المقالات
السياسة
ارشيف مقالات سياسية
انها السياسة يا...(2 –2 )اا
انها السياسة يا...(2 –2 )اا
12-05-2011 11:59 PM

انها السياسة يا...(2 –2 )

د. عبد اللطيف البوني
[email protected]

(1 )

ياحلاة زوزو

احيانا يكون الشمار طاغيا على الايدام (الملاح –بضم الميم-) فصحف الخرطوم روجت لشمار فحواه ان صورة الدكتور الترابي قد انزلت من الالبوم الجداري الذي يحتوي على صور الرؤساء الذين تعاقبوا على رئاسة البرلمانات السودانية .يبقى السؤال ماهي مناسبة هذة الشغلانة ؟ هذة واحدة اما الثانية فقد سرت اشاعة اسفيرية بان الترابي قد انتقل الي الرفيق الاعلى . فالسؤال الذي يطرح نفسه ماهي مناسبة هذة الكذبة قصيرة العمر ؟ ثالثا الترابي يهاجم مشاركة الميرغني في حكومة المؤتمر الوطني بينما لم يعلق على مشاركة ابن خال ابنائه فقد وصف الترابي ال الميرغني بانهم لم يعارضوا في تاريخهم اي حكومة الا حكومة الانقاذ عندما كان هو عرابها وارجع السبب في ذلك لاصولهم الارتيرية . فالسؤال ماهي مناسبة سحب صفة الاشراف ناهيك عن العروبة ناهيك السودانية من المراغنة ثم حبشنتهم وهذة من الحبشة ؟ثم يعقد المؤتمر الشعبي مؤتمره العام المحضور. من يفك طلاسم هذة اللوحة السريالية ؟ اسمحوا لي ان اجرب . تذكروا الحبس الانفرادي للترابي في السجن والذي اعقب امره اذهب الي القصر رئيسا وسوف اذهب الي السجن حبيسا
(2)
الله فوق زوزو
قال المحجوب في مذكراته التي جمعها في كتاب التجربة الديموقراطية في السودان انه عندما بلغ الصادق المهدي الثلاثين من العمر واراد استلام رئاسة الوزارة اجتمعت به وقلت انك مازالت صغيرا وعديم التجربة وسوف تتعامل مع سياسيين ماكرين محترفين كالازهري فالافضل ان تصبر قليلا والمستقبل مازال امامك واسعا فلم يسمع الصادق نصيحته واصر على موقفه واطاح بالمحجوب وشق الحزب ودخل مدرسة الممارسة السياسية وفيما بعد وحد الحزب واصبح الزعيم وصاحب امتياز النسخة الثالثة من المهدية .فالفارس العقيد عبدالرحمن الذي سوف يلاعب نافع اوابرهيم احمد عمر سوف يصنع فيما بعد النسخة الرابعة من المهدية
(3 )
زوزو طربانة
نادى منادي النادي الكاثوليكي قائلا ياجماعة الخير انتو مصدقين انه في حزب امة وفي حزب اتحادي ولاحتى في مؤتمر وطني ؟ ياجماعة في طائفتين ونواة هاتين الطائفتين هما بيتا المهدي والميرغني فاذا اردتم الطائفتين الي جانبكم فاسعوا الي البيتين مباشرة وخلونا من حكاية الاحزاب الوهمية دي فالبيوت اكبر واهم مما يسمى بالحزب بالفعل سمع الجماعة كلام المنادي وفتحوا القصر للمريدين االلابسين على الله والجلابية ام لياقة وعاشت الشراكة
(4 )
علموا الزوزو علمو
الفريقان كاسبان فالفريق الاول الذي كان يدفع الاموال من تحت التربيزة سوف يدفعها فوق التربيزة وسوف يشكم خشامة البيتين االفريق الملتحق سوف يخدم نفسه ويرمم طائفته ويكرس زعامة البيت ثم يدرب اشباله ليخرجوا من القصر لقيادة ما يسمى بالاحزاب فجماعة النادي كسبوا الحاضر وجماعة الطائفة كسبوا المستقبل والخاسر الاكبر هو المثقفين المتحلقين بالبيتين اما السودان (مافي زول فاكر ليهو رابح ولاخاسر)فياجماعة الخير افتحوا ملف المثقفين هذا من لدن المحجوب وابراهيم احمد وزيادة حمور واحمد السيد حمد وحيوا ذكرى احمد خير ولاخير فيكم ان لم تقولوها ورحم الله خضر بشير

السوداني


تعليقات 9 | إهداء 1 | زيارات 2190

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#251878 [جهينة]
0.00/5 (0 صوت)

12-06-2011 12:26 PM
ومن هى زوزو ؟

مفروض تكون زيزى !!

ما فرق زوزو زيزى قطاع اوزو (زير ) بى (كوزو )

المهم اولاد سيدى دخلوها و (حمامها عام )

النيل الابيض ـــــ الازرق مش كلهم انهار

شمال كردفان ـــ جنوبها مش كلها كردفان

لو منتظر دورك فى المثقفين يا البونى ( صبحت واطاتك )

بعدين معـــــــــــــــاك ، ( غرة ) الصلاة دى يظهر ما جابت حقها

انت ( حكّيتا ) بى شنو ؟


#251873 [عبدالله محمد عبدالله]
0.00/5 (0 صوت)

12-06-2011 12:15 PM
صراحة..يابروف..انا عكس زوزو طربانة3 بصراحة شديدة جدا عهد البيتين (ولي وراح ) كذلك البيت الثالث ايضا....نحن في زمن البيت الرابع (face book). .....يا غريب يالا لي بلدك.... يالا صفقوا كلكم.


#251861 [أسامة عباس]
0.00/5 (0 صوت)

12-06-2011 12:02 PM
المناصب الرفيعة فى الدولة من نصيب أولاد سيدى حتى ولو كانوا عديمى الخبرة ولاحتى حديثى الولادة لانهم احق بها لسبب بسيط لانهم اسيادنا أولاد اسيادنا ... وقياديى حزب سيدى كفاية عليهم أكل الفتة والذهاب مع سيدى للافراح والاتراح لزوم تكملة الديكور السيادى ... وعاش أبو هاشم واولاد أوبو هاشم ( اسيادنا أولاد أسيادنا )


#251783 [طارق]
0.00/5 (0 صوت)

12-06-2011 10:05 AM
زوزو مرضانة. أووووووووووه زوزو.


#251739 [أبو أحمد-سلطنة عمان]
0.00/5 (0 صوت)

12-06-2011 08:45 AM
استاذنا البوني لك التحية ... بمناسبة الاستاذ / احمد خير الا تتفق معي بأن هذا الرجل ظلم ولم ينصفه التاريخ, وذذلك لأن الناس لا تريد ان تنسى له انه شارك عسكر 18 نوفمبر حكومتهم .


#251718 [واحد]
0.00/5 (0 صوت)

12-06-2011 07:08 AM
الحبشه سمحين سماح


#251716 [sakwaha]
0.00/5 (0 صوت)

12-06-2011 06:36 AM
يا بروف هذه أرتنة و ليس حبشنة .... و شن جاب الحبشة لإريتريا


#251712 [ الفيل بس]
0.00/5 (0 صوت)

12-06-2011 06:07 AM
اخى البروف حليل الرجال البكسروا العناقريب كما قالت بت مجذوب-- و الله ماتت الثقافة فى السودان من زمن شالوا كشك الجرائد الجنب كلزيوم --حينها كنا نتسابق لقراءة التايمز و النيوز وييك والبست سيلر -- ديل شككوا الناس فى العقاب و الحساب بادعائهم احتكار الحظوة عند الله --- زوزو خمجانة يا بروف


#251675 [سامى]
0.00/5 (0 صوت)

12-06-2011 12:42 AM
الكلام دا وين ؟ فى السودان ؟! دى يا البونى إسمها فرفرة مذبوح وبس \" هو الصادق دا لو فيهو فايدة كان قاعد لحدى هسة ؟ \" كان فهمت دى عليك الله أشرحا للناس برضو


د.عبد اللطيف البوني
د.عبد اللطيف البوني

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة