في زول ما فطر ؟ا
10-10-2011 08:08 PM

في زول ما فطر ؟

كمال كرار

وزير مالية الإنقاذ أمام برلمان المؤتمر الوطني قال في معرض نفي الغلاء وأزمة الاقتصاد ما معناه ” في زول ما لاقي يفطر ؟ ” ، ونقلت حديثه هذا صحف سودانية ولم يكن شماراً أو نسنسة .

ولأن الاقتصاد علم الحقائق ، وأي نتيجة يتوصل إليها الباحثون تعتمد علي جمع المعلومات ثم تبويبها وتحليلها وإخضاعها للمقاييس الإحصائية ، فإن معرفة أن فلان قد فطر أم لا يمكن معرفتها بسهولة عن طريق الاستبيان .

ولأنه يستحيل أن نسأل 32 مليون مواطن ومواطنة في آن واحد، فيمكن استخدام عينة عشوائية من 100 أو 200 أو 500 شخص من مدن وقري مختلفة لمعرفة الإجابة علي مسألة الفطور هذه.

لو مر الاستبيان علي واحد من المتسولين الكثيرين في بلادنا ستكون الإجابة ” لا فطرت لا اتغديت لا اتعشيت من كم يوم ” .

ولو مر علي أطفال الشوارع وساكني ” الخيران ” لقالوا ” فطور يعني إيه ” .

ولو شاف الاستبيان مفصول للصالح العام لقال ” وروني القصر الجمهوري واقعدوا فراجة “

ولو طاف هذا الاستبيان علي مزارعي الجزيرة والمناقل لهتفوا بصوت واحد ” فطور يا سدنة ؟! “

أما ملاك الأراضي بمشروع الجزيرة وربيبهم حسن وراق فلن يطوف عليهم الاستبيان لأنهم ” رابطين بطونهم من زمان “.

وبين جبلين في الشرق ” الجوعان ” سئل أدروب عن الفطور فنزل من جمله وسل سيفه فرقد أهل الاستبيان ” دقاق ” .

وفي دارفور قال سكان المعسكرات كنا بنفطر من المنظمات الدولية لكن ” الله يجازي الكان السبب ” .

أما الطلاب في الجامعات فقالوا ” مما صار سندوتش الطعمية 2 جنيه دكينا الفطور “.

أم الحسن ” المفلسة ” والأرملة لحين إشعار آخر قالت في معرض التهكم علي أصحاب الاستبيان ” أنا ذاتي عاملة ريجيم ” .

علي أيام الجامعة في السبعينات ظهر ” الجداد ” الكويتي بسعر الجدادة جنيه ، وفي منعطف سعري صارت بجنيه وعشرين قرش فهاجم زميلنا ” سوس “ في ركن نقاش بالنشاط حكومة نميري والغلاء فقالت إحداهن وكانت جميلة وبنت ذوات ” هو ذاتو ما طاعم ” .

وفي واحد من الكاريكاتيرات المصرية في زمان مضي قابل ” تنبل ” ذو كرش كبير أحد الفقراء وكان هزيلاً من الجوع فقال له ” اللي يشوفك يقول البلد فيها مجاعة ” فرد عليه الهزيل ” واللي يشوفك يقول إنت سبب المجاعة ” .

في واحد ما فطر ؟ في واحد مات من الجوع ؟ أسألوا مقابر أحمد شرفي والبكري وناس أديني خروف سفري ؟؟.

الميدان


تعليقات 4 | إهداء 0 | زيارات 1904

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#223713 [قول النصيحة]
0.00/5 (0 صوت)

10-11-2011 10:33 PM
الزميل كمال كرار كلامك ده واقعي جدا جدا و حاصل في ناس بتاكل وجبة واحدة في نص اليوم ، و طبعا شاي اللبن ده زماااااان الناس خلوهو ، الشاي الاحمر في تلتلة شديده ، يا حليل زمن الفطور و الغدا و شاي المغربية و العشا ، طبعا ده كلو ببركة الانقاذ و عمر البشكير قال جينا ننقذ البلد ، بل حصل العكس انقذو انفسهم فقط ، و اكلو و نهبو و قتلو و اغتصبو و عذبو و فسدو و افسدو كل شئ ، انهم بني كوز الكيزان المقدقدة القذرة المعفنة .
و ننقول بعد اذنكم :
ديل انحنا القالو فتنا
و قالو متنا
و قالو للناس انتهينا

و ماشين في السكة نمند
من سيرتك للجايين
شايفنك ماشي تسد
وردية يا قاسم امين
وردية يا قاسم امين
قتلوك الناس القصر .

و الله انتو اشرف منهم ومن ابوهم .


#223255 [adel]
0.00/5 (0 صوت)

10-11-2011 12:37 AM
kamal allsudanes hungry non eat non water


#223168 [طشاش]
0.00/5 (0 صوت)

10-10-2011 09:45 PM
اديني خروف سفري ؟؟.

اديني خروف سفري ؟؟.


اديني خروف سفري ؟؟.


الكام الفوق دا ما نكتة والله العظىيم حقيقة وواقع معاش(؟) (؟) (؟) (؟) (؟) (؟)


#223138 [شمالي]
0.00/5 (0 صوت)

10-10-2011 08:46 PM
شكراً يا ود كرار على المقال الرائع


كمال كرار
كمال كرار

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة