المقالات
السياسة
ارشيف مقالات سياسية
رئيسنا زينة وحالف يتبرع لينا !ا
رئيسنا زينة وحالف يتبرع لينا !ا
10-30-2011 08:45 AM

رئيسنا زينة وحالف يتبرع لينا !!!

أسماء الجنيد
[email protected]


سلام يا اهلنا قرآء الراكوبة
لكم التحايا النواضر
ربنا يستر بس ما يطق لينا يوم عرق بي سبب البشير الجخاخ في الفارغة ومقدودة
مصايبو بقت فوق للتحمل والله ,,,
اكيد قريتوا الخبر التحفة ده !! والما قرأ يتفرج معانا في الخبر ادناه والخبر منقول من موقع سودانيز اون لاين ......!!!!
(( فى إطار الوطيدة بين مصر والسودان، أهدى الرئيس السوداني عمر البشير شعب مصر 20 ألف رأس أغنام وذلك بهدف توفير اللحوم السودانية العالية الجودة فى السوق المصرية.
وعلمت \"بوابة الأهرام\" أن الدكتور صلاح يوسف وزير الزراعة و استصلاح الأراضى عقد اجتماعا اليوم بحضور اللواء أسامة سليم رئيس الهيئة العامة للخدمات البيطرية والدكتور صلاح معوض رئيس قطاع الخدمات الزراعية لتحديد أفضل سبل استلام الأغنام السودانية لسرعة عرضها بالأسواق قبل عيد الأضحي المبارك، وعقب انتهاء الاجراءات المحجرية حيث سيتم نقلها إلي مدينة أبو سمبل السياحية كمدينة حدودية لإتمام أعمال الذبح والتشفية.
وبدأت اللجان البيطرية المصرية المتواجدة حاليا فى السودان فى أعمال فحص الأغنام التى تقرر توريدها إلي مصر كهدية من الرئيس البشير للشعب المصري بمناسبة حلول عيد الأضحي المبارك.
ويشرف علي أعمال اللجان البيطرية بالسودان الدكتور يوسف ممدوح رئيس الحجر البيطري والذي يشارك فى اجتماعات لجنة تيسير أعمال المشروع الإستراتيجي لإنتاج اللحوم الحمراء بين مصر والسودان.
يذكر أن الرئيس السوداني سبق أن أهدى مصر 5 آلاف عجل بمناسبة ثورة يناير المجيدة وتسلمتها مصر بالكامل وتم طرح لحومها بأسعار مخفضة فى المجمعات.))
عليكم الله يا جماعة الزول ده مشكلتو شنو مع اللحم والبهائم والمصاروة؟؟؟
حاجة تحير المخ زاتو
شعبك جيعان ومقرطة عليهو من الجهات الأربعة, رسوم الدراسة ما قادرين
عليها , تطردوا في الشفع من المدارس
الناس مرضانيين وما لاقين سعر الحقن , والشعب ينبح في الشوارع وفي كم مظاهرة طلعت بسبب الغلاء , وضربتوهم وكممتوا افواهم,,, الناس تكورك , الجوع ,,, الجوع ,,
الحجاج لي بيت الله ضيقتوها عليهم ولغيتوا كم رحلة وبهدلتوهم بي حقهم ,!!!
وإنتو شايلين قرعتكم حايمين بيها البلود , تشحدوا بي جاي وتبلعوا بي جاي
بعد ده تشيل وتتبرع للناس من حق الشعب الغلبان ؟؟؟!!! , لسه مراح البقر الأديتو للمصاروة ما قسموهوه , تلحقهم الليلة 20 ألف ماعز ؟؟
20 ألف أم دلدوم في فقرتك الماكنة دي وفاخورتك الفاضية , يا ضلالي يا منافق!!!
ذنبهم شنو اهلنا يأكلوا في الفول والعدس , وبعضهم ما لاقي حتى يأكلها بي موية !! وإنت تتبرع بي حقهم بألألوف للمصريين؟؟
هل دي مقايضة وبيعة لي حلايب ؟ ولا ناوي تمشي تلبد في واحد من الإهرامات ساعة زنقتك ؟؟
متوقعة الأخيرة ,, لكن يبقى غباك مستحكم , لأنه المصريين ببيعوك بي صحن فول ,
ويخلوك تتلفت زي طير الرهو . من ما قمنا ما سمعنا لينا بي هدية ولا تبرع جانا من مصر تحديدا .
غير الإستفزاز والتندر والضحك على اهلنا ما شفنا منهم حاجة
وأكتر حاجة هسة محتلين جزء مهم من ارضنا وترابنا , وبعد ده إنت منبرش ليهم على قدومك المتل الدليبة ده
وتشيل وتتمحلس ليهم بي إسم الشعب !! لو بتتبرع بي حقك وعرق جبينك إن شاء الله تديهم روحك . ما عندنا شغلة فيك..
لكن البلد إقتصادها في حافة الهاوية , وجنيها خبت الدلجة زمااان بي سببك وسبب عمايلك والمعاك ..
وهسة وفي الوقت ده تحديدا , بدل ما تستغل الظرف الإقتصادي وتصدر الثروة الحيوانية الفضلت وتستفيد من زمن الأضحية ده !!!
تقوم تضيقها على الشعب وتغلي ليهم سعر البهيمة عشان تديها بلااااااااااااش وبي مغصة لي الغير!!!
عليك الله إنت ما اكبر أرعن وخازوق مرا على البلد ؟؟؟
دي مصيبة شنو يا أخوانا وبلية شنو الإتبلينا بيها دي !!! يحلنا منك ال لا نام لا أكل الطعام ..
بركة الأيام المباركة في الشهر المبارك , بركة دعوات كل حجاجنا لي بيت الله الحرام , يذ لك يا البشير زي ما ذليت شعبك وقبلت ليه بالهوان . ,, بقدر الوجائع والمصائب الجات من تحت نافوخك المصوفن , ربي ينتقم منك ويفرج فيك كل العباد , ويكون مصيرك أسوأ من مصير أي ظالم جبار , أسوأ من مصير مبارك المسجون وبن على الهائم متلبد بره بلده .
امانة تهينك وتقطع دلاقينك ,, ال 20 ألف بهيمة دي , اولى بيها اهلك في دار فور ولا المصريين ؟؟
لو قسمتها على دار الأيتام واسر الشهداء القتلتوهم بالظلم , مش كان قضت الغرض وضحت لي 20 ألف اسرة سودانية ..!!! بدل ما نسمع ضحى بيها الغريب , يا منافق!!
إت يا الغبيان إن بدر بيك الزهايمر غور مننا لا غادي واختانا , خلي الفضل ده من البلد يلحقوا الشعب ويعدل حال البلد الغورت جرحوا ووكرت غباينه وكترت ديونه ,, , الله يوكرك في لاهاي , لا تعرف تقبل جاي ولا جاي بركة دعوات المظاليم والمطحونين من الغلابة والمهمشين
كل يوم بتثبت للعالم كمية الرعونة المالياك لامن مارقة بي إضنيك المتل الدرق ديل ,, والمصيبة زول واحد من التابعينك ما منو فايدة , عشان نقول منو رجاء , ويمكن يهديك وينورك عشان تفتح عينيك ,,, كلامك البقيت تفكفكوا في الهواء كل يوم اقبح من الفات , وتصريحاتك هبلة وعبيطة زيك . وتصرفاتك يجب الحجر عليها فورا ,, وبعد ده مارضنا بي الشحده بي جيهة والتبرع المشاتر بي جيهة تانية
هسه عليك الله إن ما عندك غرض خبيث ومصلحة مستترة مع الفراعنة ديل , البهائم دي وكت اصلك مارقها مارقها للتبرع , مش كان تديها لي شعب الصومال البمر بي زمن صعب وفعلا محتاج والعالم كلو واقف معاه ,!!! وقت اصلك ما داير تديه للغلابة والمطحونيين من شعبك الفضل !!! ومستكتر عليهم يضحوا زي باقي الشعوب
النبي فيكم يا اهلنا , في الأيام المباركة دي , وفي كل الأوقات , ارفعوا الأكف تضرعا للمولى عز وجل ان يريحنا من هذا المرض الخبيث
ويبعد عننا وباء الكيزان الجاثم على صدور اهلنا جميعا
ربنا يفتنهم فيما بينهم , ويكسر شوكتهم , ويمرمط سمعتهم ويفضح امرهم , ويذلهم بركة جاه النبي ,
اللهم آمين يا رب العالمين
يمهل ولا يهمل

متاوقة
ــــــــــــــ
اسمعوها مني كلمة , والله هسه المصريين بعد الهدايا الجاياهم في صمة خشمهم من بقر وماعز وغيره
وهم محتلين ارضنا وترابنا يكونوا ضاحكين فينا للطيش
ويقولوها بالفم المليان , إيه العبط الهبل ديل !!! ومن حقهم
فعلا رئيسنا عبيط وأهبل ومحسوب علينا

ودعتكم الله
أسماء الجنيد


تعليقات 23 | إهداء 4 | زيارات 3361

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#234133 [سودانى مغبون ]
0.00/5 (0 صوت)

11-01-2011 02:58 AM
هى يا انته :

ياركيك الكتابة انته ( واكيد كوز ) ده فعلا الحاصل وماعايزين تاكيد من سعادة الجاعر الرسمى بى هبالات البشكير .. الاسلوب الجميل فى الكتابة والخطابات تكوسه فى خطب ناس الاطماس الغاشين بيها نوعك ده ..

متاوقة ( طلة بدون ظهور ) :
جزاب ( بالذاء وليست بالزاى )
الكلمات ( وليس الكلامات ) شكلك بتاع شمارات .
عزرا ( بالذاء وليس الزاى )



#234080 [حنو]
0.00/5 (0 صوت)

10-31-2011 11:40 PM
خلونا نقول دا هوالحاصل بس اسلوبك عاجز وركيك شديد كلام الطير في الباقير ارجو الكتابة باسلوب جميل وجزاب واختيار الكلامات الجميلة عفو ا وعزرا


#233969 [gafar emubarakk]
0.00/5 (0 صوت)

10-31-2011 08:22 PM
WHILE MY BLOOD WAS BOILING WHEN I WAS READING YOUR ARTICLE ASMAA, YOU ALSO MANAGE TO PUT A SMILE ON MY FACE AND MAKE PROUD OF OUR NATION
YOU EXPRESSED THE ANGER AND SUFFERING OF OUR PEOPLE IN SIMPLE AND ADMIRABLE WORDS

I WONDER WHAT WILL BE THE RESPONSE OF ALBASHIR IF HE READ YOUR ARTICLE,,MAY BE HE WILL SAY YOU HATE HIM BECAUSE HE IS MUSLIM AND HE IS GOING TO IMPLEMENT THE SHARIA LAW IN HIS SECOND REPUBLIC AS HE CALLS IT
WELL DONE ASMAA GOD BLESS YOU


#233532 [المريخابى السعيد]
0.00/5 (0 صوت)

10-31-2011 07:43 AM
الكيزان المنافقين عندهم الرد الجاهز لتبرير هذه السفاهة
ويؤثرون على أنفسهم ولو كان بهم خصاصة!


#233525 [دقنة]
0.00/5 (0 صوت)

10-31-2011 05:39 AM
البشير القشير ده ينطبق عليهو المثل ,,,,,,,, أمو تشحد وأبوهو يشحد وهو قاعد ينفق في سبيل الله !!!!!


#233516 [Aateif Abdoon]
0.00/5 (0 صوت)

10-31-2011 03:18 AM

شكرا يا استاذه اسماء

دا ياهو الشـــعــبو جــعـــــان ... وبــشــبـــع الــجــيــــران

نظام غريب ورئيس عبيط ومتناقض .. بحي الثوار ويدعمهم في ليبيا...... ويخون الثوار وبعاديهم في سوريا ... مع الحريه في لبيا ومصر وضدها في دمشق والخرطوم .......... من الضيق العلي شعبو علماء سلطانو بيفتو بي الضحيه بي الاشتراك والضحيه بي اقساط وهو بيهدي الشعب المصري 20 الف راس وقبها نصها من الابقار ......


#233489 [wad aljed]
0.00/5 (0 صوت)

10-31-2011 12:52 AM
سلمت يداك يابنت الجنيد علي هذا المقال الرائع ولا تعليق لدي زيادة علي ما كتبت فلقد كفيتي ووفيتي


#233424 [زوله]
0.00/5 (0 صوت)

10-30-2011 09:56 PM
والله يا بت الجنيد ما فى زول بيكون موجوع وممغوص زى من عمليه القشير العمله ده لانى عاشرته المصريين اولاد اللذين وعارفاه نظرتهم للسودانيين كيف وبعد ده يجى رئيسنا الاهبل ده يتبرع ليهم .الله لا كسبه دنيا ولا اخره وببركه الايام المباركات دى دعاك ليه كلو يستجاب ونشوف فيه يوم اسوا من يوم القذافى
احىىىىىىىىىىىىىىىىىىىىىىىىىىى انا لو لميت فيه عضيته فى نص راسه ده يمكن يجيب فيه خبر,غايتو انا صابره من زمان ومتحمله وبقول يمكن يعقل لكن بعده فقدت الامل ,الله يفقع مرارتك زى ما فقعتنا


#233371 [ABO YOUSIF]
0.00/5 (0 صوت)

10-30-2011 07:50 PM
بت الجنيد لك التحية انت بتنكتى الحاجات دى من وين ما تخليها مستوره مالك بزيدى لينا المواجع انا اتمنى ان الشعب السودانى يتجمع كله فى واحده من الساحات العظيمه القديمة تاريخيا و يعتصم من الاكل حتى الموت انت قايله كلامك ده باثر فى البشير ده انسان فقد الاحساس بس ما عارف نحن راجيين به شنو -- الله يديك العافيه


#233323 [Anthrax]
0.00/5 (0 صوت)

10-30-2011 05:58 PM
والله يابت الجنيد أنا بريدك ساااااي لي الله
الله يديكي العافية


#233253 [مدحت عروة]
0.00/5 (0 صوت)

10-30-2011 03:25 PM
يا جماعة خلونا ندعوا للسوداناوية الحقة و ربط كفاحنا مع الغرب و اليابان و كوريا الجنوبية عشان نطور بلدنا و نرفع راسنا فوق والله الذى لا اله غيره تباروا المصريين و بنى يعرب و عرب شمال افريقيا و خاصة الليبين المتخلفين ديل ما تقوم ليكم قايمة ابدا ابدا تحالفوا مع النجوم و اتركوا الزبالة و الوسخ و العفن عدييييل كده و بالعربى الواضح و بدون دغمسة او تورية!!!!!


#233197 [wahied]
0.00/5 (0 صوت)

10-30-2011 02:02 PM
كلامك عين الحقيقة لكن لمن ؟ هذا رجل عبيط وغبى يمكنه ان يقتل ثلاثين الف نفس بدارفور وفى نفس الوقت يتبرع بعشرين الف راس للمصريين . الا يدرى هذا المارق ان المصريين وضعهم احسن من شعبه الغلبان . اين هيئة علماء الكيزان وناس بنى كوز ارجو ان يصدروا صكا بخرف هذا الرجل وعدم تنفيذ قراراته هذه وينظروا فى شأن من يليه من الثعالب المصيبة كلهم اولاد ح..... . هل تعلمون ان ثلثى الشعب السودانى اصيب بالسكرى والضغط من جراء حكم هذا الطاغيـــة الفرعونى . مصيرك مصير القذافى ايها الطاغى الفاسد .


#233187 [مجمد سكر]
0.00/5 (0 صوت)

10-30-2011 01:54 PM
الاخت اسماء نور الله سمائك والشكر لك على هذه المسطلحات التراثيه معظم الشعب ماقادر اضحى وابجاعوره بتبرع للمصرين بى 20 الف راس سرح بهن هو ولا اولاد مرتو السمحه


#233166 [babiker]
0.00/5 (0 صوت)

10-30-2011 01:30 PM
ا لبشير حسب فهمه الشعب هو الكيزان القطط الثمينه وهي سرقت ما يكفيها وغير محتاجه .امس بتكلم مع شباب الكيزان اولاد القطط الثمينه ان يتحولو من مجتمع مستهلك لمجتمع منتج .لذا هذا المحتل لا علاقه له بالشعب السوداني .السودان إحتلوه ناس رابطة المتأسلمين العالمية نعم إنهم يلبسون الجلابيه والعمه ويمشون بيننا في الاسواق لكنهم محتلون محتلون محتلون محتلون يا بت الجنيد يابت الجنيد يا بت الجنيد يا بت الجنيد.


#233147 [يوسف بارا]
0.00/5 (0 صوت)

10-30-2011 01:10 PM
هسع ياجماعة الزول لو داير يرفع يدينو لى الله ويدعو عليهم يقول شنو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#233146 [رشا المهندس]
0.00/5 (0 صوت)

10-30-2011 01:10 PM
يديك العافية يا بت الجنيد لكن ياربي البشير عارف الشعب ما لاقي لحمه وقبل شهر كان مقاطع شراء اللحمه الزول دي ما بسمع غير ناس كلو تمام يا ريس والشريف مبسوط منك دلدول 5 نجوم.


#233134 [محمد صالح العميد]
0.00/5 (0 صوت)

10-30-2011 12:57 PM
ربنا يفتنهم فيما بينهم , ويكسر شوكتهم , ويمرمط سمعتهم ويفضح امرهم , ويذلهم بركة جاه النبي ,
اللهم آمين يا رب العالمين
نرفع يدنا معك متضرعين لله في هذه الأيام الحرم أن يحرمه من نعمة الصحة والعافية ويرميه في مزبلة المجرمين مع الفارين من ديارهم ذليلين, لا يعرف طعم النوم ولا الراحة.
ونشكرك على التعبير نيابة عنا.
ولك التحية يا بت الجنيد


#233108 [بت الخرطوم]
0.00/5 (0 صوت)

10-30-2011 12:35 PM
اسماء يااختى العزيزة الليلة مالكم علينا انتى واخونا بكرى طممتم بطنا وجعتم راسنا وعملتوا لينا وجع قلب وارتجاج فى مخخنا ودا كلوا بسبب التصرفات الامعقولة والتى تحير العالم باكملة وما بسموا دا اصلهم ضاحكين علينا وبقولوا علينا العبيط اهو فى سؤال محيرنى المصريين ماسكين عليه شنو عشان انبحط جنس الانبطاحة دى اكيد يا اختى عندك الاجابة نورنى باسلوبك المحبب لكل رواد الراكوبة


#233067 [عبدالعليم]
0.00/5 (0 صوت)

10-30-2011 11:39 AM
اسماء بت الجنيد
لو تذكرنا معاهدة البقط سوف تجدين انها قائمه على كفاره من اهل جنوب الوادي لاله النيل المسماه ابو الهول \" طقوس يعني \" حتى يحفظ الاله عرش بلاد النوبه ... أما وان بلاد النوبه على رأسها فرعون اسود حديث وبرغم عروبته التي خلطها بها فهو يستمد من العروبه شهر ذي الحجه للاضحيه ... فالاضحيه لا تجوز للحجاج الا لأهل مكه .. واهل مكه عند ذبانيه الانقاذ ارض الفراعنه .. فخلط ما بين الفكره النوبيه القديمه مع المعتقدات العربيه الحديثه والقديمه فأخرجوا لنا ذلك السحر الحديث .. هذه واحده .
تكمن الثانيه في ان مصر المعاصره ترغب في المصادقه على المحكمه الجنائيه وان اختلفنا حول ذعامة الاقليم العربي بين قطر والسعوديه ومصر ، فلمصر الرياده وهي من ضمن دول الاتحاد المتوسطي ويمكن ان تكون اكثر رياده لتوصيل صوت العرب الذي ينتمى اليهم رئيس نظام الكيزان المطالب من الجنائيه ، وبما انهم ينون اللبعه الكبيره ومفتاح دول الخليج بمصر ايضا ، فاراد ان يستفيد من هذه السانحه فتقديم القرابين لمذبح الاله الفرعونيه القديمه واسالة الدماء على اراضي الفرعون المصري ولكي تقبل لا بد ان تقدم هكذا .
الثالثه ... قد ضنت السماء مما يفعله الحاكم النوبي وتوالت عليه الكبوات بظلم العباد وكان ملكه عضوضا ، واستعصمت من هطول الامطار فلم يكن هنالك عشب للبهائم بالاضافه الى انفصال الجنوب المتسبب الرئيس فيه ، فقد نأى الرعاه من الذهاب جنوبا بحثا عن المراعى خوفا من الاحتكاكات .. وبعد ان ارتفعت الاسعار وولعت نار ، انتبه الرعاه لان جميع قطيعهم سوف يضيع هباءا منثورا .. وهم اصحاب هذا القطيع فبدلا من ان ينفق رأوا ان ينقذوا ما تبقى من اموالهم التي استثمروها في الثروه الحيوانيه . والمبالغ المتوفره بالدولار ببنك السودان حولوها لارصدتهم كثمن لهذا القطيع بدلا من ان تطرح في السوق لتخفض سعر السوق ويرتاح المواطن رأوا ان تكون هبه وصدقه عن اموالهم ويطرحوها بالسوق المصري لضربه بدلا من السوق المحلي . وامكانية تعثر المشاورات بينهم والوليد بن طلال والكويت.. لدعم الخزينه والمتبقي منها فقط 117 الف برميل يومي .
الرابعه .... موسم الحج هذا العام اتجهت المملكه لاستيراد الاغنام من اثيوبيا وقللت الكميه المستورده من البلاد فلجؤوا لتصريف بضاعتهم في السوق المصري والتكويش على مال الدوله . بدلا من طرحها في السوق المحلي فيزيد المعروض فينخفض السعر محليا و............ مره تانيه \" قولة القذافي الشهيره \" .
بعدين الدوله زمان اتحولت من دولة رعايه الى دوله حارسه ...... بالواضح ماعندنا شغله فيكم واستثماراتنا في ماليزيا وتركيا ودبي وارتريا والحبشه والعاجبو عاجبوا والما عاجبوا يشرب من البحر !!!!!!!!!!
واخيرا ... الامن يكمن في الاطفال الرضع والشيوخ الركع والبهائم الرتع ...
تحياتي ... سناري


#233026 [صلاح الامين عرقوب]
0.00/5 (0 صوت)

10-30-2011 10:53 AM
والله يابت الجنيد يسلم فمك وقلمك ، لقد ابدعت واحب ان اقول لك دى ماسورة كبييييييييييييييييييييييرة اكبر من الخازوق الله يحلنا منا بعدعواتك ودعوات اهلنا الغبش والمساكين المالقين اللقمة ، نسأل الله ان يستجيب لكل الدعوات ويفجر نافوخه الفاضى ويورينا مصيره الحتمى فى الايام القليلة الماضية


#232997 [اسامة شرف الدين]
0.00/5 (0 صوت)

10-30-2011 10:17 AM
يا أسماء الجنيد ...بتقولي الكلام الفي خشم كم واربعين ضمير سوداني وكم مليون مراقب لصيق للشأن السوداني المثير للشفقة والضحك والحنق والجنون.....تسلم اصابعك البتنوب عن الفطرة الإنسانية السليمة و ضمايرنا كلنا ....ولكن كامل الحب وفائق التقدير ....وواصلي ا


#232992 [من شباب الثورة]
0.00/5 (0 صوت)

10-30-2011 10:13 AM
انا بسأل العالم العلامة والفاهم الفهامة عبقري زمانه قطب الدنيا العالم النحرير والاديب المصقع والخطيب المفوه فضيلة الشيخ عبد الحي يوسف وعليه الاجابة وارجوكم اوصلوا له هذا الامر ليفتيني

ما رأي الشرع في علماء المسلمين الذين يفتون بالمشاركة في الاضحية لضيق ذات اليد ويسكتون عن تبرع للمحتل المصري باغنام السودانيين وبلا مقابل وامام عيد الاضحى وما رأيهم في تبرع البشير ومن هو السفيه حسب الشريعة الاسلامية وكيف يتعامل معه


#232958 [السنهوري]
0.00/5 (0 صوت)

10-30-2011 09:38 AM
عوووووووووووووووووووك


أسماء الجنيد
 أسماء الجنيد

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة