المقالات
السياسة
ارشيف مقالات سياسية
يا حكومة .. أحلبينا عديل كده!!
يا حكومة .. أحلبينا عديل كده!!
07-22-2010 06:07 PM

يا حكومة .. أحلبينا عديل كده!!

علي الكرار
[email protected]

يحكى أن رجلا نهبه الناهبون فلم يبقوا عليه غير طاقية على رأسه فلما قِدم القرية عاب عليه أهل القرية جبنه و عدم مقاومة الناهبين فابتدرهم قائلا بإنتفاخ:- \" كان يلحقوا يلمسوا الطاقية دي و الله كان يسيل دم!!\"

و هذا ما حدث تماما للشعب السوداني من حكومة النهب (المصلح) هذه للدرجة التي استولت فيها على كل شيئ و قد كنت في معية أحد الجنوبيين جمعتني به ركشة فصرنا بلا مقدمات نتباكى و نشتكي فقلت له \" يا أخوي ديل مسّكونا قرون البقر و هم بحلبوا ساكت!!\" ضحك الأخ الجنوبي ضحكة صادقة ثم قال:- \" و الله إنت راجل طيب بشكل .. يا أخي أنحنا إتعدينا حكاية مسك القرون دي من بدريييي .. ديل بقوا يحلبوا فينا انحنا ديل !!!\"

يا للروعة .. يا للجمال .. يا للإبداع!!! هي الصورة الصادقة التي صور فيها هذا الأخ الواقع المرير الذي صار ضحيته المواطن المغلوب على أمره... ما الذي بقى؟ بلد ينتج السكر و لكنه يستورده؟ الطماطم أكثر غلاء من اللحمة و التفاح؟ يسيل لعاب المواطن إن رأي بامية أو بطاطس؟ يصرخ الصبية في البيت رغبة في السلطة التي إستأسدت على المرتب \"المهدود و المحدود\" .. و نخشى ما نخشى مرض السعار الناتج من عدم تناول الطمام ... و يا حليل أيام الوفرة و حكاية الأم الهددت ولدها بالصمت عن البكاء أو إعطائه طماطم و يا حليل أيام كان من فرط وفرته يقدم مع شاي الصباح!!

رئيس الدولة لا يستطيع منع الجبايات المتمركزة على بعد كل عشرة كيلو!!! لقد اصدر الرئيس قرارا بتقنين مسألة الجبايات و لكن كسابقها ضُرب بالقرار عرض الحائط!!! و إذا كان الرئيس عاجزا فالوزير أعجز و المواطن مطحون و ليس ثمة من يستصرخه إلا رب العالمين.

أقول إن للمرابطين في مراكز الجبايات مليون حق في فرض جنيه كامل لكل حبة طماطم في كل مركز و السبب يرجع لكثرة الولايات .. المحافظات .. المحليات التي تحاول جاهدة لتوفير مرتبات موظفيها المتوفرة أصلا لولا الترهل في الوظائف و المخصصات غير المقننة...

دعوة جادة لكل أسرة .. بدل الحدائق و الزهور في البيوت أزرعوا ليكم طماطم و جرجير و ربّوا دجاج .. يعني تكونوا أسر منتجة \"و خلوا ناس الجبايات كان يدفعوا الناس في النفس الطالع و النازل ده!!!


تعليقات 4 | إهداء 1 | زيارات 2374

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#9561 [ابو الشوش نفر]
1.00/5 (1 صوت)

07-24-2010 11:35 AM
انت مفتكر لو زرعتها فوق ؤاس البيت بخلوك ديل بكرة بخترعوا ليك ضريبة يمكن اسموها ضريبة العتب المنتج , وانا متوقع ضريبة جديدة اسمها ضريبة الهواء النقى , لانو معقول ياسودانيين تتنفسوا بدون فلوس وياناس الريف شيلة شيلتكم لانو هواكم نقى ونفوسكم طيبة ولبعدين ماتنسو ضريبة المشى دى ضريبة مهمة شديد , والله ياالبشير عذبتنننننننننننننننننننننننننننننننا انشاء الله اقوم بيك لقم


#9341 [ود الريف ]
1.00/5 (1 صوت)

07-23-2010 02:22 AM
اقتراحك جميل واللة يا استازنا الجليل لكن للاسف في محليتنا ما بنفع عارف لية ؟ لانو الحكومة عندنا هناك ذكية جدا وعارفة مواطنى هذة المدينة مدبرين وشفوت جدا فى التدبير وممكن يلجأو لي حلول ذى دى عشان كدة عملو تحوط وهو كالاتى : فاتورة كل بيت بتختلف عن التاني بالنسبة للموية ما لانو عندنا عدادات موية في كل بيت . بي بساطة كدي لانو بتجى لجنة حايمة على كل البيوت ويقيمو ليك الفاتورة حسب عدد الشجرات والزراعة القايمة فى بيتك يعنى مافى طريقة لو زعت الحاجات الانت قلتها دي برضو بياخدو حقهم فيها واللة الا نزرعها في راس البيت


#9340 [رضا]
1.00/5 (1 صوت)

07-23-2010 02:17 AM
أيها الشعب السوداني حلك حاجة واحدة تقعدوا في بيوتكم ثلاثة شهور عشان الحكومة ما تلقي حاجة تحلبها


#9306 [عمر الزين]
1.00/5 (1 صوت)

07-22-2010 07:06 PM
عفيت من الجنوبي ده لكن أنا متأكد لو عملنا بإقتراح زراعة الطماطم في البيوت برضو ناس الضرايب ما حيريحون يعني الواحد لازم يعمل ليهو تصديق و حاجات زي دي الناس ديل أنا عارفهم كويس


علي الكرار
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة