إذا لـم تستح فكن كوزا
09-11-2011 09:15 AM

إذا لـم تستح فكن كوزا!

عبدألله عبدألوهاب
[email protected]

سأستلف ألقول ألـمأثور {إذا لـم تستح فإفعل ما شئت!} محاولا تجريبه في ألحالة {ألكيزانية} لكونها حالة لا تقيم بالا لـمكارم ألأخلاق! وفوق ذلك فهي حالة تستبيح ألـمقدس وتسهكه سهكا حتي يصبح جوادا تـمتطيه أنا شاءت وعند ألطلب لتحقيق مقصدها ألدنيوي وهي فرحة تهلل { ألله أكبر!}
وألحالات من تلكم ألظاهرة كثر ولكن أقربها للذهن خطبة ألكاروري يوم ألجمعة{7 سبتمبر} ألحالي بـمسجد ألشهيد عن أحداث ألدمازين! إذ أنه وبعد أن تنحنح وتحولق وتبسلم قال لا فض فيه:- إن هذه ألأحداث تقف من ورائها إسرائيل واللوبي أليهودي وأمريكا والصهيونية ألعالـمية!! قال ألكاروري ذلكم ألكلام في ذات أللحظة ألتي كشفت فيها وثائق ويكيليكس إرتباطات نظام ألكيزان بإسرائيل وأمريكا وكيف أن \"ألطفل ألـمعجزة\" مصطفي إسماعيل توسل مستميتا بأمريكا لكي تصلح علاقات ألسودان مع إسرائيل! وعن كرم جهاز ألـمخابرات ألسوداني وتسليمه كل ملفات ألإسلاميين للسي آي ايه{CIA}..
هسع يا مولانا ألكاروري حاتودي وشك وين لو واحد من ألـصلين أشهر أمامك وفي ذات ألـمسجد تلكم ألوثائق?? ولكن ولأنك كوز ولا تستحي فإنك ستقهره بعصاتكم ألسحرية و ألـمقدسة في آن واحد وهي عبارة{ ألله أكبر!!} فيرددها خلفك ألسائل مقهورا{ألله أكبر!!} لأنها مقدسة عنده فتفلت يا كاروري من ألإجابة


تعليقات 4 | إهداء 0 | زيارات 1964

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#206724 [Ammar]
0.00/5 (0 صوت)

09-11-2011 03:43 PM
يا أخ قرررررررررررفتونا يا معلقي الراكوبة( إذا لم تستح فأصنع ما شئت ده حديث شريف) ما قول مأثوور يا أسرى الرفاهية والله نحن في السودان حامدين شاكرين البلد دي خيرها كتيير سيدي يسرق والنميري يبيع والبشير يلغف وسيدي التاني يعمل نايم لحدي مايقلعوها منو ولسة ساكيها ،، والخير بااااااااسط و أي زول داير شغل في السودان وإلا قروش يتصل بينا على 999


#206684 [حاج ماجد]
0.00/5 (0 صوت)

09-11-2011 02:40 PM
إذا لـم تستح فكن كوزا!
مثل جديد لنج من نوع أبو كديس ... ياخ ديل شالوا قروش الدولة سووا بيها شركات خاصة ... أكتر من اربعمائة شركة ، فلازم يقولوا عن أي واحد يحاول يكشف لصوصيتهم أنه مدعوم من امريكا و الصهيونية ... ياخ ديل يفتقدوا لأدنى درجات النبل الإنساني التي تعصم صاحبها من تعذيب الخصم و إذلاله ، ياخ ديل بيكتلوا أهل دارفور و النيل الأزرق و جنوب كردفان زي ما بيكتلو الكلاب ... و الله أي مجموعة في الدنيا اشرف منهم حتى النازية تفوقوا عليها ، لكن العقول التي تعيش في غيبوبة تهتف وراهم الله أكبر ... ياخ أنا بديت أصدق إنو فعلا الدين أفيون الشعوب .


#206625 [abdo]
0.00/5 (0 صوت)

09-11-2011 01:27 PM
الله اكبر ولله الحمد


#206571 [مدحت عروة]
0.00/5 (0 صوت)

09-11-2011 11:56 AM
طبعا الحاصل فى السودان ده وراه اسرائيل لانه اسرائيل فى حالة حرب مع السودان و لان حكومة السودان الانقاذية عاملة قلق لاسرائيل انتوا ما شايفين الطيران الحربى السودانى بيقصف كيف فى الاراضى المحتلة و الجيوش السودانية(طبعا عندنا كذا جيش ميدانى) فى طريقها لمحاصرة القدس الشريف!! طبعا اسرائيل بتعمل كل ده عشان ناس الانقاذ وحدوا السودان و عملوا منه قوة اقتصادية و عسكرية مهابة من كل الجيران و البعيدين كمان!!! يالا كبروا كلكم اقصد ابكوا كلكم !!!!! هو اسرائيل بتحتاج لجنس الشغل ده ما ناس الانقاذ قايمين بيه بسياساتهم العوجاءو الخرقاء!! و بعد ده هم مفتكرين نفسهم افهم ناس فى السياسة فى السودان!!! يالا اضحكوا كلكم!!!!


!..عبدألله عبدألوهاب
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة