أيهما.. دولة علمانية؟؟
10-10-2011 02:13 PM

حديث المدينة

أيهما.. دولة علمانية؟؟

عثمان ميرغني

زيارة الفريق أو سلفاكير ميارديت للخرطوم.. وهو أول زيارة لرئيس جنوبي بعد إعلان انفصال جنوب السودان.. منحتنا الفرصة أن نسمع ونقرأ كلمات السلام الجمهوري للدولة الوليدة.. والسلام الجمهوري هو الترنيمة الأولى التي تمنح الإحساس بالبلد وشعبه.. لأن كلمات أي سلام جمهوري بسيطة مباشرة تعبر بسرعة وبقوة عن ملامح الدولة وشعبها.. هل قرأتم كلمات السلام الجمهوري لدولة جنوب السودان.. هل قارنتم بين كلماته وبين كلمات سلامنا الجمهوري السوداني.. سلامنا الجمهوري الذي صاغ كماته شاعرنا الفذّ أحمد محمد صالح.. وصار نشيد العلم الذي تصدح به كل مدارسنا في كل صباح يقول: نحن جند الله جند الوطن ..إن دعا داعي الفدا لم نخن نتحدى الموت عند المحن.. نشتري المجد بأغلى ثمن هذه الأرض لنا.. فليعش سوداننا علماً بين الأمم يا بني السودان هذا رمزكم.. يحمل العبء ويحمي أرضكم.

أما الشقيقة (جداً) جمهورية جنوب السودان فاختارت أن يعبر سلامها الجمهوري عن إيمانها بالله أكثر من تمجيدها لذاتها.. تقول كلمات السلام الجمهوري لدولة جنوب السودان.. التي يشتمها دعاة الانفصال إنها علمانية تحارب الدين وتضاده..

يا إلهنا.. نحمدك ونجل نعماءك على كوش أرض المحاربين العظماء ومهد الحضارة الإنسانية يا كوش.. انهضي، أشرقي، وارفعي رايتك المرصعة بالنجمة الهادية.. وغنّي بنشوة أغنيات الحرية.. لأجل أن يسود السلام والحرية والعدالة فليبارك الرب.. جنوب السودان.. يا أيها المحاربون السود فلنقف بصمت وخشوع ومهابة.. في ذكرى ملايين الشهداء الذين بدمائهم قووا أساس أمتنا قسما سنحمي أمتنا يا جنة عدن.. أرض اللبن والعسل.. وأمة العمل الجاد.. احفظنا متحدين في سلام وانسجام النيل، والأودية والغابات والجبال.. مصدر سعادتنا وعزنا. ياربنا احفظ جنوب السودان..

بالله عليكم .. أي السلامين الجمهوريين .. أقرب لدولة إسلامية.. السلام الجمهوري الذي يجعل الرجاء والحماية في كنف رمز البلاد (العلم).. فيقول (يا بني السودان هذا رمزكم.. يحمل العبء ويحمي أرضكم). أم في السلام الجمهوري الذي يرفع الرجاء ويتوسل بكل حرارة إلى الرب في ملكوته الأعلى أن يحفظ البلاد ويحميها.. يقول السلام الجمهوري لجنوب السودان (ياربنا احفظ جنوب السودان).. أما نحن فـ(العلم) هو الذي (يحمل العبء ويحمي أرضكم).. أيهما يحمي البلاد.. الله أم العلم.. أيهما السلام الإسلامي.. سلام جمهورية السودان.. أم جمهورية جنوب السودان (العلمانية) حسب رأي مجاهدي خلق في منبر السلام العادل.

التيار


تعليقات 16 | إهداء 0 | زيارات 3692

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#223743 [واحد]
0.00/5 (0 صوت)

10-11-2011 11:53 PM
عثمان!!!!11
نويتوا تغيروا النشيد ؟
المشروع الحضاري لم يهتم اطلاقآ بالانسان واحسن وصف لكم انكم قشور ان شاء الله تطشوا ما تعودوا زي اولاد سيد الكشك


#223513 [الجوكر]
0.00/5 (0 صوت)

10-11-2011 03:00 PM
والله إنى لاحزن لردود البعض ,, فهم يردون بحقد وكراهيه !! لماذا كل هذا الحقد ,, والله إن الاستاذ عثمان ميرغنى ,, إنسان مهذ ب وهو رمز من رموز التحولات الاجتماعيه فى هذا البلد العجيب , وكأنكم لايعجبكم شئ أبدا , كان الله فى عون السودان , بلد ال40 مليون سياسى


#223309 [مخير]
0.00/5 (0 صوت)

10-11-2011 07:57 AM
يا اخوانا 000 فى زول ما فطر ؟


#223252 [زين]
0.00/5 (0 صوت)

10-11-2011 12:35 AM
والله كلام الطيب مصطفى فيك صحيح 100% . .. . وصدق لما يسميك بالصحفى المسكين

يأخى ارحم نفسك


#223174 [بنانكو]
0.00/5 (0 صوت)

10-10-2011 09:49 PM
Iwill give you abig zero just like your head ........ يا وهم .


#223135 [زول ساي]
0.00/5 (0 صوت)

10-10-2011 08:42 PM
اخونا آدم يا أستاذ عثمان بقول ليك بداية علمنا بتدحض الفطير بتاعكم وتتمسخه ! وكأنه ماقرأ المكتوب وأنه لا ينشد (يحمل العبءويحمي أرضكم). البديهي انه دا الله. ياباشمهندس عثمان انت واحد من الكتاب الكنا بنشتري الجرايد عشان نقرأ ليهم قبل ما نعرف النت .... لمن الجريدة بقت بي جنيه (المسألة بقت حسابات بعد داك) ولسا بنشتري بحثا عن كتاباتكم احيانا كثيرة ... اذا بي افاجأ انك من الاخوان المسامين !!! دهشت.. ولكن المعلومة اغنتني عن كتاباتك . بقيت اشتري حكايات بحثا عن الطرفة وناس عفاف.
انا هنا عايز اطلب منك وامثالك كثار من نشأتم في بيئة الاخوان .البيئة الي افرزت قادة مجتمع وسياسة هم الان شوهوا السودان ونهبوه . هم من صار في زمانهم سؤال آدم هو المعقول.بالله عليكم اكتبوا تحليلا ونقدا لتجربة المتأسلمين المرائين ومن ساروا به ياعثمان عشان الاجيال البتقرا هسا دي تعرف وتعي انه أي جماعة تحمل الدولة مسؤولية الدين واقامته على الناس وتنسى ان الدين يسير به الانسان بين الناس هي جماعة فاسدة ولن يكون منها الا الفساد . ياهندسة علمانية دولة الجنوب العجبك علمها هسا دي أعدل من الدولة المنشودة ديييييييييييك.


#223094 [احمد الطيب ]
0.00/5 (0 صوت)

10-10-2011 07:14 PM
الاخ عثمان ميرغني

ارجو أن انبه أن هذا النشيد قد صاغه شاعره احمد محمد صالح عند جلاء جيوش المستعمر قبيل الاستقلال وقد كان موجها للجيش السوداني ويتحدث بلسانه فيقول نحن جند الله جند الوطن إن دعى الداعي للفداء لن نخن نتحدى الموت عند المحن نشتري المجد بأغلى ثمن هذه الارض لنا فليعش سوداننا علما بين الامم يا بني السودان هذا جيشكم يحمل العبء ويحمي أرضكم . وعند الاستقلال ولضيق الوقت عدل ليكون هو نشيد السلام الجمهوري


#223086 [عبد المحمود]
0.00/5 (0 صوت)

10-10-2011 06:56 PM
كلمات النشيد الأصلية : يابنى السودان هذا جيشكم يحمل العبء ويحمى أرضكم تم تغييرها لاحقاً إلى : هذا رمزكم بعد إعتماد النشيد كنشيد للعلم بعد فترة.


#223043 [عبدالواحد00 ]
0.00/5 (0 صوت)

10-10-2011 05:48 PM
يا عثمان يا عبيط !!انت يفهموك كيف؟ ياخى صحصح معانا شوية !! هى جات على علم السودان؟!! وأنت سيد العارفين (يافرده)جماعتك كده إستتبة السلطة عندهم طوالى فتشوا مكان القروش وين!!وطبعا السبب انت عارفو ذى جوع بطنك00إذا استثنينا بعض الذين لهفوا اموال عبطاء دول الخليج فى زمن مضى وهم اقلية !!فالغالبية جات مقشطة والترابى فى سبيل تكبير كومو بأى شكل عرف إن آفة الجماعة ديل الجوع الكافر فيسر لهم الطريق والغى كل قانون قد يعيق هبر الاموال بواسطة جيوش الجراد ولم يعد فى السودان من أقصاه الى أقصاه قانون يحمى أموال الدولة والكل صار يقرف من مال الله الذى استخلف فيه!!ولهذا السبب لم ينتبه أحد من جماعتك لا لكلمات النشيد الوطنى او الوان العلم نفسه فقد استبقوا كل شىء فى حاله (بمنتهى الامانة!!) 00وحتى النصب التذكارى المسكين المصنوع من المرمر لم ينجو من السرقة واتحدى اى واحد يدلنى على مكانه إذا ما زال داخل البلاد وكذلك بوابة السكة حديد اين ذهبت كتلة الحديد الضخمة؟ ولان الشىء بالشىء يذكر (هناك من يقوم الان فى جرف مدارس الكمبونى المطل على شارع القصر وقبلها تم كنس المكتبة التابعة للكمبونى ولا يدرى الشعب لمن آلت مثل هذه المبانى التاريخية ؟)ياعثمان خليك من العلم وكلمات النشيد الوطنى والمسائل السطحية وفتش معانا عن الذين سرقوا ويسرقون (المبانى التاريخية) فى وضح النهار وهذا أفيد للمواطن 00وأنا مضطر لمخاطبتك لان معارضتنا نايمة فى العسل وهى ايضا ربما بتحلم كيف تأتى الى السلطة لكى يجهز على تبقى من الوطن !!0


#223040 [Nagi]
0.00/5 (0 صوت)

10-10-2011 05:45 PM
لسع ما فى زول رد عليك ؟؟


#223012 [ام الحسن]
0.00/5 (0 صوت)

10-10-2011 04:47 PM
بقى مافاضال ليكم ياكيزان الجن الا نشيد العلم عشان تغيروه ...اى شئ بدلتو ومسختو..الله يبدلكم انتو وريحنا منكم


#223004 [محمد]
0.00/5 (0 صوت)

10-10-2011 04:31 PM
دا موضوعك ؟ كليك (الماوس) كتيرة عليهو


#222975 [Abo dooma]
0.00/5 (0 صوت)

10-10-2011 03:19 PM
ياعمي انت سلام جمهوري بتاع شنو ؟؟هو دا الشئ الوحيد الفضل ما اتمدت ليه يد جماعتك وخربتو عاوز تحرشهم عليه .. بعدين هل الاسلام هو شعارات او اناشيد ؟؟

الرسول يقول المسلم من سلم المسلمون من لسانه ويده .. وهل هنالك مسلم سلم من لسان عمر البشير ونافع وزمرتهم ..

خلو حاجة واحده يا ناس ما تخربوها .. وبعدين الناس لامن يغنوا للعلم هل معناها عبدوه او مجدوه ..

شوف لك موضوع واكتب في اللحم الحي سيبك من الترف النحن مافضين له ولا عندنا له اخلاق... هو فضل فيها لحم ياخي ؟؟؟


#222963 [Adams]
0.00/5 (0 صوت)

10-10-2011 03:07 PM
إذا قرأت نشيد العلم جيداً وبعمق أيها المفكر المتذاكي فستجد أنه يبدأ هكذا:

نحن جند الله/ جند الوطن! وهذه البداية تنسف كل الخذعبلات والتحليلات التي استنتجتها في تحليلك الفطير! ومع ذلك ليس نشيد العلم ومضامينه هو ما يوفر الحياة الكريمة والحكم الرشيد للمواطنين. مشكلة السودان يا سيدي تكمن في ربعك الذين عاسوا فساداً في الأرض برصيد فكري ضحل وقدر مهول من سوء الأخلاق والتي بها تبقى الأمم.

وبعد دا تقول علمانية وإسلام؟


#222962 [ود الجزيرة..ابوظبي]
0.00/5 (0 صوت)

10-10-2011 03:04 PM
\' طبعا يا عثمان ميرغني انت على كده فتحت اذنهم لموضوع جديد ، سينصرفون الى اللت والعجن فيه وينسى الكيزان مأساة الوطن المنهار فقرا وجوعا وفسادا ويقوموا يبحثوا عن كلمات نارية دموية لتضمينها النشيد الوطني لجمهورية السيف الوهم التي يحلمون بالعيش لاقامتها ..قصّر الله آجالهم..
أما نحن بعد انتفاضتنا الجاية في الدرب فسيكون سلامنا الوطني كالتالي..
يا بني السودان ..أمة الرحمن .. العنوا الكيزان ..في كل زمان ومكان ..شيدوا البنيان .. وازرعوا الأركان .. أرفضوا الهوان.. وأعلوا من شأن الاوطان..


#222941 [فاروق بشير]
0.00/5 (0 صوت)

10-10-2011 02:31 PM
وفاتك تجذير حاضرهم بارث وماضى عريق عميق,فى حين نبدو كلقطاء بالمقابل.

وسلطتنا تعد اثار كوش كرجس من عمل الشيطان وكاصنام حق هدمها.
ارى ان ننافسهم فى الانتماء لكوش.ففى هذا بذرة الوحدة الاتية.


عثمان ميرغني
عثمان ميرغني

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة