المقالات
السياسة
ارشيف مقالات سياسية
هل يوم بكرة جميل يا عم بشرى ؟؟
هل يوم بكرة جميل يا عم بشرى ؟؟
11-05-2011 05:37 PM


هل يوم بكرة جميل يا عم بشرى ؟؟

درديري كباشي
[email protected]


في مطلع التسعينات ونحن طلاب بالجامعة كنا و لازلنا مولعين باغاني الراحل مصطفى سيد احمد لانها كانت مشحونة بجرعات ثقيلة من الامل والتفاؤل .. ومن ضمن تلك الاغاني كانت رائعة الدكتور بشرى الفاضل
التي تقول كلماتها:
متخبية والناس شايفنك
باباى ونخيل
متخفية والناس عارفنك
قرآن وإنجيل
وشقانا معاكى .. هو إنـّك
طاويك الليل
لكن واردنك .. وراويانا
لا عيون تحزن .. لا دموع بتسيل
*********
يوم بكرة جميل
ضوّاى .. ووسيم
يوم بكرة جميل
باكر .. دافـِر
يوم بكرة جميل
أبداً لا أتغرّب .. لا مسافر
باكر ضوّاى
وجميلتو الليل الما سوّاى
كان حاول يطمس أقمارو
يوم بكرة جميل
أبيض ريحو
من فالو النيل يطمح طوفان
وتخاف من موجو تماسيحو
باكر ضوّاى
كلمات وأناشيد .. وقيامة
باكر ضوّاى
وغناهو الحادى .. الهدّاى
يوم بكرة جميل

كلام جميل مشحون بالامل والتفاؤل كما كساه الراحل العبقري مصطفى بلحن جعل الكلمات تسمع في العظام ... لكن الا ترى يا استاذنا بشرى ان هذا البكرة طول جدا .. كان عندي ابن اختي عمره ثلاثة سنوات علقت الاغنية بذهنه فصار معلقا في المقطع بلكنة طفولية مرددا ( يوم بكرة دميل) الحين هو طالبا بكلية الهندسة على وشك التخرج ولازلنا ننتظر هذا الباكر المأمول ..

متى سيأتي هذا الغد الجميل ام هل اصابتنا لعنة الشقاء الابدي ... اتدرون ان هنالك بلدان كان شقاؤهم مثل شقانا حروب تأكل الاطراف وفقر يولد الفقر .. فاقت واصبحت من الدول المتقدمة اقتصاديا كالبرازيل مثلا .. هلا نقلنا منهم الوصفة .. لماذا كل يوم يمر يكون اسوأ من الذي يسبقه .. متى تتوقف الحروب والاستنذاف .. متى نؤمن باننا جميعا لنا حقوق متساوية في بلادنا فهي ليست حكرا او ملكا لاحد او فئة او طائفة .. متى نتخلى عن الطمع والجشع والانانية وحب الذات ...متى نؤمن بأن بلدنا غني بثرواته الطبيعية فقط تحتاج لاستقرار سياسي حتى نجد المستثمرين منكبين عليها يتهافتون ولا يحتاجون منا ان نستجديهم ويمنون علينا بفتات موائدهم ..


تعليقات 3 | إهداء 0 | زيارات 1761

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#236544 [ودالريف]
0.00/5 (0 صوت)

11-05-2011 11:18 PM
نتمني يوم بكره اكون جميل لكن كيف اكون ما دام اي زول في بلدي عاوز اشيل السلاح وداير احكمنا نحنا الكادحين ديل نحن ذنبنا شنو الا بس عشان قدرنا نكن في وطنا الجريح دا ربنا اهدي حكامنا واتصالح مع المظلومين ونعيش في سلام عشان يوم باكر اكون جميل يايوم بكره ما تسرع


#236497 [orass]
0.00/5 (0 صوت)

11-05-2011 09:12 PM
انتي بتقول يا يوم بكرة زمان كان بقولوا : النبي نوح ..يا راعي يا واعي .. يا الكباشي يا الفي الأرض ماشي : وانتا الكباشي حقنا : يا الكباشي الفي زمنا طاشي.
أولا : كل عام وأنتم بخير ونسأل الله أن نكون أنا وأنتم وأهل السودان جميعا من المشمولين بكرمه ومغفرته وورضوانه.
من قبل التسعينات بنمني نفسنا بيوم بكرة لكن للأسف يوم بكرة ما خفف لينا نار وجدنا بل أججها وزادها.
ثانيا: هذه الأيام العشر التي أقسم الله تعالى بها (والفجر وليال عشر) وفيها الدعوات مستجابات بإذن الله.. فلندعو الله أن يكون القادم أحلى ويوم بكرة أحسن من الأمس.. والله يحضرك يوم بكرة.. قول آمين.


#236491 [alitaha]
0.00/5 (0 صوت)

11-05-2011 08:55 PM
مشكلتنا يا صديقي سببها انسان واحد اول اسمو عمر واسم ابوه حسن..


درديري كباشي
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة