المقالات
السياسة
ارشيف مقالات سياسية

11-29-2011 05:30 PM

على الشماليين الشرفاء دعم اخوانهم الجنوبيين فى معركة الأنابيب

تاج السر حسين
[email protected]

هكذا دائما حال نظام الفساد والأستبداد، كل قضية يحولها الى معركة لا يراعى فيها ضمير ولا منطق أو اخلاق.
فسريان النفظ عبر خط الأنابيب مسالة حياة أو موت بالنسبة لأخواننا فى الجنوب ولا يقل أهمية عن سريان مياه نهر النيل للسودان ومصر.
وبعد زول نظام (مبارك) أدعى (الفاسدون) بأنه كان يعاكسهم ويضيق عليهم، لكنهم لم يتجرأوا على الأقتراب من مياه النيل ولم يهدد واحد منهم بتعطيل جريانها، لأنهم يخافون ولا يستحون.
فالجنوب شاءوا ام أبوا شريك فى هذا الخط الذى يمر عبره النفط ولا يمكن أن يوجد منفذ آخر غيره فى القريب العاجل، والمواطن الجنوبى سدد الضرائب من أجل أنشاء هذا الخط مثل شقيقه فى الشمال، بل زاد الجنوبى من دمه وشهدائه بالملايين وبالقرى التى أحرقت وابيد سكانها بكاملهم فى حرب ظالمه لعشرات السنين، ما كان لها مبرر قبل الأنقاذ وبعدها.
ويجب على كل حر وشريف وبقدر استطاعته الا يترك أهلنا فى الجنوب وحدهم يدفعون ثمن رفضهم الشجاع (للمشروع الحضارى) الكاذب وللدوله الدينيه (أسما) التى كان يعمل من أجلها هيمنتها على جميع انحاء السودان، ازلام (المؤتمر الوطنى) الفاسدين، حتى ازلهم الجنوب ومرغ بأنوفهم التراب.
ولو انكسر المواطن الجنوبى أو تنازل عن مشروع (الدوله المدنيه) الذى اساسه (المواطنه) المتساويه والمضاد للمشروع (الظلامى) ، ولو صوت الجنوبيون لصالح (الوحده) حسب مزاج (المؤتمر الوطنى) كما كان يريد بعض (الجهلاء) ضيقى النظره، لما تمتع سودانى بحريته الى الأبد ولما شهد السودان (ديمقراطيه) حقيقيه يسعى السودانيون جميعا لتحقيقها فى اليوم أو الغد وبعد أن يذهب هذا النظام الفاسد لمزبلة التاريخ.
ولا أدرى كيف يدعى المنافقون الذين يجهزون (الملعب) ويوزعون (عصير) التمر والأنخاب، غيرة على الدين وتسببوا فى انفصال الوطن الى قسمين من خلال ذلك الأدعاء الكاذب.
وعلى الشرفاء من ابناء شمال السودان خاصة المثقفين والصحفيين والأعلاميين والحقوقيين والذين يعملون فى منظمات دوليه ومن خلال علاقاتهم تلك أن يعبروا عن رفضهم لهذا القرار الظالم (الغبى) الذى اتخذه النظام بايقاف تصدير الجنوب قاصدا الضغط عليهم للتخلى عن مواقف ومبادئ جديره بالأحترام والتقدير.
وتصدير النفط مثلما أكدنا أعلاه مسألة حياة أو موت للجنوبيين ومنع تصديره جريمه انسانيه لا تقل عن جرائم القتل والأباده .. وحقوق الدول التى تمر فيها خطوط الأنابيب معروفه دوليا ولا تتعدى نسبه مئويه معقوله لا مشاركه واستنزاف وفرض اتاوات كما يريد المؤتمر الوطنى الذى لعب ازلامه بمال السودان وأنفقوه فى سهراتهم ومتعهم وملذاتهم ووزعوه منح وعطايا على (ألأرزقيه) فى الداخل و(المرتزقه) فى الخارج.
وهذه سانحه اطالب فيها شرفاء السودان والجادين خاصة فى العمل على تأسيس (منظمات) وجمعيات أهليه تحارب (الفساد) وأهدار المال العام السودانى ومطاردة الذين نهبوه وأستولوا عليه بغير حق والعمل على جلبهم للمحاكم وفق مقررات الجمعية العامه الأمم المتحده .. ولا نامت اعين الجبناء والفاسدين.


تعليقات 9 | إهداء 0 | زيارات 1249

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#248881 [الفيل لا]
0.00/5 (0 صوت)

11-30-2011 09:33 PM
انشاء محاكم سرية هو الحل


#248536 [osman]
0.00/5 (0 صوت)

11-30-2011 11:59 AM
اخونا mohy كلامك عاطفى ومصير الشعوب لا تحدده العواطف 0 تقول ان الجنوبيون اجبروا على الانفصال وانت تعرف ان الجنوبيون تمردوا قبل استقلال السودان وانفصال الجنوب ليس نهايه الدنيا والجنوبيون هم من اختاروا الانفصال باختيارهم واحد قاده الحركه قال لو الشمال جعل الجنوب مثل دبى سوف ننفصل يعنى يا حبيبى النيه مبيته للانفصال لا تنطلى عليكم نظريه السودان الجديد ما تقول عنهم اخواننا امثال باقان يقفون امام الكونجرس للمطالبه بعدم رفع العقوبات عن السودان هذا الكلام قبل الانفصال كلامكم هذا بضاعه بايره جدا جدا


#248374 [عماد الدين علي مكي]
0.00/5 (0 صوت)

11-30-2011 08:46 AM

* يازول كيف الكلام ده ؛ بس كان ما دفعوا ما في مرور للبترول عبر الانابيب

* ما تقول أهلنا في الجنوب ديل تركوا الشمال في لحظة تقول ضربواليهم صفارة

* عليك الله العاجبك فيهم شنو

*



#248256 [mohy12]
0.00/5 (0 صوت)

11-29-2011 11:08 PM

للأسف كل المعلقين غائبين أو مغيبين عن أصل المشكلة اللهو المؤتمر الوثني وليس الجنوبيين

معروف عالمياً حقوق مرور أنابيب النفط بالدول وما محتاج لي رجالة وفهلوة وشمال وجنوب وفي النهاية الجنوبيين ديل إخوانا أرغموا على الإنفصال أو هربوا من جحيم المؤتمر الملحد برضو نضيق عليهم دا لوكان تعرفة مرور البترول بمبلغ معين مفروض ننقص ليهم شوية عشان دولتهم الوليد شابكنهم من زمن الإستقلال يا عب يا عب بعد ما ربنا فتحها عليهم نعاكسهم إتقوا الله دخلت إمرأة النار في قطة وليس أخوك البني آدم أنا عارف إنو كتير من المعلقين نظروا ليها نظرة عنصرية لا إنسانية ولا إسلامية لأنو نحنا عندنا حهل متأصل عالمنا وجاهلنا لما يخت الموضوع من ناحية عنصرية بينسي إسلام وبلال بن رباح وووو وبينسى حتى الإنسانية حتى مسألة كلكم لآدم دي برضها ما بنذكرها الكاتب دا من الواضح إنو إتأثر بشعوب مستنيرة


#248215 [طه]
0.00/5 (0 صوت)

11-29-2011 09:44 PM
مهما يكون نظام الانقاذ ظالم ومستبد الا انى لا يمكن اساند دوله الجنوب فى مواقفها تجاه الشمال لان الجنوبيون ينظرون للشماليين كوجه واحد وقالها سلفاكير لا فرق بين البشير والصادق والميرغنى والترابى كلهم اسلاميون هذه هى نظرة الجنوبى للشمال وهل البترول هو ملك للانقاذ حتى ندعم الجنوبيون ضد دولتنا فى الشمال 0 على كل حال مقال غير موفق ابد ا ابدا ابدا


#248177 [مهيره]
0.00/5 (0 صوت)

11-29-2011 08:44 PM
ياخوى انت صاحي وبكامل وعيك؟؟؟؟؟؟
جنوب شنو البنقيف معاه دى دوله حره وليها خياراتها وقرارتها وهي حره
غلبك البتكتبوا وسقطه كبيره بصراحه


#248158 [السودانى]
0.00/5 (0 صوت)

11-29-2011 08:25 PM
اكاد لا اصدق ان هذا الكلام يصدر من مواطن شمالى 0 يا اخى عليك ان تعلم الجنوب انفصل واصبح دوله ما الزى يجعلنى انا الشمالى اناصر الجنوب على وطنى الشمال مهما يكون اختلافى مع المؤتمر الوطنى لا يمكن اساند دوله اخرى على وطنى بحجه المعارضه 0 هذا الكلام يكون مقبول لو الجنوب ما انفصل 0 انا غلطان فى عنوان المقال الصحيح على الشماليين العملاء دعم الجنوبيون فى معركتهم ضد دوله السودان انها سقطه كبيره يا تاج السر


#248156 [المسلم]
0.00/5 (0 صوت)

11-29-2011 08:17 PM
انت بتحلم السودان يتوحد المؤتمر الوطنى سيمضى ولكن السودان باقى لوجات حكومه انتقاليه او دمقراطيه الجنوب السودان سيدفع للخط الناقل للبترول حرب الجنوب من متى لكن نظرتكم قصيره مه ماكنت ولو انفصل جز من السودان سيدفع والمسلسل شقال


#248103 [دقنة]
0.00/5 (0 صوت)

11-29-2011 06:46 PM
تسلم ايدك ويسلم قلمك يا أستاذ التاج ,,,,, للأسف شعبنا لسه جبان وخائف ومرعوب من خيال المئآتة الواقف أمامهم , حائلآ بينهم وبين الوصول الى الحرية والعزة والكرامة !!!!! أقولها صادقآ ومحتسبآ !!!! الله المستعان


تاج السر حسين
تاج السر حسين

مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة