المقالات
السياسة
ارشيف مقالات سياسية
و داوني بالتي كانت هي الداء..!ا
و داوني بالتي كانت هي الداء..!ا
09-22-2011 02:33 PM

حديث المدينة

و داوني بالتي كانت هي الداء..!!

عثمان ميرغني

والي الخرطوم د. عبدالرحمن الخضر عقد مؤتمراً صحفياً أمس الأول.. لطرح خطته لمواجهة الغلاء الكاسح في السلع الحتمية.. وأعلن عن حزمة قرارات تهدف لفك حبل الضائقة المعيشية عن رقبة المواطن.. ورغم أنني أقدر (القلق) الرسمي على تنامي إحساس المواطن بالكدر، وانحسار العشم في تراجع الأسعار.. إلا أنني أرى أن هذه الإجراءات مغبرة بالعجلة.. ولن تصمد.. وفي تقديري أن ولاية الخرطوم نظرت بـ(عجلة) و(قلق) و(توتر) للكائن الآن تحت بصرها.. واجتهدت في التعامل (الإسعافي) العاجل مع الأيام والأسابيع المقبلة.. وهنا يطفر سؤال حتمي مهم للغاية لحل المشكلة.. هل الأزمة الاقتصادية الراهنة.. عمرها أيام.. أسابيع.. أم سنوات.. قادمات.. إذا كان خبراء الاقتصاد يرون أننا نمر بخانق قصير سيتوارى خلف حجب النسيان بعد أيام أو أسابيع.. فلا بأس.. تشتري الولاية (1500) طن فراخ كل شهر لمدة ثلاثة أشهر.. وتنفذ بقية القرارات التي أعلنها الوالي في مؤتمره الصحفي.. لكن الواضح من مؤشرات موازنة الدولة للعامل القادم 2012.. أننا لا زلنا في (المناظر).. مناظر الأزمة الاقتصادية ولم يبدأ (الفيلم) بعد.. وأن (الغريق قدام).. فيصبح أي تعامل لحظي وفوري مع الوضع الراهن مجرد (إسبرين) مسكن للألم ولفترة قصيرة للغاية.. والأسوأ والأضل -وأتمنى أن تصل كلماتي هذه للسيد والي الخرطوم- أن الإجراءات بثت رسالة إعلامية -نفسية- مربكة ومحبطة للمواطن.. وعندما ينحسر مفعول القرارات سيرتد الإحباط بقوة أكبر.. لو كنت في موقع القرار في الدولة.. لتعاملت مع الأزمة الاقتصادية بمنهج مختلف تماماً عما تفعله الحكومة الاتحادية والولائية الآن.. أولاً كنت سأضع الشعب كله معي في الصورة.. بشكل لا يقبل التأويل.. ثانياً.. سأحدد الفترة الزمنية التي سيكابد السودان فيها الأزمة الاقتصادية.. وأضع الحلول التي تقصر من عمر الأزمة بدلاً من الإجراءات (الإسبرينية) التي تسكن الألم ثم ما يلبث أن (يتاور) بكل عنفوان.. لو سألت ولاية الخرطوم بكل صراحة.. من فكر وصمم الحلول (الإجراءات) التي أعلنها السيد الوالي في مؤتمره الصحفي.. ستكون الإجابة صادمة تماماً للبند (أولاً) الذي ذكرته لكم في السطور السابقة.. بند مصارحة الشعب بحجم المشكلة.. فالمصارحة لا أقصد بها أن يذاع بيان رسمي للشعب أننا نعاني من أزمة اقتصادية.. بل أقصد بها أن يحس الشعب بأنه جزء من آلية الحل والتفكير في المخرج.. لكن أن ينتظر الشعب مؤتمراً صحفياً للسيد والي الخرطوم.. يعلن فيه قرارات اقتصادية.. هنا يرتفع مؤشر التوتر عند الشعب لأنه غير محاط بتفاصيل المشكلة.. وغير مدعو للمشاركة في حلها.. فقط متلقٍّ يسمع ويقرأ القرارات.. وأرجوكم -اقرؤوا ما كتبه جاك سترو ونشرناه في التيار أمس.. بالتحديد حديثه عن مفهوم الديمقراطية الذي يقوم على مشاركة الشعب في صنع القرار.. وأهمية تقدير الحكومة لـ(حساسياته).. سيدي والي الخرطوم.. الإجراءات التي تفضلتم بإعلانها ستجركم جراً إلى مزيد من (المتاعب).. كنتم في غنى عنها.. وقد بدأت المتاعب بالفعل.. وسيستبين قومي النصح.. ضحى الغد..!!

التيار


تعليقات 33 | إهداء 0 | زيارات 4387

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#214124 [Ayyoub]
0.00/5 (0 صوت)

09-24-2011 11:18 AM
التي كانت هي الداء لن تستطيع العلاج بها يا ود ميرغني .. إنها الثورة .. والعصيان المدني الشامل .. وبعدها تعليق أولئك الأوغاد بالمسامير على بوابة التاريخ .. وارسال البشير إلأى لاهاي


#213761 [الرماد كال حماد]
0.00/5 (0 صوت)

09-23-2011 05:10 PM
وأتمنى أن تصل كلماتي هذه للسيد والي الخرطوم

إنت ما بايت معاهو أمس؟


#213613 [ابو عبدامحمد]
0.00/5 (0 صوت)

09-23-2011 10:20 AM
خطة الوالى ستزيد الطين بلة


#213555 [مندي]
0.00/5 (0 صوت)

09-23-2011 04:12 AM
انت تموت في والي الخرطوم وصاحبك ود الظافر يموت في والي الجزيرة, انت بتتكلم عن الاسبرين وود الظافر بي غادي بتكلم عن البنادول, انت قلت والي والي الخرطوم لا يظلم عنده احد وود الظافر يتكلم عن والي الجزيرة البياكل عدس وزبادي( انت وود الظافر فولة وانقسمت نصين)
والما لقي شبهو النبي قبحو


#213531 [الطيب]
0.00/5 (0 صوت)

09-23-2011 01:44 AM
سم الله الرحمن الرحيم

الاخ عثمان

انت تمنيت ان تصل كلماتك للسيد الوالى

وصدقنى ستصل اليه لانو الايام دى الجماعه طاير ليهم وقاعدين يفرفرو

وانا بدورى اتمنى ان تصل اليه كلماتى .. وان شاء الله ستصل

السيد الوالى والساده المؤتمر الوطنى

اخير ليكم تشوفو طريقه تتخارجو بيها بى كرامتكم ده لو عندكم شوية كرامه

الناس جاعت

والجوع كافر
يا
صدقونى قربت .. قربت ان شاء الله

عاملين اينا لخمه بكلامكم البقا معروف وانكم راح تعملو وتعملو .. لاخمين

الناس الايام دى بموضوع اللحم ,,,, وكمشة الفول بقت بى الف جنيه

كيلو العدس بى تسعه الف ...............

ذليتو الناس واتكبرتو عليهم ,,, ضيقتو عليهم فى الرزق .. نهبتو خيرات البلد

ووجهتوها لناسكم ... خوفتو الناس لغاية ماشككتونا فى رجولتنا

لكن

ان يجوع الناس .. ده كلام تانى

الحمد لله ربنا فضحكم وفتنكم فى بعضكم البعض

الناس جاعت والجوع كافر

الناس جاعت والجوع كافر

لا تظلمن إذا ما كنت مقتــدراً فالظلم مرتعه يفضي إلى الندمِ

تنام عينك والمظلــــوم منتبه يدعـو عليك وعين الله لم تنمِ

دعونا عليكم ان ياخذكم الله اخذ عزيز مقتدر

ونسأل الله العلى القدير ان يعجل لنا بالخلاص منكم ومن حكم البغيض


والله نسأل أن يتوب علينا، وألا يؤاخذنا بسوء فعالنا، ولا بما فعله السفهاء منا، وصلى

الله على نبينا محمد وعلى آله وصحبه أجمعين.


#213528 [ابوسارة]
0.00/5 (0 صوت)

09-23-2011 01:34 AM
الاخ اعثمان اول شى فى حت المشكلة تغيير كل السياسات وازاحة الحزب هدا من صدر الدولة وتكون 90% من لمشاكل اتحلت اوتوماتيكيا البقى كله ساهل حروب هامش او دستور او كيف يحكم السودان كلها ساهلة طالما ان هنالك ارضا سلاح


#213501 [محمد]
0.00/5 (0 صوت)

09-23-2011 12:27 AM
والله زى ماقال jesus الزمن ده كلوا انت قاعدين تختطوا براكم و تنفذوا براكم حسى دايرين نفكر و ناكل نار معاكم؟
لا يا مسيو عثمان ,اكلوا ناركم براكم , وما تخاف علينا انحنا حنقيف بعيد نتفرج عليكم و انت بتغرقوا فى شبر موية كل الحاكمين والمنافقين وعلماء السلطان وكتاب السلطان , حنقيف بعيد نتفرج عليكم وانتو بتغرقوا و الحاجة الوحيدة الحنعملا اننا حنطلع دفتر و نكتب اسمائكم,واحد واحد , و لمن نتاكد انو روحكم طلعت خلاص,حنظف الزبالة الخليتوها وراكم ونبدا من اول وجديد

قال مشاركة شعب قال


#213472 [المواطن علي حسن سلوكه]
0.00/5 (0 صوت)

09-22-2011 11:29 PM
من علامات الموت الواضحة لمن يقرب ارتفاع البولينا وانخفاض ضغط الدم وقومة النفس وثبات النظر....................الخ
ومن علامات موت النظم الدكتاتورية الارتفاع الجنونى للاسعار وتدهور الخدمات والتخبط فى القرارات والكضب الكتير للاعلام...............................الخ
اهل المحتضر لما تسالهم عن الحال كيف.........دائما الاجابة تجى على شاكلة الوضع مستقر وربنا يكضب الشينه
واعلاميو الدكتاتورية برضو لما تسالهم عن الحال كيف.........برضو الاجابة تجى على شاكلة الوضع مستقر وربنا يكضب الشينه


#213471 [علم الدين]
0.00/5 (0 صوت)

09-22-2011 11:29 PM
في اغرب سابقه تاريخيه السيد الوالي بيطرد المواطنين من ولايتو اكرر ولايتو يعني حقتو


#213455 [سليمان قش]
0.00/5 (0 صوت)

09-22-2011 10:40 PM
بالله انت لسع مع الوالي


#213443 [wahied]
0.00/5 (0 صوت)

09-22-2011 10:13 PM
اذا كان جيشتم الوطن بالوظائف والوزارات التى تعجز امريكا عن تحمل نفقاتها فكيف تحملون هذا الشعب الضعيف تلك الرواتب العالية والبدلات لتلك الجيوش من الولاة والوزراء الولائيين والاتحاديين واضعافا مضاعفة من العسكر ورجال الامن ورصدتم لهم اكبر ميزانية فى تاريخ السودان وكل ذلك من اجل محاربة المواطنين والمحافظة على كراسيكم هذه النتنة قبح الله وجوهكم ايها المنافقين اين تلك الميارات التى تصب شهريا بل اسبوعيا من الجبايات والرسوم والضرائب وغيرها من وسائل القلع . نعم لقد كثرت ايرادتك ووصلت المليارات ولكن لا بركة فيها ولن تنفعكم فى شيىء لأنها اموال وعرق رجال ونساء غلابة ومقهورين يلعنوكم ليلا ونهارا وانتم تغتصبون جيوبهم وتاكلوا اموالهم بالباطل فنزلت عليكم الزلة وعــدم البركة فى كل اموركم فمتى تفيقون ايها السكارى لقد غرتكم السلطة والثروة واستبدلتم دنياكم الفانيـة بآخرتكم الباغية فويل لكم وويل لكم من ظلم هؤلاء العباد .


#213434 [ابو النصر]
0.00/5 (0 صوت)

09-22-2011 09:51 PM
ياعثمان ميرغني صاحب الكشك حا يطردو مع المطرودين من الولاية ( الكلاب الضالة ) الله يستر من صاحبك ود الخضر ما يقوم يسمم الموية عشان الماقدر يشرب موية غازية يخلي الخرطوم


#213431 [ابو النصر]
0.00/5 (0 صوت)

09-22-2011 09:50 PM
ياعثمان ميرغني صاحب الكشك حا يطردو مع المطرودين من الولاية ( الكلاب الضالة ) الله يستر من صاحبك ود الخضر ما يقوم يسمم الموية عشان الماقدر يشرب موية غازية يخلي الخرطوم


#213410 [جهينة]
0.00/5 (0 صوت)

09-22-2011 09:09 PM
تفتش عمن يوصل قراراتك للسيد الوالى ؟!. دا ما واليك !!!!!!!! . وضحكنا وشبعنا ضحك ، وبكيييييييييينا ، الدعم او رفع الرسوم لمدخلات الدواجن . وباعترافهم الدولة شبه محتكرة استثمار الدواجن . عشان تكون غذاء للفقراء كما قال المتعافى . يعنى مزيدا من الارباح للحكومة . طيب وين المعالجة . واين الاسبرين ؟ مافيش حاجة ومافيش نتيجة وسيبنا من دا كلو ياوالى الحق الدولارررررررررررررررر


#213379 [tahir musa]
0.00/5 (0 صوت)

09-22-2011 07:26 PM
يا ود ميرغنى الزول داااااك الكنت كلمتنا عنه حصل ليه شنو مع الوالى صاحبك الذى لا يظلم عنده احد


ردود على tahir musa
Saudi Arabia [نوح الخليفة ] 09-23-2011 01:07 AM
تحياتى اليك يا عثمان بالشرق الاوسط على ال 2 emailارسلت اليك مقال بعنوان الجزيرة اولا وليس ستيت ارجو نشر دلك المقال وسلامى لاخوك على الدى نشر لى العام السابق مقال:o


#213355 [الفاروق]
0.00/5 (0 صوت)

09-22-2011 06:35 PM
الان تعلمتم من الايام ان تُشركوا الشعب في حل مشاكلكم السويتوها بأيديكم ولكن في عهد الديمقراطية السابقة كنتم تألبون الشعب على الحكومة .. المثل ياعثمان يا خوي بقول الفي البرعوام !!! وجماعتك ديل لما كانوا في البر كانوا كل واحد كان عامل فيها سلطان كيجاب ولما جد الجد ... انت شايف الحال بنفسك !!!!


#213354 [حامد عابدين]
0.00/5 (0 صوت)

09-22-2011 06:34 PM
ياعثمان ميرغني ماكنت فالقنا بان عبدالرحمن الخضر هو الوالي الذي لا يظلم عنده احد
خلاص المصالح اتقطعت ولا شنو
انتم كتاب الانقاذ ومن هللتم لها
وادعيتم انها خلصتنا من الصفوف الطويلة
ومن ازمة الرغيف والبنزين
وامنت البلد التي حسب زعمكم لولا الانقاذ لوصل التمرد كوستي
ولشرب جون قرنق القهوة في المتمة
وادعيتم ان الجيش ماكان يجد قوته وسلاحه
وادعيتم ان الحكومة انقذت الشعب من الغلاء والمجاعة والضائقة الاقتصادية
وادعيتم انه لولا الانقاذ لوصل الدولار 16 جنيه
وادعيتم بتثوير الخدمة المدنية
ومحاربة المفسدين وتجار العملة
وقتلتم مجدي محجوب وجرجس
فهلا سالتم انفسكم ماذا حدث بعد كل هذه الترهات التي هريتم بها اكبادنا
والله لو انكم شرفاء لبكيتم الدمع السخين وطلبتم من هذا الشعب ان يضربكم علي ظهوركم وبطونكم لتكفروا عن سيئاتكم
ولكنكم بؤس ونحس وشقاء
اذهبوا وارحلوا واتركو البلاد والعباد


#213349 [الجانقى]
0.00/5 (0 صوت)

09-22-2011 06:28 PM
وهو لو ده كوووولو ما عارفو بقى والى علينا كييييييف؟قادر الله!


#213341 [ السر مختار]
0.00/5 (0 صوت)

09-22-2011 06:16 PM
المسكنات لاتخدم مشكلة الغلاء والحل فى يد الرئس بشير وذلك بتسريح جيش المستشارين والنواب وتخفيض الصرف البذخى على الامن والقواة الغير نظاميه والغاء الضرئب على مدخلات الانتاج الصناعى والزراعى والدوائى والتحكم على الاسعار للسلع الضروريه ووقف استيراد الكماليات وتوظيف المال العام فى ذيادة الانتاج للصادر بشفافيه حتى تزيل الغلاء ويعم الرخاء والله من وراء القصد


#213335 [عبدالواحد00 ]
0.00/5 (0 صوت)

09-22-2011 06:00 PM
هى كلمات بسيطة لكنها عميقة يرددها اخوتنا المصريون للحالات التى تشابة حالة الوالى وصديقه عثمان ميرغنى الذى استعصى عليه لقاءه لكى ينصحه قبل أن يستبين سعادة الوالى الحقيقة ضحى الغد حسب زعم (الناصح) وبالمناسبة نحن كمواطنين غير معنيين بنصيحته ولسنا فى حاجة لها ،وبالعودة للكلمات المصرية البسيطة والعميقة التى تقال فى حالة الوالى وصديقه عثمان ميرغنى هى ((التقل صنعة)) فبالله عليكم (نقطونا بسكاتكم ) عسى الله ان يتولاكم برحمته 00الشعب فيه البكفيه 00ولا يحتاج منكم ان تتبادلوا الصعود على آوجاعه 00وكان الاجدر بعثمان وجوقة الكورال المصاحبة له من صحافة الزمن التعيس ان يكون نصحهم لهذا النظام أن (يدعوا الخلق للخالق) و نحن نخشى عليهم من الموت بهمنا00الشعب واعى ويعرف اين تكمن مصلحته وسوف ينتظر حتى يستجيب القدر 00وآنا لشعب مؤمن أن يستبق أقدار الله0


#213322 [محمد الاسعد]
0.00/5 (0 صوت)

09-22-2011 05:31 PM
كلام عاقل جدا وهو عين الحقيقة ولكن هذا لحكومة لها عقل وشعب واعي 000000


#213318 [قضروف سعد]
0.00/5 (0 صوت)

09-22-2011 05:26 PM
وأعلن عن حزمة قرارات تهدف لفك حبل الضائقة المعيشية عن رقبة المواطن.. ورغم أنني أقدر (القلق) الرسمي على تنامي إحساس المواطن بالكدر، وانحسار العشم في تراجع الأسعار.. إلا أنني أرى أن هذه الإجراءات مغبرة بالعجلة.. ولن تصمد.. وفي تقديري أن ولاية الخرطوم نظرت بـ(عجلة) و(قلق) و(توتر) للكائن الآن تحت بصرها.. واجتهدت في التعامل (الإسعافي) العاجل مع الأيام والأسابيع المقبلة

حتي هذه الحلول التي سميتها مستعجلة لن تتم للاتي:-
اولا: الاستيراد هذا بفلوس وكلنا يعلم انو الحكومة ماعندها عملة اجنبية
ثانيا : انت بتفتكر انو المصريين خلاص دجاجهم مكفيهم يا اخي هم يأكلو الان في المستورد من البرازيل واستراليا
ثالثا : هل الشعب السوداني بياكل ليك المستورد
الرابع : انت حتستورد لمتين والدولار عندك عمل اربعة الف ومئتان وما معروف حدو وين

نسأل الله العافية ...


#213316 [Siafalhag]
0.00/5 (0 صوت)

09-22-2011 05:23 PM
سيدي والي الخرطوم.. الإجراءات...

لا تعليق...

الكشك و اولادوا الطشو الحقنا يا الزول الكان سمح


#213309 [واحد]
0.00/5 (0 صوت)

09-22-2011 05:08 PM
ايه العبقريه دي كلها يا عثمان ؟!!111
يصارحوا الشعب بايه , انهم نهبوا بترول الجنوب وضيعوا المنهوب فى السفاهة لا طوروا زراعه لا بنوا صناعه وفي النهايه قالوا كل زول يحل مشكلته برااااهو
عثمان ديل من شدة ما ضمائرهم ماتت فتحوا باب استقدام للسودانيات للعمل خادمات في بيوت السعوديين =خادمات من مجاميعه = واهو قرشين حلويين = اسمها دع.....كاشفه ما مقتغته =اما ود الخدر فبقي بيطرد في الناس من الخرتوم عموم والكان اخر عمده ليها هو العمده كرم الله , بالله ود الخدر ده من ناس الخرطوم لوفي زول بعرفوا يورينا لاننا ما سمعنا بزول من ناس الخرطوم الاصليين طرد الناس .
وبعدين ده الزول القلت ما بنظلم عنده احد ؟ مسكين سيد الكشك ;) ;) ;) ;( ;( ;( ;( ;( ;( ;( ;( ;( ;( ;(


#213297 [ودالمهدي]
0.00/5 (0 صوت)

09-22-2011 04:36 PM
ياشيخ عثمان سلام عليكم.ارجو ان تكتب لنا عن القطر الذي كان متجها الي واو مرحلا العائدين من دولة جنوب السودان سمعنا انو تم اكتشاف كميات مهوله من جوالات السكر والدقيق......الخ كانت مخبئه بداخله يعني بضاعه حسب معلوماتنا انها بحوالي 4 مليار ج وقد تم نهبها من قبل بعض اللصوص الذين هاجموا القطار في وقت لاحق حتي ان جوال السكر في تلك المنطقه اصبح سعره في حدود ال100ج (وهو جزء من السكر المسروق) المهم انو هذه البضاعه قالوا تخص اوملك لمسؤل كبير (كبير الله) ويتم الان محاسبة المسؤلين من تحرك القطار اما المسؤل لم يتم الاعلان عنه وهنالك محاولات لقتل الامر برمته.مع شكري .


#213286 [zahi]
0.00/5 (0 صوت)

09-22-2011 04:19 PM
يا ناس التيار بندول ولا اسبرين ؟؟؟؟؟؟؟ ارسو بينا علي بر ................


ردود على zahi
Malaysia [واحد....] 09-23-2011 02:31 AM
هم المصريين ديل مش اديناهم ابقار؟؟؟؟طيب ما بلاهم يطلع عندهم
ذوق ويهدوا لينا دجاج بدل ما الوالي يقعد يشحت ولا يشتري منهم...
عندنا أهبل رئيس في العالم...............


#213281 [jesus]
0.00/5 (0 صوت)

09-22-2011 04:07 PM
دودة الخل منه وفيه ... ناس ود الخضر ديل الواحد فيهم يشتغل هجام ورباط وهمباتي بالليل ويجي بالنهار يلبس كرفت عشان يعقد مؤتمرات بل تمثيليات على الشعب وهو مش عارف انو هو بضحك على دقنو ...يا عثمان ميرغني ( اللي شربكنا يخلصنا ) ...لما يجي البشكير ويأخذ 5 الاف رأس من الابقار ويهديها رشوة للمصريين وعلى حساب المحرومين من شراء ربع كيلو لحمة تفتكر من المسؤول عن ارتفاع أسعار اللحوم ؟؟؟؟؟؟؟؟؟؟؟؟؟؟ ولما تنصب الحكومة كمائن جبايات في كل متر مربع عشان تتلصص وتسرق من الغاشي والماشي تفتكر من المسؤول ؟؟؟؟؟؟؟؟ ولما تحتكر السلعة الحياتية الأساسية اليومية لفئة لها حق الفيتو تفتكر من المسؤول ؟؟؟؟؟؟؟؟؟؟؟؟؟؟؟؟؟؟ ومنذ متي يا عثمان ميرغنى كان الشعب المسكين جزء من الية الحل والتفكير في المخرج ؟؟؟؟؟؟؟؟؟؟؟ هو المؤتمر الوطني مقر بالأصل بأن هناك أزمة حقيقية ومفصلية ومنعطف خطير وخطير جدا تمر بها البلاد والعباد ؟؟؟؟؟؟؟؟؟؟؟؟؟ ولماذا الان بالذات ننادي بمشاركة الشعب في التفكير في الية المخرج ولا خلاص الجماعة ضربوا راسهم بالحائط ؟؟؟؟؟ لا .. ومليون لا يا عثمان خلي رأسهم يتكسر على الحائط ما داموا اختاروا هم ..وأترك الشعب المسكين على جنب وخلي العجنها يخبزها ... والمرة دي الكل واعي وعارف مفيش مخرج سوى رفع الأعلام البيضاء من قبل دولة المليشيا والفساد ..


#213256 [بت الخرطوم]
0.00/5 (0 صوت)

09-22-2011 03:27 PM
لا تستعرض عضلاتك بالكتابة علاقتك بالوالى كما افهمتنا عال العال فاذهب اليه فى المكتب او البيت او فى اى موقع وناصحه ان كان للنصيحة راغب احب اسمع تعليقك على تصريحات صاحبك ود الخدر الما عايز عاطل بالعاصمة وما برخص الواطة وما بدى بيت مجانى لزول موش دا صاحبك الما بظلم عندو احد نعم العدل يحيا العدل فى عدل احسن من كدا يا ود ميرغنى


#213248 [roud]
0.00/5 (0 صوت)

09-22-2011 03:19 PM
طالما الأسعار مرتفعة تبتلع كل مرتبات الموظفين والعاملين ما عليهم إلا الخروج إلي الشارع بالمطالبة لزيادة مرتباتهم غصباً عن أنف الحكومة , فليس هنالك من الشعب من يري فلذة أكباده أمامه وهي تموت جوعاً .... وإن لم يستطع الشعب فعل ذلك عليهم الإضراب عن العمل حتي يستجاب لهم وزيادة مرتباتهم لتلائم قيمة أسعار السوق المرتفعة. علي نحو ما نراه في الأسواق فإن مرتبات الموظفين والعاملين لا تفي الغرض إلا لعشرة أيام ...هذا لأسرة تتكون من خمسة أفراد وبعض أفرادها طلاب .


#213247 [ود بري]
0.00/5 (0 صوت)

09-22-2011 03:17 PM
أنت والوالي وبقية الإنقاذيين لم ولن تكونوا أبداً جزءاً من الحل، ولكنكم أس المشكلة.


#213236 [عبدالباقي طالب الله]
0.00/5 (0 صوت)

09-22-2011 02:58 PM
قول ليهم إقراوا سورة يوسف بتمعن وتدبر ,,, ويستبين النصح


#213234 [دصلاح قسم الله الشايقي]
0.00/5 (0 صوت)

09-22-2011 02:55 PM
لك التحيه ياكبير ولكن قديما قيل من فشي غبينته خرب مدينته وهانحن نتفرج @لك الله سودان الخير


#213229 [أسامة]
0.00/5 (0 صوت)

09-22-2011 02:53 PM
يا عثمان شخيت ما ياهو ده صاحبك الوالي الذي لا يظلم عنده أحد ولاّ واحد تاني؟



عثمان ميرغني
عثمان ميرغني

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة