كاريكاتير
11-26-2011 12:16 PM

ساخر سبيل

كاريكاتير

الفاتح يوسف جبرا

طبقاً لتعريف الموسوعة الحرة (ويكيبيديا) فإن فن الكاريكاتير (بالفرنسية: Caricature?) هو فن ساخر من فنون الرسم، وهو صورة تبالغ في إظهار تحريف الملامح الطبيعية أو خصائص ومميزات شخص أو جسم ما، بهدف السخرية أو النقد الاجتماعي والسياسي، فن الكاريكاتير له القدرة على النقد بما يفوق المقالات والتقارير الصحفية أحياناً. والكاريكاتير اسم مشتق من الكلمة الإيطالية «كاريكير» (بالإيطالية: Caricare)، التي تعني « يبالغ، أو يحمَّل مالا يطيق.
وفن الكاريكاتير فن قديم، كان معروفاً عند المصريين القدماء، والآشوريين، واليونانيين. فأقدم صور ومشاهد كاريكاتيرية، حفظها التاريخ، تلك التي حرص المصري القديم على تسجيلها، على قطع من الفخار والأحجار الصلبة، وتشمل رسوماً لحيوانات مختلفة، أُبرزت بشكل ساخر ؛ اضطلع برسمها العاملون في تشييد مقابر وادي الملوك، بدير المدينة، في عصور الرعامسة، ويرجع تاريخها إلى عام 1250 قبل الميلاد. ولا تُعرف الغاية، التي توخاها الفنان المصري من هذه الرسومات؛ فلعلها كانت إشارة غير صريحة، إلى العلاقة غير المتوازنة، بين الحاكم والمحكوم، التي كانت سائدة في تلك الفترة، جسّدها النحاتون في أسلوب ساخر، خفي المعنى.
وجديرُ بالذكر، أن فن الكاريكاتير، كان شائعاً عند اليونانيين، الذين ذكروا أن مصوراً يونانياً، يدعى بوزون، صوّر بعض المشهورين من أهل زمانه، في شكل يدعو إلى السخرية، الأمر الذي أدى إلى عقابه غير مرة، من دون أن يرتدع. وذكر بلنيوس المؤرخ، أن بوبالوس وأتنيس، وهما من أشهر مثّالي اليونان، صنعا تمثالاً للشاعر الدميم ايبوناكس، وكان التمثال أشد دمامة، إلى درجة أنه كان يثير ضحك كل من كان ينظر إليه؛ فاغتاظ الشاعر منهما، وهجاهما بقصيدة لاذعة، لم يحتملاها، فانتحرا.
وقد ازدهر فن الكاريكاتير في إيطاليا، فأبدع الفنانون الإيطاليون كثيراً من الأعمال الفنية. ومن أشهرهم تيتيانوس (1477-1576)، الذي عمد إلى مسخ بعض الصور القديمة المشهورة، بإعادة تصويرها بأشكال مضحكة.
ولعل أشهر رسام كاريكاتير سوداني هو المرحوم عزالدين عثمان والذى كان رسوماته تحفل بالسخرية اللاذعة وإنتقاد الأحوال في ستينات وسبعينات القرن الماضى ..
على الرغم من أن العبدلله يقوم برسم الكاريكاتير إلا أن مساحة العمود لا تسمح بذلك لذا عزيزى القارئ قد قمنا بوضع مادة الكاريكاتير وما عليك إلا أن تتم الباقي (خيال وكده) .
1- الصورة : مواطن يتسلق سلما وهو يحمل علبة بوهية وفرشاة في يده ويقوم بتغيير لافتة أحد المنازل الفخمة المكتوب عليها منزل (القيادى) فلان الفلانى حيث يشطب كلمة منزل ويضع بدلاً عنها كلمة (صرافة)
التعليق : بدون تعليق
2- الصورة : موظف يرتدي ملابس رثة وممزقة يستند إلى حائط وهو يشحد علي ناصية أحد الشوارع وعلى الحائط نتيجة توضح تاريخ اليوم وهو يوم 8 في الشهر
التعليق : بدون تعليق
3- الصورة : حلبة ملاكمة يتوسطها رئيس النادى المشهور والحكم يرفع يده إلى أعلى دلالة على فوزه بينما خصمه حكم الكرة يرقد مجندلاً على الحلبة من جراء القاضية الفنية
التعليق : بدون تعليق
4- الصورة : حرامي يحمل على ظهره جوال ممتلئ بالنقود ورجل الشرطة يستوقفه
التعليق : الحرامى لرجل الشرطة : يا زول مخالفة شنو وسرقة شنو ؟ ده مال عام سااااكت
5- الصورة : موكب مسئول يمر بأحد الشوارع بينما مواطنان يقفان علي الرصيف
التعليق : مواطن للأخر : أنا الغايظنى إنو عرباتهم مظلله .. يعنى ما عاوزين الناس ذااتا تشوفهم
6- الصورة : شرطي مرور يحمل دفتر إيصالاته يستوقف أحد المواطنين وهو يقود عربته
التعليق : الشرطى للمواطن المذهول : وكمان لابس سفنجه؟ دى تلاتين جنيه تاااانى
7- الصورة : مواطن يمسك بصحيفة المانشيت الرئيس لها (تقرير المراجع العام يوضح زيادة حجم الإعتداء على المال العام)
التعليق : المواطن : وأنا أقول الفلل والعمارات الماليه البلد دى عملوها كيف؟
8- الصورة : رقعة شطرنج فارغة
التعليق : فى إنتظار تشكيل الحكومة الجديدة
9- الصورة : إتنين من (المسئولين المرطبين) أمامهما مائدة عامرة
التعليق : أحدهما يخاطب الآخر : غسيل شنو؟ العربية لمن تتوسخ بغيرها طوااالي
10- الصورة : وزير يجلس على كرسي مكتبه وقد ربط حزام الأمان (خايف يطير من التشكيلة الجديدة)
التعليق : (بدون تعليق)
11- الصورة : صورة جماعية لتشكيلة الحكومة الجديدة
التعليق : وعسى أن تكرهوا شيئاً وهو خير لكم
الصورة : الطبيب في عيادته يكشف بسماعته على (جيب المريض)
التعليق : بدون تعليق
12- الصورة : موظف يجلس فى مكتبه وهو يشيح بوجهه عن المواطن الذى يقدم له رشوة
التعليق : معاذ الله .. معقوله أمسك رشوة بإيدى؟ .. ختهم في الدرج دااااك
ا13- لصورة : مواطن يمسك بتقرير المراجع العام في يده وهو يجلس مع مواطن آخر
التعليق : المواطن للآخر : التقرير ده أنا حافظو ليا عشرين سنة .. لو مغالطنى أسمعوا ليك !
14- الصورة : محل جزارة والخراف معلقة على الشناكل وعدد من المواطنين يبحلقون فى لافته كتب عليها
الكيلو 35 جنيها ? الرطل 15 جنيها ? الشريحة 7 جنيهات ? الشمة 3 جنيهات ? الفرجة جنيه ونص
التعليق : بدون تعليق
كسرة:
الصورة : إبليس في مطار الخرطوم ? صالة المغادرة
التعليق : طبعن دى ما عاوزة ليها تعليق



تعليقات 19 | إهداء 1 | زيارات 7781

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#246830 [promise]
0.00/5 (0 صوت)

11-27-2011 10:55 AM
,والله يا اخوانا كنا مفكرين نعرس من ناس النخاس الوطني لكن المشكلة البنات تبعهم وجوهم زي الجزم شنة وتربية حرام


#246695 [ابو ادهم]
0.00/5 (0 صوت)

11-27-2011 12:09 AM
ابليس في صالة القدوم جاي ياخد كورس ودراسات اضافية وكده.


#246640 [kamalmousa]
0.00/5 (0 صوت)

11-26-2011 09:40 PM
دى بلد شنو دى ابليس مهاجر منها بسبب بؤس الحال


#246628 [حامد عابدين]
0.00/5 (0 صوت)

11-26-2011 09:09 PM
يعني ياجبرا الجماعة حيروا ابليس ذاتو
وقنع من كتيرا فيها
وغلبتو يجي بي افكار وعنايل زيهم
اعوذ بالله من الانقاذيين ومن ابليس


#246623 [مغبون]
0.00/5 (0 صوت)

11-26-2011 08:54 PM
يا خال معقول الجاميكية وصلتم فى الخرطوم


#246561 [مجنون ليلى ]
0.00/5 (0 صوت)

11-26-2011 05:59 PM

نحن زاتنا بتاعن كاريكاتير لكن البلد ضيقة ، كدي شوف ديل ..

الصورة : رجل شرطه مصري يمسك بتلابيب ابن زعيم حزب سوداني مهرب اسلحة والبشير يرقص حاتيهو حت .

التعليق : البشير ، الحمد لله ما عندي ولد ، ماقلت ليك يافاطمة اولاد الزمن ده كلهم اولاد كلب

االصورة : إبليس في مطار الخرطوم ? صالة المغادرة
التعليق : بلد حاكمها كلهم اباليس القاعد ليها شنو ؟

الصورة الاخيرة : رجل شايل ليهو ماسورة جديدة وجماعة قاعدين في ضل النيمة

التعليق: واحد من اصحاب ضل النيمة للاخر ،ياربي الوالى ده جنا ولا شنو ؟


مجنون ليلى والهلال


#246560 [واحدة بطنا طامة من رباطية المؤتمر الوطني وكل الاحزاب]
0.00/5 (0 صوت)

11-26-2011 05:59 PM
الصورة : مجموعة من الرباطية قاعدين ياكلوا في كيكة كبيرة مقسمنها بيناتن والناس بتعاين ليهم لحدي ما فضل فيها شئ قاموا بعد داك نادوا الناس وقالوا ليهم تعالوا اكلوا معانا و
طبعا في ناس نفسن ساقطة لدرجة انهم رضوا بالصحن الفاضي
التعليق : مواطن لاخوهو :عليك الله شوف الدنيين ديل هو لو الصحن فيهو نفع بعزموهم


#246552 [ودأمدرمان]
0.00/5 (0 صوت)

11-26-2011 05:37 PM
يا جبرا بالله وارد واو ده بيصل الخرطوم لي هسع والله أنا قايلوا وقف من زمن الانفصال والحرب الفي الحدود دي وكده زي مابتقول إنت


#246535 [grfan]
0.00/5 (0 صوت)

11-26-2011 05:09 PM
وابليس دا طلع كرت خدمة الزامية؟


#246486 [كراكتير تاني]
0.00/5 (0 صوت)

11-26-2011 03:53 PM
- الصورة : محل جزارة والخراف معلقة على الشناكل وعدد من المواطنين يبحلقون فى لافته كتب عليها
الكيلو 35 جنيها ? الرطل 15 جنيها ? الشريحة 7 جنيهات ? الشمة 3 جنيهات ? الفرجة جنيه ونص
التعليق : بدون تعليق



التعليق :

مواطن تاني يعاين في اللحمة ويردد

عقلي انشغل بهواك ، والحكمة ( بطني )
( غالية )ومجافية الناس .. ربي (تصبرني)


#246472 [salah gad]
0.00/5 (0 صوت)

11-26-2011 03:28 PM
والله ياود جبرة شجعتني انا من زمان عايز ابقي بتاع كاريكاتير بس ماعارف ابدا من وين ، هاك البداية دي :
الصورة الاولي : شجرة كبيرة ونشفانة خالص بس فضل فيها فرع واحد .....
الصورة الثانية : الفرع الباقى فيهو قرد كبير ماسك الفرع بسنونو واربعاته وكمان لافي ضنبو وبقية القرود الصغار ماسكين في الضنب .....
الصورة الثالثة : في اسفل الشجرة النشفانة دي شبل صغير يعني جني اسد راقد ولابس لية نظارة سوداء وخاتي ليهو هيدفون في اضنينو وشايل ليهو فرع شوك صغييرون !!!!!!!!
التعليق : بدون


#246427 [الصعب]
0.00/5 (0 صوت)

11-26-2011 02:11 PM
يا جبرا و الله دي قلبت فيها هوبة عديل كده... ههههههههههههه
(صورة بالكربون عن واقعنا المرير);( ;( ;( ;( ;( ;(


#246385 [ود الخالة ]
0.00/5 (0 صوت)

11-26-2011 01:16 PM
يا جبرة اعوز بالله من ابليس لكن لقى حق الفيسا وين ؟


#246350 [كورس صيفي للفساد التسجيل مجانا لكن الكتب بقروش]
0.00/5 (0 صوت)

11-26-2011 12:35 PM
صورة: عسكري يمسك بسكين وامامة دجاج كثير مذبوح وعسكري اخر اعلي رتبة امامة طاولة بها دجاج مشوي وفواكة وواحد شحاد يسأل عاوز العظام بتاعت الدجاج


الفاتح يوسف جبرا
الفاتح يوسف جبرا

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة