المقالات
السياسة
ارشيف مقالات سياسية
راْي التجار الشمالين .. عن انفصال الجنوب !
راْي التجار الشمالين .. عن انفصال الجنوب !
08-23-2011 10:37 AM

بسم الله وبسم الوطن

راْي التجار الشمالين .. عن انفصال الجنوب !

ضحية سرير توتو /القاهرة
[email protected]


بعد يوم رمضاني طويل وشاق من العمل والصيام , وبعد ماتناولت (فطور ) رمضان الدسم علي مائدة صديقي المصري (اْيهاب ) ذهبت الي قهوة (جي جي ) بوسط القاهرة , تحديداً في شارع 26 يوليو المشهور بمنطقة وسط البلد , جلست علي ناصية المقهي التي اْغلب روادها من السودانين الشمالين , جلست في الركن اْشفط في كباية شاي (مدنكلة) بعد ماحرمت منها طوال اليوم , وكان من خلفي طربيزة بها ثلاثة كراسي يحتلها سودانيون لا اْعرفهم يتحدثون بصوت عالي , فهمت من خلال حديثهم اْنهم تجار جملة ورجال اْعمال من المستوردين بضائع مصرية واْكسسوارات حريمية واْشياء اْخري , اْحدهم عضو مجلس محلي بولاية الخرطوم , ولاْخران يمتلكان سلسلة من المحلات التجارية , لتجارة الجملة , اْحدهم بالسوق العربي والاْخر بسوق اْمدرمان , وكعادة معظم السودانين , بداْوا الحديث في موضوع ثم اْنتقلوا الي موضوع ثاني , فثالث واْنتهوا بالحديث عن اْنفصال جنوب السودان اْو بالاْحري (اْستقلال جنوب السودان الشقيق من هيمنة الجلابة !) .
الجالس خلفي مباشرةً : الله يستر علي شمال السودان بعد الاْنفصال , شوية جماعة متطرفة مسكوا البلد في غفلة من الزمن وكنكشوا في السلطة وماعايزين يفكوها خالص الي اْن فصلوا الجنوب عن الشمال , عشان يقعدوا في الكرسي وعاملين نفسهم شنو (اْنقاذين بجد ) وهم شوية عصابة ودكتاتورين اْرزقية بتاعين مصالح شخصية ولا شايلين هم للبلد , والله ولا لهم لازمة في المجتمع , ولاْن بيطلعوا في التلفزيونات وفي الندوات واللقاءات يشتموه في الناس ويغيظوا خلق الله , مرة لحس الكوع ومرة الماديرنا يشيل سلاح , ويحاكموا اْي( زول) علي مزاجهم لا عاجبهم جرايد معارضة ولاصحافين ولا كتاب ولا الشعب مالي عيونهم , وطه المريض بتاعهم القال جاب سلام واْستقرار للبلد عمل شنو يعني ؟ , هسع عليكم الله شوف حال البلد والموظفين والشعب والتجار الاْمثالنا المساكين الكانوا بيكسبوا ذهب من تجارة الجنوب حالهم يصعب علي الكافر , كان داير تشحن ليك شوية ( فول مدمس ) ساكت يفرضوا عليك ضرائب وجمارك ما اْنزل الله بها من سلطان , ويكرهوك تجارتك وعيشتك ( الله يلعنهم سبع مرات ) , والله اْنا ماعارف ليه الشباب القاعدين في النواصي ديل ولاشغل ولا مشغلة سايبهم طاحنين في الناس طحن ! مافي زول قادر عليهم ؟
تاجر شمالي (2) : تصدق بالله اْنا لوكنت مكان نافع علي نافع ووقعت الاْتفاقية الاْطارية مع ناس جبال النوبة , ويجي البشير يقول ما مقتنع بيها علي الطلاق كنت عملت عليهم اْنقلاب شعبي وعسكري في اْن واحد واْلم ليك اْمة لا اْله اْلا الله فيهم واْمسكهم واحد واحد واْرميهم في سجن كوبر اْو في بيوت الاْشباح زي الكلاب لغاية مايعرفوا اْن الله واحد , ديل شوية خنافيس جبانين وفاسدين مافلحوا اْلا في عملية اْنفصال الجنوب وهسع شاغلين علي موية بيضاء علي اْنفصال جبال النوبة والنيل الاْزرق ودارفور وهتشوفوا الكلام ده , يا رجل ديل ماعندهم اْي هم علي الشعب , همهم الاْول كروشهم (بس) , ديل اْصلوا ماتعبوا في حاجة , جاتهم(مقنطرة) وعلي طبق من ذهب اْغلب اْهاليهم في السعودية ودول الخليج واْبنائهم في اْرقي الجامعات في الدول الغربية , ما اْتبهدلوا زينا ولا حاسين بالمعانة ولا فاهمين اْنه ممكن يضيعوا باقي البلد ونروح في ستين اْلف مصيبة !! بحربهم علي شعب جبال النوبة الما ليها اي لازمة دي .
تاجر شمالي (3) الجالس علي الطرف بالقرب مني : جعلني اْتململ علي الكرسي ومسكت نفسي من الرد عليه عندما قال (سلفاكير الدينكاوي ) هو السبب في اْنفصال الجنوب وهو وراء تحريض الجنوبين علي الاْنفصال , ده لو كان مشي في درب صديقه الله يرحمه (جون قرنق) ونزل الخرطوم وقعد للبشير جوه في القصر ورافقه زي ضله في اْي مكان وفي اْي حتة ما كان جماعة (طه ) قدروا يمرروا نتيجة التصويت وحالتنا بقت زي الزفت , لو كان سلفا شال ليهو عشرة اْلف جندي مقاتل بس من الجيش الشعبي ونزل بيهم الخرطوم تحت اْي مسمي كان البشير وجماعته المجانين ديل طاروا من القصر وكان الحال بقت عال العال لكن يبدوا اْن اْخونا عايز ليهوا حتة اْرض يكون رئيس فيها ! (والله مسكت نفسي بالقوة حتي اْسمع باقي الحوار الشمالي الشمالي .
تاجرشمالي (1) يا اْخونا مش سلفاكير بس وراء تحريض الجنوبين علي الاْنفصال ده كمان عمر البشير هو الذي خربها وجاب عاليها واطيها ويستاهل الاْعدام في ميدان عام , فضل يقول شريعة اْسلامية وعرب الي اْن كرهوا الجنوبين الوحدة (حاجة تزعل والله ) , وياعيني جه في الاْخر عايز يتساوم علي تصدير البترول عبر الشمال , ما كانوا معاك وطردهم ليه؟ ماكان تسيب لهم البلد وتديهم الرئاسة وكم وزارة سيادية كده (يبرطعوا فيها ) , ولا كان في اْنفصال ولا مساومة علي تصدير النفط وزيتنا في بيتنا والله البشير ما فاهم في السياسة اْي حاجة ! بس عايز يقعد في الكرسي الي يوم الدين !
تاجر شمالي (2) مقاطعاً البشير منوا يازول ده راجل (طرطور) ساكت اْنتوا عارفين السبب كله من (الترابي ) جابوا من الحامية وصنع منه رئيس دولة فاشل الله يقطع البشير علي الترابي هم وراء كل مصايب السودان , ده حتي الراجل من خيبته وغطرسته (قصده الترابي ) بعد ما(مرمطوه ودخلوه في المعتقلات والسجون وخلوه شاف نجوم الليل بالنهار ) لسع بيعافر في السياسة ! عليكم الله الناس ديل ربنا ما يشيلهم مننا ويرميهم في اْي داهية تاْخذهم , اْستغفر الله العظيم والله الواحد كفر عديل كده
تاجر شمالي (3) : بقول ليكم شنو برضه ده كل كوم والعملوا جماعة البشير بعد الاْنفصال كوم تاني , البلد كانت ماشة كويسة وميه ميه بالنسبة لنا كتجار جملة وكنا بنكسب ومبسوطين , والناس كانت حامدة الله والجنيه السوداني كان عامل معانا شغل كويس في التجارة , هسع تجي لتاجر مصري عايز بضاعة يقول ليك (دولار بس) , بعد ما الجنيه رجع الي العهد القديم ووقع في الاْرض , وده كل بسبب رحيل اْخونا الجنوبين , الرحلوا خلونا لجماعة ديل ! الدنيا بقت غالية نار جهنم بس , اْغلب الناس بقت في الحديدة , مافي شغل مافي مرتبات ولا لقمة عيش تسد رمق الجوع والحاجة , الشباب ضايعة وصايعة , تجارتنا بارت , وبيوتنا خربت , المهم ربنا يستر من السنين الجاية حال البلد هيكون كيف ؟
تاجر شمالي (2) ياجماعة بقول ليكم شنوا بلا البشير بلا الترابي بلا تجارة , اْنشاء الله البلد كله يروح في داهية ! تعالوا نشوف مصالحنا وين , ونشوف الراجل المصري ده فتح ولا لسع , عايزين نشوف البضاعة قبل ما العيد ما يجي يلاقينا هنا في القاهرة , يازول حسابك كم . ( منادياً صاحب المقهي ) ,

هذا هو راْي التجار الشمالين عن اْنفصال الجنوب والاْوضاع السيئة التي يعيشها الشعب السوداني الشمالي من هذا الاْنفصال ولا يعبر عنه اْحد مكتوباً , اْما راْي زبانية البشير فهو معروف ومعلن ( جينا نحقق السلام والاْستقرار ) ياليتهم رحلوا قبل هذا السلام والاْستقرار (المزيف) بالله عليكم الاْن يوجد سلام واْستقرار؟؟


تعليقات 3 | إهداء 0 | زيارات 1235

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#199295 [fitman]
0.00/5 (0 صوت)

08-24-2011 09:44 AM
شكرا ابو طارق . وامكن اكون موضوع مفبرك ما اصلو الزي ديل عاوزين يعارضو لانو الحياة بقت ليهم صعبه. ادور علي الحياة السهله بطلبات اللجو ء السياسي مع انهم ما يعرفوا اي شئ عن السياسه الا الاخبار الشينه عن بلدهم العلمهم . حتي لو الواحد يدعي انو حكومة السودان فعلت ما فعلت باهله حتي يقنع منظمات اللجوء في حقه باللجوء السياسي , ثم يظل يعيش علي الاعانات من المنظمات الاغاثيه.


#198936 [ابوطارق]
0.00/5 (0 صوت)

08-23-2011 02:26 PM
وانت ياراجل مامن حقك تتصنت كلام الناس اذا كنت فعلا تعرف الاصول والشرع اتق الله فى هذا الشهر الفضيل


ضحية سرير توتو
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة