الحوار المجتمعي دا شنو وكان وين؟
02-10-2016 12:07 PM


سألني سائل بسيط أرهقه الاختناق المروري الذي شهدته الخرطوم يوم الاثنين أول من أمس، عن سبب هذه (الجوطة)، قلت سبب هذه الزحمة يعود لإغلاق بعض الشوارع الرئيسية، قال ولماذا أغلقت هذه الشوارع، قلت لتيسير حركة المسيرة المتجهة إلى ساحة الشهداء لتسليم الرئيس مخرجات الحوار المجتمعي، قال والحوار المجتمعي دا شنو كمان وكان وين، قلت والله كان وين دي ما بقدر أجزم بيها، بس أنا قريت قبل كدا في الجرايد أنو كان في لقاء تم في قاعة الصداقة تحت عنوان الحوار المجتمعي، واللقاء دا كان فيهو أعيان من المجتمع من قادة إدارة أهلية وأئمة مساجد ودعاة وأساتذة جامعات وخبراء في مجالات مختلفة ومبدعين، فيهم شعراء وموسيقيين وغنايين وغيرهم، واللقاء دا كان خاطبو الرئيس، وبعد داك كنت مرة مرة بقرا في الجرايد أنو في ندوة عملوها في الحي الفلاني وفي الحتة العلانية (من الحتات الباعوها مش الوالي قال الحتات كلها باعوها)، وقالوا عن الندوات دي أنها ندوات الحوار المجتمعي، وعشان أكون أمين معاك يا أخينا دا الأنا عارفو ويمكن أكون أنا غلطان، جايز يكون الحوار المجتمعي دا عملوهو في حتات أنا ما خابرها، أما سؤالك عن الحوار المجتمعي دا شنو، برضو بقول ليك بأمانة الحوار المجتمعي الأنا بعرفو...
الحوار المجتمعي في الحقيقة حوار مهم وما أفتكر في خلاف عليهو، وأهمية الحوار دا جاية من معانيهو ودلالاتو، فمن أهميتو أنو بيهتم بمبدأ المشاركة المجتمعية ودي بيعملها بي أنو بيدي الفرصة لكل الناس عشان ما يساهموا في تغيير حياتم للأفضل بشكل شامل، عشان ما ينهضوا بأنفسم وبمجتمعم بحسب ماهم عايزين، وبكدا يكون المجتمع هو البقود بلدو باستنهاض الهمم ومشاركة الناس كلهم، شيب وشباب رجال ونساء طلاب وعاملين مدراء وموظفين ورجال دين، بأفكارم ومقترحاتم لحلحلة المشاكل والأزمات والتحديات إذا كانت اقتصادية أو اجتماعية تواجه المجتمع ويتناقشوا فيها ويتداولوا حولها بكل جرأة ووضوح وبكامل الحرية.. دا باختصار يا أخينا الحوار المجتمعي الأنا بعرفو، والله أعلم يمكن يكون في حوار تاني أنا ما بعرفو.. قال والله ما قصرت تب يا اللخو، وتاني لو قالوا في حوار مجتمعي ياني المنقشط فيهو...


[email protected]


تعليقات 4 | إهداء 0 | زيارات 3762

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1413269 [ابوشوارب]
0.00/5 (0 صوت)

02-11-2016 10:05 AM
هوى ها

دا اسمو حوار الطرشان

[ابوشوارب]

#1413265 [عصام الجزولى]
0.00/5 (0 صوت)

02-11-2016 09:58 AM
الحوار المجتمعى ده هو ( 7من قادة الادارة الاهلية+ 7 من اائمة المساجد والدعاة = 7 من اساتذة الجامعات + 7 من الفنانين + 7 من الشعراء 9 والفرق بينه وبين الحوار الوطنى هو أن كل المتحاورون فيه ينتمون الى الحزب الحاكم

[عصام الجزولى]

#1413262 [مدحت عروة]
0.00/5 (0 صوت)

02-11-2016 09:55 AM
وانشاء الله الحوار المجتمعى ده يكون لقى حل لمشكلة حلة الملاح وكيف تعمل بارخص طريقة يعنى مثلا عظام بدل اللحمة وربطة ملوخية وموية ونص بصلة وكده عشان الحلة ما تكلف كتير!!!
كسرة:لكن اكان الناس بقوا يشتروا العظام الكلاب تاكل شنو؟؟؟

[مدحت عروة]

ردود على مدحت عروة
[abushihab] 02-11-2016 09:37 PM
يا مدحت الكلاب اليومين دي بتاكل المشمر والمقمر, العضام لينا انا وانت. انت ما سمعت الشاعر البقول , يموت الشعب في الحارات جوعا ولحم الضان تاكله الكلاب.


#1412924 [عبدالرحيم]
0.00/5 (0 صوت)

02-10-2016 01:59 PM
يا حيدر كان تقول ليهو الحوار كان دكاكيني

وقل ليهو ينتظر الوثبة الجاية لأنوا المرة دي سبقك بها عكاشة وناس فضل شعيب وجمعة ارو وعبود جابر بتاع التوالي .. وأخرين

والوثبة الجاية كما دي حا تستمر 50 سنة ما اصلوا الامين السياسي حقهم جاءمن بريطانيا والواد عامل ايه قال انهم باقين لمدة 50 سنة.

وتاني حا نكرر نفس الاسماءونفس اللولوة ونفس المكر والخداع وشغل الضرا وشغل الغتغتة وهلم جرا

شوفونا وثبة جديدة بسرعة كدا عشان النثريات والفنادق والتمر والفول السوداني ومحل رقيقي تنقطع .

[عبدالرحيم]

حيدر المكاشفى
حيدر المكاشفى

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة