باركوها..!ا
07-24-2011 01:16 PM

حديث المدينة

باركوها..!!

عثمان ميرغني

أتمنى على الحكومة.. أن تنظر بعين (التفاؤل) للنصف المليء من الكوب.. على خلفية البيان الذي صدر من الحركة الشعبية قطاع الشمال.. حول الوضع في جنوب كردفان.. الواضح أن الصحف التي أظهرت البيان على أنه إعلان لاستمرار الحرب نظرت للنصف الفارغ من الكوب.. بغض النظر عن اللغة التي كتب بها البيان.. وبغض النظر عن الوضع العسكري في ولاية جنوب كردفان.. الأوجب أن ننظر لمصحلة البلاد العليا.. لو كان هناك مجرد ضوء شمعة صغيرة في آخر النفق فلنهتدِ به.. بيان الحركة الشعبية قطاع الشمال ذكر صراحة أنهم لا يزالون على العشم في تنفيذ الاتفاق الإطاري الذي وقعه في أديس أبابا الدكتور نافع ثم تراجع عنه بعدما اشتدت في وجهه رياح المعارضة من قيادة المؤتمر الوطني.. مهما كانت الثقة في الحل العسكري فإن الوصول إلى تسوية سياسية هو النصر الأفضل للجميع.. وحتى هذه اللحظة قضية جنوب كردفان في الإمكان الإمساك بها داخل الوطن والهبوط بها بأمن في مهبط آمن.. لكن إذا استمرت الأوضاع على ما هي عليه.. وكررنا سيناريو دارفور.. الذي كان يستهون الحرب ويفترض أن الحسم العسكري هو الحل. فإننا نصل إلى نفس النتيجة التي وصلنا بها في قضية دارفور. عشرات القرارات الأممية التي وصلت مرحلة اتهام الرئيس نفسه بواسطة المحكمة الجنائية.. في تقديري أن الوصول إلى تسوية سياسية مع الحركة الشعبية في الشمال أمر في متناول اليد. فقط يحتاج إلى إرادة سياسية بصيرة.. تنظر بعين استراتيجية للمستقبل بدلاً من التركيز على (يوميات التغابن).. والعيش في تراجيديا الأحداث الأخيرة التي وقعت في كادوقلي ثم انتشرت في بقية أرجاء الولاية.. الآلاف من شباب الجيش الشعبي في الشمال الذين يمسكون بالسلاح.. حددت اتفاقية أديس أبابا منهجاً مبدئياً للتعامل معهم.. نزع السلاح بالحسنى.. إذا أن الاتفاق على احتكار السلاح في يد الجيش السوداني أمر مفروغ منه. وترتيبات الوصول إلى ذلك تتطلب الإجابة على أسئلة حتمية عن مصير المقاتلين في صفوف الجيش الشعبي في الشمال. وهي إجابة مطلوبة ليست في إطار تسوية مع الحركة الشعبية بل من أجل هؤلاء الشباب أنفسهم، ما داموا من دم ولحم الشعب السوداني.. فالدولة مسؤولة عن توفيق أوضاعهم وتوفير البديل للوضع الذي ظلوا عليه عشرات السنوات.. من الحكمة ألاّ تكابر الحكومة كثيراً.. البنود التي وردت في اتفاق أديس أبابا الإطاري (في الجزء المتعلق بالترتيبات الأمنية بالتحديد) يصلح لتأسيس وضع مستقر في ولايات جنوب كردفان والنيل الأزرق.. وتشجيع الحركة الشعبية لتنخرط في العمل السياسي تحت لافتة شرعية معترف بها قانوناً يرسي دعائم الاستقرار في السودان كله وليس ولايات النيل الأزرق وجنوب كردفان. قبل فوات.. بالله اغتنموا فرصة البيان الذي صدر من قطاع الشمال وأبطلوا مفعول القنبلة التي ستحرق مستقبل السودان إذا ما استمرّ الحريق في جنوب كردفان.. ألا هل بلغت اللهم فاشهد..

التيار


تعليقات 19 | إهداء 0 | زيارات 4412

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#185077 [احمد]
0.00/5 (0 صوت)

07-26-2011 12:26 PM
اول مرة نافع يعمل شي نافع ويجد من يقف ضده . لو سمحتم دعو له فرصة واحدة لكي يقول انا اوقفت حرب جنوب كردفان


#184434 [(العوجات)]
0.00/5 (0 صوت)

07-25-2011 02:05 PM
......و.واحدين ُسمان
ابان كروش , قدام ورا !!!!
نهبوا البلد !!
سرقوا الحليب من\" الشطر\"
قلعوا العيون من الكحل !!
سرقونا جد
نهبونا جد
...... جد !!
******
قايلنهم زي كل طير, متل الجراد
يشبع يطير
لكنهم ...
عشرين سنة ...لم يشبعوا
كيف يشبعو؟؟
متى يشبعوا؟؟
ما الخير كتير , ما ليهو عد
سفو البلد
سفوهو جد !!
******
كل الطيور تشبع تطير
حتى الجراد بشبع يطير
لكنهم ابو ما يطيرو
يطيرو كيف؟
\" اصلو العضم داير لو كد !! \"
ويطيرو وين ؟؟
نطير انحنا
وهم يقعدو ... يشلعوها ,
يقسموها .. حتت حتت
******
شفت \"الجزم\"
يوم البكا
وفوق عنقريب الجنازة, وقبل الدفن..
كانوا بيغنوا ويرقصوا
هزت كروش قدام ورا !!
كان الفرح ما ليهو حد
سرقو البلد .. نهبوا البلد
قلعونا جد.....
قلعونا ج ....
قلعونا ......
قلعون ....
قلعو ....
قلع .....
قل .....
ق ...
شفت الجزم يوم البكا
ضبحوا الخروف..ضبحوا البقر
بقروا الضبح !!!!
سلخوا الضبيحة
وجنب خريطة للبلد رفعوا الجلد
ياتو الجلد ؟؟ ياتو البلد ؟؟؟
مافيش فرق
اصلو الجلد يظهر برد
اولاد كلاب

اولاد جزم
سلخوا البلد
نهبوا البلد
نهبونا جد
سلخونا جد !!!
........جد !!!!


#184127 [wedhamid]
0.00/5 (0 صوت)

07-25-2011 01:27 AM
يا عثمان افندى ..............
انا برضو اتمنى ان ينظر المؤتمر الوطنى للنصف الملئ من الكوب و يتعقل و يتدبر و يتعدل !!!! الهرجلة و الرجالة و التجبر و المكابرة و التعالى و القرضمة ليست من الصفات السياسية و لا القيادية ....مش يا عثمان ؟؟؟ و لتلميذك النجيب محمد قل الهمر ركبوهو كل القياديين من رجالات الحركه ما مالك عقار وحدو و هو الرجل المحارب من اجل مبداؤو --مهما اختلفنا فى دى--و حقق غرضو و فرض نفسو كقيادى و دخل السلطة عنوة و اقتدارا و بقى والى اولا بالتعيين و اخيرا بالانتخاب !1 ليه ما يركب همر زيو وزى ناس الحركه الكلهم راكبين همر ؟؟ و بس قول لى زول زى الشيخ عبد الحى يوسف يركب اخر موديل برادو كيف ؟؟؟وليه ؟؟؟ و السؤال دا بالله حولوا للسيد نائب الرئيس الذى اهدى له البرادو !!!! وليه من مال الشعب هذا العبد الحى يوسف يركب برادو ؟؟ لو قلت لانو دكتور و استاذ شريعه جامعى ( بالمناسبة دا كان مساعد تدريس فى جامعة القران الكريم و لما شطح و للولاء و ليس الكفاءة اخدوا جامعة الخرطوم و هناك قاعد فقط تمبل ) انا اعرف بروفات فى جامعة امدرمان الاسلاميه بتاعين فقه وشريعة و ذوى علم و معرفة و مؤهلات حقيقية يدوبك راكبين جياد و هم اعلم و افهم منو و افقه منو و اهل عزة و كرامة ........و ما انسى سمعنا الجمعه كنت مقيل مع صاحبك الوالى ود الخدر ......الما بنظلم عندو احد..... و الما رجع للزول الما انتحر .....كشكو..... و....... اولادو...... الطشو............ نفهم من كده انو تصالحتو ؟؟؟ ورجعت المياه ( الما معكرة ) لانـابـيـبـهـا اسـف اقصد لـمـجـاريها ؟؟؟
بالله اموت اعرف دى عملتها كيف يا حدق !!!!


#184081 [TIGER SHARK]
0.00/5 (0 صوت)

07-24-2011 11:40 PM


Actually, i would like to see ALHILO in Khartoum as new ruler of Sudan..!! why not


#183976 [طشاش]
0.00/5 (0 صوت)

07-24-2011 07:49 PM
صحي النوم يا صاحب الفيلا المليارية والكمرة المخفية وسلم كمان علي والي الولاية الغرقانة بالسيول المطرية


#183973 [المندهش شديييييييد]
0.00/5 (0 صوت)

07-24-2011 07:47 PM
شايفك فى الثوره الحارة 100 مع صاحبك ود الخدر ....غايتو جنسكسير ثلج


#183963 [hajabbakar]
0.00/5 (0 صوت)

07-24-2011 07:36 PM
الرئيس يكابر وبطانة السوء يزينون له سوء عمله
سنكرر نفس السيناريو الغبى فى كردفان والنيل الازرق
مع التعنت والخال الرئاسى فالقضية فى طريقها للتدويل اى ان الحركة الشعبية لاتثق فى الداخل ولابد من طرف ثالث شاهد واتفاقية اديس اكبر مثال على ذلك
وصدقنى ان العالم من حولنا لن يسكت على الفظاعات والتى ترتكب فى حق المدنيين الابرياء ومجلس الامن سيتدخل وكان راجيين الصين احسن ترجو الله فى الكريبة فهى من رضيت بوضع السودان تحت الفصل السابع فى سبيل مصالحها وحتى دولة اسرائيل طيلة صراعها مع العرب وتقتيلها لهم لم تسمح امريكا بوضعها تحت الفصل السابع ومازالت كل القرارات التى تصدر ضدها تحت الفصل السادس
يبدو اننا سنرغم وسنقاد من اذننا الى نيفاشا ثانية وستكون كالعلقم


#183906 [محمد أحمد الناجي]
0.00/5 (0 صوت)

07-24-2011 05:56 PM
ستسمع إن ناديت حياً ،، ،، و لكن لا حياة لمن تنادي


#183872 [سليمان قش]
0.00/5 (0 صوت)

07-24-2011 04:51 PM
والله بلغت ونحن برضو بنشهد علي التبليغ ...... لكن ياشيخ هل بلغت صاحبك ودالخضر الما بنظلم عندو احد والما رجع للزول الما انتحر كشكو واولادو الطشو ؟ نحن منتظرين النتيجة


#183863 [ابوالنصر]
0.00/5 (0 صوت)

07-24-2011 04:41 PM
اذا وقفت الحرب في جنوب كردفان بيوت كتيرة حايصبها الجوع من ضمنها الانتباهة والهندي الامعة والدكتور ابوجضوم وكذلك جريدتكم اما سياسيا الموتمر الوطني غير قادر على ادارة البلد سياسيا او اقتصاديا اوجتماعيا لذلك فشل في ادارة الدولة نرجوك ان يكون مقالك القادم نصيحة لهم بالرحيل ( الهروب ) كمان ماتنسى تكلم والي الخرطوم في موضوع الرجل صاحب الكشك الي ما انتحر ياعصمان


#183861 [محمد]
0.00/5 (0 صوت)

07-24-2011 04:39 PM
استاذى العزيز عثمان ميرغنى-لك التحية والود
الحلو وغيره كانو جنودا فى الحركه الشغبيه ضدالجيش وما زالو يقاتلون-والحركه لم تناقش اوضاعهم لا فى نيفلشا ولا غيرها-وحتى الان لم تقدم لهم شيئاغير الدعم العسكرى الذى تنفذ الحركه من خلاله العكننه والضغط للشمال---وحرب جنوب كردفان كلنا نعلم من ابتدرها -- والحلو دا حتى لو فاز فى الانتخابات حيكون خازوق زى مالك عقار وكل همهم انفسهم فقط وليس بالضروره ان يكون الانسان واليا ليخدم اهله-- و زى ما مالك عقار ركب الهمر ورطب هو زاتو لازم يرطب ةيرتاح من زهج مرض السكرى====
عليك الله باعثمان زول والى للنيل الازرق يركب همر==اظنك شفت الدمازين===
فوالله ياعثمان لا الحكومه فيها خير ولا المهارضه فيها خير--والصحف مليانه بالمويه العكرانه ونحن فى الجزيره دى بنشرب فيها بالسنين عكرانه وبتتكلمو عن مشاكل العاصمه فقط وقطوعات الكهرباء وعكر المويه---تعالو مارقين شوفو الولايات فيها شنو وخلو الحلو للجيش هو عارف اعمل معاهو شنو--


#183845 [مصطفي .م.صالح]
0.00/5 (0 صوت)

07-24-2011 04:29 PM
انا شايف الموضوع من وجهة نظري انو الحلو وعقار وياسر عرمان وبالذات عقار ان الامر امر مواقع في الحكم لانه الحلو وعقار بدون جيش الحركه في الشمال لايستقيم الامر لهما في منازلة المؤتمر الوطني خاصة المؤتمر الوطني يمتلك عدد من الكروت الحمراء لازالة عقار والحلو من الملعب بحجة اللعب الخشن وبالتالي سيفقد عقار منصبه كوالي للنيل الازرق وهو يدري تماما انه جاء بانتخابات مزوره اما الحلو فقد خرج من الملعب بالكرت الاحمر عند فوز هارون عليه بالضربه القاضيه في انتخابات الوالي اما عرمان فهو مؤجج النيران ومنسق الحركه في تأزيم الموقف بين الطرفين وهو في كل الاحوال لاعب خاسر...!!!


#183794 [يحيى العمدة]
0.00/5 (0 صوت)

07-24-2011 03:24 PM
الباشمهندس المبدع عثمان
اولا اشيد برجاحة عقلك و منهجك العقلانى فى طرح القضايا واختيارك الموفق لقضايا الساعة ، مما لا جدال فيه ان الحركة الشعبية هى جسم سياسى بغض النظر عن اتفاقنا نعهم حول طرحهم السياسى ورؤيتهم لما ينبغى ان يكون عليه الوطن ، وان قضايا الوطن وخاصة تلك المتعلقة بالمطالب السياسية ، ولا سبيل لحلها غير الحوار والتفاوض وصولا الى تراضى ، واعتماد الحلول الامنية لا يفيد فى كل الاحيان ، وما قام به الدكتور نافع لا اعتقد انه خروج عن النص بل يندرج تحت باب الحرص ولا يتطلب كل حملات النقد اللاذع والتصريحات التى ادلى بها بعض المتطرفين والمتشددين ،ولا ندرى ما هية تلك الحلول التى يسعون اليها ، لادخال البلاد فى دوامة الازمات ، ان قضايا الوطن لم تعد تحتمل المزيد من الازمات ، ولا اخفى عليك شكى فى بعض المتشددين فى داخل المؤتمر الوطنى وخاصة الاقصائيون من الذين يعتقدون فى نظرية العنف والاقصاء ،فهؤلاء اذا ترك امر البلاد لهم لقسموها الى كيمان مرارة وجعلوا منه جزر منفصلة 0 انه وقت تحكيم العقل فدول الجوار من حولنا قد ادخلت فى فوضى بلا منتهى بسبب تعنت ساستها ممن يستخدمون عضلاتهم ويعانون من مرض جنون العظمة والقوة 0
ينبغى محاصرة بؤر الصراعات واعتماد حوارات شفافة ، وحسم المتفلتين وابعادهم عن مراكز صناعة القرار قبل فوات الامان وتعقد الامور


#183786 [شيخ تلب]
0.00/5 (0 صوت)

07-24-2011 03:08 PM
الباش عصمان ناس الحركة قالوا ما عاوزين تفاوض الا بوساطة خارجية اها نرجع للزول بتاع الكشك .. واولادو الطشو .. والفيلا الميارية .. وكاميرتكم الختفها بتاع الركشة ؟


#183784 [د. طه بامكار]
0.00/5 (0 صوت)

07-24-2011 03:07 PM
ما زالت هنالك قضايا في مرحلة الحل ليس في كردفان وحدها ولكن في شرق السودان... اخوتي نحن نموت جوعا ومسغبة ان كان الاخرون يموتون بالرصاص


#183776 [صابر]
0.00/5 (0 صوت)

07-24-2011 02:55 PM
(اشتدت في وجهه رياح المعارضة من قيادة المؤتمر الوطني..)

خدع نافع الجميع بان التراجع عن الاتفاق تم بعد اعتراض قواعد وقيادة المؤتمر الوطني

والحقيقة ان قيادات الموتمر الوطني لم تكن لها الجرأة لتعترض علي تصرفات نافع ، ويذكر الجميع ان اول من رفض الاتفاقية هو الخال الطيب مصطفي وكتب مقاله المعروف وكان البشير خارج السودان . وقد ضرب الخال عصفورين بحجر واحد . فقد اتته الفرصة من ذهب لضرب نافع الضربة القاضية وقد كان يتابع بتململ تقدم نافع في صناعة القرار السوداني رغم تناغم الاخير معه في الاسلوب . والعصفور الثاني هو سياسته المعلنة برفض العناصر غير العربية في السودان.
المهم اقنع الخال ابن الاخت بالاعتراض وبان نافع لم يرجع له في اتخاذ القرار.
وعليه رجع البشير واعلن ذلك من مسجدهم بكافوري .


وقد كادت الضربة القاضيةان تصيب نافع و ان (تلحقو) قوش ، ولكن نافع اخبث من ذلك فقد سارع بالاشاعة في وسط الحزب ما يوحي بانه يتقبل راي المكتب القيادي للحزب وعليه حرك بعض الصحفيين امثال الهندي عز الدين ليكتبوا اعتراضهم مع شوية تهديد بالقواعد ، وبهذا يحفظ شيئ من ماء وجهه . فالتراجع بناءا على راي المكتب القيادي للحزب والانبطاح له افضل من الضربة القاضية التي وجهها الطيب مصطفي مستخدما يد البشير .





#183760 [nasreldeen ]
0.00/5 (0 صوت)

07-24-2011 02:31 PM
سؤال واحد فقط على هذه الحكومة أن تجيب عليه :
ماذا تريد من الحرب الحادثة الآن فى جنوب كردفان ؟


ردود على nasreldeen
Sudan [عمر ] 07-24-2011 09:32 PM
و سؤال واحد عليك ان تجيب عليه من الذي بدأ الحرب واعلنها ضد الحكومة


#183747 [الساير]
0.00/5 (0 صوت)

07-24-2011 02:13 PM

حتي الآن تنظر الحكومة لقضية جنوب كردفان بنظارة سوداء ولكن نخشي من الفأس التي تكسر الرأس ونتحسر بعدها علي ضياع البنطلون بعد ان ضاع الجبون والكشك .
ورويدا رويدا نعدم القميص ونبقي علي الملابس الداخلية وبقية الأولاد الما طشو .



#183714 [محمد]
0.00/5 (0 صوت)

07-24-2011 01:28 PM
الحركه الشعبيه اذا اتيحت لها العل السياسى ستحرق حرامية المؤتمر الوطنى

وبعدين مين قال ليك المؤمر الوطنى عايز السلام

المؤتمر عايز ياجج نار الحرب

حتى تصل كردفان لتقرير المصير وتفصل عن السودان

ويفضل ليهم السودان الوهم عرب جت

اه يا وهم




عثمان ميرغني
عثمان ميرغني

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة