المقالات
السياسة
ارشيف مقالات سياسية
رسالة الى السيد (حرامي)اا
رسالة الى السيد (حرامي)اا
08-09-2011 01:05 PM

الناس والحياة

أمل هباني

رسالة الى السيد (حرامي)

أوردت صحيفة حكايات في عددها يوم امس أن لصا أو مجموعة لصوص قاموا بسرقة ركشة ،أثناء تأدية صاحبها لصلاة التراويح في المسجد...وقيل إنه -أي صاحبها- قد فتش الحلة مكان السرقة (زقاق زقاق) ...وعاد و(خشمه ملح ....ملح) وهذه من عندي...
* ومنذ فترة، تحديدا منذ تفجر ثورات الياسمين والريحان في الوطن العربي وأنا أشفق على لصوصنا العاديين الطيبين الذين يستعملون وسائل قمة في البدائية والسذاجة مقارنة بوسائل أساليب (طوال العمر) حكامنا الأماجد الذين ذهبوا والذين ينتظرون ...والذين فاقوا أعتى حرامي بلطجة ولصوصية
مثلك ايها الحرامي الذي سرقت ركشة الشاب التي قد يكون دفع (دم قلبو) فيها ومازال يسدد في اقساطها..هذا إن لم يكن (شاديها) أي (مستلفها) من زميل آخر رغب في مساعدته حتى يطلع بيومية محترمة آخر الليل ....وهذه حركة تكافلية شائعة وسط سائقي الركشات، فكثير منهم ينطبق عليهم المثل (الفقرا اتقاسموا النبقة) ....وهذه (النبقة) قد تكون عائلة لأكثر من أسرة، وحائلة دون ضياع شاب يدفع مصروفات الجامعة من دخلها، أو شابة تدرس في برنامج دبلوم عالي أو ماجستير، بعد أن ظلت لعدة سنوات عاطلة عن العمل
* ومصدر إشفاقي هو انك وعدد كبير من الحرامية البدائيين الذين يكتفون بنط الحيطة او الاختلاس او سرقة ركشة مثل ما فعلت، لا يعلمون انهم يدخلون انفسهم في مخاطر بلا حدود من ملطشة وضرب وسجن من أجل الفتات..في حين ان اللصوص والحرامية (الكبار) نهابين لدرجة التقزز وما تسرقه أنت وأمثالك مجرد قزقزة بالنسبة لهم ... وعلى الرغم من ذلك يحظون بالاحترام والتقدير من المجتمع، بل إن احدهم يدعى (بالشيخ) ... ..ويحمل مسبحة يستغفر الله بها في حله وترحاله، ويدعو للناس ويؤم الناس في صلاة التراويح كالتي ذهب اليها سائق الركشة المسكين، وأوقعه حظه العاثر في شرور أعمالك. وقد تتسبب في هجران هذا الرجل لصلاة التراويح بسبب فقدانه دابته تلك ..لذلك أيها اللص البائس أرجو ك واستسمحك في أن تعيد لهذا المسكين ركشته...فيكفيه سرقة (لاولاد الأصول) الذين يسرقون ملايين الملايين من قوت الملايين..و...
بتسرق ملاية
وغيرك بيسرق
خروف السماية
في واحد تصدق
بيسرق ولاية..ده أصل الحكاية وضروري النضال
أو كما قال شاعر الشعب محجوب شريف.

الاخبار


تعليقات 8 | إهداء 0 | زيارات 5076

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#194010 [ككو حليمة]
0.00/5 (0 صوت)

08-13-2011 12:01 AM
دا كلام شنو دا يا بنيتي؟ والله قصتك دي خلتني انسي موضوع امل بت هباني الماعندها شغلة دي وافكر في موضوعك، نحن مالنا ومال الرقشات؟؟ إنتي يا بتي الشايلة قروشك ونازل بيها الخليج العربي والفارسي ، خلي بالك الخلايج دي فيها الحرامية وفيهن الناس العيونا طايرة هسع كان ما الله ستر وغطاكي وكان ما القروش دي كانت قروش حلال ما كان شالوها ناس المعارضة وجو هاجمونا بيها فيييي عقر دارنا دا ، وكان خشمنا كان يكون ملح ملح زي ما قالت امل هباني؟، دحين اعملي حسابك وما تنسي وصيتي وهاكي ليها: وطنكن دا قروشو انهبي ، وإقتصادو دا انزلي فيهو و دمري ،الريال والدولار من السوق شيلي قشي، وقروش رسوم صادرات النفط دي من هسع احتكري، وكان لي ضرايب داك اوعة تدفعي، امشي لي بنوكة وسيولة كلو لي دهب حولي، وسوي زي اخيتيك ما سوت احجز ليك خزنة وفي بلاد لندن امشي ختي ،وكان ناس ديوان زكاة سألاك من وقياتو اوعة تنضمي واعملي فيها إسرائيلية و مصهيني، وحتي كان مدير بتاع حج ناداك خشمك دا ولا تفتحي وابقي بي ريالاتك حندكي، وكان هناي بتاع الهناي إتقدم ليك و خطباك ما تختشي طوالي ارفضي ، دا راجل مرة وطماع ومفتري وما يغشكي ..... والله يخليكي للنهب والسلب دا مال سايب ياااااااااا بتي!


#192986 [اسامة الكردي]
0.00/5 (0 صوت)

08-10-2011 02:14 PM
سرقة مال الشعب مقدور عليها
لكن سرقة الوطن وتفتيته وبيعه لن بستطيع أيا كان تحملها ، حتى النصابين نفسهم سوف يندمون على هذا التصرف الجبان ولكن لاسف بعد فوات الأوان


#192910 [معاوية]
0.00/5 (0 صوت)

08-10-2011 11:43 AM
مال الحرام بدا يظهر فوق وشى وداد ذاته ربنا ينتقم منهم دنيا واخرهان شاء الله


#192648 [alitaha]
0.00/5 (0 صوت)

08-09-2011 04:54 PM
معذرة تعديل واضافة
نقلا عن تعليقات القراء بالراكوبة

قبل يومين ياسادة طبيعة عملنا في ادارة احدي المراكزالتجارية في مدينة الرياض وبالتحديد في حي العليا جاء صباح العمل سودانين قالو عندنا بعثة دبلوماسية سودانية جات امس المركزا لتجاري هنا اتسوقت ونست شنطة في قروش قلنا ليهم وضحو اكثر شنو يعني بعثة دبلوماسية سودانية حددو الشخص النسا الشنطة بالضبط قالو دي اخت حرم رئيس الجمهورية اتخذنا اجراءتنا في المحلات التجارية الموجودة عندنا في المركز قلنا ليهم امس في واحدة جات هنا معاها راجلين ونست شنطة فيها قروش ،في واحد بتاع محل ببيع ساعات مرصعة بالالماس والذهب معروف المحل دا مابجوه غير الشيوخ والامراء قال المرةد ي جات الساعة 12 بعد منتصف الليل ( في رمضان ) وكنت جاي ابلغ عن الموضوع دا بس انتو سبقتونا المهم ياسادة قبل مانسلمهم الشنطة فتحناالشنطة عشان نشوف المبالغ الفيها لقينا فيها مبالغ كاش عبارة عن مائة الف دولار امريكي ومئتان وعشرون الف ريال سعودي والمرة الموجودة هي الاخت الصغري لزوجة الرئيس السوداني وداد بابكر وجات هنا الممكلة العربية السعودي الرياض عشان تزور حرم الرئيس فاطمة خالد طريحة مستشفي اللك خالد التخصصي في الرياض .
الاخ زول

فعلا باين عليهو مال حلال من حر مالها وعرق جبينها


ردود على alitaha
Malaysia [بكرى ابو صلاح] 08-09-2011 07:22 PM
( مائة الف دولار امريكي ومئتان وعشرون الف ريال سعودي ), والله انت محظوظ عديل كدة مسكت وحسبت الفلوس دى كلها بيدك والله بختك


#192628 [زول]
0.00/5 (0 صوت)

08-09-2011 04:15 PM
اسع تجد المسكينة تقول ده مال حلال


#192554 [سومي العسل - الدمام]
0.00/5 (0 صوت)

08-09-2011 02:31 PM
ديل سرقوا البلد كلها ..


#192521 [alitaha]
0.00/5 (0 صوت)

08-09-2011 01:58 PM
بدون تعليق...
نقلا عن تعليقات القراء بالراكوبة..كاتب من السعودية...

قبل يومين ياسادة طبيعة عملنا في ادارة احدي المراكزالتجارية في مدينة الرياض وبالتحديد في حي العليا جاء صباح العمل سودانين قالو عندنا بعثة دبلوماسية سودانية جات امس المركزا لتجاري هنا اتسوقت ونست شنطة في قروش قلنا ليهم وضحو اكثر شنو يعني بعثة دبلوماسية سودانية حددو الشخص النسا الشنطة بالضبط قالو دي اخت حرم رئيس الجمهورية اتخذنا اجراءتنا في المحلات التجارية الموجودة عندنا في المركز قلنا ليهم امس في واحدة جات هنا معاها راجلين ونست شنطة فيها قروش ،في واحد بتاع محل ببيع ساعات مرصعة بالالماس والذهب معروف المحل دا مابجوه غير الشيوخ والامراء قال المرةد ي جات الساعة 12 بعد منتصف الليل ( في رمضان ) وكنت جاي ابلغ عن الموضوع دا بس انتو سبقتونا المهم ياسادة قبل مانسلمهم الشنطة فتحناالشنطة عشان نشوف المبالغ الفيها لقينا فيها مبالغ كاش عبارة عن مائة الف دولار


#192513 [alitaha]
0.00/5 (0 صوت)

08-09-2011 01:43 PM
غايتو انا المزعلني يا استاذه حسادتكم لي ناس الانقاذ ديل..الناس ديل شغالين ليكم اكتر من عشرين سنة لا كلو لا ملو لا زهجو لا قالو الروب..وقت لي اسرهم ما عندهم وواحدين منهم ما عندهم وقت حتي ينجبوا ذرية..فيها ايه لو سرقو ليهم او نقول استلفو شوية ملايين وختوها في بنوك بره وبنوا ليهم شوية عمارات لاولادهم ومساجد لابواتهم..بطلو حسادة بقي وادعو ليهم في صلاة التراويح ربنا يدهم طولة العمر..


ردود على alitaha
Malaysia [بكرى ابو صلاح] 08-09-2011 07:15 PM
كمان اخت وداد والله حكاية , حرام عليك يا شيخ دى كلها شوية فلوس فقط للتسوق لتلك اللحظة والمبلغ الجامد مودع فى داخل (السيفتى بوكس) غايتو الله اداهم , بلد امه ميتة


أمل هباني
أمل هباني

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة