المقالات
السياسة
ارشيف مقالات سياسية
الحيكومة بَرَكت..!ا
الحيكومة بَرَكت..!ا
10-11-2011 08:23 PM

الحيكومة بَرَكت!!

حسن وراق

§ الباحث في مجال الادب الشعبي والفلكلور السوداني ، الراحل الطيب محمد الطيب اثري المكتبة السودانية بالعديد من كتب التراث الا أن كتابه عن الانداية يعد من أمتع ما كتب الراحل . تناول الانداية كمنتدي ثقافي يعج بالموروثات الثقافية في جميع المجالات وفي مختلف بقاع السودان .

§ والانداية لمن لا يعرفها هي مكان يجتمع فيه الرجال نهاراً لشرب الخمور البلدية وتحديدا شراب ( المريسة ) التي تصنع من الذرة المخمرة ب(مديدة) طريقة خاصة وتعتبر في كثير من مناطق السودان بمثابة غذاء رئيسي علي الرغم من انها مسكرة وتلعب بالرؤوس .

§ تناول الاستاذ الطيب الانداية وطقوسها وقوانينها وعاداتها وافرازاتها الثقافية وتاثيراتها الاجتماعية في العديد من مناطق السودان وذهب بعيدا وتحدث عن انواع مشروب المريسة وتاثيراتها علي الذين يتعاطوها .

§ من اشهر انواع المريسة ، ما يسمي ( كَبَسْ التور ) والذي يشرب من هذا النوع يصبح شريرا متحفزا للمشاكل والشجار أما النوع الآخر يعرف ب (الجمل برك ) ومن يتعاطاها تظنه واعِ، يظل يحكي بفصاحة ومنطق ووعي ولا تظنه (سكران) ولكن ما أن ينهض واقفا حتي تنهار قواه ويجثو علي ركبتيه كما يبرك الجمل .

§ حكومة الانقاذ بدأت عهدها ب ( كبس التور ) وطاحت في الخلق بطش وارهاب قتلا وتعذيبا سجنا وتشريدا حتي تمكنت من بسط سلطانها بطريقة ( الابضايات ) . زهو الانتصار زين لها انها ( إنتهت ) من هذا الشعب وراحت تتصرف بلا عقل ، تكذب وتسرق و تفسد في حكمها ومن فرط ( الطشمة ) ظلت تصدح ( الشعب مبسوط مِنًي) .

§ وضاعت ثروات البلاد في الفارغة والمقدودة وبناء غابات الاسمنت في كافوري و( ليتل خرطوم ) Little Khartoum في ماليزيا وتحولت عائدات النفط الي ارصدة في حسابات خارجية انهارت الزراعة والصناعة وانفصل الجنوب والحروب تستعر في دارفور والنيل الازرق وكردفان. انعدمت الموارد المالية وازمة اقتصادية وغلاء طاحن .

§ في مؤتمر القطاع النسائي بالمؤتمر الوطني تحدث النائب الاول لرئيس الجمهورية، قلل من الازمة الاقتصادية ، وصفها بظرف اقتصادي طارئ سيتم تجاوزه علي حد قوله بإلارادة الموحدة وموارد يجري ترتيبها ( من وين ياحسرة ) دون ان يكشف عن طبيعة هذه الموارد . الحكومة تتحدث بفصاحة من إحتسي ( الجمل برك ) بعد أن تأكد انها لم تعد قادرة حتي علي الوقوف ومواجهة ازماتها وظلت جاثية علي ركبتيها كما الجمل تكثر من الرغاء خائرة القوي لن تحوج الجميع بانتفاضة شعبية لانها ببساطة باركة في الراكوبة

الميدان


تعليقات 6 | إهداء 1 | زيارات 2797

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#224180 [ثورة حتى النصر]
0.00/5 (0 صوت)

10-12-2011 06:16 PM
العيكومة دي من جات في يونيوها الاسود و لحد يومنا دة لو عملنا ليها جرد حساب بسيط و سريع في مجالات رئيسية خلونا نختار 1 الاقتصاد الدولار كان ب 12 ج وهم قالوا جو عشان ما يصل عشرين و بفضل سياساتهم وصل 5000 بالقديم !!! في (العكلابة ) بتاعة الخمس الاف دي تقدر تشوف الانتاج الزراعي وانهيار مشروع الجزيرة وكل المشاريع الزراعية !! 2 الأمن و الوحدة الوطنية الناس ديل الله لا يوفقم جو لقو عندنا حرب في الجنوب لا ننكرها فلا هم اوقفو الحروب و لاهم حافظوا على البلد موحدة !! ( لا حفظتي جعزك لا مالا لقيتيه) بل نجد انهم اشعلوا حروبا جديدة في دارفور وفي النيل الازرق وجنوب كردفان و الشرق!! 3 السيادة الوطنية يكفينا حقيقة وجود اكثر من 20 الف جندي اجنبي في اراضينا و يكفينا ان رئيسنا اطال الله عمره مطلوب للعدالة الدولية و بتهمة ايما تهمة؟؟ انها قتل ابناء وبنات شعبه !!! بعد دة يا جماعة يقدر واحد يقول لي نحن منتظرين شنو؟؟؟


#224111 [عمر]
0.00/5 (0 صوت)

10-12-2011 03:53 PM
ات فى الحيكومة البركت؟على الطلاق انا بركتا من الضحك..الله يجازيك ياحسن وراق ((بس أحسن الجزاء انشاءالله)) ومقال واحد ساخر يفعل مالا تفعله المئآت من المقالات المكشرة


#223769 [مدحت عروة]
0.00/5 (0 صوت)

10-12-2011 12:29 AM
الاسلام عندما لا يستغل لاغراض سياسية مريضة كما تعمل الحركات الاسلاموية فى جميع انحاء العالم هو الدين الذى يستطيع ان يدير التنوع العرقى و الثقافى و الاجتماعى بكل سلاسة و سهولة و يسر و هذا ما كان حاصل فى السودان حتى عندما كان الدستور و النظام علمانى لكن معانى و مقاصد الاسلام كانت سائدة فى المجتمع و هذا لا ينفى من وجود المظاهر السالبة الغير اسلامية و لكن تغييرها كان سيتم بطرق اخرى و على مر الزمن باللتى هى احسن و القدوة و الدين المعاملة و النصيحة و نشر الثقافة الاسلامية و التى لا تخالف الفطرة السليمة و الصحة العامة و جعلناكم امة وسطا و لو كنت فظا غليظ القلب لانفضوا من حولك!! لكن المصيبة فى حركات الاسلام السياسى و هى والله الذى لا اله غيره ابعد ما تكون عن اخلاق و معانى الاسلام و هذا واضح للجميع خاصة فى السودان و المصيبة الاكبر ان فظاعاتهم و شراستهم يعنى بالبلدى كده رجالتهم ما طبقوها الا فى السودانيين مسلمين و غير مسلمين!! انهم لا يصلحوا البتة لادارة بلد مثل السودان !! انهم فكر و ثقافة غريبة على السودان لان منبتها و بذرتها غير سودانيتين و لذلك لا تصلح ان تغرس فى ارض السودان الطاهرة!! و اهل السودان يحتاجوا لافكار احسن من كده و هى موجودة وسطهم و من ناسهم و ثقافتهم و غير محتاجين لثقافة الغير مصريين ولا باكستانيين ولا ايرانيين!! كتاب الله و سنة رسوله الناس بتعرفها كويس و ما محتاجين لتلاميذ حسن البنا ولا غيره عشان يورونا ليها!! و الدليل على عدم نجاحها الوضع الحالى فى السودان و ده ما داير ليه شرح كتير اهو ماثل قدام عينكم!!!!


#223759 [حسن]
0.00/5 (0 صوت)

10-11-2011 11:46 PM
ود وراق

دا مش جمل برك... دا جمل حمل كل الاموال وهربها الي الخارج بل حمل معه الاخلاق!!!!


#223730 [السيف والدرقة ]
0.00/5 (0 صوت)

10-11-2011 09:59 PM
طيب ياخي طالما الحكومة باركة ماتنغض عليها وتريحنا منها


#223702 [Dode]
0.00/5 (0 صوت)

10-11-2011 09:12 PM
ههههه الحكومة ما بركت ...الحكومة فنقست عدييييييل كده مع الاعتذار للقارئ الكريم ...


ردود على Dode
United Arab Emirates [ABO YOUSIF] 10-12-2011 11:59 AM
و الله ضحكتنى شديد بفنقست دى اخى الحكومه اصلها كانت منبطحة عديل بس يمكن تكون صلحت القعده


حسن وراق
حسن وراق

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة