هل ح يجي يوم ؟ا
10-15-2011 12:26 PM

ساخر سبيل

هل ح يجي يوم ؟

الفاتح يوسف جبرا

* خريج يتوظف وبعد 30 سنة يقدر يتزوج؟
* تنعدم (الحفر) من شوارعنا الرئيسة؟
* يجى الخريف (ما فجأتن)؟
* يصبح التعليم مجانن وكمان العلاج؟
* تغطى أموال الزكاة كافة الفقراء والمساكين ؟
* يعود الناس تااااني لأكل 3 وجبات و(بعدهم تحلية كمان)
* طياراتنا تقوم في مواعيدا؟
* المغترب يكون راضى عما تقدمه له الدولة ؟
* يحترف أحد لاعبينا في نادى أوروبي (إن شاء الله درجة عاشرة)
* تعمل مخالفة يستوقفك رجل المرور ويقول ليك : دى آخر مرة تاني ما تعمل كده !!
* يطلب رئيس نادي كرة إخراج لاعب من المباراة وتبديله بآخر ويقوم المدرب يرفض؟
* تتم إجازة زيادة اسعار السلع الضرورية ويقوم أعضاء البرلمان (ما) ح يصفقوا؟
* تسأل مسئول متزوج أربعة كيف يستطيع أن يصرف علي (الكلام ده) ويقدر يجاوبك؟
* يرتفع سعر سلعة وتنزل تااانى لسعرها الأولاني؟
* المعارضة تكون أحسن من الحكومة؟ أو الحكومة تكون أحسن من المعارضة ؟
* ح يجى يوم ناكل مما نزرع؟ و نلبس مما نصنع؟
* تحل باصات الوالي أزمة المواصلات؟
* يصمد المرتب حتى يوم 15 في الشهر؟
* يؤثر استخراج البترول علي حياة المواطن ومعاشهم ؟
* ديناصورات السياسة يدو (الشباب) فرصة؟
* يقدم مسئول إلي المحاكمة في قضية فساد؟
* يكون أورنيك 15 هو الأورنيك الوحيد في تحصيل رسوم الدولة؟
* تختفي الجبابات علي الشوارع السفرية؟
* تكون عندنا سكة حديد وقطارات زينا وزى باقي خلق الله؟
* لا ينتقل وزير من وزارة إلي آخرى (مترقياً) ؟
* قروش (المعاش) تغطى مصاريف 5 يوم (للمعاشيين)؟
* تعود للغناء عافيته ونستمع إلى ما يشابه (ضنين الوعد) و(الوكر المهجور)؟
* تكون لدينا شبكة مواصلات داخلية مريحة؟
* يكون جمع ونقل النفايات مسئولية الدولة وليس المواطن؟
* يختفي المتسولون من أمام شارات المرور والصيدليات؟
* نتداول السلطة سلميا بواسطة صناديق الإقتراع؟
* يتفق الناس علي رؤية هلال شوال؟
* يمتطي المسئولون عربات (ما موديل السنة) !
* تسند إدارة أنديتنا لي زول مخو مليان و(جيبو فاضي)؟
* تستبدل قطع رقعة الشطرنج بقطع (جديدة) ؟
* يرجع حجاجنا وهو يلهثون بالشكر (لبعثة الحج) لأنها ما قصرت !
* ياتي العام الدراسي والمدارس مصانة والأستاذ متوفر والكتاب والكراسي (موجوده) !
* نقدر نحدد نحنا بلد صناعي وللا زراعى وللا بترولي؟
* تقوم في الخرطوم شبكة صرف صحى زينا زى باقي عواصم الدنيا !
* يكتفي المسئولون بوظيفة واحده ويخلوا حكاية (عضوية مجالس الإدارات) والشنو ما بعرف !
كسرة :
ما ظنيت !!


تعليقات 26 | إهداء 1 | زيارات 5352

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#226204 [A.nasir]
0.00/5 (0 صوت)

10-17-2011 12:25 PM
وهكذا بلغ بنا الحال
اصبحت المطالبة بالحد الادني من سبل العيش شبه الكريم
اضغاث احلام واماني واحلام يغظة
شدة ما تعود الناس على العيش في الدرك الاسفل من الحياة اصبح مثل هذا الكلام
منتهى الرفاهية وقوة العين , قال: (ضحكولو دخل بي حمارو)


#225829 [yassin awad]
0.00/5 (0 صوت)

10-16-2011 02:38 PM
وده متين ياخاااااااااااااااااااااااااااااااااااااااال يوم 32\\13\\20100


#225736 [اميييييييييييييييييييين]
0.00/5 (0 صوت)

10-16-2011 11:46 AM
من صفحتك ولي الله .. وبضيف نتمني يجي يوم وما يكذب زول باسم الدين


#225714 [الزول الكان سمح]
0.00/5 (0 صوت)

10-16-2011 11:04 AM

يا أبو أمين ...والله مشتاقين ...ما شفتا مقالات شريفة شرف الدين ؟.بالله عَرٍج


#225690 [ابو امين]
0.00/5 (0 صوت)

10-16-2011 10:21 AM
حلم الجعان عيش هههههههههه خليهو ياعديله النمه دى بتريحوا شيه(عدليه دى مرت استاذنا الفاتح جبره )


#225664 [ود الفكي ]
0.00/5 (0 صوت)

10-16-2011 09:57 AM
يا فاتح يا جبره يظهر عليك انت زهجت مننا يا أخي ده كلام تقولو .طبعا حيجي اذا كلنا انتقلنا الى مقابر البكري او الحاج يوسف وقابلنا اهلنا الزمان العايشين وما زالوا في ذلك الحا يجي .
والله شيء عجيب قال يصمد المرتب حتى يوم 15 قال ( ان صمد وقعد انا يصمدني الوجع يا جبررررررررررررررررررررا.


#225661 [مواطنة]
0.00/5 (0 صوت)

10-16-2011 09:54 AM
مابين زمنا متمنيهو وزمنا زادنى اسية














الجنة ام نعيم الجنة ام قصر يا عم عبد الرحيم الا ورا القبر


#225610 [بنانكو]
0.00/5 (0 صوت)

10-16-2011 06:52 AM
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه لو الاماني بايدي كنت ............
:
:
:
:
:
:
:
:
كنت ....كنت ..... ادخلت عمر البشير وزمرته جحر ضب !!!!!!!!!!!


#225581 [واحد تانى]
0.00/5 (0 صوت)

10-16-2011 01:24 AM
انت قبيلتك شنو .... اذا طلعت من نفس قبيلة السائل اتوظفت ..... هذا هو السودان ...وا اسفاى


#225562 [ود حديد]
0.00/5 (0 صوت)

10-16-2011 12:36 AM
كلامك ده يا جبرا ممكن يحصل في حالتين اتنين ....

يا في حلم يا في فيلم ...........


#225560 [موجوع شديد]
0.00/5 (0 صوت)

10-16-2011 12:34 AM
دخلت نملة وشالت حبة...........وعيك النمل زاتو تعب


#225533 [الاقرع النزهى]
0.00/5 (0 صوت)

10-15-2011 10:46 PM
بعد كدا ما فضل لينا الا ح يجى يوم الجار ما يعرف اسم جارو والاخ مايعرف اخاه....ومن ثم يفر المرء من اخيه ...وامه وابيه وصاحبته و بنيه


#225465 [تواري]
0.00/5 (0 صوت)

10-15-2011 07:46 PM
00000واصل الحلم


#225425 [عطبراوي آخر]
0.00/5 (0 صوت)

10-15-2011 05:58 PM
أن يعامل المغتربون العائدون لأرض الوطن في الموانيء والمطارات ، معاملة كريمة بأدب وأحترام لانهم كانوا ولازالوا البقرة الحلوب ، التي سندت الأقتصاد السوداني وحافظت على توازن المجتمع بالمساعدات الهائلة التي قــدمها ويقدمها لكل مغترب على الأقل لعشيرته الأقربين ، ناهيك عن المساهمة في بناء المدارس والمراكز الصحية ، والتبرعات التي يقومون بها للجماعات والأفراد ( كسيارات الأسعاف ) و( خزانات المياه بالمستشفيات وووووألخ
أننا نحلم بهـذا اليوم ، ، ولن يأتي هـذا اليوم الأ أذا ذهب هؤلاء ( المكنكشون ) في السلطة كأنها ورث أبائهم ،، ولن ينصلح حال السودان عموما الأ برحيل هؤلاء المجرمين الحرامية وذلك سوف يحــدث لأنه للصبر حــدود وصبر الشعب السوداني قــد نفـــد ... ياهوي
جاكم بلا ياجبهجية يا حراميه


#225420 [ واحد متشائل]
0.00/5 (0 صوت)

10-15-2011 05:50 PM
يا خي
ظناً زي ده ماتظنو


#225375 [منير]
0.00/5 (0 صوت)

10-15-2011 04:30 PM
تقيف في الاستوب و ما يجيك بياع مناديل ثم بياع الاسكراتشات ثم بيع الولاعات ثم بياع السكاكين ثم بياع الطائرات الورقية ثم بياع لعب الاطفال ثم بياع العنب المستورد ثم بياع عدة الميكانيكا ثم بياع عدة الحلاقة ثم ثم يدي تعبت من الكتابة


#225327 [أبو كلوة]
0.00/5 (0 صوت)

10-15-2011 02:45 PM
ما ظنيت ... طالما الجماعة قاعدين


#225320 [wad aljazeera]
0.00/5 (0 صوت)

10-15-2011 02:36 PM
لو طال الزمن او قصر اليوم البنقلع فيهو الحراميه ديل جااااااااااى . لكن المشكله فى ديناصورات المُعارضه ديل ؟


#225317 [زول]
0.00/5 (0 صوت)

10-15-2011 02:29 PM
انت بتحلم يا جبرا ديل احسن منها العنقاء والغول والمدينة الفاضلة


#225294 [ابو دياب]
0.00/5 (0 صوت)

10-15-2011 01:38 PM
أكيد نايم وحلمان ... ويمكن المدام جات صحتك وقالت يا راجل ما ماشي الشغل ؟
وقطعت عليك باقي سلسلة ( الامنيات) والتي ربما كنت ستكتبها حتي صباح اليوم التالى.... والله يهون القواسي ويحقق الأح................لام


#225272 [الزول الكان سمح]
0.00/5 (0 صوت)

10-15-2011 01:03 PM

هل ح يجى يوم

نسمع فيهو الشعب يريد إسقاط النظام؟؟

يكون فى العاصمة شبكة مترو زى دبى ..بدل بصات ود الخدر؟؟

يكون الموية والكهرباء من الخدمات الأساسية المجانية؟؟

ننتج التفاح والعنب والكمثرى والفراولة والتين والزيتون ..بدل الدوم والنبق واللالوب؟

تمتلك سودانيرأسطول من الجامبو والإيرباص أسوة بشكات الطيران العالمية؟

نشوف فيهو كل الإتمنيناهو ده قبل مانروح فى ستين داهية؟


الفاتح يوسف جبرا
الفاتح يوسف جبرا

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة