متهم هارب..!!
10-08-2011 01:50 PM

حديث المدينة

متهم هارب..!!

عثمان ميرغني

قبل يومين نشرت صحيفة \"التيار\" على صدر صفحتها الأولى صورة كبيرة لمواطن.. تحت عنوان (إعلان بالنشر لمتهم هارب).. ولم تكن \"التيار\" وحدها.. تقريباً كل الصحف السودانية نشرت نفس الإعلان في الصفحة الأولى وعلى مدى ثلاثة أيام متواصلة.. الأمر صادر من وكيل النيابة الأعلى ببحري.. والصحف التي تلقت الإعلان تعلم أنها ملزمة بالنشر حسب طلب صاحب القضية.. وتعلم أنها ستقبض ثمن النشر بسعر الصفحة الأولى.. يبقى السؤال الذي يجب أن نناقشه بكل شفافية.. هل ما فعلناه في التيار.. وفعلته معنا كل الصحف تقريباً صحيح.. على الأقل أخلاقياً.. إن لم يكن قانوناً.. فكروا معنا في تقدير الضرر والمصلحة من مثل هذا النشر.. الذي دفعني للكتابة في هذا الموضوع.. هو اتصال ورسالة نصية.. الاتصال من الأخ وزير المالية بولاية الجزيرة الأستاذ صديق الطيب.. والرسالة النصية من الدكتور أبوبكر الصديق ميرغني بجامعة أفريقيا.. الاثنان يريان أن (جرعة) النشر في مثل هذه الحالات.. حتى ولو كانت بأمر النيابة يجب أن تكون محدودة بالهدف المقصود من النشر.. بعبارة أخرى.. أن يحقق النشر إجبار المتهم على المثول للعدالة وليس التشهير به.. عادة يحاول الشاكي إجبار المشكو ضده أمام العدالة. لكن في كثير من الحالات يلجأ البعض لإخفاء أنفسهم ويسميها ناس السوق (الخندقة).. وعندما يتأكد وكيل النيابة من أن المشكو ضده أخفى نفسه من العدالة.. يمنح الإذن بنشر إعلان في الصحف لتوسيع دائرة المطاردة.. لكن عندما ينشر الإعلان في الصفحة الأولى.. بكل هذا الحجم الكبير.. هل يحقق ذلك مقصد إرغام المتهم بالمثول أمام العدالة.. أم يتعداه إلى ضرر كبير يلحق بالمتهم وأسرته وكل الدائرة المحيطة به.. في تقديري أن التحفظات التي لاحظها وزير مالية الجزيرة الأستاذ صديق الطيب جديرة بالانتباه إليها.. أقترح أن تحدد النيابة بكل عدالة طريقة وأسلوب النشر.. حتى تضمن ألاّ يتحول إلى استهداف ويصبح النشر نفسه جريمة أخرى.. فيسمح بالنشر في المرة الأولى بحجم محدد في الصفحات الداخلية.. فإذا لم يتمكن الشاكي من إجبار المتهم بالمثول أمام العدالة يرجع ويستأذن النيابة مرة أخرى في تكبير حجم الإعلان.. بصورة متدرجة في كل مرة إلى أن تصل مداها إذا تيقّن أن المتهم مستميت في خندقه.. على كل حال.. نحن في صحيفة التيار سنلزم أنفسنا –من الآن فصاعداً- بالامتناع تماماً من نشر إعلان كبير في الصفحة الأولى إلا إذا كان الأمر من النيابة يحدد حجم الإعلان وموقعه في الصفحة الأولى.. والله من وراء القصد..!!

التيار


تعليقات 15 | إهداء 0 | زيارات 5306

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#222541 [ودالمهدي]
0.00/5 (0 صوت)

10-09-2011 06:28 PM
عملت شنو في شكواك ضد الاستاذ الطيب مصطفي ؟


#222427 [يوسف بارا]
0.00/5 (0 صوت)

10-09-2011 01:31 PM
ياخ انت زول بتاااع لولوة ماتعتزر فى صحيفتك كرهتنا انا من اليوم مقاطع مقالاتك انت زول بتاع لف ودوران ودا السقط البلد فى البير


#222271 [زول]
0.00/5 (0 صوت)

10-09-2011 08:27 AM
يعنى اسع البشير ده متخندق من اوكامبو مو كده ياعثمان وهو كان عنده اسرة وخايف عليها بسرق ويهرب من غلط يتحمل غلطته


#222251 [بنانكو]
0.00/5 (0 صوت)

10-09-2011 06:49 AM
اها والاعلانات الوهم للمدارس الكرتونية والشقق المضروبة والاراضي البور والجامعات الخليها ساكت والسيارات المن برة ماشاء الله ومن جوة ........واعلانات الجبايات الما ليها حد ...اين الاخلاق من نشرها او عدمها ؟ والطامة الكبرى اعلانات مركز الاس ام سي (مركزالامن اللاوطني ) والذي غالب اصداراته ايصال رسائل كاذبة لتخدير الشعب الفضل ...ومقالات واعمدة الذين قبضوا الثمن مسبقا دي داخلة ايضا في دائرة الاعلانات الوهم يا وهم .....شوف يازول ...ابلاي عندو رقبة بربطو من صلبو ليه؟؟؟؟؟؟؟؟؟؟؟؟؟؟؟
الله يرحمك يا عزالين وهم وهذه حكاية اخرى سوف احكيها لكم في المرات الجايات بإذن الله .


#222238 [واحد]
0.00/5 (0 صوت)

10-09-2011 04:33 AM
اهلآ عثمان انت فين يا راجل !!!!!!!!!
تعرف يا عثمان الصفحه الاولي محتكره ولمنو يا عثمان للجماعه الما بنظلم عندهم احد
يعني ناس الوالي والمتعافي وابوالعفين وقوش , يعني يا ابو عفان كل المجرمين حتي الدوليين بتاعين الجنائيه والخال كاتل التور الاسود والخلي يومك اسود من توب الزراق , عشان كده الصفحه الاولي ما عادت الاولي . اما زولنا الكتبوه بالغلط فنعتذر ليه نحن الشعب الفضل
وفي الختام بالله يا عثمان فكنا من الكلام الفاضي واعلن عن مسابقة الشيوعي المريش حيث يتسايق الجميع في اخراج المظاهرات ليثيت انو مريش اكثر من ناس مظاهرات بري الما سمعت بها ومظاهرة الجوع الخلي السندوتش يبقي ويكه بيضاء بمويه وما تنوم وتنومنا يا عصمان (؟) (؟) (؟)


#222165 [عبدالواحد00 ]
0.00/5 (0 صوت)

10-08-2011 10:01 PM
يا جماعة اخوكم عثمان(مزنوق) 00والزول ده عامل ليه عملة وقاعد (يجقلب)!! وبالتأكيد هو ما قاصد عمر البشير المطلوب لدى العدالة الدولية!!وقطعا لا يقصد اى واحد من أزلام النظام والمطلوبين لدى محاكم الشعب!!و(الذلمى) قبض القروش من صاحب الاعلان (الكاذب) وكايس مخرج00 طيب ياأخى المسألة بسيطة 00يا أخى رجع للزول قروشوا 00ولا00بقت ليك صعبة 00وسبحان الله غرامكم (للمصارى)بخليكم (تجقلبوا) بالطريقة دى يا عفن!!0


#222151 [دارس]
0.00/5 (0 صوت)

10-08-2011 09:11 PM
بالمنطق الصحفي يجعل عثمان ميرغني المتهم مجنى عليه كيف يستقيم ذلك ألا تدرج الاعلان في صحيفتكم لن يؤثر على أن الاعلان ناقص
هل كم مضى على هذا المتهم الذي لاعلم لي به ولا بالشاكي كم مضى عليه من الزمن حتى يتم هذا الاجراء وإن كان المتهم ذات نفسه لم يراعي لاهله وزويه والمقربيين فهل يراعي له صاحب الحق (من قال حقي ما خلى شئ ) بالبلدي كده لاتنظر للمسائل القانونيه من ناحيه عاطفيه مثل ما نظر صاحب كلمه ورد غطاها للجريمه الهندسيه المرتكبه في حق بنك الادخار مدني


#222146 [الزول الكان سمح]
0.00/5 (0 صوت)

10-08-2011 08:53 PM

يا بت الخرطوم ....لك منى ألف تحية

نحن قوم إذا قطعنا وعداً لا نخلف...وإذا عزمنا فعلنا ..وإذا تحدثنا أسمعنا

وصاحب ود الخدر يفتقر لما وصفنا به أنفسنا..أنا..والمندى ...وزاهر ...وأبو أمين ..والساير...وبشير...وسليمان قش..والمستغرب..وعصمت توف


#222104 [ابوطارق]
0.00/5 (0 صوت)

10-08-2011 06:44 PM
رغم اختلافى معك فى كتير مما تكتب اجد نفسى معجبا بما كتبت اليوم , لانه الصحف مفروض تتحلى بقدر كبيييييير من المسؤليه ويجب عليها ان تفكر اولا فيما تقوم به وان لا يكزن فقط غرضها قبمه الاعلان .... وفقك الله


#222092 [okan]
0.00/5 (0 صوت)

10-08-2011 05:01 PM
Ya Osman Mirghani,this isn\'t a very important issue to feature in your column..... If you don\'t have something to write about why don\'t you tell us about your friend the Wali of Khartoum ?Has he boycotted eating meat or had he had his meat imported from abroad?


#222088 [واحد تانى]
0.00/5 (0 صوت)

10-08-2011 04:49 PM
يعنى انت ما تفهم الا يلكزوك ---- ومن ناحية تانية داير ترفع سعر الاعلان باجبار صاحب القضية بدفع ثمن التشهير ثلاثة مرات ------ انت تفتيحة -----!!


#222087 [فضولي]
0.00/5 (0 صوت)

10-08-2011 04:48 PM
ليس على كل حال أستاذ عثمان بل يجب الإعتراف بالخطأ :كالتالي : (( بصفتي رئيساً لتحرير صحيفة التيار وبما أنني المسئول الأول عن نشر هذا الإعلان أرى أننا قد إرتكبنا خطأً جسيماً بنشر هذا الإعلان وبهذه الشاكلة التي بالتأكيد ضررها الواقع أكبر من خيرها المتوقع والجريدة ممثلة في رئيس تحريرها إذ تعتذر عن هذا الخطأ الجسيم إلا أنها غتخذت قراراً بعدم نشر مثل هذه الإعلانات وبمثل هذه الطريق مهما بلغ الثمن المدفوع مقابل هذا الإعلان ))
هكذا تكون شجاعة الاعتذار


#222055 [بت أبوها]
0.00/5 (0 صوت)

10-08-2011 02:22 PM
يا غثمان شخيت دحين المتهم الهارب ما هو البشير ؟.. مالك ما بتقدر تقولها؟

في ذمتك .. بشيرك ده بتتحاشا الكتابة فيهو مالك ؟ عينك في الفيل و تطعن في ضلو

أبقى راجل حبة بس و أكتب عنه

بعدين شنو خكاية أبوبكر الصديق ميرغني أخوك الناطي لينا كل مرة إتصل بيك و قال ليك؟ ما إنت مكفينا و زيادة


#222053 [محمد المختار ]
0.00/5 (0 صوت)

10-08-2011 02:21 PM
الشكية لغير الله مزلة
نحن مستفدين شنو من كلامك ده هسع


#222052 [بت الخرطوم]
0.00/5 (0 صوت)

10-08-2011 02:17 PM
وصلت االرسالة اتصل بك وزير المالية السابق بولاية الجزيرة ودكتور ابوبكر بجامعة افريقيا ولاعزاء لاخوانى بالراكوبة الزول الكان سمح والساير والمندى وكل الاخوة البسألوا عن صاحبنا الكان عايز انتحر وما انتحر صاحبكم ود ميرغنى برد لسادة الوزراء والمستشارين واساتذة الجامعات اما نحن لينا الله وعيشت السوق كسسسسرة قاطعوا مقالات ودميرغنى وخير ما عملت يا الزول الكان سمح مقاطعتك ونحن على الدرب


عثمان ميرغني
عثمان ميرغني

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة