صـحـوا الـريـس..!ا
09-24-2011 12:12 AM

صـحـوا الـريـس!!

بكري الصايغ
[email protected]

1-
----
صحوا الريس،
صحو الريس بسرعة صحوه... عشان يعرف الأحوال في بلده وكيف هي ماشية...

1- صحوه، علي عثمان هدد الناس بقطع روؤسهم ان تطاولوا البشير،
2- صحوه، النائب الأول يدعو للتطهير العرقي بواسطة الجيش،
3- 37% من مساحة السودان بقت مناطق حروب و(ساحات فداء) جديدة،
4- 37% من مساحة السودان اصبحت جدباء بسبب هروب سكانها منها،
5- حوالي 2 مليون مواطن اصبحوا بلا مأوي بسبب الحروب،
6- \"الحزب الحاكم\" اعترف اخيرآ بوجود ازمة حقيقية بالبلاد،
7- اعتقال سوداني ينتمي لل(قاعدة)، يعني ان القاعدة دخلت البلد!!
8- دارفور مازالت تعاني من قلة الغذاء،
9- سكان منطقة ابيـئ يعانون من نقص في الغذاء والأدوية والبطاطين،
10 - حـلايب، المنطقة السودانية المنسية شعبآ وحكومة!!

2-
-----
صـحوا الـريـس صـحوه،

11- والي الخرطوم عاوز يطرد سكانها ويعيش علي انقاض خرابتها،
12- والي الخرطوم يقول( الماعندو قدرة المعيشة في الخرطوم مايقعد فيها،
13- والي الخرطوم فشل في حربه ضد التجار،
14- ارتفاع اسعار السلع الضرورية بكل انحاء غدت المشكلة السودانية رقم1،
15- سكان العاصمة وضواحيها للعام الرابع يشربون مياة ملوثة،
16- انقطاع التيار الكهربائي يدخل عامه الأربعين،
17- حكومة ال77 وزير فشلت في معالجة الحد من العطالة وتعيين الخرجييـن،
18- بعض خريجي الجامعات ومنذ اكثر من خمسة اعوام بلا اعمال وبلا وظائف،
19- فشل والي الخرطوم في تامين حياة كريمة لسكان المناطق المهمشة باطراف العاصمة،
20- اكثر من 80 ألف اسرة تعيش في اكواخ من الكراتين والاغضان باطراف الخرطوم،

3-
-----
صـحوا الـريـس صـحوه،

21- اكثر من 40 الف طفل بلا مدارس في الخرطوم،
22- فشل والي الخرطوم في القضاء علي المخدرات التي دخلت المدارس والجامعات،
23- بعض سكان مناطق امدرمان اشتكوا من ظاهرة بيع المخدرات بدكاكين الاحياء،
24- احصائية غير رسمية تقول ان نسبة الجرائم الكبيرة زادت بنسبة 31% عن عام 2009،
25- السلاح الناري ارتفعت معدلات بيعه...وامتلاك المواطنيين بلا تصديقات له،
26- ( احدي عربات حرس البشير تعرضت لاطلاق نار بشارع النيل..والفاعل مخبول)!!،
27- اصحاب المصانع يهددون باغلاق مصانعهم بسبب الضرائب الكبيرة،
28- رسوم الجامعات بالعملة تضاعفت، والسبب اسعار الدولار بالبنك والاسواق،
29- هجرة الأطباء وفنيي المعامل والبياطرة وصلت عام 2011 الي نحو 18 ألف شخص،
30ـ اغلب الصحف المحلية مهددة بالتوقف بسبب تدخل السلطات الأمنية في شئونها،

3-
-----
صـحوا الـريـس صـحوه،

31- وزارة المالية بالخرطوم وبالولايات لاتملك اي مبالغ لتعيينات العاطلين والخرجين،
32- ارتفعت نسبة ختان البنات،
33- ازدياد امراض القلب والسرطان والسكري،
35- السعودية توقف صادرات (الهدي) من السودان،
36- السودان في قائمة الدول المستهدفة بالاجراءات الخاصة بحقوق الأنسان،
37- الحكومة الألمانية تفتح تحقيق مع شركة المانية لها علاقة بسـد مروي،
38- الحكومة تفتح باب استيراد الالبان والدواجن!!،
39- الحكومة ستقوم باستيراد ابقار من اثيوبيا!!،
40- اثيوبيا تشكو تعرض رعاياها لسوء المعاملة بالسودان،

5-
-----
صـحوا الـريـس صـحوه،

41- اتهام للقوات المسلحة باستخدام اسلحة كيمائية،
42- الحرس الثوري الايراني قام بتهريب صواريخ من ليبيا للسودان،
43- وصول فرقة من الحرس الثوري الايراني للمشاركة مع القوات المسلحة في حروبها،
44- اتهام للقوات المسلحة بارتكاب مجازر ضد المدنيين في الدمازين،
45- اتهام للقوات المسلحة انها لاتقول الحقائق عن معاركها المتعددة،
46- اتهام للحزب الحاكم انه لايقول الحقائق حول تذمر ضباط الجيش من اوضاعهم المتدنية،
47- جهاز الأمن يمنع الصحف من نشر اخبار المعارك،
48- الأهالي العزل في مناطق الحروب يشتكون من سلوكيات الضباط والجنود،
49- مليشيا (الدفاع الشعبي) نهبت وسلبت ممتلكات المواطنيين واموالهم بالمناطق التي هم بها،
50- ماعاد احدآ من المواطنيين يثق في بيانات القوات المسلحة،

6-
-----
صـحوا الـريـس صـحوه،

***- خادمـات السودان......قرار سعودي في انتظار الرد!!!

***- صحو الريس بسرعة صحوه... عشان يعرف الأحوال في بلده وكيف هي ماشية...


تعليقات 31 | إهداء 1 | زيارات 3216

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#215467 [gafar elmubarak]
0.00/5 (0 صوت)

09-26-2011 05:22 PM
THANKS FOR CHEERING ME UP WITH THAT NICE JOKE
YOU HAVE GOT A UNIQUE STYLE OF STATING FACTS, AND REPLYING TO EVERY COMMENT, KEEP AT IT


#215202 [بكري الصايغ]
0.00/5 (0 صوت)

09-26-2011 03:28 AM
صـحوالريــس وخلوه يطالع مانشر وبث بالصحف المحلية وبالمواقع الألكترونية اليوم الأحد 25 سبتمبر 2011:
--------------------------------------

1- صحافة مصر : مصادر أمنية ترجح دخول الصواريخ المضادة للطائرات التى عثر عليها بالإسماعيلية من السودان أو ليبيا - صورة -
http://www.alrakoba.net/news-action-show-id-30126.htm
(الراكوبة)،


2 - ما وراء زيارة ياسر عرمان لأمريكا ..الدول العربية رفضت منح قروض لحكومة البشير بما فيها قطر فإتجهت الى ايران ( (الراكوبة)،

3- تواصل انهيار الجنيه..إرتفاع غير مسبوق للدولار والريال والدرهم، (الراكوبة)

4- هجرة سبعة آلاف طبيب للعمل بالخارج خلال عام ..(زوغان) جماعي لمديري إدارات < وزارة صحة ولائية> الى الخليج بعد تدريبهم في ماليزيا والدنمارك، (الراكوبة)،

5- الزنا أصبح من السُنن المؤكدة في المجتمع..!..إمام مسجد : الفساد والخلاعة والصياعة وراء غلاء المعيشة، (الراكوبة)،

6- الكودة: مقاطعة (السلع) ليست حلا، (الراكوبة)،

7- «540» جنيهاً لطن الاسمنت ووالسيخ يواصل الارتفاع، (الراكوبة)،

8- زي الحال ده يوم لا كان لاحصل..ارتفاع أسعار الألبان ومنتجاتها المختلفة، (الراكوبة)،

9- والي الخرطوم يهدد بنزع الأراضي غير المستغلة، (الراكوبة)،

10- من أين أتى هؤلاء؟ اقرار رسمي بعمليات نهب واسعة للأوقاف،(حريات)،

11- جهاز الأمن يهدد الأطباء الاخصائيين، ( حريات)،

12- كشّات عنصرية لأبناء النوبة ودارفور بستار تنظيم الأسواق بالخرطوم، (حريات)،

13- الداعية الاسلامي الكودة في كلمة حق : مقاطعة السلع ليست الحل، (حريات)،

14- النرويج تشجب استهداف المدنيين وتطالب بايصال المساعدات الانسانية، (حريات،

15- دولة الجنوب سترد بالمثل على الحصار الاقتصادي لحكومة المؤتمر الوطني، (حريات)،

16- الجنوب يعلن اغلاق حدوده مع الشمال في ديسمبر ويناير، (الرأي العام)،

17- قيادة الحركة الشعبية تقرر فصل المتوالين مع المؤتمر الوطني .. وتدعو لاجتماع موسع لقيادات الحركة لتطوير مؤسساتها للنهوض بالمهام الجديدة، ( سودانايـل)،

18- حركة العدل والمساواة تقرر إعفاء محمد بحر علي حمدين من منصب أمين إقليم كردفان ونائب رئيس الحركة وفصله من عضويتها،
19-النرويج تطلب السماح لدخول المساعدات الانسانية الى النيل الازرق وجنوب كردفان وعرمان يرحب ويدعو لنموذج شريان الحياة، (سودانيـل)،

20- جماعة نشطاء: السودان ينشر جنودا ودبابات في ولاية النيل الازرق (سودانايـل)،

21- العطش يضرب مساحات واسعة من مشروع الجزيرة،

22- إتجاه لإلزام المحليات بـ 15 % من مرتبات العاملين بجنوب دارفور،(الأهرام اليوم)،

23- السودان.. بلد المليون بروفسور ..وزيرو جائزة نوبل !!( صدي الأحداث السودانية)،

23- العدل والمساوة تحتفل بوصول زعيمها للميدان وسط حشد كبير في لندن، (صدي الأحداث السودانية)،

25- رجل افريقيا المريض يتاهب للموت على يد البشير، (صدي الأحداث السودانية)،

26- السودان من العطاء الى الاستجداء،(صدي الأحداث السودانية)، (صدي الأحداث السودانية)،

27- الصادق المهدي : قيادة البلاد ملاحقة جنائيا، وسوف تشل حركتها شللا تاما عندما تنضم مصر، وليبيا، ودولة الجنوب للجنائية،(صدي الأحداث السودانية)،



#215070 [بكري الصايغ]
0.00/5 (0 صوت)

09-25-2011 08:57 PM

الأخ الـحبيـب،
[gafar elmubarak]

تحية الود والأعزاز بزيارتك المقدرة، وتعليقاتك الكريمة، وزي ماأنت ياأخ جعفر موضوعي محبط..لكن اعمل شنو??، حاولت القي موضوع مفرح اكتب فيه واطلع قارئات وقراء \"الراكوبة\" الكرام من نحس كل كتاباتي المحبطة للروح والهمة ومالقيت \"التكتح\"...و( جات الحزينة تفرح مالقيت لها مطرح)، فكل المطارح في سودان البشير النائم نوع العوافي مليئة بالفقر والجوع والفساد الذي يزكم الأنوف!!...وهاك النكتة دي عشان تطلعك من حالة \"الدبرسة\":
طبعآ البشير مشهور انه لايعرف شيئآ عما يجري في بلده. ساله احد الصحفيين \" سيد الرئيس: وين عائدات النفط?\"..فردالبشير باستغراب شديد ( والله اول مرة اعرف السودان فيه بترول!!\"...صحو الريـس صـحوه!!


#215058 [بكري الصايغ]
0.00/5 (0 صوت)

09-25-2011 08:36 PM
الأخ الحبيـب،
أبوفارس،
تحياتي ومودتي، وألف شكر علي تعليقك الكريـم، ولكن مع احتراماتي لرأيك فانا اختلف معك جملة وتفصيلآ في ماتمنيت وان به عمر البشير ان قدر له الله تعالي وايقظه من سباته العميق!!

***- بقي معقولة بس ياأبوفارس تتمني بان يرجع عمر البشير القائد الاعلى للقوات المسلحة ( كما عرفناهو اول مرة ) ويستلم زمام الامر بنفسه كما كان في بداية الثورة ( قبل الفترة الترابية ) ، والابتعاد عن الاخوان والخيلان والخلان وكل ماهو حزبي اومدني وحل كل الاحزاب والتنظيمات السياسية الموجودة?...

***- يعني ياأبوفارس تاني انقلاب?!!.. وبمنو?!!..بعمر البشير الفاشل الذي كان السبب وراءانفصال السودان..وتقسيم البلاد.. وضياع ارواح نحو 2 مليون سوداني..وهجرة نحو 10 مليون للخارج هربآ من نظامه..واشعال حروب بالغرب والجنوب والشرق..وتهميش الشمال..وبيع الاراضي السودانية بتراب الفلوس..وفي نظامه بعد 22 عامآ من انقلابه يوجد حوالي 2 مليون سوداني ياكلون من فضلات وكالات الاغاثة الدولية وتبرعات دول البترول?!!

***- وقلت في تمنياتك ( والابتعاد عن الاخوان والخيلان والخلان)!!، ياعزيزي، لو انت ماعارف منو هو الطيب مصطفي اقول لك، هو ( دلاع ) النظام، وضعه في النظام الحاكم كوضع سيف الاسلام القذافي، وكعدي صدام حسين، هو الكل في الكل، وكلهم في النظام الحاكم تحت جزمته بدء من البشير وانتهاءآ باصغر صغير فيه!!، زول زي ده البشير مابقدر يبعد منه..وبعدين كمان ماتنسي ( الظفر مابطلع من اللحم)!!

***- وقلت كمان من جملة امانيك ( تخصيص ميزانية ضخمة تسمى ميزانية اعمار وتنمية الاقاليم ولمدة سنتين كاملتين تخصص لكل اقليم منفردا بداية بالاقليم الغربي ومن بعده الاقليم الجنوبي فالشرقي فالشمالي واخيرا الاقليم الاوسط ، على ان تخصص كل الجبايات والرسوم لدعم الاقليم المعني بالتنمية ولمدة سنتين كاملتين . وانشاء الله حلال عشرة سنوات لن تجد احدا يرقب في الاقامة بالعاصمة.)...

***- ياأبو فارس، كنت اتمني ان تطلب من البشير بعد استيقاظه الطويل ان يقوم برد الأمانة ( عائدات النفط) للشعب السوداني، ان كان اصلآ هناك عائدات?!!

***- وقلت انت كمان ;(تنظيف البلاد من الاجانب). ياأبوفارس، في مجموعة كبيرة من الأجانب ينتمون لل( حرس الثوري الايراني ) ومنظمة (حـماس)، وجاءوا بدعوة من الحزب الحاكم بالخرطوم ليكونوا ( الشبيـحة ) و( القناصون ) متي اندلعت ثورة او انتفاضة ضد الوضع القائم!!..آهــأ..وبحسب كلامك ديل كمان يقعدوا لحماية بشيـرك الأنت قلت عنه في بداية كلامك ( نسبة لقناعتي الشخصية بوطنية السيد الرئيس)
ولا يطردوا خارج السودان المبتلئ بالاجانب?!!


#214918 [بكري الصايغ]
0.00/5 (0 صوت)

09-25-2011 03:13 PM
الأخ الحبيـب،
الصادق الهـواري،
تحياتي ومودتي، وسررت بزيارتك ياهواري،

***- وصلتني رسالة ساخرة يقول فيها صاحبها:
(ظاهرة غريبة نلمسها بصورة واضحة هذه الايام في حالة الرؤساء العرب . الرئيس السابق حسني مبارك ممد نائم في سرير.. الرئيس اليمني ممد في سريرالعلاج..بشيرنا في غيبوبة..وساقية النوم لسه مدورة في الرؤساء العرب!!)...ويبقي الرهان ياأخ هواري قائمآ :
( من هو اول رئيس من هؤلاء الثلاثة سيغادر فراشه للدار الأخرة?!!).


#214907 [بكري الصايغ]
0.00/5 (0 صوت)

09-25-2011 03:01 PM

1-
----

الأخ الحبيـب،
[hajabbakar]
تحياتي ومودتي، وألف شكر علي تعليقك الساخر الكريم الذي قلت فيه (نوم الظالم عبادة )!!... ولكن الراجل ده نام من بعد اذاعة بيانه الأول سنة 1989 ليوم الليلة...وماعارفيين متين حيطلع من قصره ويشوف احوال رعيته ويعمل بقول الرسول الكريـم (ألا كلكم راع، وكلكم مسئول عن رعيته)

ملحوظة:
----------
بدأ عليه السلام حديثه بقوله: ((ألا كلكم راع، وكلكم مسئول عن رعيته)) فبدأ بلفظ ((ألا)) وهو حرف استفتاح وتنبيه، يؤتى به عندما يكون الحديث عن أمر ذي بال، ومن الأهمية بمكان.
المـصدر:
http://www.ishraqa.com/newlook/art_det.asp?ArtID=289&Cat_ID=8

***- الله نسألك ان تحفظنا من كل محن وازمات وتزيل عنا الغمة.. وتصـحي الريـس!!

--------------------------------------------------------------------

2-
-----
الأخ الحـبوب،
[shareef]
تحياتي الطيبات لك ياأخ شريف، وشايفك رديت علي بزعل عشان (هبشـت) القوات المسلحة والأمن!!..واحب اقول لك ياأخ شريف اني بحترم غضبك واقدره ، ولكن انا كمان عندي غضبي الخاص تجاه القوات المسلحة والأمن لانهما معآ اصبحتا ( قطاعآ خاصآ) للحزب، القوات المسلحة لم تعد مؤسسة قومية، وبعد الانقلاب الاسلامي عام 1989 تمت تصفية احسن كواردها واحيل ضباطها الأكفاء للصالح العام، وتدهورت احواله خلال ال22 عامآ لدرجة انه لم يستطع حماية سماء البلاد من الغارتين الاسرائيليتين، بل ولاحتي استطاع وقف زحف قوات \"حركة العدل والمساواة\" التي دخلت حتي قلب امدرمان!!..جيشنا / جيش الهناء/ مهلهل...(دلقان) يحارب بمعدات عتيقة من زمن الحرب العالمية التانية:

ملحوظة:
***********
( هذا الكلام الذي قلته عن المعدات القديمة اكده وزير الدفاع الحالي اثناء جلسة محاسبة له بالبرلمان عام 2008، عندما واجهوه نواب البرلمان وسالوه عن عدم تصدي القوات المسلحة لعملية غزو امدرمان 2008).

***- انا عندي اعتراض علي سياسات الضباط بالقوات المسلحة الذين سكتوا عن الحق والظلم الواقع علي شعبنا، ويواصلون حروبهم التي هي اصلآ حروب ماكانت ستجئ وتقع لولا تصرفات الاغبياء بالحزب الحاكم ويدفع ثمنها بالدرجة الأولي المواطنيين البسطاء والضباط والجنود.

***- هل تصدق ياأخ شريـف، ان عدد قتلي الحروب في زمن البشير وخلال 22 عامآ اكتر بكتيـر من القتلي والشهداء السودانيين خلال حكم الانجليز لبلدنا والذي دام 57 عامآ?...البشير ضحاياه نحو 2 مليون قتيل..والانجليز قتلوا نحو 90 ألف سوداني!!! ....وتقول لي ياشريف ماانتقد الجيش!!


#214767 [gafar elmubarak]
0.00/5 (0 صوت)

09-25-2011 11:24 AM
THIS ARTICLE IS FACTUAL ,HUMOROUS AND DEPRESSING AT THE SAME TIME, WHEN WE SEE OUR COUNTRY DISINTIGRATING INFRONT OF OUR EYES AND WE ARE HELPLESS
PERSONALLY I PREFER ALBASHIR TO BE ASLEEP ALL THE TIME,WE ALL KNOW THE SHAMEFULL AND VULGAR SPEECHES WHICH COME OUT OF HIS DIRTY MOUTH
CAN ANY BODY NOMINATE AN ANAESTHEIST WHO WILL PUT HIM TO SLEEP FOREVER


#214627 [بكري الصايغ]
0.00/5 (0 صوت)

09-25-2011 04:02 AM
الأخ الحبـيب سـوداني،
تحياتي ومودتي، وشكرآ الف شكر علي تعليقك المقدر، واهديـك بدوري هذا المقال الذي عنده علاقة بالموضـوع.

النفيسي :الأيرانييون سادة الشطرنج والعرب يحبون النوم والطعام!
************************************************************
http://www.paldf.net/forum/showthread.php?t=617701

***- في الندوة التي أقامتها الحركة السلفية قبل يومين ألقى النفيسي محاضره وإليكم بعض ماجاء فيها:
-----------------------------------------
**وردا على سؤال حول التقارب الأميركي ـ الإيراني، لفت النفيسي إلى وجود حوار إيراني ــ أميركي نشط منذ فترة مع الوضع في الاعتبار أن الإيرانيين هم سادة الشطرنج ويجيدون فنون التفاوض من خلال سياسة النفس الطويل وهذا ما نفتقده في عالمنا العربي، مستشهدا بكتاب رئيس الاستخبارات الإسرائيلية هركابي «العقل العربي» الذي وصف فيه العربي بأنه شخص ملول، صاحب نفس قصير، يحب الراحة والنوم والطعام الرهيف ولكنه شديد العداوة إذا استفز.


#214614 [ابوفارس]
0.00/5 (0 صوت)

09-25-2011 02:06 AM
يا بكري

نسبة لقناعتي الشخصية بوطنية السيد الرئيس ، اتمنى مثلك منه ان يصحى لعمل الاتي:

-1 اتمنى من الرئيس ان يقوم بانقلاب عسكري ( نعم انقلاب عسكري) على نفسه وعلى حكومته ، ح تقول لي كيف ؟ اقولك على نفسه بان يرجع عمر البشير القائد الاعلى للقوات المسلحة ( كما عرفناهو اول مرة ) ويستلم زمام الامر بنفسه كما كان في بداية الثورة ( قبل الفترة الترابية ) ، والابتعاد عن الاخوان والخيلان والخلان وكل ماهو حزبي او مدني وحل كل الاحزاب والتنظيمات السياسية الموجودة الان ...اما بنسبة للحكومة اعفاء كل الوزاء الحاليين من مناصبهم ونفيهم خارج الوطن ( ولو في الامكان خارج الكرة الارضية ) وذلك بعد تجريدهم من كل املاكهم النقدية والعينية المنقولة والثابتة داخل وخارج السودان ( دون حساب، تجريد وبس ) ، وبعد ذلك يكلف من العسكريين المخلصين الوطنيين حقا بادارة الوزارات كل حسب امكانياته العلمية والتخصصية ( الرجل المناسب في الماكن المناسب دون اية اعتبارات اخرى) ، يعني بالعربي كده ، حكومة عسكرية صرفة ، وما يهم بعد ذلك ان تسمى دكتاتورية او خلافه .

2- تنظيف البلاد من الاجانب

3- الاعتزار للشعب السوداني ( وبالاخص شعب جنوب السودان ، فهو في النهاية شعب سوداني اصيل ) لما عاناهو طوال 21 عاما .

4- تطبيع العلاقات مع امريكا دون تنازل عن ثوابت الوطن وكرامة الانسان السوداني ( وبالمنطق دون عنجهية) .

5- العودة في ادارة البلاد لنظام الاقاليم وتقسم البلاد لخمسة اقاليم فقط ( الاقليم الشمالي ، الاوسط ، الغربي ، الشرقي والاقليم الجنوبي).

6- تخصيص ميزانية ضخمة تسمى ميزانية اعمار وتنمية الاقاليم ولمدة سنتين كاملتين تخصص لكل اقليم منفردا بداية بالاقليم الغربي ومن بعده الاقليم الجنوبي فالشرقي فالشمالي واخيرا الاقليم الاوسط ، على ان تخصص كل الجبايات والرسوم لدعم الاقليم المعني بالتنمية ولمدة سنتين كاملتين . وانشاء الله حلال عشرة سنوات لن تجد احدا يرقب في الاقامة بالعاصمة .

7-- اخر حاجه واهم حاجة تسليم مهمة اعمار كل اقليم للمخلصين من اهله فقط وتحت اشراف ومتابعة شخصية من السيد الرئيس .



اقول قولي هذا لاني اعلم بان عمر البشير رجل وطني ولكن محاط ببطانة سوء ،



#214610 [بكري الصايغ ]
0.00/5 (0 صوت)

09-25-2011 01:46 AM

الأخ الحبـيب الحـبوب،
مـغبون،
تحية طيبة، وتشرفت كالعادة بزيارتك الكريمة وتعليقك الواعي. ويبدو لي ياأخ مغبون ان الرئيس البشير قد طبق فكرتك القلت فيها (لو كنت محل الرئيس نائما وصحوت وعرضوا علي البنود التي ذكرتها وطالبوني بحلها حأرجع وأنوم تاني او أعمل نائم زي الما صحيت !!).

***- وبالمناسبة، وصلتني عدة مكالمات من أخوة اعزاء يقيمون بدولة قطر والسودان وسويسرا يقولون فيها نفس كلامك وانهم لو كانوا مكان عمر البشير لعملوا بالمثل القائل: ( ان كترت عليك الهموم..اتردم ونوم)!!

***- مشكلة البلد ان البشير لايقبل النصح والنصيحة، ونائبه ومساعديه ومستشاريه ووزراء حكوماته يـخدرونه بالكلام الحلو والتطمينات بان كل شيئ علي مايرام..( ونوم قفا ياريئسنا البلد في أمن وأمان)!!


#214606 [بكري الصايغ ]
0.00/5 (0 صوت)

09-25-2011 01:30 AM
الأخ الـعزيز،
ادم أحمد على،

تحية الود ولاعزاز لشخصك الكريـم، وبتعليقك المقدر، واقولها لك بكل امانة وصدق كان المفروض علي ان ادرج موضوع:

***- ( 25% من فتيات السودان يمارسن الجنس خارج اطار الزواج...حوالى نصفهن يحملن سفاحا من لا تتمكن من الاجهاض تتولى المايقوما رعاية خطيئتها....أغلبهن طالبات جامعيات والفقر هو السبب الرئيسى ) علي رأس المواضيع الهامة التي يجب نوقظ بسببها البشير النائم نومة أهل الكهف وماجايب خبر الحاصل في البلد والدعارة الدخلت الجامعات...ولكن لعن الله السهو والنسيان، وألف شكر انك ذكرتني بموضوع الدعارة في السودان بسبب الفقر والفاقة...ونقول بالصوت العالي:

( صحو الريـس صحـوه!!....الدعارة والأيذر والسفلس والأمراض الجنسية الأخري ملأت البلد، ودار \"المايقوما\" اتملت باللقطاء من كل جنس ولون...وكل يوم الدار في استقبال المزيـد)!!


#214543 [الصادق الهواري]
0.00/5 (0 صوت)

09-24-2011 10:43 PM
عزيزنا بكري ,, ماتخلوه يغط في النوم ,, أحسن ما يقوم يفش باقي غبينته فينا ,, ولا رايكم شنو ياأخوان ,,,,,


#214444 [shareef]
0.00/5 (0 صوت)

09-24-2011 06:56 PM
فيما يتعلق بالحاله الاقتصاديه فكلامك صحيح ولكن الاجدر ان تقول الحق في حق القوات المسلحه والاجهزه الامنيه التي تضحي بحياتها في سبيل امثالك


#214443 [hajabbakar]
0.00/5 (0 صوت)

09-24-2011 06:51 PM
نوم الظالم عبادة


#214440 [بكري الصايغ ]
0.00/5 (0 صوت)

09-24-2011 06:46 PM

الأخ الحبيب الحبوب قريب الحلفاويين ود دنقلا..
(شفت العنصرية دي كيف?)!!

***- تحياتي ومودتي، وسررت بتعليقك الساخر، ومازلت مستغرب من حكاية القمر الصناعي وطرده من الفضاء الخارجي للكرة الأرضية..شنو حكاية الطرد الحائمة الايام دي?..الوالي يطرد سكان الخرطوم..القوات المسلحة تطرد ناس الدمازين.. حزب البشير يطيح بـ (5) من أعضاء المكتب القيادي بالنيل الأزرق..غلاء اسعار السلع الضرورية تطرد المواطنيين من الاسواق..الدولار يطيح بالجنيه السوداني!!.

***- تعرف ياأخ ود دنقلا، طالعت اليوم السبت 24 سبتمبر 2011 خبرآ بث من موقع جريدة \"الرآي العام\" المحلية يفيد بان وزير الخارجية علي الكرتي قد سافر علي رأس وفد دبلوماسي كبير للامم المتحدة للمشاركة في أعمال الدورة (66) للجمعية العامة للأمم المتحدة الذي ينعقد مرة واحدة كل عام ومخصص للملوك ورؤساء الدول المنضوية بالمنظمة الدولية. في العام الماضي 2010 حضر علي عثمان الجلسات نيابة عن البشير الممنوع من السفر.

***- فوجئنا هذا العام بسفر الوزير علي كرتي للامم المتحدة!!....ياأخونا هذه الجلسات مخصصـة للملوك والرؤساءالكباااار، والكرتي لايرتقي اطلاقآ لمستوي هذه الجلسات العالية المستوي ولا يمكنه مجاراة مواضيعها لانها اعلي من ان يفهمها.

***- لماذا تم اختياره وليس كالعادة علي عثمان?!!..ولماذا يحرج نظام البشير نفسه عالميآ بارسال علي الكرتي?!!،

***- كان في الماضي عمر البشير يرفض ان يقوم نائبه الاول السابق سلفاكير للامم المتحدة ممثلآ عن السودان، الأن وفي هذه اللحظة التي اكتب فيها هذه السطور، يمثل الرئيس سلفاكير بلده بالامم المتحـدة....والبشيـر قاعد في البيت!!


#214437 [مغبون ]
0.00/5 (0 صوت)

09-24-2011 06:37 PM
تحياتي لك ايها الرائع ...... تعرف يا بكري لو كنت محل الرئيس نائما وصحوت وعرضوا علي البنود التي ذكرتها وطالبوني بحلها حأرجع وأنوم تاني او أعمل نائم زي الما صحيت !!
يا بكري بكل الحسابات الجماعه ديل انتهوا واصبحوا كالمريض المئيوس من علاجه في غرفة الانعاش في انتظار فقط أن يأخذ الله وداعته
هنالك مثل بيقول ان غلبك سدها وسع قدها وهو ينطبق تماما علي الرئيس وجماعته وهو الوضع الحاصل اليوم بالضبط !!!! معظم المشاكل التي نعاني منها كانت حلولها سهلة وتحت اليد ولكن لانهم مكابرون يرفضون الحلول السهلة وعندما تضيع الفرصة من يدهم يبحثوا عن الحلول ولو كلفهم ذلك الدفع اكثر
اؤكد لك اخي بكري سوف لا يصحي الرئيس وسيظل نائما والثمن الذي سوف يدفعه هو وجماعته هذه المرة سيكون خصما علي حريته وحياته وأشهد أنك كنت من الناصحين


#214431 [ادم أحمد على]
0.00/5 (0 صوت)

09-24-2011 06:18 PM
أخى بكرى - لك منى كل التحايا والود - كلام فى الصميم - أضف الى قائمتك ما ياى :-

1- على دمة د. عبد الهادى 25% من فتيات السودان يمارسن الجنس خارج اطار الزواج !

2- حوالى نصفهن يحملن سفاحا من لا تتمكن من الاجهاض تتولى المايقوما رعاية خطيئتها.

3-أغلبهن طالبات جامعيات والفقر هو السبب الرئيسى.


#214356 [بكري الصايغ ]
0.00/5 (0 صوت)

09-24-2011 03:45 PM


1-
----
الأخ الكريـم،
[ambel]

تحياتي ومودتي، وشكرآ علي تعليقك الكريـم....ونواصل هز البشير لكي يصـحي من نومه ويشوف مألت اليها في سودانه ( المكتول كـمد )!!


2-
----
***- صـحوا الريـس صـحوه..
وخلوه يطالع مانشر بصـحف ومواقع اليوم السبت 24 سبتمبر 2011:
------------------------------------------------------------

1-
السناتور الجمهوري البارز فرانك وولف : لا حل لمشاكل السودان الا بتغيير نظام البشير (حريات)،

2-
في سدود اسامة عبد الله الملوثة بالدم : الفنيون ( يموتو سمبلة)- (حريات)،

3-
موجة من الاسهالات ووفيات الأطفال في دنقلا بسبب المياه المختلطة بالبراز (حريات)،

4-
نظام المؤتمر الوطني يواصل عمليات الابادة الجماعية لشعب النيل الازرق
(حريات)

5-
ارتفاع أسعار اللبن والزبادي (حريات)،

6-
منظمة دولية هامة تحذر من مجاعة بالنيل الازرق وجنوب كردفان (حريات)،

7-
المهدي : تطبيق المؤتمر الوطني الفوقي للإسلام نتيجته أكبر انهيار في الأخلاق شهده السودان (حريات)،

8-
عرمان في شهادته أمام الكونغرس : لجنة برئاسة حاج ماجد سوار لتحويل مقابر جماعية لـ (5) آلاف مدني (حريات)،

9-
شعبة المصدرين : جهات تقوم بإجراء عملية غسيل أموال في قطاع الماشية
(حريات)،

10-
الجيش الشعبي يحطم ثلاث حاميات حكومية بجنوب كردفان (حريات)،

11-
الحرس الثوري الإيراني يهرب صواريخ متطورة من ليبيا إلى السودان (حريات)،

12-
في قمة (لدينا حلم ) لحقوق الانسان في نيويورك : مطالبات سودانية لايقاف الابادة ( حريات)،

13-
العدل والمساواة تنظم جيشها تماشياً مع المستجدات (حريات)،

14-
صفقة تقاوى قمح مشبوهة بجبل أولياء (الوطن)،

15-
حينما تركب الحكومة موجة المقاطعة..«القاورمة»...اللحمة لها بدائل ..ومحمد أحمد يعاني بسبب«الحَلَّة»..(الوطن)،

16-
تواصل انهيار الجنيه..إرتفاع غير مسبوق للدولار والريال والدرهم (الراكوبة)،

17-
مع الغياب الإجباري لرئيس السودان.. في أول كلمة لجنوب السودان أمام الجمعية العامة..سلفاكير: مستعدون للمفاوضات الجدية مع حكومة السودان (الراكوبة)،

18-
خطبة الامام الصادق المهدي : قيادة البلاد ملاحقة جنائيا، وسوف تشل حركتها شللا تاما عندما تنضم مصر، وليبيا، ودولة الجنوب للجنائية.. البلاد الآن بلا صديق من دول الجوار وأكثرهم يحتل جزءً من أرضنا عينك عينك.(الراكوبة)،

18-
أنباء عن حشود للقوات الحكومية المسلحة باتجاه الكرمك..الجيش الشعبى يصد هجوما للقوات الحكومية المسلحة على منطقة دندرو بالنيل الازرق (الراكوبة)،

19-
الديلي تلغراف: الحرس الثوري الإيراني هرب صواريخ روسية متطورة من ليبيا إلى السودان.. مئات من عناصر الحرس الثوري يتمركزون في السودان لمساعدة الجيش السوداني والحكومة ضد المتمردين.(الراكوبة)،

20-
زي الحال ده يوم لا كان لاحصل..ارتفاع أسعار الألبان ومنتجاتها المختلفة (الراكوبة)،

21-
مسؤول حكومي لايستبعد عودة الحرب الاهلية وبلادة مازالت تسيطر على عوامل نشوبها مرة اخرى..جنوب السودان : البرازيل يمكن ان تكون وسيطا محايدا في بعض القضايا مع السودان (الراكوبة)،

22-
برنامج الأغذية العالمي يسعى للوصول إلى ولايتي جنوب كردفان والنيل الأزرق (الراكوبة)،

23-
إرتفاع ملحوظ فى أسعارالهواتف النقالة بالخرطوم (الراكوبة)،

24-
هيومن رايتس: السودان يكثف عمليات القمع ضد السياسيين (الراكوبة)،

25-
أئمّة المساجد يطالبون بإلغاء الضرائب والرسوم ..(اخر لحظة)،

26-
المعارضة لـ(الوطني): للصبر حدود والشعب هو من يسقط النظام (اخر لحظة)،

27-
(777) جريمة قتل خلال عام..(اخر لحظة)،

28-
المتعافي: لست راضياً عن أدائي بالزراعــة ( اخر لحظة)،

29-
تتزايد ، بمعدلات جهنمية ، أعداد النازحين واللاجئين في دارفور وولايتي جنوب كردفان والنيل الازرق ! وتتضاعف أعداد الموتي المدنيين من الغارات الجوية ، وهجمات المليشيات الذئبية الأنقاذية. ( موقع مجلة نخبة السودان)،


#214287 [بكري الصايغ ]
0.00/5 (0 صوت)

09-24-2011 02:09 PM

الأخ الحبيـب الحبـوب،
سليمان قـش،
تحيات بالاكوام وسلام حار شديد لشخصك الكريم. والله ياسليمان اصلو مابستغرب لو الرئيس صحا من نومه ولقي الخرطوم فاضية تمام من سكانها الفضاها الوالي وبما فيهم اعضاء حزبه الهربوا لماليزيا بميزانية الدولة وعائدات النفط!!.

***- والحكاية دي حصلت قبل كده يعني ماجديدة في التاريخ، وحصلت في العراق عند دخول القوات الاميريكية بغداد يوم 9 ابريل 2003، كل المسؤوليين الكبار بالدولة وبحزب \"البعث\" هربوا من بغداد وخلوا الرئيس صدام براه في القصر، حتي وزير الدفاع هرب والتجأ للقوات الاميريكية بعد ان أمر قواته بعدم التصدي للقوات الغازية، وحصل وزير الدفاع علي مكافأة مالية تقدر بملايين الدولارات ولجوء لاميريكا مع سكن فاخر وتامين له ولاسرته!!

***- اصبر ياسليمان بكرة تسمع ( ومازال البحث جاريآ عن اعضاء المؤتمر الوطني المنحل الهاربيين من العدالة لتقديمهم للعدالة).. والتهم طبعآ معروفة وهي الفساد، و(ناموا) علي مليارات الدولارات التي سرقوها من الشعب!!


#214267 [SUDANI]
0.00/5 (0 صوت)

09-24-2011 01:49 PM
صحو الريس عشان القمر الصناعي ما يقع فوقو


#214261 [بكري الصايغ ]
0.00/5 (0 صوت)

09-24-2011 01:44 PM

1-
----
الأخ الحبيـب،
[Almahadi]
تحية طيبة، وشكرآ لتعليقك المقدر، واؤكد لك ياأخ ألمهدي عيون الشعوب المضطهدة والمسحوقة لاتنام ابدآ في انتظار الفرص للانقضاض علي جلاديهم، ولو طالعت بعناية شديدة ماجاء بكتاب تاريخ السودان الذي سرد قصصآ من احداث ووقائع وكيف ان الشعب انتفض ضد القوات التركية القديمة وقاتلوها بالسيوف واشجار العشر، ولو ابتعدنا عن السودان سنجد ان شعوب المنطقة العربية قد انتفضت اخيرآ ضد النظم الحاكمة في بلادها فكان (الربيع العربي) الذي اطاح بالرئيس التونسي والمصري وهز سوريا بعد 44 عامآ من حكم استبدادي، واصبح ايضآ وضع الرئيس اليمني حرجآ للغاية ولااحدآ يعرف حتي الأن ان هو مازال رئيسآ للبلاد..ام لاجئ سياسي بالسعودية!!

ستدور الدائرة علي عمر البشير وبطانته طال الزمن او قصر. انها سنة الحياة الدنيا التي لاتقبل ( الدوام) للاشخاص والنظم، وماالدوام الا لله تعالي وحده....

***- ولاتظن ان الشعب نائـم...اعد قرأة التاريخ مرة اخري يامهدي.

2-
----
الأخ الحـبوب،
خليه ينوم النومة بتريحو،

تحياتي ومودتي الطيبة، وسررت بزيارتك الطيبة، واعجبت بتعليقك (خليه ينوم للابد ونوم اهل الكهف هو والتبعين ليه في المؤتمر الوطني..كلهم ده يضربو بيهو ده). ولكن ياأخي العزيز وصلتني عدة مكالمات يؤكدون فيها اصحابها بان النوم فارق عين البشير من سنة 2008 ( عام مطالبة محمكة الجنايات الدولية بالقبض علي الرئيس السوداني وتقديمه للعدالة). البشير خائف من اقرب منه وان يبيعوه بتراب الفلوس. قبل كده قامت المخابرات السودانية في اعوام التسعينيات بتخدير الأرهابي الفنزويلي كارلوس في الخرطوم وسلموه للمخابرات الفرنسية مقابل 10 مليون دولار- والعهدة علي الراوي والصحف العربية القامت بنشر خبر المبلغ-،

***- ومابعيد مخابرات \"الحزب الحاكم\" يبيع البشير بكل سهولة زي ماباعوا قبل كده كارلوس وحلايب ومشروع الجزيرة و\"سودان اير\" وحديقة الحيوانات والبنوك والفنادق!!-

***- الخبر اليوم بقروش...وبكره نطالع خبر بيع البشير بأقل من رأسـماله!!!

3-
---
الأخ الحبيـب،
واحد تاني،

***- سلامي وتحياتي الطيبة، وشكرآ علي تعليقك القلت فيه ( عرفنا كبيرنا نائم ...هل الشعب دخل فى غيبوبة؟)، ولكن الشعب السوداني عمره مادخل في غيبوبة، بل هو شعب صاحي 24 ساعة، وافهم واقدر احباطك وخيبة املك في زعماء الاحزاب الكبار الذين دخلوا في غيوبة منذ 22 عامآ ويريدون ادخال الجميع معهم في غيبوبتهم ولكن هيهات ان ينجحوا!!.


#214243 [جعفر دنقلا]
0.00/5 (0 صوت)

09-24-2011 01:25 PM
طبعا الرئيس هو ما نايم لكنه ما قادر لانو علي عثمان الممسك بالملفات القذرة للقيادات بما فيهم الرئيس المنوم .فقد اغرق اخوة الرئيس و زوجته واخوالهم في جميع انواع الفساد (المالي والاخلاقي)اضافة للف عنق الرئيس بحبل اوكامبو بسبب رفضه ترشيح علي عثمان للرئاسة التي كان يفترض اجراء انتخابه في نفس زمن مذكرة اوكامبو(مارس 2009)زلذا فانه لن يستطيع ان يفعل اي شي حتي لو صحوه.اما ود الخضر بعد ما بقي والي عايز يطرد الناس منها اذا بقي رئيس كما تطالب صحيفة التيار فانه سيطردنا من السودان لان ظروفه .تحياتي لك ايها الصايغ


#214180 [ambel]
0.00/5 (0 صوت)

09-24-2011 12:21 PM
شكرا على السرد وبالمناسبة الكلام ده بقى مثل شائع للزول المريس والمتيس يعنى بقى يقول ليك للزول الغافل \" عامل زى عمر البشير \" او قايلنى عمر البشير \" على وزن اكون هندى سابقا مع الاعتزار للشعب الهندى الذكى


#214046 [سليمان قش]
0.00/5 (0 صوت)

09-24-2011 07:58 AM
ياودالصايغ تحياتي ....كمل للزول النزول يعني 50 كفاهو خلي ينوم شوية عشان لمل يصحا يلقي خرطوم الوالي فاضية بعد ما طردونا منها


#214015 [بكري الصايغ ]
0.00/5 (0 صوت)

09-24-2011 04:32 AM
1-
-----
***- لماذا غاب الرئيس عمر البشير هذا العام عن اجتماعات الجمعية العامة للامم المتحدة والتي يشارك فيها كالعادة في كل عام الملوك والرؤساء ويخاطبون فيها العالم من عبر منصة الأمم المتحدة ويلقون الاضواء علي خططهم وبرامجهم التنموية?!!.

***- في العام الماضي 2010 تخلف ايضآ البشير عن الحضور خوفآ من الملاحقة والاعتقال واناب عنه علي عثمان الذي غدا صاحب شهرة و\"كاريزما\" دولية اكثر من الرئيس البشير!!

***- اتمني الا يكون البشير قد نام ونسي موضوع الاجتماعات!!
2-
-----
***- من الاشياء الجميلة في جلسات هذا العام بالأمم المتحدة وجود الرئيس سلفاكير لاول مرة ممثلآ دولته الفتية، وخاطب جلسة الوفود وقال:
(«نولي الاحترام الكلي لكل الدول وخاصة السودان واحترام سيادتها ووحدتها). وردا على الاتهامات من حكومة الخرطوم بأن جنوب السودان يدعم مسلحين في مناطق مثل جنوب كردفان، صرح «أؤكد هنا أن جنوب السودان لن يتدخل في أية قضايا داخلية للسودان». ولكنه أردف قائلا: «بما أن بعض النزاعات على حدودنا وقد تؤثر على أمننا، لذا نطالب حكومة السودان بالتوصل إلى حل سلمي لتلك النزاعات». واعتبر أن اتفاق أديس أبابا هو الأفضل لحل الخلافات حول جنوب كردفان، مؤكدا أن بلاده مهتمة بالسلام في السودان وعلى الحدود مع جنوب السودان من أجل استقرار البلدين.

3-
-----
***- التحية للرئيس سلفاكير الرجل الدوؤب علي مصالح دولته الفتية،

4-
-----
***- مع الغياب الإجباري لرئيس السودان..
***- في أول كلمة لجنوب السودان أمام الجمعية العامة..
***- سلفاكير: مستعدون للمفاوضات الجدية مع حكومة السودان - (صور)
---------------------------------------------------
المصـدر:
http://www.alrakoba.net/news-action-show-id-30048.htm


#214010 [بكري الصايغ ]
0.00/5 (0 صوت)

09-24-2011 03:38 AM
وصلتني ثلاثة مكالمات من أخوة اعزاء يعلقون فيها علي الموضـوع، فلهم الشكر علي مشاركتهم المقدرة:

1-
----
المكالمة الأولي من السعودية:
**************************
(.. خـمسة رؤساء لايمكن وان يناموا:
الرئيس الهارب القذافي،
والرئيس المخلوع المصري،
والرئيس اليمني اللاجئ،
والرئيس السوري السفاح،
والرئيس السوداني عمر البشير الـمطادر ومطلوب حيآ او ميتآ امام محكمة الجنايات الدولية...سبب ارقه اوكامبو)!!

2-
----
المكالمـمة الثانية من الخرطوم:
*****************************
***- فعلأ ياصايغ، لازم واحد يصحي البشير الماعارف شنو الحاصل في بلده الانقسم، ومستشاريه مابوصلو له اي معلومات عن الاوضاع السيئة المتردية يومآ بعد يوم?...

***- البشير بنفسه قبل كده اعترف بعضمة لسانه انو اعوانه ومستشاريه لم يخطروه من قبل بالفساد الذي ضرب نظامه، وبعدها دخل البشير في نوبة بكاء وهستيريا، والمواقع الالكترونية كتبت كتير عن الحادثة دي الوقعت في يوم 18 فبراير 2011.

***- ولكن البشير حتي لو صحي من نومه او من غيبوته...حيعمل شنو يعني?..ولا حاجة!!...وساقية نظامه مدورة حتفضل كان هو صاحي ولا نائـم!!

3-
---
المكالمـمة الثالتة من الخرطوم:
******************************
***- موضوع شيق، لكن لو عاوز تحسب الحاجات الفايتة علي عمر البشير وماجايب خبر بها..وكيف الاحوال ماشه في نظامه، فاؤكد لك بان البشير علي علم تام بكل مايدور في السودان بواسطة اجهزة أمنه المتعددة وجواسيسه واستخباراته وعيونه المبثوثة في كل مكان..

***- وتكمن المشكلة في انه لايستطيع تغيير الاحوال...too late..too late..


#214003 [واحد تانى]
0.00/5 (0 صوت)

09-24-2011 03:20 AM
عرفنا كبيرنا نائم ...هل الشعب دخل فى غيبوبة ؟


#213950 [بكري الصايغ ]
0.00/5 (0 صوت)

09-24-2011 01:23 AM

1-
-----
صـحو الريـس...

***- وقولو له ان والي الخرطوم المعين من قبله... والمسوؤل الأول والأخير عن (العاصمة الأسلامية للانقاذ) قد وصف المدينة بانها تعيش في (بالوعة كبيرة) ويقترح عاصمة جديدة للسودان الشمالي!!،

***- ويعود سبب الاستغراب الي انه ( عن قصد او بدونه) قد وجه الأهمال والتردي في اوضاعها وسوء الاحوال فيها الي زملاءه في الحزب الحاكم وعلي رأسهم عمر البشير الذي يعيش في هذه البالوعة... والا فمن هو او هم الذين اوصلوا العاصمة الي هذا الحال واصبحت (بالوعة كبيرة)?!!

2-
-----
صـحو الريـس...

***- وقولو للريـس انه اثناء نومه في العسل ، ظهر نبي سوداني جديد بمنطقة الأزهري يدعي انه (المسيح المهدي المنتظر) وعنده أتباع يؤدون صلواتهم الخاصة داخل أحد المنازل بالمنطقة. وافادت (الأهرام اليوم) على معلومات عن مدعي النبوة وأنها ليست المرة الأولى التي يتم توقيفه فيها فقد بدأ دعوته منذ السبعينيات بغرب السودان ثم جاء إلى العاصمة ليقيم بمنطقة طيبة الأحامدة بمحلية بحري وقد بدأ نشر دعوته بين طلاب الجامعات وأهالي الحي وقد اقتنع الكثيرون منهم بالحجة التي يرددها بأن المسيح عيسى ابن مريم قد رفعه الله سبحانه وتعالى للسماء ولكنه سينزل روحاً في رحم امرأة وقد كان ذلك من والدته التي أنجبته فأخذ العلم صغيراً حتى كبر وعمل بالزراعة فجاءه الإلهام بالتبليغ، كما يدعي.

3-
-----
***-
***- صحو الريس بسرعة صحوه... عشان يعرف الأحوال في بلده وكيف هي ماشية...


#213949 [خليه ينوم النومة بتريحو]
0.00/5 (0 صوت)

09-24-2011 01:19 AM
خليه ينوم امكن النومة بتريحو

قالوا الخرطوم محل الريس بنوم والطيارة بتقوم

الريس خلوه ينوم هـو صاحي ما عمل حاجة شابكننا محل الريس ينوم

خليه ينوم للابد ونوم اهل الكهف هو والتبعين ليه في المؤتمر الوطني كلهم ده يضربو بيهو ده


#213926 [Almahadi]
0.00/5 (0 صوت)

09-24-2011 12:32 AM
صاحي ومفنجل عينيا
بس حارسكم أنتو تصحو


بكري الصايغ
بكري الصايغ

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة