كلامات
12-16-2011 01:04 AM


كلامات

- د.كمال عبد القادر

جلس المسطول على الشاطئ وهو ينظر الى الموج وفجأة شاهد الموج يسير في الاتجاه العكسي فقال لنفسه \"اسع نتكلم يقولوا علينا مسطول ولو سكتنا تقوم مدني تغرق\"..
في قضية مستشار العدل شاهد الإعلام الموج وهو ماشي عكس وتوكل على الله وقام بالنشر. ناس العدل عملوا حركة وحظروا النشر. الإعلام لم تعجبه \"حركة العدل والمكاواة\" فنشر حظر النشر. ثم كسر حظر النشر وهو يقول للعدل \"أقول ليك بي أمانة عمليتك ما ظريفة وحركتك جبانة\"..
تضامن بقية الإعلام وقام بنشر كسر حظر النشر. شعب السودان الفضل يغني:
عجبوني رجال الإعلام ملصوا البدل والقمصان وكسروا الحظر بالأقلام وعجبوني الليلة جو
ناس الإعلام يا مسرة كسروا الحظر ووقفوا برة وعجبوني الليلة جو.

السوداني


تعليقات 15 | إهداء 0 | زيارات 2387

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#257901 [زيكو]
0.00/5 (0 صوت)

12-17-2011 02:03 PM
يجب على الراكوبة احترام القراء وبلاش سخافات من زول باع زملاء مهنته ومش له مبادى


#257734 [سارة]
0.00/5 (0 صوت)

12-17-2011 09:08 AM
كلاماتك كان ليها طعم قبل ما تتكوزن اما الان بعد ما قبضت الثمن فهي مثل نبيح الكلب خوفا علي ضنبو وين الكلامات دي ايام الوزارة و لكن الايام دول


#257693 [د.وليد ]
0.00/5 (0 صوت)

12-17-2011 03:00 AM
يا ناس الراكوبة عليكم الله ارحمونا من كلامات هذا اما كفاه ان ضيق علينا السودان حتى هربنا منه ؟
وها هو الان يريد ان يشردنا من هذه الراكوبة الظليلة
عليك الله قوم لف واختشى
انت زول ما فيك خير فاحسن تعمل رايح من الموضوع بتاع الظرافة لانو الناس عرفتك على حقيقتك
.)


#257564 [Nagi]
0.00/5 (0 صوت)

12-16-2011 06:29 PM
لا اله الا الله

سبحان الله

ناس ما بتختشى ابدا

انتو قايلين الله مافى

والاما فى زول مشى وجاء كلمكم

حكايه عجيبه ناس متورطه فى الفساد الى النهايه

وتتفاصح

قوم لف


#257484 [ابو احمد]
0.00/5 (0 صوت)

12-16-2011 02:33 PM
Once a Kuz, forever a Kuz
كنت كوز وكتيبا للابد كوز فالحية تغير جلدها لكن تبقى حية


#257479 [مجدى محمد حسن]
0.00/5 (0 صوت)

12-16-2011 02:23 PM
الدكتور كمال عبدالقادر المستظرف من غير ظرافة و المتراشق بلا رشاقة هو من امر بتحريك اذرع الامن السودانى لحظر النشر فى قضايا الاطباء العادلة العام الماضى و قد تم اعتقال د.زهير السراج لنشره موضوع بعنوان : (مجاهدو الغفلة و غوانى الحفلة ) و تمت ملاحقة الاستاذة نجلاء سيد احمد و صديقتها د.ناهد محمد الحسن , فما بال كمال اليوم ياتى ليمثل دور المناضل و ينهى عن خلق اتى بمثله و اكثر , فالرجل كان يبعث بموظف نافذ عنده لرشوة الصحفيين ليتحدثوا عن امجاده و منجزاته و دونكم مقال الاستاذ عبدالقادر الظافر بهذا الخصوص و هى فضيحة كان يجب على الوكيل السابق ان يتوارى بعدها و لكن لبس للرجل كرامة . .


#257440 [سودانى جدا]
0.00/5 (0 صوت)

12-16-2011 12:49 PM
عن اى رجال تتكلم يامن ساهم فى فصل و تشريد الاطباء يامن ضيعت حقوقهم فلفظك الكيزان بعد ان اصبحت كرتا محروقا لكن طبعا بعد ماقبضت السمينة و كدى


#257430 [hind]
0.00/5 (0 صوت)

12-16-2011 12:14 PM
كنت جميلا عندما كنت مفلسا لامعا ولم تدخل يدك في دقيق الجماعة ! دلوقت انت تكتب وفي نفسك شيئ ! يا صاحبي بقيت ما زي زمان ! لا ادري لماذا تذكرني باسماعيل يس في اّخر حياته وهو يلقي نكاتا شديدة الفدم والبياخة ويتلقي التهكم ! كنا نرثي لحاله لان له يد سلفت معنا . اضحكنا زمنا ليس بالقصير .


#257398 [د.سيد عبد القادر قنات]
0.00/5 (0 صوت)

12-16-2011 10:49 AM
سلام دكتور كمال
هي كلامات في الصميم تُعبّر عن كوامن الشعب السوداني،
الواحد متحير في أمر العدالة في السودان،
زول متهم بإستغلال النفوذ لدرجة ثابته قولا وفعلا،
في داعي للولوة دي وحظر النشر؟
معليش ممكن القرار دا يجي من القضاء ،
لكن من لجنة رئيسا ربما تربطه علاقة حميمة مع المتهم؟
أليس الحق أحق أن يتبع؟

بعدين ربنا زاتوا قال

( أعدلوا هو أقرب للتقوي)
خلوا الناس تتكلم وتفضفض وبعدين إذا ثبت الإدانة يتحاكم المستشار
ولا في ناس كبار خالص متشاركين معاهو،
يديكم دوام الصحة وتمام العافية والشكر علي العافية


#257386 [أبو أحمد-سلطنة عمان]
0.00/5 (0 صوت)

12-16-2011 10:29 AM
يا سعادة الوكيل السابق انت مالك ومال الفساد ... وقضية المستشار في وزارة العدل هي عبارة عن شكلة ححرامية واذا اختلف اللصان ظهر المسروق .. واقتراح بريء جدآ .. أيه رأيك لو الاعلام فتح قضية المستشفى الخاص الذي تم تأسيسه في أرض مستشفى حكومي !!!!


#257359 [بدرية]
0.00/5 (0 صوت)

12-16-2011 09:22 AM
أحىيييييييييييييييييييييي! سنونى ضرست و كرجت. ده شنو ده؟


#257351 [shah]
0.00/5 (0 صوت)

12-16-2011 08:56 AM
يا جماعة شنو المصيبة السلطا الله علينا دى؟


#257345 [متفائل]
0.00/5 (0 صوت)

12-16-2011 08:43 AM
اها تاني رجعت لهبالاتك

كلاماتك كلها سخف وعبط

وما خايل عليك دور الظرافة وخفة الدم


يا ناس الراكوبة ما ترحمونا من الكوز


#257342 [omer al]
0.00/5 (0 صوت)

12-16-2011 08:24 AM
ايه الهرجلة دي بادكتور ؟ لو ماعندك موضوع احسن تتكتم ولا تخللي الناس تضحك فيك احسن ترجع كمال الظريف اوائل تسعينات القرن الماضي::::::::::::::ياظريف


#257310 [محمد عباس سر الختم]
0.00/5 (0 صوت)

12-16-2011 02:32 AM
ارحمونا من هذا الهراء يا جماعة! انتو اي زول ممكن يكتب عمود في صحيفة في البلد دي؟ امال كليات الاعلام و قيد الصحفييين و الحاجات دي عاملينها لي منو؟ و اللا السوداني دي اتغيرت يا \"الوالي\"؟؟؟
ظريف يا كمال و اللهي خخخخخخخخخخخخخخخ ( )


د.كمال عبد القادر
د.كمال عبد القادر

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة