المقالات
السياسة
ارشيف مقالات سياسية
إنكسر المرق واتشتت الرصاص
إنكسر المرق واتشتت الرصاص
11-28-2011 10:22 PM

إنكسر المرق واتشتت الرصاص

أسماء الجنيد
[email protected]

سلام يا اهلنا في كل مكان

انكسر المرق واتشتت الرصاص
ـــــــــــــــــــــــــــــــــــــــــــ
المرة دي سمع وشوف , اقروا واسمعوا المسخرة البتشل الزول واقف طولو
اللهم لا إعتراض على حكمك يا الله ,,, لطفك يااا رب

[VIDEO=http://www.youtube.com//v/fheYyg2SJrQ]WIDTH=400 HEIGHT=350[/VIDEO]

((كشف نائب رئيس حزب الوفد لقناة فضائية مصرية ان ال100 الف فدان
الممنوح من حزب المؤتمر الوطني للحزب في شمال السودان عبارة عن نواة لمليون فدان متفق عليه
وقال انهم سوف يمنحون كل اسرة من اسر شهداء الثورة المصرية 10 الف فداااان !!!! ))
المصيبة بقت اكبر من التصور واكبر من كل العقول واكبر من هدايا ماعز وأضحية عيد !!! سؤال ليك يا البشير جاوبوا ولو في سرك , بتقسم في مساحات البلد كأنها ملك حر ليك وورثة جاتك من اجدادك القدماء لشهداء مصر وشهداء بلدك كانوا فطائس ولا ما بشر ؟؟؟ بتعوضهم شنو القتلتهم وسحقتهم في دار فور والجنوب والشرق ووسط البلد ؟؟ ولا ديل ما اولاد المصارين البيض ؟؟ منو السبقك على سواتك دي .؟ تقطع في لحم اهلنا الحي وتتبوبر بيه لي ناس يضحكوا ويقرقروا علينا وما محتاجين اصلا للمساعدة , إلا كان لي مصلحة ليك وشيتا داسيهو من العالم , حتى ولو محتاجين نحن ذنبنا شنو ؟؟ بلدهم زاتها عوضتهم بي شنو ؟ ولا إنت يا الأجواد كتير الزاد يا المجوع بلدك على رؤوس الأشهاد , بتتبرع بي حقهم والرماد كال كل حماد بالبلاد...
ليه حق المطنقع الإسمو توفيق عكاشة إنه يقول السودان عبارة عن اراضي ومساحات مصرية بي اهلها تابعين لي جنوب مصر.
ولازم يلم الشمل آجلا أم عاجلا وليه حق يقول إنه ما بعترف بي دولة إسمها السودان ولا حكومة ولا رئيس ولا شعب سوداني,
إذا كان رئيس السودان يتفسح كما يحلو له في حق الشعب الجيعان وعطشان , ويشيل ويكيل لي جيرانه المصاروة وغيرهم بعدما شبع هو وحاشيته ومطبلينه وما عرف زاتو يأذي شعبوا اكتر من كده كيف !! شعب ساكت وقبلان بي حكم الذل والهوان والملطشة !!!!
رئيس يعمل في عمايله دي كلها غير مبالي من عواقب و تدهور إقتصاد البلد وهبوط قيمة الجنيه الخبت الدلجة من كم سنة ووصل تحت الصفر , والبلد هاملة هملة العدو , غاب منها التمساح ويقدل فيها الورل زي ما داير ويرقص زي ما داير , مجوع شعبه ومطلع روحه بالمرض والجوع والتشرد , ضارب بي كل القيم الإنسانية عرض الحائط , طالع لي شعبو بي سكاتو ده في ضهروا ومدلل كرعينه والباقي تحت مركوبه البصوقر ويتفوجج بيه وسط كل الشعب القبلان بالحالة المزرية دي !!!
وفاكيها في روحو ومكبر مخو شوية ومطنش المحتجين عبر الأجهزة الإعلامية المختلفة من مواقع وصحف وغيرها ,,
كل الحاجات البنسمع ونشوفها تحصل قدامنا , ما غريبة مدام الناس قبلانه وساكتة على اسوأ وضع مرا على البلاد , ونتوقع الكثير المثير , نتوقع بعد كده بيع اهلنا زاتهم بي لحمهم وشحمهم , ويجوا المصاروة وغيرهم يقدلوا في البلد القدموها ليهم هدية في طبق من دهب , وأسياد البلد يبقوا عمال تحتهم ,,,, هملت يا السودان ,, الكنت بالخير والفضائل مليان ,
وبعد ما نخ اكبر حزب في السودان بمشاركته للعصابة في الخراب البحصل للبلد تحت عيون العالم , بعد كده نقول حليلك يا السودان خلاص , إنكسر المرق واتشتت الرصاص

متاوقة
ـــــــــــــــــ
يا شعبنا الصامت كل صمت ثانية منك تعادل خراب سنة وموت اللآلاف من الأبرياء,, الناس دي إتشرت بي فسادها , وشعبنا مخدر ونايم في العوج . المصيبة لما يصحا يكون الفأس قطع روؤس كل الناس,,
حسبي الله ونعم الوكيل
يمهل ولا يهمل

ودعتكم الله


تعليقات 11 | إهداء 6 | زيارات 3581

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#248061 [السودانى]
0.00/5 (0 صوت)

11-29-2011 05:44 PM
اضم صوتى للاخ حتو نحن اكسل شعب فى العالم نحب الركلسه والترطيبه نحن شفنا كيف الشعوب تعمل فى الخارج 0 الناس يتزرع فوق الجبال 0 عندما اعطى الرئيس حسنى مبارك الوليد بن طلال 100 الف فدان لزراعتها فى توشكى احتجت بعض الاقلام الصحفيه قال لهم دى ارض مصريه يعنى ما حيشيلها معاه ثم نحن المستفيدين فى كل الاحوال دى الشطاره 0 اما نحن فالحين فى الكلام والنظريات يعنى اراضى السودان الزراعيه دى يمكن ان نستخدمها فى علاقتنا مع الدول


#248047 [محمد صالح العميد]
0.00/5 (0 صوت)

11-29-2011 05:16 PM
الله يخليك يا بت الجنيد ما قصرت لكن نحن المقصرين. لو ناديت ميت كان استجاب لكن لا حياة لمن تنادي. أو على الأقل في غيبوبة ونأمل من الله العلي القدير أن يستفيق هذا المارد من غيبوبته ويستجيب للنداء. عشان المغفل المخمور الذي يدعي أن الشعب كسول يشوف الويل وسهر الليل، الجبان المتخاذل يذكر الناس بصفاته التي تنطبق عليه. لو سأل عن آية في القرآن لا يعرفها لكن للأسف يعرف الصفات الرذيلة التي لا تمت لشعب التقابة والقرآن بصلة.


#247987 [abin algazera]
0.00/5 (0 صوت)

11-29-2011 02:38 PM
الحمد لله علي كل حال ( انا لله وانا الية راجعون ) ززززززززززززززززززززززمن


#247890 [حتو]
0.00/5 (0 صوت)

11-29-2011 11:37 AM
والله يا بنت الجنيد اقول ليك حاجة وماتزعلي وانا ما كوز المصرين علي الاقل بزرعوا الارض ونحن بنستفيد وهم بستفيدوا والفائدة الاكبر لينا بكل الاحوال الارض ارضنا وما ممكن اشيلوها مهعم بصراحة نحن السودانين عندنا عدم الاهتمام الكسل والله ما عرفت الحقيقة دي الا لما سافرت وشفت الناس شعوبها بتشتغل ليل نهار الا نحن ما فاضين من السياسة الكوشتينة العرقي.........الشمارات .... نحن من استغلال السودان الي الان بنتشاكل الحزب الفلاني يحكم والحزب الفلاني ما يحكم . بعدين المصرين بحسنولنا نسلنا علي الاقل خليهم يتزاوجوا ويتكاثروا علي الله حلفتك شوفي ناس المناصير ادهم اراضي ومساكن ومرتب شهري الرجال بالنهار نايمين والليل مدورين العرقي


#247868 [ABO YOUSIF]
0.00/5 (0 صوت)

11-29-2011 10:48 AM
حبابك بت الجنيد ---
و الله ما فضل ليك الا تنزلى الشارع خلاص حمستى الشعب و سخنتيه و ما قصرتى تب لكن للاسف الناس بقت مخدره يا ربى ده من شنو ؟ ليه كل هذه الصمت رقم الجوع و المرض ليه كل هذا الصمت رقم تقسيم البلد ؟ و ليه كل هذا الصمت رقم الفساد الظاهر و التحدى ماذا اصاب شعبنا شعب الثورات ؟ من الذى سمم احاسيسك و جعلك تعيش حياة افضل منها الموت لا حراك لا روح فيك
نحن نحتاج الى صرخة عالية ربما نسمع و نصحى


#247733 [والله حرااااااام!!!!!! حتي الزاد لو ما كفّي ناس البيت حِرم ع]
0.00/5 (0 صوت)

11-29-2011 04:22 AM
والله حرااااااام!!!!!! حتي الزاد لو ما كفّي ناس البيت حِرم علي الجيران . ولكن نقول الله المستعان......


#247682 [المهموم]
0.00/5 (0 صوت)

11-29-2011 12:27 AM
هذا زمانك يامهازل (ارقصي) .................. خلاص خلصتوا خيرات السودان ودمرتوها وقبلتو لبيع الاراضي السودانية بدل ماتعملوا على رد ارض حلايب تدوهم اراضي جديدة.
ياناس الراكوبة وين القناة الفضائية لمعارضة هذه العصابة.


#247676 [مدحت عروة]
0.00/5 (0 صوت)

11-29-2011 12:16 AM
بعد ما شفت الاخبار فى تلفزيون الحياة المرفق مع هذا المقال حبيت اعلق مرة تانية فى دولة فى العالم تدى اراضيها لشعب دولة اخرى عشان تزرعها ولا تحاول تساعد مواطنيها فى توفير مدخلات الانتاج و عمل البنية الاساسية اللازمة عشان ترفع من دخل الاسر السودانية و بالتالى تزيد صادرات البلد و تحل مشكلة العطالة للمواطنين؟؟!! المانيا بعد ما دمرت ساعدتها امريكا من خلال مشروع مارشال و ما جابت ليها مواطنين امريكان و ادوهم ارض فى المانيا و كذلك فعلوا فى اليابان!! بعدين رئيس حزب الوفد السيد بدوى ما كنت متخيل انه منافق للدرجة دى اى والله منافق زى الكانه حكومة الانقاذ ما دكتاتورية و انها جالسة فى الحكم حوالى 23 سنة بدون تبادل مع اى زول تانى و فصلت الجنوب و و و و الخ اللى انتوا كلكم عارفنه و ملينا من تكراره و ده كله عشان يدوهم اراضى و يمشوا يستفيدوا منها سياسيا فى مصر و يضحكوا على سذاجة البرابرة السودانيين و عباطتهم و هبلهم يا عم دول اخدنا منهم حلايب و ما فيش حريات اربعة و بعد ده كله ادونا دفعة اولى من اراضيهم و اللى ح توصل لمليون فدان!!! طيب على الاقل يرسلوا لينا شوية رقاصات مصريات عشان نفرفش شوية!!!!


#247667 [عدلان يوسف ]
0.00/5 (0 صوت)

11-29-2011 12:00 AM
\" يا شعبنا الصامت كل صمت ثانية منك تعادل خراب سنة وموت اللآلاف من الأبرياء,, الناس دي إتشرت بي فسادها , وشعبنا مخدر ونايم في العوج . المصيبة لما يصحا يكون الفأس قطع روؤس كل الناس,,\"


يا شعبنا الصامت كل صمت ثانية منك تعادل خراب سنة وموت اللآلاف من الأبرياء,, الناس دي إتشرت بي فسادها , وشعبنا مخدر ونايم في العوج . المصيبة لما يصحا يكون الفأس قطع روؤس كل الناس,,



يا شعبنا الصامت كل صمت ثانية منك تعادل خراب سنة وموت اللآلاف من الأبرياء,, الناس دي إتشرت بي فسادها , وشعبنا مخدر ونايم في العوج . المصيبة لما يصحا يكون الفأس قطع روؤس كل الناس,,


يا شعبنا الصامت كل صمت ثانية منك تعادل خراب سنة وموت اللآلاف من الأبرياء,, الناس دي إتشرت بي فسادها , وشعبنا مخدر ونايم في العوج . المصيبة لما يصحا يكون الفأس قطع روؤس كل الناس,,

يا شعبنا الصامت كل صمت ثانية منك تعادل خراب سنة وموت اللآلاف من الأبرياء,, الناس دي إتشرت بي فسادها , وشعبنا مخدر ونايم في العوج . المصيبة لما يصحا يكون الفأس قطع روؤس كل الناس,,


يا شعبنا الصامت كل صمت ثانية منك تعادل خراب سنة وموت اللآلاف من الأبرياء,, الناس دي إتشرت بي فسادها , وشعبنا مخدر ونايم في العوج . المصيبة لما يصحا يكون الفأس قطع روؤس كل الناس,,


يا شعبنا الصامت كل صمت ثانية منك تعادل خراب سنة وموت اللآلاف من الأبرياء,, الناس دي إتشرت بي فسادها , وشعبنا مخدر ونايم في العوج . المصيبة لما يصحا يكون الفأس قطع روؤس كل الناس,,


#247661 [الجمبقلى]
0.00/5 (0 صوت)

11-28-2011 11:48 PM
اين حلااااااااااااااااااااااااااااااااااااااااااااااااااااااااااااااااااااااااايب؟جب بلعوها

أصبرى شويه دول حيبلعوا السودان كله


#247660 [مدحت عروة]
0.00/5 (0 صوت)

11-28-2011 11:46 PM
حسنى مبارك الشال حلايب رجالة كده راح فى ستين داهية طيب جو ناس الثورة ليه ما رجعوا حلايب على الاقل لحد ما نحتكم فيها؟؟ و اذا قالوا بعد حكومة منتخبة فى مصر ليه حكومتنا تكافىء المصريين قبل ما يرجعوا حلايب ما تنتظر و تشوف الحكومة المنتخبة ح تعمل شنو فى موضوع حلايب و على ضوئها تتصرف!!! يالا بلا وفد بلا كيزان بلا برادعى بلامصر كلها والله جزمة اى سودانى بمصر كلها!! معقول انحنا نبقى هوان كده فى هذا العهد الانقاذى الكالح؟؟ ياخى حتى الحريات الاربعة ناس الانقاذ طبقوها و المصريين ما طبقوها!!! ما هو السر فى احتقار الحركة الما اسلامية للشعب السودانى؟؟!! اى واحد ما يحترم الشعب السودانى هو مكانه تحت الجزمة ان بقى سودانى او اجنبى!!!


أسماء الجنيد
أسماء الجنيد

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة