبي الكتير الحصل داك والحمدلله القصة عدت بالسلامة وجون نفسه قابل كبير الجعليين في مصر وتوضحت الفكره وسبب الكلمة ورحب بيهو من جديد ضيف وودبلد في دار جعل ... نحن كشعب مافي بيناتنا كلامات بس اصحاب الغرض ودايما هم السياسيين هم من يشيعوا بيناتنا النعرات العنصرية لأنه بتخدم مصالحهم ......... ودمت ودامت كل قبايل السودان لأنها هي مصدر الفخر الجمعي لنا كسودانيين .


#183368 [ezoo]
0.00/5 (0 صوت)

07-23-2011 10:35 PM
امانة ما اتلومت يا طة احمد ابوالقاسم

الليلة الله قال بي قولك مع الخال امانة ما يبشع بيك بشيع ..... اما انك مفتري وكمان

تقول جون قرن ليهو حق بيقول بدور بشرب الجبنة في المتمة ..............

ارجي الراجيك من عمك الخال الرئاسي


طة احمد ابوالقاسم
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة