مع إنو ..!ا
11-16-2011 01:37 PM

ساخر سبيل

مع إنو !

الفاتح يوسف جبرا

مع إنو كل ما تفتح ليك جريدة تلاقى إستغاثات المواطنين العاجلة .. من أجل شراء دواء أو تسديد مصاريف دراسية أو إيجار منزل لأيتام أو ما شابه .. تجد المسئولين عن ديوان الزكاة يصرحون دائماً بإنو (عاملين العليهم) !
مع إنو نحنا عضو مؤسس للإتحاد الأفريقي لكرة القدم إلا اننا الدولة الأفريقية الوحيدة التى لم يحترف لها لاعب في أوروبا (يكون ده من شنو؟)
مع إنو المواطن تغرقه الديون حتى أذنيه إلا أن البعض قد أفتى بجواز الإستدانة لشراء خروف الأضحية ربما تمشيا مع المثل القائل :(كان غلبك سدها وسع قدها) .
مع إنو ما فيها منطق إلا انه يتوجب على المواطن دفع رسوم من أجل الحصول على تصديق لإقامة حفل بمنزله !
مع إنو السلع المصرية لا يتم الترويج لها باللهجة السودانية إلا أن السلع السودانية يتم الترويج لها باللهجة المصرية ومرات (اللبنانية) .. شفتا كيف خيو؟
مع أنو كل بلاد العالم تمتاز بثبات سلمها التعليمي إلا أننا ما زلنا (نغير فيهو) .. (4-4-4).
ثم (6-3-3 ثم 8-3-0) .. (خلاس خلوهو 11-0 ونخلص !)
مع إنو كل قوانين العالم (غير المسلم) تحظر على المسئولين العمل الخاص عشان (الشبهات وكده) إلا ان مسئولينا يتباهون (بشركاتهم) وما حققته من مكاسب على رؤوس الأشهاد (شفتو كيف؟)
مع إنو معظم المواطنين ما قادرين يفتحوا ليهم بيت واااحد إلا أن هنالك من يصرف على أربعة بيوت (رغيف ساااكت بي كم؟)
مع إنو الخرطوم هي العاصمة الوحيدة في العالم التى لا توجد بها شبكات صرف صحى إلا أن المسئولين يصرون على ضرورة إنشاء شبكات مراقبة مرورية إلكترونية !
مع إنو إلى عهد قريب كان وجود الكراسى فى المساجد شبه نادر إلا أن ما نشاهده من كثرة أعدادها الآن يجعلنا نتساءل عن سر تدهور اللياقة البدنية للمواطنين (يكون من شنو؟)
مع إنو عندنا وزارة زراعة (وما عندنا زراعة) ووزارة صناعة (وما عندنا صناعة) ووزارة سياحة (وما عندنا سياحة) .. ايه يمنع أن يكون لدينا وزارة لأبحاث الفضاء؟
مع إنو شركات الإتصالات لدينا فى تنافس مستمر إلا أن سعر المكالمات يعتبر الأغلى في العالم ولم ينخفض (يكونوا متفقين؟)
مع إنو لا توجد مكتبات عامة في المدن والأحياء لممارسة الإطلاع .. ولا أندية وميادين عامة لممارسة الرياضة نجد من يتساءل عن إنحراف الشباب !؟
مع إنو بيقولوا المال السايب بيعلم السرقة .. إلا أنو يبدو أن هذه المقولة غير صحيحة بدليل عدم وجود بلاغات نهب مال عام !!
كسرة :
مع إنو العبد لله يعتقد بأن أمور البلد يمكن أن تتصلح إلا أنه مؤخراً بات متيقناً ان الحكاية أصبحت تحتاج إلى تدخل من السماء !



تعليقات 30 | إهداء 4 | زيارات 5623

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#241862 [ABO YOUSIF]
0.00/5 (0 صوت)

11-18-2011 11:02 AM
لك التحية يا جبرا و كل سنه و انت بخير - عندى سوعال مع انو الناس كلها قرفانه من الحكومه دى و رئيسنا زاتو مطلوب للعدالة طيب الحكومه لسع قعدبن لينا فى راسنا ده من شنو جاوبنى


#241845 [ام الحسن]
0.00/5 (0 صوت)

11-18-2011 10:11 AM
مقال بتاع واحد فارقة معاهو الشية والمرارة النية .......كل عام وانت بخير


#241496 [alshifa]
0.00/5 (0 صوت)

11-17-2011 03:48 PM
وكمان ياجبرا اضيف ليك قال ليك فى مؤتمر اعلامى كبير سيعقد فى الايام القادمه وقرروا انه يعقد فى كنانه علشان الوفود تشوف اريحية وبراح السودان وكمان علشلن يشوفوا فى اكبر مصنع للسكر فى افريقيا ... ونسوا او تناسوا بانهم سيفضحوا نفسهم لانه الوفود ايضا سترى اكبر شعب فى افريقيا مسروق سكره ووطالع زيته .... يعنى عايزين يروا العالم اكبر مصنع للسكر .... مع انه سكر ممممممممممممممممممممممممممممممافى ..... والاختشوا ماتوا


#241320 [Suha ]
0.00/5 (0 صوت)

11-17-2011 11:47 AM
يا أستاذ جبرة في موضوع عايزاك إنت والزملاء القارئين للراكوبة البحث عنه؟؟؟؟؟ من العجايب إنو في مشروع أراضي أسمه سوقطرة في طريق العليفون وسيادو للعجب يمانية عديل كل الطاقم الشغال من اليمن ومملوك إظنو ليمانية بالله عليكم جيبوا لينا أخباره


ردود على Suha
Sudan [هندسه] 11-17-2011 04:22 PM
يا سهى يا سوقطره انتي مالك علينا ومالك ومال سوقطره ؟؟؟ دي ال 300 متر الربنا قسما لينا في نص المليون ميل مربع عاوزا تخرمجيها لينا انتي وجبرا ....

امشي شوفي الوادي الاخدر ولا صالحه ربنا يصلح حالك وحالنا خلينا نعيش ونموت نخلي ضل ورانا يستظلو بيهو اولادنا


#241229 [مجنون ليلى ]
0.00/5 (0 صوت)

11-17-2011 09:47 AM
مع انو 68 % من الناس تحت خط الفقر مع ذلك تجدهم مبسوطين من النظام ،يكون من شنو؟

حاجة عجيبة خلاص !!!!!

مع انو الناس تهلل وترقص مع الرئيس رقصة النصر وبعد الحفلة تجدهم محتارين ياكلوا ويأكلوا عيالهم شنو ، ده نسميهو شنو؟؟؟؟

بالجد حاجة عجيبة خلاص !!!!



مجنون ليلى والهلال



#241225 [مجنون ليلى ]
0.00/5 (0 صوت)

11-17-2011 09:41 AM

مع انو 68 % من الناس تحت خط الفقر مع ذلك تجدهم مبسوطين من النظام ،يكون من شنو؟

حاجة عجيبة خلاص !!!!!


#241207 [واحدة]
0.00/5 (0 صوت)

11-17-2011 09:14 AM
مع انو عندنا وزارة تربية وتعليم وما عندنا لا تربية ولا تعليم ولا اخلاق ومع انو عندناوزارة علوم وتقانة لا عندنا تقانة ولا علوم ولا بنعرف نفك الخط حتي و مع انو عندنا وزارة عمران وتخطيط لافي عمران ولا تخطيط ومع انو ومع انو ومع انو نحن في النهاية ما عندنا حاجة نفتخر بيها ونسيت اقول ليكم مع انو ما عندنا ثقافة في فنون الرقص لكن عندنارئيس رقاص ماهر اها الحل ياجبرا


#241206 [واحدة]
0.00/5 (0 صوت)

11-17-2011 09:13 AM
مع انو عندنا وزارة تربية وتعليم وما عندنا لا تربية ولا تعليم ولا اخلاق ومع انو عندناوزارة علوم وتقانة لا عندنا تقانة ولا علوم ولا بنعرف نفك الخط حتي و مع انو عندنا وزارة عمران وتخطيط لافي عمران ولا تخطيط ومع انو ومع انو ومع انو نحن في النهاية ما عندنا حاجة نفتخر بيها ونسيت اقول ليكم مع انو ما عندنا ثقافة في فنون الرقص لكن عندنارئيس رقاص ماهر اها الحل ياجبرا


#241084 [koko]
0.00/5 (0 صوت)

11-16-2011 11:09 PM
انت عارف يا جبرا العالم ده كلو اتغير الا نحن انا قايل انا قايل مخنا زنخ وبجي الساعة 13


#241026 [القوس]
0.00/5 (0 صوت)

11-16-2011 09:31 PM
ياجبرا مع اننا جيعانين وبعضنا مشتهي اللحم ونشتري خروف الضحية بالتقسيط لكن رئيسنا رئيس السرور بصدق باللحوم للجيران - ومع اننا نملك اكبر ثروة حيوانية - الا اننا نستورد لحوم من اثيوبيا - ومع ان اجزاء من اراضينا محتلة الا ان كبيرنا بقدم اسلحة بالمجان لتحرير مدن غير سودانية -


#241007 [عبدالحميد]
0.00/5 (0 صوت)

11-16-2011 09:02 PM
مع انه بكتب الكود صاح يقولوا لا اعد الكتابة !


#240961 [القبطان الفاروق]
0.00/5 (0 صوت)

11-16-2011 07:26 PM
استاذ الفاتح دائما انت محور اعجاب ارفع لك القبعه واتابعك من كنت بقرا الراي العام


#240942 [زول]
0.00/5 (0 صوت)

11-16-2011 07:04 PM
الحصل شنو ثانى فى تلفون الوالى يازول


#240895 [الزول الكان سمح]
0.00/5 (0 صوت)

11-16-2011 05:57 PM

يا أستاذ جبرا

مع إنك إنتا الخليتنا ...منتظين أسبوعين نصحى وننوم على ( الفساد يرد ) الظاهر ضحيتك كانت كاربة السنة دى...تلاقيك كل يوم ضابح ومصطبح .الله لينا نحنا.

فاتتك صلاة العيد فى العيلفون

وكبة كرتى الزوغة من سوريا

وتشكيلة الجبهة الثورية لإسقاط النظام

وتشكيلة حكومة ود الخدر الجديدة ومافيها صاحبو

يللا نحنا فى إنتظار صياغة المقالات الدسمة على رؤوس المواضيع دى


#240863 [ahmed]
0.00/5 (0 صوت)

11-16-2011 05:10 PM
مع اني ما شيوعي لكن كراهيتي لتنظيم الأخوان الشياطين ديل ملازمني من أيام

حنتوب (في الستينات ) لحد الأن لأني عرفتهم كويس وأنا مازلت يافعاأما الآن

فزادت كراهيتي لكل المتاجرين بالدين الحنيف .





#240862 [ودالجزيرة ]
0.00/5 (0 صوت)

11-16-2011 05:07 PM
مع انو ما عندنا شغلة بلسياسية لكن خليتنا نشتغل بيها لان مواضيعك شيقة تعبر الشخص علي احترام كاتبها وسلمت يداك وسلم قلمك وانتي شايل هموم الوطن


#240858 [روبين هود]
0.00/5 (0 صوت)

11-16-2011 05:03 PM
مع انو قالو انهم اسلامين الا ان الواقع يقول انهم عصابة تتاجر باسم الدين

مع انو انا كنت شاكي في اسلامهم لكن بعد هجيج الرئيس بقيت متاكد من شكي

مع انو المتعافي متهم بالفساد في الزراعة ح يمسك وزارة المالية بدون استراحة محارب

مع انو الفقر حصل 64% لسه في ناس بتعمل في احواض سباحة

مع انو انا سوداني نسيت حاجة اسمها كرم سوداني


#240842 [ابوالسيد]
0.00/5 (0 صوت)

11-16-2011 04:48 PM
وين الكسرة يا جبرا؟


#240833 [الجزيرة ]
0.00/5 (0 صوت)

11-16-2011 04:39 PM

- تحياتي جبرا، حلوة 11 /صفر، ذكرني هذا المقال قبل سنوات قليلة

في عهد هذا السلم الثماني الذي لم نسمع له مثيل ، بابن أخي الصبي الذي يدرس

في الصف الخامس اساس طلبت منه قرأت مانشيت في صحيفة وفي اثناء هجائه لكلمه

توقف عند أحد الحروف وعندما انتهرته للنطق بالجملة جاءني رده صاعقاً وقال لي

عمك (الحرف دهـ) ما أعطونا أياه في المدرسة، يا ولد انت في الصف الخامس ،

والحروف يدرسها الطالب في الصف الاول كيف يستقيم ذلك، وأصر على موقفه.

بالتأكيد ان ابن أخي درسوه هذا الحرف ولكن تبقى طريقة التدريس هي المختلفة

وكل منا مازال يذكر طريقة تعلمنا للحروف والنطق بها مرات ثم كتابة الحرف في

الهواء وعلى الرمل خارج الفصل وعلى الدرج ثم الحرص على مسحها

وأخيراً نكتبها في الكراسة وبهذه الكيفية يرسخ الحرف في الذهن وما تزال صورة

الاسد -أ-والخروف -خ- والصقر -ص- والبنت -ب- راسخة في اذهاننا.حيا الله ذكرى تلك

الايام وبارك الله ورحم استاذتنا أحياءا وأمواتا.

- نعم زمان الطالب من الصف الثالث الابتدائي يقرأ ويكتب كل ما يطلب منه دون توقف.

- ولذا حق لنا ان نقول مع جبرا 8/ صفر.


#240819 [على]
0.00/5 (0 صوت)

11-16-2011 04:19 PM

كلامك درر ياجبرا وفى عين الحقيق


#240814 [محمد]
0.00/5 (0 صوت)

11-16-2011 04:12 PM
مع إنو كل يوم بقرأ ليك لكن كل يوم بكتشف إنك أروع ....


#240793 [oroootod]
0.00/5 (0 صوت)

11-16-2011 03:41 PM
بالله يا أستاذ جبرة
مع انه نحن المغتربيين بنسدد كل الضرايب والجبايات مقابل خدمات لانحصل عليها نحن ولا اهلنا في السودان .و نحن لسه بنسدد وحنسدد
مع ان نفقة تعليم ابناء المغتربيين على حسابهم الشخصى في جامعات السودان الحكومية والخاصة و بيتخرجوا ومابيلقوا وظائف .لسه الطلاب بيمشوا السودان و يتخرجوا وينضموا الى طابور العطالة
مع انه السودان اسوء مناخ عمل للاطباء ويشهد هجرة جماعية للاطباء .لسه الناس بتتصارع عشان يدخلوا كلية الطب



#240780 [زيكو]
0.00/5 (0 صوت)

11-16-2011 03:21 PM
العايز يفرق ويتفشه ويقراء لعمنا ده بمزاج يروح على جريدة حريات تجد الكلام البيحيل جميل وناس الرقابة منعوه ويجد عمنا وراق وكل الشلة الجميلة من الصحفين الذين لايخشون غير الله فى قول الحق ومبروك لنا جريدة حريات انها اسم على مسمى ووفق الله شبابها لمجهودهم ويحى السودان رغم انف الكيزان


#240779 [عزوز]
0.00/5 (0 صوت)

11-16-2011 03:21 PM
قنعتا خلاس يا أستاذ ،،،،

أنا ما قنعان والزيي كتاااااااااااار

(إن بعد العسر يسرا)


#240755 [الطيب عثمان]
0.00/5 (0 صوت)

11-16-2011 02:33 PM
الله يفتح عليك يا استاذ الفاتح جبره انت اسمك الفاتح لانك بتفتح مواضيع الناس بل كل المجتمع السودانى مقفل اذنيه انت بتفتح اذنيه وعينيه وحواسه كلها لكن ما عارف هل الشعب السودانى فقد الاحساس اناث شايفوا مسردب وتايه وما عارف يعمل ايه ويقول فى قرارة نفسه ما الباقى باقى لكن يا استاذ جبره الباقى دى لمتين يلازمك فى هواك مر الشحن ويطول ويطول ويطول عذاب وين الشعراء عشان يفتونا بشعرهم اهم الكتاب كتبوا وروا الناس بالحاصل بى سببوا انتى حنى يا انتى حنى يا انتى كفاية عذاب كفايه محن كفايه الم كفاية موت موت موت مووووووووووووت


#240746 [عوض محمد احمد الحسين]
0.00/5 (0 صوت)

11-16-2011 02:20 PM
لاخ الفاتح كل عام وانتم والجنيه السودانى بكل خير - نتمنى ان تكون العام القادم ليلقتك فى القمه وان يكون الجنيه السودانى قد استرد بعض عافيته - واشك فى ذلك ولكنى اتمنى - هخى طال غيابك ايه الحكايه كنت حاج والا شفت العين الحمره لان ماتكتب لا يعجب من كانوا يمشون كدالرى ويسكنون الاطراف ونقلب الحال فصارت اخر السيارات وارقى الفلل فى الوسط - المهم اخى الفاتح لقد افتقدناك فلا=ى الاسابيع الماضيه نتمنى ان يكون المانع خير م
تناقضات الاوضاع فى السودان لا حدود لها ولا يوجد شى فى السودان وليس له نقيض
ابسط شى فى تشكيل حكومة الخرطوم قالوا نقص عدد الوزراء ولكن تمت زيادة المعتمدين قاعدين ساكت فى رئاسة الولايه لكن الظاهر ديل للتفكير فى طرق لزيادة دخل الولايه من جيوب المنهوبين الذين اذا فطروا لن يتقدوا او يتعشوا ولما كده لزومن شنو - الشركات هال ممكن تكون ربحانه اذا ما اصحابها مسئولين ؟ يعنى ماغريبه - يعنى شنو الخروف بالاقصاد مادى اكيد شركه صاحبها واحد من المسعولين الكتالر ديل - وكيف يكون لينا لاعب محترف بره وانت شائف اشكال اللاعبين تقول كانوا سامنبن ومعسكرين فى المولح الكرعين زى كرعين جداد الخلا - الكراسى طبعا لان معظم المصلين يكونوا فاقدين وجبتين وجايئن كدارى واما الدعايه فى التلفيون الحمد لله معظم اولادنا لايفهموها والحمدلله ان الاجانب لا يشاهدون قنواتنا ولا يفهمون كلامنا والمثال دعاية سودانى ياحاجه جاءك مس كول بالله فى هبل اكتر من كده اما حكاية اربعه بيوت دى بسيطه طالما ان الشركات ربحانه واريت تقيف عللا الاربعه بيوت


#240745 [Saifalhag]
0.00/5 (0 صوت)

11-16-2011 02:20 PM
مع انو حالنا باين السماء شايفة العصابة دى ولا عاوز تفسير بمع انو الا انو عاوزة بس حركة بسيطةعشان تنقذنا من جنى منو(؟)


#240731 [IMAD]
0.00/5 (0 صوت)

11-16-2011 02:09 PM

بلد متطور جدا ... البلد الوحيد في العالم تحصل فيه علي sim card بدون ان تسال عن هويتك ... قال امن ... قال ...


#240726 [ود كترة]
0.00/5 (0 صوت)

11-16-2011 02:04 PM
lمع انو الواحد متكدر ومتضايق الا انو يبتسم معاك يا جبرة اللة يديك العافيه


#240725 [الحل في الوتري]
0.00/5 (0 صوت)

11-16-2011 02:03 PM
والله الواحد منتظر مقالك ده من بعد العيد اخيرا جودت لينا بما علمت وما لم تعلم، أنت عارف يا استاذ انو الموضوع كالأتي أحباطات، فشل، وهلم جرا وده كل بسبب انو ما في سبب. وانا واحد من الناس أظن أقصد تيقنت أن حال السودان لن ولم ينصلح للخمسين سنة القادمة وبدأت افكر مليا بعد ما قدمت لللوتري عشان الواحد يتخارج من السودان وحتي من المحيط العربي الملوث بناس صاحب السمو الملكي و فخامة الرئيس وجلالة السلطان يمشي لبلد تحس أنك فيها أنسان بمعني الكلمة وما في واحد يقدر يقول ليك يا عب ولا يا niger


ردود على الحل في الوتري
United States [sandwich] 11-16-2011 10:54 PM
شوف لينا معاك لوترى وانت قاعد فى بريطانيا وتقول لوترى ؟


الفاتح يوسف جبرا
الفاتح يوسف جبرا

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة