المقالات
السياسة
ارشيف مقالات سياسية
الربيع العربي وكتّاحة نافع
الربيع العربي وكتّاحة نافع
11-26-2011 12:17 PM

الربيع العربي وكتّاحة نافع

إيمان حموري
[email protected]

شاهدتُ علي الفضائية السودانية خطاب السيد نافع علي نافع نائب (رقيّص الجمهوريه) عفواً رئيس الجمهوريّه، في المؤتمر العام للمؤتمر الوطني وما إن بدأ السيد نافع خطابه حتي انتابتني نوبه من العطس واحسست إنه ذاك الخطاب النافعي القديم، نفس السيناريو،نفس الكلمات من ذاك السجل القديم، تهديد ووعيد وتخويف ، وكانت مفاجأة
الخطاب ونكتة الموسم التي أطلقها السيد نافع إن ( الربيع العربي جاء للسودان مع حكومة الانقاذ قبل عشرين عاماً) وإن المنتظرين للربيع العربي في السودان سوف يطول انتظارهم، وإن الانقاذ هي التي من صدرّ الربيع العربي للدول العربيه ، ايا سيد نافع ربيع منذ عشرين عاماً؟ سبحان الله من ربيع لايشيخ ! ؟ وحكومات لاتشيخ! واحزاب لاتشيخ! وسجون لاتشيخ!، لاتقل لي انتم من اهدأ البوعزيزي عود الثقاب ليشعل ثورة تونس!؟، ولا تقل لي أنتم من أهدأ ثوار التحرير اغنيات الحماس ليتطرد مبارك!؟،ولا شك مما لاشك فيه أنتم من حرر ليبيا،! وننتظر وعد قريب لتحرير فلسطين!، لماذا ايها السيد نافع في كل خطاب تحاول أن تستفز الشباب السوداني ؟ بعبارات التخويف والتهديد(الراجل اليطلع لينا برة) وأنا اقول لك يا سيد نافع (لوكان الرجالة بمعني راجل لي راجل والله يطلع ليك مليون راجل لكن المشكلة إنك بتتحامي في جهاز القمع بتاعك ) وربما كان وكان، أما ربيع الانقاذ فهو محصور فقط في حزب المؤتمر الوطني وما جاوره،حيث القصورالعاليه والسيارات الفارهة والارصدة التي في البنوك أما بقية الشعب السودان (ناس قريحتي راحت) لم ينوبهم من ربيع الانقاذ الا الكتاحة !!
اخر الشاي
سوف تصفو اليالي بعد كدرتها وكل دور إذا ماتم ينقلب


تعليقات 6 | إهداء 0 | زيارات 2161

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#247310 [عبد الله ]
0.00/5 (0 صوت)

11-28-2011 11:14 AM
اتو قايلين المظاهرات لعب؟
المظاهرات فيها احتمال الموت.
ودي ما بعلمهاواحد طامع في دنيا .
يعني لازم عناقة بالقضية حتى الموت ؟
من منكم جاهز لهذا الأمر؟
خلوا اللعب وشوفوا ليكم شغلة اقضوها


#246951 [عمر الامين]
0.00/5 (0 صوت)

11-27-2011 03:07 PM
فعلا نافع دا بحتمي بالامن و حتي في لندن جاب ليهو بودي قارد اندسة بي وراهو
(رقيص الجمهورية اروع وصفة)


#246707 [مدحت عروة]
0.00/5 (0 صوت)

11-27-2011 01:03 AM
وعد قريب لتحرير فلسطين؟؟؟؟ يعنى يمشوا يداوسوا بنى قريظة؟؟؟ انتى يا ايمان حمورى الملاريا طلعت ليك فى راسك ولا شنو؟؟؟؟ انتى قايلة بنى قريظة ديل زى ناس دارفور او الحركة الشعبية او جبهة الشرق؟؟؟ بنى قريظة بيضربوا اعدائهم فى اى حتة فى العالم و ما بيخافوا الا من شعبهم فقط!!! بعدين انتو دايرين الجيش يمشى يضارب بنى قريظة او المصريين او الاحباش عشان تلقوا الطريق فاتح قدامكم للقصر الجمهورى العبوا غيرها يا شطار و تلقوها عند الغافل!!!


#246591 [hajabbakar]
0.00/5 (0 صوت)

11-26-2011 07:21 PM
ربيع بالليل وفى الظلمات مالفرق بينكم وبين لصوص المنازل
رئيسكم فى منظمة الدعوة الاسلاميه كان يرتجف عند تسجيل البيان المشئوم واسال اى من الحضور
بطولات فارغة وكلكم حرامية سلطة وسارقى المال العام
انت ورقيصك تتقوون بكلاب الامن والشرطة


#246456 [ابوسامى]
0.00/5 (0 صوت)

11-26-2011 02:53 PM
اولا من باب احترام الاخر عدم التجريح بالطريقة المباشرة والغير مباشرة ،لا كبير على النقد ولكن بموضوعية ، تعيبين على الرجل افعاله وانتى الان تقومين بالمثل ، نتمى ان يعمل الجميع من اجل السودان الوطن الواحد ومن اجل خدمة مواطن هذا البلد الصابر
والله ولى التوفيق


#246371 [ود ابوشوارب]
0.00/5 (0 صوت)

11-26-2011 01:00 PM
(لوكان الرجالة بمعني راجل لي راجل والله يطلع ليك مليون راجل لكن المشكلة إنك بتتحامي في جهاز القمع بتاعك )


دى وكفى


إيمان حموري
إيمان حموري

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة