المقالات
السياسة
ارشيف مقالات سياسية
رندوك البشير في العيد الكبير.. مالك عقار وساكن ايجار !ا
رندوك البشير في العيد الكبير.. مالك عقار وساكن ايجار !ا
11-11-2011 09:41 AM

رندوك البشير في العيد الكبير

ايمان حموري
[email protected]

في اللغة الخطابة هي الكلام المنثور يخاطب به متكلم فصيح جمعاً من الناس لإقناعهم، والخطيب هو المتحدث عن القوم أو هو من يقوم بالخطابة، وفي تعريف العلماء هي الكلام المؤلف الذي يتضمن وعظاً وإبلاغاً على صفة مخصوصة. بمعنى أن الخطابة فن مشافهة الجمهور للتأثير عليهم أو استمالتهم. هناك ثلاثة أشياء مهمة في الخطاب : من يلقيه ؟ وكيف يلقيه ؟ وما الذي يقوله ؟ ولكن .......... رندوك( الشمير الشبير في الركمك هيرنا يارفدة) اي بالعربي رندوك المشيرالبشير في خبطة الايد الكبيرعفوا (خطبة العيد) اذهلتنا ادهشتنا !ولكن لماذا الذهول ولماذا الاندهاش؟ يا ايها المندهشين و المذهولين اذا رد عليكم سعادة المشيرسوف يقول لكم اندهاشكم (بلو واشربو مويتو) وهذا الاندهاش ( علي الطلاق ) باطل لانو اندهاش (بتاع خوارج) خونة وماتستغربوا اذا قال لكم (اي مندهش تحت جزمتي دي)! ايوة يافرد نحنا رحرحنا الركمك اي (حررننا الكرمك) (الليلة انت وين يامالك عقار؟) ( الليلة انت مندسي وين؟ )(عملت شتات)( لو دخلت في جحر حانجيبكُ ) جلالة عسكرية ( الليلة وي الليلة وي جيبو حي جيبو حي) ادري اعزائ ان (الحشرة الشعبيه) قد ازعجتكم كمصطلح لاتنزعجوا (عذرا الحركة الشعبية) هذا متوقع وعلي الاحزاب الاخري (ان تبل راسها) ستنال نصيبها اذا لم تركب سفينة الانقاذ المثغوبة ، ومازالت سلسلة الاندهاشات متواصلة سمعت احدهم يقول ان هنالك (بارات ) في الكرمك لمدة ١٤ عاما ولم تغفل الا هذا العام اين كانت الحكومة السودانبة طيلة هذه الفترة؟ هل الكرمك سودانية ؟ وهل مالك عقار سوداني ؟ اذا كانت الاجابة بنعم كيف ستحرر مدينة سودانية من اهلها افتوني ايها الملا؟ وهل من مات في معركة بين حزبين سياسين كل منهما يسعي للسلطة (شهيد)؟ وهل سيكون هناك شهداء من الفريقين اما ماذا؟ جلالة عسكريه اخيرة ( اقار انت زول هقار عايز تحكم الخرطوم الليلة مش سنار)

اخرالشاي
مالك عقار وساكن ايجار !
مع تحياتي
ايمان حموري


تعليقات 13 | إهداء 0 | زيارات 7062

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#238617 [abusafarouq]
1.00/5 (1 صوت)

11-12-2011 10:09 AM
الاخت بت حمورى مع أجمل التحية / الحقيقة الرنوك هم مجموعة منظمين أنفسهم ويعرفون كيف يتفاهمون فيما بينهم دونما أخطا فى لغتهم لكن البشير مستجد فى لغة الرندوك حتى حير الرندوك فى لغته - الكل محتار فى لغة البشير وعصبته نافع
كلمات منحط لاصدر من رئيس دولة محترمة .أين الجيوش الجرارة من المستشارين فى القصر الجمهورى فى أختيار سيق الخطابة للرئيس لكل حدث حديث ويليق بالمقامة-- الله يكون فى عون البلد


#238555 [saad]
3.00/5 (1 صوت)

11-12-2011 07:26 AM
الرقاصة ده

شكلو مربي مع شماشة

يا إما مربى غنم

وبيني وبينك شكلها غنم

:D :D :D :D :D :D :D


#238458 [ammar]
1.00/5 (1 صوت)

11-11-2011 08:21 PM
الاخت العزيزه ايمان ..والله حيرتنا لغة البشير فى خطابته اكتر من حيره مترجمين وكالات الانباء العالميه لانهم بشيلو هم لما يكون البشير عندو لقاء خاصه جماهيرى لانو يستخدم الفاظ تستعصى عليهم ترجمتها ..والغريبه انو معظمها بنتهى بإنتهاء الحفل ..وكان الله فى عون السزدان والشعب السودانى


#238442 [بإندهاش ]
3.00/5 (1 صوت)

11-11-2011 06:57 PM
صحي رندوك اظن البشير يتعامل بي لكل مقام مقال
مقام الجنود اللي بشحنوهم بالجلالات تعمد البشير ابتكار مقطع قصيده جديده ( جيبو حي ) حسب ثقافتي المتواضعـة في نظم الجلالات ما اعتقد في جلالة بهذا المقطع يعني جديده تحرك الجنود لحدي ما يجيبوه حي ... لعل ده تبرير لذكاء البشير
ههههههههههههه ما تزعلوا مني يا ناس الراكوبة وتقولوا ده زول مندسي فينا لكن انا ممكن اهدي اعصابكم بي كلمات من نظمي المتواضع ذكرتني ليها الاستاذة / إيمان حموري - وذكرتني اغنية شعبية على ما اعتقد بتقول بإندهاش شفناهو ماش اها استاذن من الشاعر ومن الفنان واجاريها


البشير في الكرمك هاش
بإندهاش شفناهو باش
لو شفتو زي طشاش
ده الرقيص ولا بلاش
الجنود معاو صلو
وعقار ما في محلو
اب شنب لو مرة غاب
اب ضنب يلقالو باب
البشير شوف ليك فرقة
للرقيص في المحلتة فشقة
ما تخليك جبان وخائب
رجع لينا كمان حلايب
بعداك اعرض ولا ارقص
عشرة بلدي وهز نص
البشير في الكرمك هاش
باندهاش شفناهو هاش

شاعر الراكوبة




ردود على بإندهاش
Norway [istanbuli] 11-12-2011 09:11 AM
كلامـــــــــــــــــــــــــك سكــــــــــــــــــــــــــــــر
وربك يــــــــــــــــــــــــــــــــــــــــــــــــــــــــستر
جميع البشــــــــــــــــــــــــــــــــــــــــــــــــــــــر
من كل هم وغم وشــــــــــــــــــــــــــــــــــــــــر
بس الحكاية كلها أموت في الشـــــــــــــــــــــعر
عشان داير إجي يوم وابقى اكتب شــــــــــــعر
[email protected]


#238433 [الجعلي الأحمق ]
2.00/5 (1 صوت)

11-11-2011 06:34 PM
الأخ ahd الأخت إيمان أرادت أن توضح ما أوصلنا إليه هذا الرئيس الأهبل من ركاكة في الأسلوب والتعبير وصلت حد الرندوك (لغة السوق) وهذا لا يعني أن هذا هو مستواها في الكتابة أو التعبير. والمفروض أن تفهم أولاً ما هو القصد ثم توجه انتقاداتك أو نقدك.


ردود على الجعلي الأحمق
Sudan [ودالنور] 11-12-2011 08:56 AM
بعد التحية اخي الجعلي
دعك من سب البشير قهو رئيس الدولة حاليا ان ترضي ام ان ابيت ماذا فعلتم انتم حتي تريدون تغير النظام سوي الشتيمة والسباب والاختشو ماتو .


#238419 [سوداني في المهجر]
5.00/5 (1 صوت)

11-11-2011 05:17 PM
الي المدعو ود البشير
كدي نصحح تعليقك :
الفعل سعي يسعي ( ولا يكتب بالالف سعا ؟ ده عربي وين ده؟)
الفعل ألغي مش ( لغي يلغو لغواَ)
( للشئ في نفس يعقوب؟) سامحك الله وقل لشئٍ في نفس يعقوب
( لاكن؟) سبحان الله حتي كلمة ( لكن ) ما بتعرف تكتبها ؟
( معا التصحيح ) ياخي حرام عليك كلمة (مع) لا تكتب بالالف
(يعيشن الزلة) اذل الله امثالك ...هذه الكلمة تكتب بالذال.
انا لست عربياً...انا سوداني انا افريقي...يجري في دمي حس عربي...لكني اخجل عندما اطالع ما يكتبه امثالك ممن يدعون العروبة (عربي صر)...يا كوزيا جاهل يا امي ... يا ثورة لتعليم العالي


#238373 [ahd]
2.00/5 (2 صوت)

11-11-2011 02:36 PM
يا سبحان الله

لست مع الانقاذ ولكن معارضتكم هائفه واساليبكم واحده

يا سادتى انقضوا فكره علنا نقتنع ولكن نقد شخص يثير اشمئذاذنا ويجعلنا نسخر منكم


#238343 [عبدالحميد]
2.00/5 (1 صوت)

11-11-2011 12:43 PM
سيد Oph معلومة اخري اكثر افادة عن العلامة عبدالله الطيب . قال : ان سبب نطقنا للاسم المؤنث رقية بالغين (رغية ) لان اهلنا الذين استقبلوا الهاربين المسلمين الاوائل من مكة كان نطقهم للاسم مقارب لذلك واعتبروا ذلك تبركا وهذا يثبت ان السودانيين عرفوا الاسلام قبل اهل مكة واريدك ان ترجع لعجب الفيا لتعرف ان ما تدق حوله نحاس الحرب هذا لاشيئ . اقرأ تعليقات باقي العرب علي شريط الجزيرة او العربية لتري كيف يكتبون الضاد والطاء ! وقال الدكتور ايضا ان المعلمين الانجليز كانوا اكثر تسامحا في تصحيح اللغة الانجليزية من السودانيين . والاصيل دائما متسامح


#238329 [ود البشير]
1.00/5 (1 صوت)

11-11-2011 11:55 AM
شوفي يا مرة هوي نحنا اولاد النيل الازرق وما بنقبل عقار لانو سعا في الارض فساد ولغي قانون النظام العام يعني مافي سكران يجلد ومافي زاني يسأل ومافي بت تعجبو تقول ليه لا يعني لازم ترقد ليه ترقد ليه والكلام دة نتيجة للتراخي حكومة المركز للشئ في نفس يعقوب لاكن نحنا معا التصحيح والتطهير والبعجبو انو اخواتو يعيشن الزلة والدعارة ينضم للعقار وكان عاجبك حصليه


#238318 [عبدالحميد]
4.00/5 (1 صوت)

11-11-2011 11:19 AM
واحد بتاع تاكسي ركبت معاه كان كاتل حيلو زي (كتال الضبان) يتكلم بهدوء شديد ويحرك راسه ورا وقدام ويمين وشمال قال لي : في قطر قالوا شرد من قضيبو لموا فيه ولا لسة . دعوت الله ان يوصلنا بالسلامة ! ما ياهو حال السودان؟ والسواق انتا عارفو وانا عارفو والله عارفو


#238317 [mmo]
1.00/5 (1 صوت)

11-11-2011 11:17 AM
تتخيلوا كيف تعامل الموتمر الوطنى مع مالك عقار ارسل رجال بلحى واسماهم رجال دين وهم اصلا قدموا للتبليغ والدعوة وليس للحرب ماذا يبلغون ومن يدعون اليس جماهير النيل الازرق والدمازين خاصة مسلمون وضمن الاحصائية 98%
قالوا ايه انهم ذهبوا ليبلغوا انهم دخلوا منزل عقار ووجدوا حفرة الدخان من الرخام واسموه ترف وقالوا ان الكرمك البارات فيها شغالة وهذا مجون وقالوا ان مالك عقار وثنى واظنهم يقصدون لاانه كما اعلن هو انه ختمى حينما جاء معزيا فى وفاة المرحومة زوجة الميرغنى فقال اتيت معزيا بصفتى ختمى وليس بصفتى حركة شعبية فالحركة ستبعث ممثلوها للتعازى ولانه حركة شعبية فهو وثنى وكان الله فى عون خلقه


#238311 [Opti]
1.00/5 (1 صوت)

11-11-2011 10:58 AM
كلام فارغ و ركاكة في اللغة و المحتوي,
السفينة المثغوبة دي شنو؟؟
البروفيسور عبدالله الطيب سئل في احد المؤتمرات العالمية عن اللغات التي يجيدها فأجاب: اجيد الانجليزية و الفرنسية و بعض من العربية. ثم اكمل المؤتمر بالفرنسية.
رحم الله العلامة البروفيسور عبدالله الطيب و رحم الله اللغة العربية في بلادنا.


#238310 [محمد كباشي]
2.00/5 (1 صوت)

11-11-2011 10:57 AM
الاخت ايمان لك التحية ...منذ عالم النجوم ..لم نسمع لك حسا ولا خبر ..كيف عاملة علي الصعيدين الخاص والعام ....واين انت الان ..ارجو المراسلة علي الايميل [email protected] .com مع خالص ودي


ايمان حموري
ايمان حموري

مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة