المقالات
السياسة
ارشيف مقالات سياسية
تلميذ يعطي الإنقاذيين صفرا
تلميذ يعطي الإنقاذيين صفرا
11-10-2011 10:19 AM

تلميذ يعطي الإنقاذيين صفرا

شريفة شرف الدين
[email protected]

يا استاذ ممكن تختار لي قدوة عشان اقتدي بيها؟
الأستاذ:- جدا يا ولدي ..عندك البشير قدوة و على عثمان قدوة و نافع قدوة و المتعافي قدوة و كبر قدوة
التلميذ:- لكن يا أستاذ البشير ده ما قاعد يرقص ... يعني ارقص زيو كده؟ و بعدين هو زاتو ما قالوا دايرينو في المحكمة .. هو عمل شنو يا أستاذ؟
الأستاذ........ .................................................. .....:-
التلميذ:- طيب يا استاذ ناس نافع و على عثمان طه و المتعافي و أبو الجاز القـُلتم لي ديل محل ما أمشي الناس بيقولو ليهم ما كويسين لأنو غشو الناس و عذبو الناس و المتعافي ده قالو حرامي كبير...إنت الكلام ده صح يا استاذ؟
الأستاذ.................................................. ................:-
التلميذ:- يا أستاذ أنا كنت قاعد أشوف التلفزيون شفت الرئيس بيقول إنو ناس الحركة الشعبية ديل حشرات و بعوضة...يلاه قمت سألت اخوي: كيف ناس و يكونو حشرات؟ قام قال لي ده كلام ما مفروض يقولوه الناس الكويسين .. ممكن توريني ليه هو قال ليهم حشرات يا أستاذ؟
الأستاذ:- خلاص يا ولد الجرس ضرب أدخل الفصل و انت زاتك داير بالقدوة دي شنو؟
التلميذ:- عشان أحاكيهم و أبقى زيهم كده يا أستاذ
الأستاذ:- خلاص بكرة اجيب ليك قدوات كتار آخرين ... سمح؟
التلميذ:- ليه بكرة يا استاذ يعني حسع مافي إلا تفتشهم فتيش؟
الأستاذ:- يا ولدي انت مستعجل مالك؟ بكرة دي ما قريبة
التلميذ:- ما انحنا طلبو مننا واجب في المدرسة و كل التلاميذ اللي من الدول التانية كتبوا عن قدواتهم إلا انحنا السودانيين و المشكلة الأستاذ بيقول لينا لازم تكتبوا عن القدوة الإخترتوها دي عملت شنو ...يعني حاجات حلوة عشان نقلدهم لمن نبقى كبار
الأستاذ.................................................. .......:-
التلميذ:- (بعد اطراق طويل) أ نا لقيت لي قدوة يا أستاذ! و الله لقيت لي قدوة!!!!!
الأستاذ:- لقيت منو؟
التلميذ:- في سوداني في دول الخليج جابوه في التلفزيون.. قاموا حوّلوا ليهو في حسابو مليون درهم بالغلط لكن قام رجعها لناس البنك .. أنا داير أبقى امين زيو كده ده
الأستاذ:- انت ولد شاطر ( الأستاذ هامسا لنفسه: و الله الظاهر يا ولدي حقو انت المفروض تكون قدوة لينا كلنا)
(نشر قبل التهكير بعنوان مختلف)


تعليقات 11 | إهداء 0 | زيارات 3063

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#238218 [مدحت عروة]
0.00/5 (0 صوت)

11-11-2011 01:10 AM
يا بنى اقتدى بالرسول محمد عليه الصلاة و السلام واصحابه الاوائل و خلفائه الراشدين و آخرهم عمر بن عبد العزيز اذا اردت النجاة من النار و الفوز بالدنيا و الآخرة اما اذا اردت الهلاك و خراب الدنيا و الآخرة فاتبع اتباع حسن البنا و سيد قطب و اشباههم لان هؤلاء هدفهم التمكين ولو خالف الشرع!!!!


#238133 [قول النصيحة]
0.00/5 (0 صوت)

11-10-2011 08:52 PM
كان اكون القدوة علماء الشيطان الساكتون عن الحق

عصام البكشير ، يوسف برادو ، الفيلسوف الكاروري الساكتون عن قول الحق في وجه

الشيطان الجائر عمر البشكير اللص الفاسد و عصبته القذرة لعنة الله عليهم و علي من معهم و

علي من شايعهم .

طيب كان اكون شيخ قطبي ، او والي الخرطوم اللص ، او ضار علي ضار ابو العمارات و

المزارع ، كان اكون جمال الوالي و وداد بابكر و دائع لندن ، او الصافي سندس ، او رامبو

المن شدة صلاتو قامت ليهو غرة في جبهتو ، او الشريف عمر بدر ، او قوش ، او صلاح

دولار ، او اخوان البشكير ، او كل الكيزان بني كوز ، او كلاب الامن .

طبعا كل ما سبق ذكرة لا يصلح الي اي شئ ، لانهم فاسدوووووووووووووووون فساد

يزكم الانوووووووووووووووووووووووووووووووووووووف

لذلك يجب ان يسقطوووووووو بكل السبل مهما كلف

و لازم كل واحد فيهم نركب ليهو خابوريين و عودييين تحت و فوق و علي الهواء مباشرة

زي ملك ملوك افريقيا بالضبط ، و هذا هو مصيرهم المناسب جدا .


#238130 [عمر]
0.00/5 (0 صوت)

11-10-2011 08:42 PM
قدوتنا رسولنا محمد صل الله عليه وسلم


#238033 [Shah]
0.00/5 (0 صوت)

11-10-2011 02:59 PM
والله لو أعطاهم صفر يكون فى منتهى الكرم والجود.


#238005 [بت أبوها]
0.00/5 (0 صوت)

11-10-2011 01:36 PM
زينة و عجباني البت شريفة دي الله يحفظك من الكلاب الإنقاذية

القدوة منعدمة حتى في المساجد و عيالنا بقو لايصين مرة قدوتهم رامبو و مرة جون

سينا و مرة ميسي!!

خايفة و الله يوم يقولو لينا قدوتهم توم و جيري

الله يستر و يقلع الإنقاذ الليلة قبل باكر


ردود على بت أبوها
Sudan [الصادق الهواري] 11-10-2011 08:02 PM
تسلمي يا بت أبوها ,, حقيقة رغم المرارات التي نعيشها ,, أضحكني تعليقك الرائع ,, كل سنة والسودان بالف خير


#237994 [Neema]
0.00/5 (0 صوت)

11-10-2011 01:00 PM
كل تلميذ المفروض ياخد ابوه قدوة لكن المشكلة في اولاد ناس المؤتمر الوثني
يا المهندس افتح اي مقالة لشريفة اعلى الصفحة بتلقى كلمة مقالات اضغط عليها حتلقى كل الارشيف للرائعة شريفة ويا hamman شنو شمال وغرب ناس المؤتمر كلهم ما نافعين *


#237985 [مواطن سوداني]
0.00/5 (0 صوت)

11-10-2011 12:46 PM
يابني اقتدي بحبيبك المصطفي وقل كفي


#237973 [hammam]
0.00/5 (0 صوت)

11-10-2011 12:14 PM
كان علي المدرس أن يشير إلي القدوة دون تردد...... مني مناوي مثلا أو عبد الواحد .... خليل أمير الدبابين سابقا أو حتي علي محمود .... دوسه أو كاشا .... لماذا يبحث المدرس عن القدوة شمالا و قد علم أن ما في الجبة ألا السرقة


ردود على hammam
Sudan [Saleh] 11-12-2011 09:33 AM
لأ ضير في أن يعبر ألأخوة و ألأخوات في دعمهم الصريح للحركات المسلحة (دارفورية أو غير دارفورية) طالما إقتنعوا بعدالة القضبة.أما تسخير القضايا لخدمة حركات بعينها فسأكشفها في حينها حتي وإن رماني البعض بأقذع العبارات.

همام الانقاذي !!!!! الهم اليقتلك !!!!! خليك صريح و قول البشير المجرم الهارب من العدالة الدولية و قاتل شعبه و مقسم وطنه قدوتي !!!!!.
الحاجات الداير تكشفها في حينها دي قولها العالم اصبح قرية ممكن تمشف حاجة قبل حينها .

Saudi Arabia [abusafarouq] 11-11-2011 02:43 PM
يا اخينا همام / الذكرتهم الاستاذة شريفة هم قدوتكم الماسكين مفاصل البلد النشفو ريقنا وريق البلد غرب شرق جنوب والذين ذكرتهم أنت طالبى حقوق زينا لكن هم حملو السلاح المفروض كما تكرمت نقتدى بهم ونحمل السلاح لإرجاع الحقوق لأنكم لاتفهمون ولاتحترمون إلا من يحمل البندقية وريحة البارود والدم فى وجيهكم لأن البشير حرم وطلق لايترك أحدا من البشر فى الغرب ولا الجنوب ولا الشرق ودى عنصرية البشير وتصفيته العرقية للإثنيات الاخرى . ومجموعته الحرامية سارقى السلطة والثروة بتكميم الافواه وطمس الحق ..الرسول صل الله عليه أفضل التسليم نشر الدين الاسلامى والدعوة الى الله فى 13 عاما فقط مستمر وأنتشر الى يوم الدين ...لكن المتأسلمين أمثالم كذبا بنشر الدين نشرتم الفساد والعنصرية والقبلية والجهوية والمحسوبية والحزبية 23 سنة لوثتم أرض الله الواسع فى السودان تاذا منكم الاهل والجيران عليكم من الله ماتستحقون ...

Saudi Arabia [أسامة] 11-10-2011 12:57 PM
أضبط

همام إنقاذي كبير لا يرضى بنقد رؤسائه

شنو عليه حملة لإسكات هذا المرتزق الإنقاذي و أخرسوه كما فعلتم مع ود الجزيرة و

ود شندي و أبو الشيماء



#237964 [المهندس]
0.00/5 (0 صوت)

11-10-2011 11:47 AM
استاذه شريفة شرف الدين والله انتى ممكن تكونى قدوة بالنسبة لكثير من ابناء السودان لو يفهموا.
بالصدفة قريت ليك مقال واحد واعجبنى جدا . عملت بحث فى النت عشان اقراء باقى مقالاتك ما حصلت شى.
ارجوا انوا تعملى مكتبة او اى حاجة تجمعى فيها مقالاتك القديمة فى النت.
.
.
.
.
.
.
واصلى على الدرب.
.
.
قريب وقريب جداً متوقع ليك مواقع متقدما جدا فى الشهرة .
(والله ما حصل يوم املى خاب فى التوقعات);)


ردود على المهندس
Saudi Arabia [hammam] 11-11-2011 12:03 PM
أرجوا ان بتسع صدر البعض للرأي و الرأي ألاخر.ألأخ أسامة والأخت نعيمة أشك أن الانقاذيون يقرؤن ما نكتب فهم مشغولون بنهب ما تبقي من ثروات ولو كانو يقرؤن لترفعوا عن لغة السباب والإسلام يعلمنا \"المسلم من سلم المسلمون من لسانه ويده\".فقط أردت توضيح التالي
1. الجهوية والقبلية و الدعوة بدعوي الجاهلية تطيل أمد الانقاذ.فالفساد ليس له لونزالأخت شريفة لا تذكر المفسدون جميعا إنما تنتقي جهة بعينها إذكاءا للفتنة
2. لأ ضير في أن يعبر ألأخوة و ألأخوات في دعمهم الصريح للحركات المسلحة (دارفورية أو غير دارفورية) طالما إقتنعوا بعدالة القضبة.أما تسخير القضايا لخدمة حركات بعينها فسأكشفها في حينها حتي وإن رماني البعض بأقذع العبارات.


#237935 [شريفة شرف الدين]
0.00/5 (0 صوت)

11-10-2011 10:28 AM
تنويه

تم إجراء بعض التعديلات عما كان عليه.


ردود على شريفة شرف الدين
Saudi Arabia [abuafarouq] 11-11-2011 12:08 AM
الاخت شريفة الله يخليك لينا أتركى مقالاتك كما هى لأننا بعد القراءة كأننا نبحث عن شيىء مفقود أخر من حلاوة المقالة وقصره الشديد بس معليش ما عارفين جيلك نقول البنت الاخت الاستاذة محاتارين لكن ما ضرورى المهم مقالاتك النارية دى تخلينا نتشوق أكثر - دمت بالصحة والعافية عين الله ترعاك يا شريفة أمين يارب ..


شريفة شرف الدين
شريفة شرف الدين

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة