المقالات
مكتبة كتاب المقالات والأعمدة
بكري الصائغ
Good-bye علي عثمان..والدوام لله وحـده!ا
Good-bye علي عثمان..والدوام لله وحـده!ا
08-28-2011 03:44 AM

Good-bye علي عثمان..والدوام لله وحـده!! .

بكري الصايغ
[email protected]


1-
---
***- بث موقع جريدة \"الراكوبة\" اليوم السبت 27 أغسطس 2011 خبرآ هامآ (سابثه تمامآ كما ورد بالموقع لعلاقة الخبر الهام بالعنوان اعلاه)،
ويقول اصل الخبر:

( كشفت مصادر حكومية رفيعة لـ«الصحافة»، عن ملامح تشكيل الحكومة القادمة ابرزها اختيار خمسة مساعدين للرئيس يمثلون اقاليم البلاد المختلفة ـ لمعالجة مطالب الولايات فى التمثيل ـ وتقليص عدد مستشاري الرئيس، وتغييرات ستطال منصب نائبي الرئيس، وتقليص ودمج الوزارات الى 18 وزارة بدلا عن الـ 30 الحالية لتصبح «حكومة رشيقة»).

2-
---
***- توقفت طويلآ عند الفقرة التي جاءت بالخبر وتفيد بانه وهناك تغييرات ستطال منصب نائبي الرئيس، اهتممت بهذا الجزء الهام من الخبر وطالعته عدة مرات حتي ايقن تمامآ انني ماتسرعت في الاطلاع وان ماطالعته صحيحآ 100%، وماهتميت اطلاقآ بباقي الخبر الذي يتحدث عن تشكيلة الحكومة القادمة بحكم انني قد عاصرت تشكيل مئات الحكومات التي تكونت منذ زمانات الحكام البريطانيين في سنوات الاربعينيات وحتي حكومة ال77 وزيرآ ووزراء دولة الأخيرة، وماسياتي لاحقآ لن تكون احسن حالآ من السابقات.

3-
---***- والغريب في الأمر،ان خبر جريدة \"الراكوبة\" والذي جاء تحت عنوان (ملامح حكومة حزب البشير الجديدة...5 مساعدين يمثلون الأقاليم وتقليص المستشارين) قد مر الكرام لدي غالبية القراء الكرام وبلا اهتمام يذكر منهم ، بدليل ان التعليقات علي الخبر (القنبلة) كانت ثلاث لااكثر ولااقل..اما بالنسبة لي فقد كان الأمر مختلفآ، ووجدت نفسي غارقآ في دوامة من الأسئلة المحيرة:

1- معقولة بس ياناس!!، علي عثمان الذي كان وراء فكرة الأنقلاب العسكري عام 1989، وخطط له وتابع مراحل تنفيذه بدقة خطوة بخطوة حتي اكتملت تمامآ فاعطي الضوء الاخضر لضباطه المسلميين فقلبوا الوضع الديمقراطي...واسسوا نظامهم الحالي الذي دخل عامه ال22،..يخرج علي عثمان بعد كل هذه السنوات الطويلة من مولد السودان الجديد بلاحـمص ?!!

2- ومرة ثانية نسأل، علي عثمان الذي قام بالانقلاب العسكري الأول ضد الصادق المهدي عام 1989، ونجـح ايضآ في انقلابه الثاني عام 1999 ضد شيخه الترابي واطاح به وجرده من كل مناصبه السياسية والحزبية، وهو وراء ظهور \"جناح القصر\" و\"جناح المنشية\"، ايكون نهاية المطاف بالنسبة له وان يحال لوظيفة اخري بعيدة كل البعد عن منصب النائب الثاني... يصبح حاله في نهاية المطاف مثل حال الطيب \"سيخة\" وصلاح \"غوش\" مطرودآ من القصر?!!،

3- ونسأل ثالثآ، من هو وراء الأطاحة بعلي عثمان?..ولماذا جاء في خبر جريدة \"الراكوبة\" ان التغييرات المرتقبة في القصر ستطال منصب نائبي الرئيس وتقليص عدد مستشاري الرئيس....ولا كلام عن مساعدين الرئيـس?...

4- هل علي عثمان علي علم بخبر التغييرات التي ستطال منصب نائبي الرئيس..ام طالعه ب\"الراكوبة\" مثله ومثل باقي القراء?!!... وهل صحيـح ماترد من قبل ان عمر البشير قد نوي ان ( يتغدي بعلي عثمان قبل ان يتعشي به?)،

5- هل يمكن وان نقول ان علي عثمان قد افل نجمه وانتهي سياسيآ مثله ومثل المئات من قدامي والشيوخ اعضاء \"الحزب الحاكم\" الذين ( اتركنوا في الرفوف وعلاهم الغبار)?!!،

6- هل سيقبل علي عثمان باي وظيفة اخري ب\"المؤتمر الوطني\"..ام سيعود الي الشيخ الترابي ويصالحه...ام سيخطط لانقلاب يطيـح بالبشير وبطانته?!!،

7- هل صحيح مايتردد بالشارع السوداني، ان منصب النائب الأول ستوؤل للنافع ولن يكون هناك منصب نائب ثان?!!

4-
---
***- الشيئ الذي اصبح واضحآ من \"الراكوبة\" ان صقور \"جناح القصر\" قد استفردوا بالبشير واصبـح خاضعآ تمامآ لمشيئتهم..وانه ( البشير ) لو خالف الأوامر فسيلحـق علي عثمان!!


***- ياعلي عثمان، مادوامة، ولو كانت خالدة لما آلت اليك!!


تعليقات 18 | إهداء 0 | زيارات 4125

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#201369 [بكري الصايغ ]
0.00/5 (0 صوت)

08-29-2011 10:27 PM
الأخ الحبوب،
السنجـك،
الأخ الحبيب،
[shakhow]-

***-تحياتي ومودتي لكما، وسررت بزيارتكما وبتعليقاتكما المقدرة.
وكل عام والجميع بخير وعافية، متمنيآ من الله تعالي ان ننعم قريبآ تعالي بسودان ديمقراطي ومعافي وسليم .

***- لو وجهنا سؤال لعلي عثمان وسالناه عن انجازاته خلال ال21 سنة الماضية لما وجد شيئآ يقوله. فهو مثله ومثل اخرين الأعضاء ب\" الحزب الحاكم\" وشيوخ \"جناح المنشية\" لم ينجزوا اي انجازات اقتصادية تذكر رفعت البلاد من هاوية الفقر والجوع والأمراض للرخاء والتنمية.

***- انجازاتهم الحقيقية كانت في مجالات النهب والاثراء علي حساب عائدات النفط والخصخصة وبيع المشاريع والبنوك التي كانت ناجحة!!،

***- هم اعضاء علي شاكلة وزراء ومستشارين النظام السابق في مصر وسورية ووتونس وليبيا والذين كما في مصر قابعون بالزنزنات، او كما في تونس وليبيا هاروب الي حيـن!!...

***- والساقية لسه ولسه مدورة...وان غدآ لناظره في السودان لقريب.


#201367 [الجعلى البعدى يومو خنق]
0.00/5 (0 صوت)

08-29-2011 10:20 PM


ألمــكــرم دومـاً : بــــكــــرى بن ألصــــايـــغ العيـــــد مبـــــارك

(على عثمان) رجل غامض وغريب وعجيب ..

للرئيس الامريكى ابرهام لنكولن مقوله :

( تستطيع ايها الانسان ان تخدع (بعض) الناس كل الزمن وان تغش كل الناس بعض الزمن...

لكنك تعجز عن ان تخدع( كل الناس كل الزمن) ..



وللحـــــديــث بقـــيــه

الجـــــــــــعـــــــــــلى


#201358 [shakhow]
0.00/5 (0 صوت)

08-29-2011 09:18 PM
عزيزي بكري كل سنة وانت طيب طاب الله اوقاتك بكل خير بجد انا سعيد جداً علي الاخبار الاتية من خط يدك الامين بس بتمني من المولي يزيل كل الرجرجة من البلد الامين سوداني جوة وجداني والله بس الله الله يجعل كيدهم مثل كيد اللذين من قبلهم مبارك وانصاره بن علي و........قذافي و....... لاخير في علي ولاالباقي ولا الجاي نتمني نسمع اكثر وواقعية في عملية قلع جزور النظام من الرفاق حملة السلاح من الجنينة لكادقلي للنيل الازرق ...............زالخ انشاء الله العام المقبل تبحر سوداننا بالديمقراطية كما هنا من تل ابيب للقدس وشكراً shakhowابو مجتبي


#201269 [بكري الصايغ ]
0.00/5 (0 صوت)

08-29-2011 03:31 PM
رسالة تلقيتها من أخ عزيز يقيم بمدينة بورتسودان يقول فيها:

***- ..والله ياعمي الصايغ- مع احتراماتي لك- لكن ماعندك موضوع!!. ياأخي شنو علي عثمان ده العملت ليهو ( رآس وقعر)?!!، علي عثمان من ايام هو في المعارضة بالبرلمان في سنوات الديمقراطية في التمانينيات وجنو كلام وتصريحات، وحتي وهو في حزب الجبهة الاسلامية مع الترابي مالمسنا منه اي انجازات تذكر مع انه كان اليد اليمني للترابي سيدالبلد وقتها،

***- دخل وزارة الخارجية كوزير لخبطها من فوق لتحت، وهو الأعطي جوازا سفر دبلوماسي للغنوشي (التونسي) ،وعمر عبدالرحمن (المصري) ،وايمن الظواهري(المصري)، واسامة بن لادن واولاده، وهو الخطط لاغتيال الرئيس حسني مبارك، وهو برضو العمل علي تصفية بعض الليبيين الشاركو في محاولة اغتيال الرئيس المصري عام 1995 حتي لايكونوا شهود عيان في المستقبل!!،.


***- علي عثمان من سنة 1989 وليوم الليلة لادخل \"حلايب\"، ولازار \"الفشقة\"، ولابيعرف اين تقع \"ابيئ\"، ولاشفناه في معسكرات اللاجئيين في دارفور، ولازار \"كجبار\" وشاف المآسي الهناك، ولافتح خشمو بكلمة عن مجازر \"مليشيا الجنجويد\" وفظائع متمردي \"جيش الرب\" اليوغندي، ومانطق بكلمة حول اوضاع الجنوبيين بالخرطوم بعد الانفصال مع انه قانوني!!،

***- علي عثمان سرق انجاز وتعب الدكتور العتباني، والقصة بيعروفها كل الناس، العتباني هو البدأ المناقشات في ابوجا ونيفاشا مع ناس الحركة لمدة تلاتة سنوات، ولما خلاص الاتفاقية وصلت للنهاية تم ابعاد العتباني بقرار من البشير وختو بداله علي عثمان (الأناني)،

***- وبعد توقيع الأتفاقية ظهر علي عثمان كانه هو الجاب السلام للسودان، ولو كان علي عثمان ده عنده ذرة من الاخلاق كان المفروض عليه ويعترف انو الدكتور العتباني هو الأحق بالشكر والعرفان، وراحت صحف النظام تطبل لعلي وتقترح بترشيحه لجائزة\" نوبل\" للسلام!!، ولكن بعض الصحفيين الشرفاء كشفوا حقيقة انانية علي عثمان وذكروه بالمثل القائل ( الخيول تجقلب...والشكر لحماد)!!، ومازلنا نستغرب بشدة لماذا سرق علي عثمان تعب ومجهود زميله الدكتور العتباني بدون خجل ولادين ( وهو العامل لينا فيها ابو الدين والأخلاق?)!!

***- وبعدين نسألك ياالصايغ، حتي لو بقي علي عثمان في منصبه كنائب تاني..ولاحتي بقي رئيس جمورية..شنو الحيقدمو للناس..وشنو العندو من خطط ومشاريع لتنمية البلد المقسم المخروب بسبب انقلابه الاسود?...ماعنده التكتح، وحيفضل طول عمره كما هو..علي المكروه محليآ ودوليآ، وملفه مفتوحآ بالامم المتحدة كارهابي عمل علي محاولة اغتيال رئيس دولة عربية!!

***- ياصايغ، كل سنة وانت طيب، وبعد العيد بالله أكتب لينا في مواضيع مهمة وابعدنا من ناس حسين خوجلي وعلي عثمان!!


#201033 [بكري الصايغ ]
0.00/5 (0 صوت)

08-29-2011 12:16 AM
1-
---
الأخ العزيز،
يوسف الصـديق،
الأخت العزيزة،
بدريـة،
تحياتي مودتي،
وألف ألف شكر علي زيارتكما المقدرة، وكل عام والجميع بخير.

2-
----
اتصلت تلفونيآ بصديق صحفي يعمل بمؤسسة اعلامية وعلي علاقة متينة باغلب اعضاء \"الحزب الحاكم\" وسألته عن اخر الأخبار والمستجدات في الخرطوم وتحديدآ اهم اخبار تشكيل الحكومة القادمة. فضحك وقال ( اخر المستجدات ان بعض الوزراء الحاليين بعد ان عرفوا بنية الرئيس ازاحة اغلبهم لانهم قد قضوا مددآ طويلة بالعمل في الوزارات وعليهم ان يخلوا الطريق لجيل أخر، انتابتهم حالات من الأرق الدائم و\"اسـهالات\" لا تتوقف!!، وهناك ظاهرة غريبة تحدث يومآ لفتت انظار الناس، انه وماان يبدأ الأفطار بدقائق حتي نجد ان اغلب الوزراء القدامي ا لأعضاء \"المؤتمر الوطني\" قد هرعوا بسياراتهم الفاخرة صوب مقر \"الحزب الحاكم\" كل يسابق الاخرين للوصول الي هناك بغية الظهور والتاكيد علي ولاءه للحزب والأطمئنان علي منصبه الوزاري، اغلبهم يتناول طعام الأفطار في سياراتهم المسرعة لدار الحزب!!

3-
----
***- ولكن لأاحدآ يعرف بالضبط كيف ستكون الحكومة القادمة. ولكن هناك شائعات قوية بانها ستكون حكومة اغلب الوزراء فيها جنرالات سابقيين مقربيين من بكري حسن صالح ( الرجل الغامض الذي لايعرف احدآ مابدواخله وكيف يفكر)، اما وزير الدفاع وابو الجاز فهما خارج القائمة!!

4-
----
***- اما بالنسبة لمنصب النائب الأول فالاشاعات والاقاويل التي صدرت من داخل اروقة \"المؤتمر الوطني\" تؤكد انه منصب محجوز وجاهز لجنرال، ولن يحصل عليه اي مدني!!، اما بالنسبة لوضع علي عثمان بالقصر، فوضعه اشبه بحال (الضرس الملخلخ) والواجب خلعه!!..ولااحدآ يعرف ماهي الوظيفة الجديدة التي ستوؤل اليه!!

5-
----
ويقول صديقي في كلامه ( غالبية السودانيين غير مكترثون علي الأطلاق باخبار تشكيل الحكومة القادمة، ولابمن سيكون فيها ومن سيـخرج منها وعندهم سيان ان كانت حكومة كل الوزراء فيها من \"الحزب الحاكم\"...او حكومة مشكلة فيها وزراء من \"حزب الأمة\" و\"الأتحادي\"!!

6-
----
***- هناك شائعات قوية تؤكد دخول الدكتور منصور وكمال حسن بخيت وبدرية سليمان وصلاح \"غوش\" في الحكومة القادمة!!!

7-
----
***- موافقة رئيس جهاز الأمن علي تشكيلة الحكومة الجديدة مهمة، وله الحق في الأعتراض علي التشكيلة برمتها او علي بعض الشخصيات ، وفي هذه الحالة تلغي الحكومة وعلي البشير اعداد قائمة اخري بالوزراء!!


#200988 [السنجك]
0.00/5 (0 صوت)

08-28-2011 09:35 PM
ياخي يسمع منك ربنا يا استاذ بكري ولعلمك غالبية الشايقية بيكرهوا علي عثمان كراهية التحريم وعقبال عوض الجاز كمان.والله نحن اسعد الناس بهذا الخبر وعقبال زوال النظام
كسرة_ كل سنة وانت طيب يا استاذ بكري وان شاءالله العيد الجاي تتحقق اماني الشعب السوداني بزوال النظام وعودة الديمقراطية


#200944 [بدرية]
0.00/5 (0 صوت)

08-28-2011 05:18 PM
الحقيقة هى أنه سواء أن بقى أو إختفى على عثمان فإن المشروع الحضارى و التوجه الإسلامى قد إنتهيا إلى دكتاتورية عسكرية متخلفة بمعنى الكلمة.


#200882 [بكري الصايغ]
0.00/5 (0 صوت)

08-28-2011 03:18 PM

1-
----
الأخ العزيز،
مـحمد ابراهيم،
الأخ العزيز،
مشـوت،
الأخـت الكريمة،
سـومي العسل،
الأخ العزيز،
عادل،
الأخ العزيز،
سليـمان قش،
الأخت الكريمـة،
بت الخـرطوم،
الأخ العزيز (قريبي)،
جهيـنة،
الأخ العزيز،
لعبة كراسي،
الأخ العزيز،
مازن.

تحياتي ومودتي شكري الجزيل علي مشاركتكم المقدرة،

ومـقـدمآ...
***- لجميع القراء والقارئات والأخوات والأخوة الكرام بادارة جريدة (الراكوبة) الموقرة، اتقدم لكم باجمل امنياتي الطيبة وكل عام وانتم بخير بمناسبة عيدالفطر الكريم، متنميآ من الله تعالي ان يحقق امانينا في سودان ينعم بالرخاء والرفاهية والتقدم ،وان يزيل عنا البلاء وينقذنا من (الانقاذ)...وناس (الانقاذ)، متمنيآ ان يحل علينا العيدالعام القادم باذن الله تعالي ونحن في عهد ديمقراطي ملئ بالحرية الكاملة والأمن والأمان والأستقرار.

اللهم انك سمـيع مـجيب.


#200854 [يوسف الصديق علي ابومرين]
0.00/5 (0 صوت)

08-28-2011 02:45 PM
الاخ الكاتب بكري

الاخوة القراء ردوا على ما كتبت حول تجاهلهم للخبر...
لكن اهم فقرة حول سؤالك عن ما وراء الاطاحة بعلي عثمان
انا كنت متابع لكتابات الاستاذ خالد ابواحمد في سودانيزاونلاين ومقالته في بعد في (الراكوبة) الرجل اكثر الذين لفتوا الانتباه لقوة علي عثمان وطريقة تفكيره في ابعاد من يهددون او يعرقلونه بطرق امنية محبكة.
خالد ابواحمد حقيقة لفت نظري لحوادث حصلت في السودان كانت من تدبير علي عثمان ومن معه من ضمنها اغتيال حسني مبارك والطريقة التي تمت بها وتم بها قتل كل الشهود الحقيقيين في ملابسات مختلفة.
الطيب سيخة كان مشروع رئيس قادم للسودان علي عثمان قام بابعاده بسيناريوهات تمت مع آخرين ايضاً.
ارجو قراءة كتاب خالد ابواحمد عباقرة الكذب وخاصة في المقالات التي ركز فيها على زولك علي عثمان محمد طه.


#200824 [مازن]
0.00/5 (0 صوت)

08-28-2011 01:32 PM
لم يفت علينا الخبر يا بكري الصائغ ، فقط أصبحنا لا نهتم بمن يذهب ومن يجيء إذ لا فرق بين أحمد وحاج أحمد .


#200787 [لعبة كراسي]
0.00/5 (0 صوت)

08-28-2011 11:59 AM

كتب:
والغريب في الأمر،ان خبر جريدة \"الراكوبة\" والذي جاء تحت عنوان (ملامح حكومة حزب البشير الجديدة...5 مساعدين يمثلون الأقاليم وتقليص المستشارين) قد مر الكرام لدي غالبية القراء الكرام وبلا اهتمام يذكر منهم ، بدليل ان التعليقات علي الخبر (القنبلة) كانت ثلاث لااكثر ولااقل

تعليقي:
وانا واحد من القراء الذين مروا على هذا الخبر وخرجت منه بانه جزء من ( لعبة الكراسي) لا فائده ولا جدوى منه نفس الملامح والشبه يشيلوا شخص من هنا ويجيبوا شخص من هناك نفس السناريو وهذا الغير مجاله وغير مختص يجوط الحكاية سنة سنتين وداك يجوط الحكاية ايضا نفس الفترة وهذا يكون اخد شهاده خبرهفي ( جوطة) ويصبح محترف جوطات لاوضاع البلد ويرقوه بعدها لموقف ومكان اكثر حساسية لييقضي على الباقي ويشعل فيها الفتنة ويعوس فيها الفساد وبعدها يني ليه عماره عمارتين ويكون عنده شركة شركتين ثم يفتح الطريق لمن .؟؟؟؟ لاخوانه واقاربه ليشاركوه اقتسام الغنية الجاتهم من الله .. مش وزير الزراة كاشف اوراق الزراعة والعطاءعات والاقربون اولى بالمعروف يرسي العطاء لاخوه .

واللعبه دي طبعا معروفة عيانا بيانا الصغير عرفها .. ولعبة الكراسي زمان بنلعبها بي كراسي متواضعـة يكدا يكون فيه 3 ارجل فقط . لكن كراسي جماعتنا ديل كراسي متينة مسنوده وثابتة على قلوب الشعب المسكين . ومحروسة بي كتائب القذاقي هي بسم الله كلاب اقصد كتائب المؤتمر الوطني


#200774 [جهينة]
0.00/5 (0 صوت)

08-28-2011 11:20 AM
يا الصائغ انت كلامك دا هظار ، والله بتفرّح فينا ؟ يا حبيبنا الكلام لو طلع حقيقة يبقى العيد جد عيد ، الله يريح بالك ويحفظك وتستاهل عيدية من كل ناس الراكوبة ، لانك ( قلبت الهوبة )


#200771 [بت الخرطوم]
0.00/5 (0 صوت)

08-28-2011 10:52 AM
معقولة بكرى يا راجل شيخ على زوج الشيخة فاطمة خارج التشكيلة انت نسيت انو مهندس الانقاذ ومهندس انقسام القصر والمنشية وكمان ابوجا 1/2/3 وما تنس نيفاشا وانفصال الجنوب وغض البصر عن حلايب والقفشة والمنفذ الاول لكل اجندة الغرب والشرق وحتى احفاد بنى قريظة يكون خارج التشكيلة كسرة خوفى ما يكون خارج الشبكة ;) ;) ;)


#200769 [سليمان قش]
0.00/5 (0 صوت)

08-28-2011 10:51 AM
كل ما دخلت امة لعنت اختها .....تعرف ياود الصايغ الكلام دا كلو ما بيجيب همو يعني يغيرو شنو في النهاية كلو من زريبة الموتمر الاوطني


#200757 [عادل ]
0.00/5 (0 صوت)

08-28-2011 10:10 AM
لا يابكري الملاحظه الهامة هي =( خمسة مساعدين للرئيس يمثلون اقاليم السودان المختلفة )= يعني نفهم من كده انه خلاص رجع زمن الاقاليم ؟؟ وخلاص تم تقليص الولايات الي اقاليم وهي القديمة فقط ؟؟ ام ماذا يحدث ؟؟ .....
علي العموم ده كله مامهم المهم عبدالعزيز وصل وين ؟؟؟؟؟؟؟؟؟؟؟؟؟؟؟؟


#200715 [سومي العسل - الدمام]
0.00/5 (0 صوت)

08-28-2011 06:04 AM
فأل الله ولا فأل الراكوبة ..
أنا ضد الحكومية وإنشاء الله تروح في ستين داهية ..
لكن غصباً عني بحب علي عثمان (لشيء في نفس يعقوب) وكرهاً في ضار علي ضار .. تروح الحكومة ولا يروح شيخ علي ..


#200708 [بكري الصايغ]
0.00/5 (0 صوت)

08-28-2011 05:20 AM

***- منذ عام 1989 -وبعد الأنقلاب- شغل علي عثمان عدة مناصب وزارية وحزبية، وكان نائبآ اولآ بعد وفاة اللواء الزبير محمد صالح عام 1998، ثم اصبح نائبآ ثانيآ، وشغل في سنوات التسعينيات منصب وزير خارجية، وحاليآ بجانب عمله بالقصر هو الأمين العام للحركة الاسلامية السودانية،

***- ان الذي يتمعن بدقة في تاريخ علي عثمان السياسي (في الفترة من عام 1989 وحتي الأن ) يجده تاريخ خال من اي انجازت تذكر، فلا هو استطاع بمناصبه الكبيرة السابقة وان يقدم شيئآ ملموسآ للبلاد،

***- ولا استفاد من منصبه كنائبآ اولآ لرئيس الجمهورية واصلح حال البلد الخربان، وايضآ وبالرغم من ان منصبه الاخير كنائب ثان لرئيس الجمهورية يعطيه الحق في تحسين احوال المهمشيين الفقراء ويأمر الأجهزة والمؤسسات الحكومية مساعدتهم وتحسين ظروفهم المعيشية، لمسناه قد غض النظر عن معاناتهم..ومازال!!

***- علي عثمان انتهي سياسيآ وحزبيآ ودينيآ واخلاقيآ، وعندما تاتي سيرته نتذكر علي الفور وتلقائيآ محاولة اغتيال الرئيس المصري السابق حسني مبارك، وهي الحادثة التي بسببها اصبحا علي عثمان وعلي النافع من المشاهيـر محليآ وعالميآ!!


#200705 [Machut مشوت]
0.00/5 (0 صوت)

08-28-2011 05:07 AM
اح يكون نائب الاول ...... دا مش تغير يا ود الصائغ؟ ..... الراجل كان الثانى


ردود على Machut مشوت
Sudan [محمد ابراهيم ] 08-28-2011 11:55 AM
الاخ العزيز اطمنك ليس هنالك تغيير كما يدعي المؤتمر الوطني الذي يحاول تخدير الشعب السوداني الذي يرغب في التغيير وابشرك بان علي عثمان هو النائب القادم للبشير ولا بديل له دي امنياتنا واحلامنا في المعارضة يا اخي نحن مايهمنا ان ياتي البشير بعلي عثمان نائب ام بزعيط ولا معيط وهذا لايهمنا وليست هي معركتنا مع الوطني المعركة الحقيقة والتي نتمني ان تكتب عنها وتحرض الناس عليها هي مواجهة النظام والخروج للشارع فارجو ان لاتشغل الناس باخبار الوطني وتجتهد بالكتابة والتحليل عن هذه المواضيع التي لن تحل مشكلة السودان لان حل مشكلتنا هي في ذهاب النظام وليس خروج ودخول قياداتة وتبديل المواقع ارجوكم لاتفقعو مرارتنا واهتمو بكيف نزيل هذا النظام واكرر لايهمنا ان يطيح البشير بنافع ولا علي عثمان ولا غيره مايهمنا ان نتجول في شوارع الخرطوم ونهتف باعلي صوت الشعب يريد اسقاط النظام فعندها سيذهب البشير وعلي عثمان


بكري الصايغ
بكري الصايغ

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة