عشان البلد تمشي لي قدام
08-12-2010 11:57 AM

عشان البلد تمشي لي قدام

كمال كرار

في تمثيلية قديمة للممثل الراحل الفاضل سعيد صورة معبرة عن الرشوة والمحسوبية من بداية السلم الوظيفي وإلي وكيل الوزارة أو مدير المؤسسة .
يدخل مقدم الطلب ( أي طلب ) علي مدير مكتب السيد المسؤول للحصول علي توقيعه لتكملة إجراءات معينة .
يستلم مدير المكتب الطلب ويتفحصه لساعة كاملة ثم يقول له أمشي وتعال بعد شهر ، وعندما يستنكر مقدم الطلب طول المدة يرد عليه المدير ” ذو الكرش الضخم ” إنت قايل الحكاية سهلة .
ثم يحكي له عن المكاتب الكثيرة التي سيمر بها الطلب المقدم والتي تبدأ من سكرتيرة المدير إلي مساعد المدير لشؤون الطلبات ثم نواب المدير الذين سيمر عليهم الطلب بالدور وسيعرج بالنائب الأول قبل أن تلقي عليه زوجة المدير نظرة أخيرة وبعدها يدخل للمدير الذي يقبله أو يرفضه .
ولا ينسي مدير المكتب بعد كل هذا أن يقول لمقدم الطلب شيل طلبك دا واعمل فيه دمغة بعشرة قروش وجيبو لي بكرة لأني طالع اجتماع مهم .
وعندما يسأل مقدم الطلب بكل براءة لماذا كل هذه التعقيدات والمطاولات يرد عليه ” أبو كرش ” عشان البلد تمشي لي قدام .
مضي وقت طويل علي هذه التمثيلية أيام لم يكن البترول موجوداً ولا الذهب والعمارات الفارهة التي بنيت من البنوك والصكوك والسمسرة من تمبول وإلي تبوك .
عشان البلد تمشي لي قدام بحسب نظرة الحكومة فإن المؤسسات العامة تباع وتصفي ولا يعرف حتي المراجع العام أين ذهبت عائدات البيع .
وعشان البلد تمشي لي قدام يباع البترول السوداني بسعر ” الجردقة ” في سوق أبو حمد بينما يشتري المواطن السوداني جالون البنزين بمبلغ يفوق دخله اليومي .
وعشان البلد تمشي لي قدام يخصص السكر لتجار بعينهم علي مشارف شهر رمضان فيرتفع سعره بشكل جنوني ، وبينما يشقي المستهلك تدخل المليارات لحسابات الجماعة البنكية لا من شاف ولا من دري .
وعشان البلد تمشي لي قدام “يتلولو” المؤتمر الوطني في موضوع الاستفتاء وفي أزمة دارفور ولسان حاله يقول ” إنفصال مضمون ولا وحدة مجهجهة ” و ” يسوق ” البلد كلها نحو تقسيم وشيك .
وعشان البلد تمشي لي قدام يهجم ” الجماعة ” علي البنات بحجة لبس البنطلون وعلي ستات الشاي بأي حجة وعلي الأريتريين والأثيوبيين بحجة الشيشة وعلي الصحف بحجة الرقابة وما أدراك ما الرقابة .
عشان كل هذا إنتشر الفقر في بلادنا انتشار النارفي الهشيم وازداد الغلاء وارتفعت معدلات البطالة كما ارتفعت ناطحات السحاب في مقرن النيلين لأصحاب الدقون والنياشين … تمام يا فندم !!!

الميدان


تعليقات 2 | إهداء 0 | زيارات 1096

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#15481 [قاي]
0.00/5 (0 صوت)

08-13-2010 03:42 PM
هي المسالة مش البلد تمشي لي قدام
المسالة تمشي لي منو؟؟؟؟


#15393 [ خالدة ]
0.00/5 (0 صوت)

08-12-2010 11:02 PM
لك التحية يا استاذ كمال كرار كلام عين العقل هذه هى الحقيقة الواقع المعاش قرابة العشرين سنة


كمال كرار
كمال كرار

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة