أبوكم مين ؟ا
11-18-2011 02:49 PM

حديث المدينة

أبوكم مين ؟؟

عثمان ميرغني

في عهد الرئيس السوداني الأسبق النميري.. كانت المنظمات الرسمية الحكومية تزرع في ألسنة الناس.. في المظاهرات والملمّات الحاشدة هتافاً غريباً.. يهتف أحدهم بصوت جهور (أبوكم مين..؟) وتردد الجماهير من خلفه (نميري).. ولزوم اللحن تنطق الياء مكررة أكثر من مرة.. (نميييييري) ..!! لم يكن مفهوماً للجماهير علاقة الأبوة هنا.. بين الراعي والرعية.. لكن يبدو أنّ الرجل المسئول من تصميم الهتافات الجماهيرية كان يقصد بها حالة (الحنان) والعلاقة الوشيجة بين القمة والقاعدة.. وعلى العموم لم يكن يهم الجماهير أن تفهم معنى الهتاف.. لأنّ الضمير الشعبي يفترض أنّ (الهتاف!) أي هتاف.. هو مجرد بث مباشر (حلقومي) يقاس بمدى قوة الصوت لا عمق الصدق أو الإيمان بمضمون الهتاف.. لكنّي.. أدّعي.. أنني الآن فقط فهمت معنى هذا الهتاف.. وتعجّبت كثيرا – طبعاً بعد فهمي له – لماذا لم يتمدد ليجمع الأب والأم والأخ الأكبر.. فيهتف الناس (أبوكم .. وأمكم.. وأخوكم الكبير.. مين؟؟) و ترد عليهم الجماهير بالاسم المتفق عليه سلفاً.. علاقة الأبوة هنا لا يقصد بها محض الحنان الرسمي أو الجماهيري.. بل أعمق من ذلك.. علاقة إذعان.. وقبول بالإذعان.. وتباعد بين الأكتاف.. هل تستطيع أن (تعمل كتفك.. بكتف أبيك).. أو أمّك.. أمّا (الأخ الأكبر) The big brother فهو تعبير رائج يقصد به (الوصاية).. فالأخ الأكبر يعلم كل حاجة عنك.. وبحكم العلاقة الأسرية يتحكّم في قرارك.. الحكومة هي أمي وأبي.. وأخي الأكبر.. تقرر مصيري.. وتبيع لي الأرض التي أسكن فيها.. والخدمات كلها.. من كهرباء وماء وهواء.. وصحة وتعليم.. حتى الزواج (الجماعي).. تزوّجنا الحكومة وتشتري لنا (الشيلة) بوفد رسمي يسافر إلى (دبي) لشراء (الشنط).. أنظر حولك في أى مكان ترى الحكومة.. أمامك خلفك.. جوارك.. و(تدفع.. تدفع.. يا تتلبع ).. وبالطبع لأنّ الحكومة أبي وأمي وأخي الأكبر فلا سلطان للخروج من نطاق أمرها.. والحكومة معنى كبير يمتد من المحلية التي تسكن فيها.. ثمّ يرتفع إلى أعلى.. ويمتد أفقياً ليشمل قطاعات كبيرة في مختلف دواوين الخدمات التي تقف أمامها في طابور طويل.. والاسم أصلاً مشتق من حكم يحكم فهو متحكم.. فيك كأبيك وأمك وأخيك الأكبر .. الحكومة الصغيرة تعني شعباً كبيراً.. والحكومة الكبيرة تعني شعباً صغيراً.. فهل نسمع بمرشحين في الانتخابات القادمة يرفعون شعار (تصغير الحكومة) ..!

التيار


تعليقات 9 | إهداء 0 | زيارات 3104

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#242549 [abodeena]
0.00/5 (0 صوت)

11-19-2011 05:59 PM

والله لكن ياناس الراكوبة بقيتو كمان تشركوا لينا العدس تكتبوا عليه كبدة ؟؟؟؟؟؟


ويارات لو كان عدس الوابل كان قلنا مايحتاج توابل وبلعناه ..


كان ختيتو صورة البوني ماشي مابطال اصلهم رز وعدس يا مشينا بيت ابونا مش حبيبنا فيصل


#242522 [أبو أواب]
0.00/5 (0 صوت)

11-19-2011 04:49 PM
تصحيح:

من الخطأ أن تكون ترجمة (الأخ الأكبر) هي The Big Brother

لأن الكلمات (Big) و (Small) تستخدم لوصف الحجم

والصحيح أن تكون الترجمة ( الأخ الأكبر) The Elder Brother

لأن الكلمات ( Elder) و ( Younger) تستخدم لوصف العمر

ولا شنو ياود ميرغني؟؟

وناس الراكوبة!!!!!!


#242506 [ود العوض]
0.00/5 (0 صوت)

11-19-2011 04:23 PM
والله أنا دخلت وقايل العمود لفيصل محمد صالح ح يفت لينا عثمان ميرغني، ولو كنت عارفو لعثمان ميرغني ما كنت قريتو من أساسو..


#242475 [زول ضحية]
0.00/5 (0 صوت)

11-19-2011 03:33 PM
أبونا النميري ما كان بشيل لينا العصاية هو وجماعته عشان يخوفنا بيها ولكن هسه العصا لكل من عصا ولم يعصا .... بالله ديل أبوات ديل


#242390 [القاضي]
0.00/5 (0 صوت)

11-19-2011 01:23 PM
في كلمة سوداني معبرة جداً لعمودو ده .... أنت ما عندك موضوع


#242162 [المهموم]
0.00/5 (0 صوت)

11-19-2011 12:46 AM
والله يا عثمان ميرغني انا ماعارف انت عاوز تصل لي شنو ........................ مقالاتك بقت ذي وشك وغير مريحة . ياخي ريحنا وخلي الكتابة .
الزول دا شوفو ليكم صرفة معاهو!!!!!!!!!!!!!


#242094 [mohy12]
0.00/5 (0 صوت)

11-18-2011 09:33 PM
ما فهمنا أي حاجة مع الصورة دي


#242086 [Shah]
0.00/5 (0 صوت)

11-18-2011 09:03 PM
كل شى عرفنا يا باشمهندس كمان بقيت تقتبس الصور بتصرف؟


#241973 [الزول الكان سمح]
0.00/5 (0 صوت)

11-18-2011 03:41 PM

يا أخونا ياناس ..إنتو عايزين تجننونا ..وللا عايزين تجننوا فيصل ده؟؟؟


ردود على الزول الكان سمح
Venezuela [(زول- الأصلي) ] 11-18-2011 09:29 PM
بالجد بالغتو فيها ياناس الراكوبة الظليلة والتي نشكرها صيفاً وشتاً وربيعاً و.... خريف
... أنا خشيت في الخبر عشان أشوف عثمان ميرغني الجديد ده شنو كمان( الصورة بقت لي غريبة .. لا هو عثمان ميرغني الأصلي بتاع الشرق الأوسط ولا هو عثمان ميرغني بتاع إتحاد الكيزان في مصر في الثمانينات والذي يتسنم حالياً موقعه المعروف لدى قراء وزوار الراكوبة ) .... لكن بعد ما قريت ما به عرفت إنو عثمان ميرغني التقليد وساعدني أخونا الزول الكان سمح عشان اتذكر إن الصورة دي شايفها قبال كدة ... لكين ويييين ؟ برتكان عليك ياعنب ....ده فيصل .... بالله ما تجننو علينا الراجل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

معليش خطأ مطبعي وسوف يتم تعديله ....
ولن يفوت على قراء الراكوبة الفطنين

ادارة التحرير


عثمان ميرغني
عثمان ميرغني

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة