ما قلتو ..!!ا
10-14-2011 02:36 PM

بانوراما الرحيق

ما قلتو …!!!

حسن وراق

§ الورطة الاقتصادية التي تواجهها الحكومة تتضاعف كازمة يوما بعد يوم ولا يلوح بارق في الافق او مخرج . ولان الصديق وقت الضيق فالحكومة ما عندها صديق (كلهم رمتالة ). وقت اتقفلت بالحيل عليها قَبَل بالمرة رمت أمرها علي القروض الربوية من الغرب الصليبي وانفاذا لهذا الخيار ،ستعقد هيئات الرقابة الشرعية بالبنوك مؤتمرا لاقرار فقه الضرورة بجواز القروض الربوية في الايام القادمة

يا حاجة ..لا

§ تكلفة الحج لهذا العام بلغت 10 الف جنيه بزيادة الفي جنيه عن العام الماضي . احدي الشايقيات نوت الحج ، وقفت في صف دفع الرسوم، طلب منها الموظف المسئول دفع 10 مليون رسوم الحج ،، طنطنت الشايقية وهي تهم بمغادرة شباك الدفع قائلة والله كلام !! عشرة مليون فرد مرة ؟ والله يا وليدي انا زاتي ما عندي ذنوبا قدر العشرة ملايين بتاعتكم دي .

خروف استعمال دبلوماسي!!

§ انفاذا لشعار الغالي متروك سيقاطع الشعب لاول مرة في التاريخ شراء الاضاحي ولو نفذ هذا الشعار سوف يصبح وصمة عار في حكومة الانقاذ ولهذا قامت ما يعرف بهيئة علماء السودان الي (تجويز ) شراء الاضحية بالاقساط المريحة وبالدين الاجل علما بأن الاضحية من مشروعية الحج والحج زاتو بالزات بالاستطاعة و حقو الحكومة تفكر في خروفان مستعملة .

الفيكم اتعرفت!!

§ عند زيارة الرئيس الايراني رفسنجاني السودان اختيرت مدينة الحصاحيصا لتستقبل ضيف البلاد واقيم له عقد زواج جماعي من الفي زيجة توقع العرسان كرماً اصفهاني ولكن آية الله اهداهم مصحف ومصلاية ايرانية فقط . معظم الزيجات فرتقت بانتهاء العقد. بعد فترة دب خلاف بين زوج وزوجته فطلبت الزوجة من الزوج ان ( يوديها بيت ابوها ) وببرود شديد قال ليها والله انا لقيتك في دار الرياضة ما جبتك من بيت ابوك .

لا مزايدة في الدين !!

§ المنهج التعليمي في مدارس الاساس يحتاج لاعادة تقييم من قبل تربويين حقيقين غير اولئك المزايدين الذين ساهموا في تدني مستوي التلاميذ وهروب المستطيعين الي المدارس الخاصة وعلي سبيل المثال تلميذ الصف السادس مقرر له في التربية الاسلامية حفظ وتجويد سبعة صور ،عدد ايتها 314 من الزخرف الي الذاريات وتتضمن الاحقاف ، محمد ، الفتح ، الحجرات و قاف يشكو اولياء الامور من أن مقرر التربية الاسلامية علي حساب بقية المقررات علما بأن سورة الحجرات كانت فقط مقررة حفظا علي الشهادة السودانية سابقاً .

الميدان


تعليقات 4 | إهداء 0 | زيارات 1815

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#225500 [Mahmood]
0.00/5 (0 صوت)

10-15-2011 09:27 PM
قاف دي جبتها من وين يا وراق قول ق


#225133 [ح اجى راجع ليك يابلدى]
0.00/5 (0 صوت)

10-15-2011 08:26 AM
بالله انا كنت بسمع باسمك بس حسن وراق قال.... ياخى انت الكتاب ديل بجو من وين ...سبحان الله ا ...هسع انت عامل فيها كاتب ...ومقالك كلو اخطا من كل الانواع بس الزعلنى جدا جدا عدم فهمك كمان ...هسع بالله الجمله دى من مقالك : وببرود شديد قال ليها والله انا لقيتك في دار الرياضة ما جبتك من بيت ابوك ...فيه داعى ليها ..انت قايل نفسك بتتونس فى اندايه ...ياخى ما تحترمو عقول الناس ....ناس عجيبه ياخى ...مقال ركيك لايرقى لادنى المستويات ...


#225084 [Emesary]
0.00/5 (0 صوت)

10-15-2011 01:15 AM
( سبع سور ) ياسيد وليس ( سبعة صور ) وعموما الواحد ما عارف يقول ليك شنو !!!! طبعا بعد هذا لا تعليق بخلاف ان اسالك من الذي اعلمك باسماء سور المقرر التي ذكرتها في مقالك ؟؟؟


#224970 [واحد]
0.00/5 (0 صوت)

10-14-2011 04:07 PM
يا حاجه لا ابداع


حسن وراق
حسن وراق

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة