تحسين نسل..!ا
07-29-2011 11:52 PM

حديث المدينة

تحسين نسل..!!

عثمان ميرغني

خبر طريف جداً نشرته صحف الأمس.. في عطبرة رجل انتحل صفة (طبيب) وظل يعمل في مستشفى عطبرة لمدة (6) سنوات كاملة.. يكشف على المرضى.. يحلل ويشخص.. ثم يكتب الروشتة.. بل ويجري عمليات جراحية.. وآخر الشهر يتسلّم الماهية.. على سنة الله ورسوله.. بل ربما يشارك في إضراب الأطباء احتجاجاً على (ضعف!!) الراتب.. ورغم خطورة الأمر.. لكن احسبوا معي الخسائر.. فلنقل إن هذا الطبيب تسبب في انتقال (عشرات!) المرضى إلى الدار الأخرى.. وضعفهم سبب لهم أذىً جسيماً.. وضعف ضعفهم تسبب في تأخر شفائهم.. وحوالي عشرة فقط كان من ضربة الحظ أنهم شفوا على يديه.. تلك هي كل الخسائر.. لكن تعالوا معي واحسبوا خسائر رجل آخر.. هو أيضاً منتحل.. و(ابن ستين!) منتحل.. رجل منتحل صفة (سياسي)..!! من ماتوا تحت يديه عشرات الآلاف.. أذى نفسي ومادي جسيم مئات الآلاف.. تعاسة وشقاء.. ثلاثون مليون (تم خصم الجنوبيين من الحسبة بعد انفصالهم).. وتعطيل مسيرة التقدم للبلاد سنين طويلة.. من يلقي القبض على هذا المنتحل؟ من يقبض على السياسي الذي أتعسنا وأشقانا.. بالطبع لا أحد.. لماذا؟؟ لأن مهنة سياسي لا تحتاج إلى شهادة.. ولا معادلة.. ولا لقيد صحفي.. ولا يحزنون.. كل الذي تحتاجه.. متر لسان، وقلة إحسان.. وقد يذكر القراء ما رويته لهم.. عندما كنت أسير في السوق العربي راجلاً.. فاصطدمت فجأة بسياسي مخضرم.. سألته بكل دهشة (أين أنت هذه الأيام؟) أجابني بعفوية وتلقائية: ( لا.. أنا خلاص بطلت السياسة.. وبقيت إنسان منتج).. كانت عبارته العفوية غاية في الصدق لأنها فسرت الفرق بين السياسي وغير السياسي.. والفرق بكل بساطة أن الأخير (منتج).. الطبيب يكتب روشتة في ورقة صغيرة ليستخدمها (بني آدم) واحد فقط لا غير.. لكن السياسي يتخذ قراراً وهو يحتسي كوباً من الشاي فـ(يفلق) به رأس الملايين.. وقد تدفع البلاد كلها ثمن (قراره!).. ومع ذلك مطلوب من الطبيب أن يكمل كلية الطب.. ويسجل في المجلس الطبي.. ويكمل فترة الامتياز، وما أدراك ما الامتياز، والخدمة الوطنية.. وسهر في المستشفى حتى يتدرب.. لكن السياسي، كفاحاً، من بطن أمه يقفز ليبقر بطن البلد. ألا يمكن البحث عن وسيلة لتحسين نسل الساسة؟ لا تقولوا لي شهادات.. فهي سهلة فهناك ساسة لديهم دكتوراة!! رغم أنهم ما كتبوا فيها سطراً واحداً (وهل نسيتم أن جامعة الخرطوم منحت العقيد القذافي دكتوراة.. ثم سحبتها منه لما اتضح لها أنه ساقط ساقط لا محالة..).. ولا تقولوا لي (نحلفهم القسم!!).. مثل الأطباء.. فإخواننا المصريون لديهم مثل شعبي يقول.. (قالوا للحرامي أحلف.. قال جالك الفرج..)

التيار


تعليقات 21 | إهداء 0 | زيارات 4403

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#188084 [الرمنتـــوج]
0.00/5 (0 صوت)

07-31-2011 09:49 AM
يا أخـــوان أكبروا وكبروا مـــوضوع زول الكشك ده أكان واضح كسير تلج ..... ومكنة شكلها ماقسمت كدي خلـــونا شوية نشوف قصـــة (قالوا للحرامي أحلف.. قال جالك الفرج..)

رائك شنو يا ود ميرغني في الزووول الكبير بتاعكم ده القدا إضنينا بالطلاقات والقســــم وكل مرة بيطلع كدااااااابة ساكت!!!!!


#187884 [anonymous]
0.00/5 (0 صوت)

07-30-2011 09:18 PM
الاخ المندهش جدا جدا : ياخى ممكن تضمونى لمجموعة الزول بتاع الكشك ؟ لانه صاحبك ده فقع مرارتى


#187791 [بشير]
0.00/5 (0 صوت)

07-30-2011 05:57 PM
الزول ده قاصد الطيب دلوكة....صاح يا عثماااااان؟؟؟


#187770 [المندهش جداجدا]
0.00/5 (0 صوت)

07-30-2011 05:20 PM
ياشيخ عثمااااااااااااااااااااااااان خليك شجاع وورينا ود الخدر سوى للزول بتاع الكشك شنو ؟ وبعد داك بنتم الحكايه برااانا اكيد اموروا حاتكون اتصلحت وظبت كشكو واولادو رجعوا وهو بطل ينتحر وعايش مع وليداتو فى احسن حال .......... ويسلملى ود الخدر المابنظلم عندوا احد .......وشايفك فى الثورة الحاره 100تكسر فى التلج سااااااكت


#187762 [بت الخرطوم]
0.00/5 (0 صوت)

07-30-2011 05:07 PM
دعوة لاجتماع هام وعاجل لاعضاء رابطة الزول الما انتحر وما رجعوا ليهوالكشك والاولادو طشو يدعوكم الزول الكان سمح (ومازال سمح )لاجتماع عاجل لدراسةحالة الرجل الذى فقد ظلة اجندة الاجتماع تحليل شخصية عثمان ميرغنى المهندس صاحب شركة الالكترونات الهندسية وعثمان صاحب صحيفة التيار وعثمان الكان عايز يكون نائب وما عارفين سقط ولا انسحب وعثمان صاحب ود الخدر وعثمان دغمسة الكب الزوغة


#187715 [ساجور]
0.00/5 (0 صوت)

07-30-2011 03:47 PM
لي جار سكن معنا في الحي عدة سنوات وهو رجل بسيط عامل بوفيه في إحدي المؤسسات الإنقاذيه الشيطانيه المتفرده في لهف أموالنا وتحويلها في لمح البصر إلي جيوب متنفذيها من أبالسة الإنقاذ اللصوص أكلي قوت المساكين وهذه المؤسسه لم تنشأ إلا لسرقة أموال البلد وعلي عينك ياتاجر وقد كان المال فيها سايب لدرجة يندي لها جبين مولود عمر شهرين فما كان علي جارنا إلا أن إنضم لهتيفتهم ومشايعيهم ومنافقي الأنقاذ المشؤمه وفي غضون ثلاث أشهر أو أربعه صار جارنا العزيز نائبا لرئيس تلك المؤسسه وللعلم حظ جارنا المذكور في العلم والفهم لا يتعدي مرحلة كتابة إسمه وهو الأن يمتطي الفارهات الفخمه من السيارات وتطاول في البنيان وينكح في النساء مثني وثلاث


#187658 [حمدان]
0.00/5 (0 صوت)

07-30-2011 02:15 PM
ياصاحب الوالى هوى طريقة زوغه ماعندك انت معاهم معاهم اركز بس


#187644 [راجل المرا]
0.00/5 (0 صوت)

07-30-2011 01:59 PM
يا عثمان انا داير انتحر
ممكن تكلم لى ودالخدر يلحقنى
وبعدين داير اطمنك انو ما عندى كشك...... يعنى موضوعى اسهل من زولكم داك
اتلب وللا ارجاكم؟؟؟؟؟


#187639 [حسين]
0.00/5 (0 صوت)

07-30-2011 01:50 PM
وبنفس المنطق طيب وايش علاقتك بالصحافة يا باش مهندس !!!!


#187624 [سلك]
0.00/5 (0 صوت)

07-30-2011 01:25 PM
بعض التعليقات في الراكوبة صارت المادة الخام المكونة لبعض مقالات كتاب الاعمدة!
ياااااخي نحن في السلك!!!


#187603 [wedhamid]
0.00/5 (0 صوت)

07-30-2011 01:05 PM

يا عثمان افندى .......... بالله عليك ده ما غب. منك تمسك فى موضوع غبى زى دا تعمل ليك بيهو موضوع ؟؟
اولا ....كان حريا ان تعرف ان خبر ذاك الذى سمى طبيب.. زائف وغير حقيقى و انت ابو الاعلام تصدق مثل هذه الترهات ؟؟؟ فعلا انتو اعلام غفلة و كمان زى وزيركم ابو حقنه و وزيرة الدولة بتاعتو و الخبير الوطنى بتاعو دوك !!!!
ثم .....بالذمه وين السياسيين القصدتهم ديل ؟؟؟؟؟؟ ديل الجماعة بتاعين هى لله هى لله ؟؟؟ و ما لدنيا قد عملنا !!!!! هم ديل سياسيين؟؟؟ هى هنا المفارقة لانو السياسى بيعمل للدنيا .... يعنى لخدمة الجماهير و البيعمل للآخرة يلزم العبادات و الفرائض و بعدين بدون اى مناسبه اقحمت فى الموضوع حكاية القسم دى و نحن فهمنا قصدك يا حدق....... انت قصدت الزول الادى القسم للحفاظ على وحدة البلاد و لسان حالو بيقول المثل الشعبي المصرى.. (قالوا للحرامي أحلف.. قال جالك الفرج..) ... وانا خايف بعدين صاحبك الوالى ود الخدر........الما بنظلم عندو احد....... و... الما رجع للزول الما انتحر..... كشكو..... و.... اولادو...... الطشو....... يفهم الحكايه دى و يزعل منك أوى !!



#187597 [مندي]
0.00/5 (0 صوت)

07-30-2011 12:59 PM
الاخ سليمان قش نحن معك حتي النهاية انت والزول الكان سمح والبقية حتي يفهم الباشمهندس ان الاعيبهم ما عادت تجدي ولن نسمح لاحد ان يتخيل انه يضحك علينا وبرضو بسال الباشمهندس عن الزول الكان داير ينتحر ولسة ما انتحر والاولادو طشو ولسة ما رجعوا وسنظل نسال حتي يخبرنا الباشمهندس بالحقيقة او يعتذر عن ما خطته يداه في تمجيد ود الخضر


#187593 [Nagi]
0.00/5 (0 صوت)

07-30-2011 12:52 PM
لا باس مش بطال

لكن

الكشك الكشك


#187576 [أبومحمد]
0.00/5 (0 صوت)

07-30-2011 12:32 PM
لا يعجبنى وقوف الكثيرين فى عتبة باب الرجل الذى فقد كشكه لا يتجاوزونها لمستقبل القضايا المطروحة من قبل الكاتب، فأرجو ان نتسامى لنتقدم.
التأهيل وما أدراك ما التأهيل والحكومة تُعين فى المناصب بالولاء ولو كان كاذباً ومغشوشاً لذلك ظهر مثل هذا الطبيب الكاذب، وأؤكد لكم أن مثله كثيرون فى مواقع شتى، فقط عليكم مراجعة سجلات كل فرد ومتابعة شهاداته فى مصدرها الذى يدعيه فلن نجد غير السراب. بل إن كثيراً ممن يدعون الدرجات العلمية العليا هي محض كذب وتزوير لحقيقتهم. لقد سمحت الحكومة لهؤلاء الأدعياء بالتطاول والظهور بما اختطه لعملها فى الخدمة المدنية بتقريب المدعين والنكرات وتقديم من لا علم له ولا خبرة، بل أضفت على بعض الجُهال صفة الخبير فى مفارقة واضحة لتعريف الخبير، وذلك حلاً لمشاكل بعضهم ممن فقد وظيفته السياسية. بالله كيف يصير السياسى خبيراً وطنياً بمجرد تسنمه منصب دستورى وهو لا يعرف من الخبرة غير جرة القلم؟ كيف يطيق هؤلاء الساسة اكل اموالنا بالباطل ودون وجه حق فقط لأنهم ساسة؟


#187557 [مغبون]
0.00/5 (0 صوت)

07-30-2011 12:14 PM
اختلف معك يا عثمان نحن سياسينا لديهم شهادات مغامرة بداية من تكوين شلة والقيام باكرا في الصباح والسطو علي السلطة بواسطة دبابه ومن ثم اصدار القرارات بقتل هذا وسجن ذلك ومنع الرزق من هذا ولا تنسي يشجعهم مجموعة من السياسين حياتهم كل كذب ونفاق واحاديثهم واقوالهم حسب الظرف فأن هم في السلطة ستجد لحديثهم طعم ولون آخر وان هم خارجها فحديثهم آخر هذا ما ابتلينا به
اما شهادات جامعة الخرطوم وشهادات الدكتوراة والماجستير كلها مسميات يمكن الحصول عليها بعد عملية السطو وفي النهاية الحياة كلها هي لله


#187556 [بت الخرطوم]
0.00/5 (0 صوت)

07-30-2011 12:14 PM
يا صاحب ود الخدر سيب الف والدوران وخليك شجاعة ورينا السياسى المدغمس القرارات خطيرة منو صاحبك ما بظلم احد ولا البشير ولانافع ولانقول شيخ على ولا كبببيرهم الذى اوصلهم القصر وتغدوا بيه قبل ما اتعشا بيهم هوووووووووووى يا ود ميرغنى سيب الدغمسة وبقى راجل مالى هدومك وسيب الرجفة ولا تخف الا من خلقك وناصر الحق ومن استعانة بك قبل ما ينتخر وكنت عايز تغدر بيه وتسلموا الشرطة وفى النهاية عملت شنو عرضت موضوعه لصاحبك وموت يا حمار والمسكين لارجعوا ليهو كشكو ولا لما فى اولادو ومازال المسلسل مستمر ودى سياستنا وديل هم السياسين الدين تقصدهم ;) ;) ;)


ردود على بت الخرطوم
Saudi Arabia [wahied] 07-31-2011 12:05 AM
كبيرهم الذى اوصلهم للقصـــر تعبير جميل جميل يا بت الخرطوم لكن المصيبة الكبيرة انهم لا يحترمون كبيرهم ولا يوقرون صغيرهم فقد وقع على شيخهم المثل المشهور (( جزاء سنمار )) بنى سنمار قصرا منيفا تكلم به العرب والعجم وكان جزاءه الموت رميا من رأس القصر اما كبيرهم الذى ادخلهم القصر فقد بنى لهم دولة شاسعة وقلدهم مناصب عليا عسكرية ومدنية وكان جزاءه ايضا القذف به من خارج حلبة الحكم . الترابى دا صراحة شخصية قوية تحير الانسان انا متأكد الذى حصل له من هؤلاء الكيزان دا لو شخص ثانى كان زمان مات وشبع موت هما ونكدا .


#187518 [الطاعون - عضو رابطة الكشك]
0.00/5 (0 صوت)

07-30-2011 11:20 AM
(( وقد يذكر القراء ما رويته لهم.. عندما كنت أسير في السوق العربي راجلاً.. فاصطدمت فجأة بسياسي مخضرم..))
المكان دا وين للكشك - الكشك بتاع الزول الوديتو لصاحبك ود الخضر الما بنظلم عنده حد والما رجع للزول الما انتحر كشكو واولاده طشو-
سوف نستخف بكل من يستخف بعقولنا


#187465 [ابو صالح]
0.00/5 (0 صوت)

07-30-2011 09:51 AM
البشير رجل صالح لا يمكن مقارنته بهتلر او موسليني او حتى ستالين. البشير اعترف بانه قتل 10 الاف فقط في دارفور و يسعى حاليا لمضاعفة العدد في جنوب كردفان و بعدها النيل الازرق من اجل مهمة نبيلة ان يكون البلد لسانها واحد و لونها واحد و بلا دغمسة .

البشير ساعد الجنوبيين على الاستقلال فاخذوا معهم بضع الالاف من الكيلومترات من ارض السودان الشاسعة التي لم نستفد منها شيئا و نتقاتل من اجلها. الغابات الكثيفة و المياه الوفيرة و البترول و الطيور و وحيد القرن - هل تذكرون هذا الحيوان؟

اهل دارفور يتهجدون ليبقى البشير حتى يتم انفصالهم علي يديه ثم يذبح خاله الرئاسي ثورا و يقسم لحمه على المصريين.



#187455 [zoal]
0.00/5 (0 صوت)

07-30-2011 09:34 AM
في مجال العلوم السياسية يعرف السياسي بانة ذلك الشخص الذي يعمل ليوفر لجميع اعضاء المجتمع في مهنهم وحرفهم الظروف المناسبة لاداء عملهم وابداعهم وقد كشفت الثورات العربية نوعية الاشخاص الذين يعملون بالسياسة ظهر اولا السياسي الذي يستعين بالبلطجية والشبيحة والان نحن في مرحلة السياسي البلطجي ودونكم ما نراه ونسمعة هذه الايام .


#187445 [سليمان قش]
0.00/5 (0 صوت)

07-30-2011 09:17 AM
كويس ياعثمان مرغني السياسيين ديل ياعثمان المفروض انت والصحافة رقيب عليهم ومن المفترض الشعب طبعا دا لو كان في دمقراطية !!!لكن طول ما حزبكم الفاشل دا حاكم لابد ان ينتج لنا مثل هؤلاء الساسه ان صح التعبير وعل سبيل المثال صاحبك ود الخضر الما بنظلم عندو احد والما رجع للزول الما انتحر كشكو واولادو الطشو ( نكاية فيك يا جادو)


#187385 [عبد المنعم]
0.00/5 (0 صوت)

07-30-2011 04:18 AM
يا عثمان الراجل ادوه الكشك واخبار اولاده شنو..


عثمان ميرغني
عثمان ميرغني

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة