المقالات
مكتبة كتاب المقالات والأعمدة
بكري الصائغ
بعد الترابي وعلي الحاج : وداعآ علي عثمان (قشة ماتعتر ليك)...
بعد الترابي وعلي الحاج : وداعآ علي عثمان (قشة ماتعتر ليك)...
11-03-2015 03:09 AM


١-
***- ما كدنا نستفيق من دهشة خبر نقل الدكتور مصطفي اسماعيل الي وزارة الخارجية، وتعيينه وفقا للقرار الجمهوري رقم "٥٣٠"، لشغل منصب سفير بالدرجة الأولي في المملكة العربية السعودية، حتي فوجئنا بخبر اخر اكثر غرابة من الاول بث اليوم الاثنين ٢ فبراير الحالي في صحيفة "الراكوبة" عن اعتزال علي عثمان محمد طه السياسة، وجاء الخبر تحت عنوان: "علي عثمان محمد طه : تركت العمل السياسي واتجهت للسياسة الحقيقية"!!

٢-
***- غرابة خبر ترك علي عثمان السياسة نهائيآ والتفرغ -لما اسمها هو- السياسة الحقيقية تكمن في ثلاثة اشياء:

اولآ:
----
***- لا احد حتي الان يعرف خفايا واسرار تخلي علي عثمان عن السياسة ، وان كان قراره عن قناعة ذاتية وبكامل محض ارادته؟!!..ام اجبر قسرآ علي التنحي لاسباب نجهلها؟!!..

***- الغريب في الامر، ان قرار علي عثمان جاء بعد ايام قليلة من القرار الجمهوري باعفاء مصطفي عثمان اسماعيل من رئاسة القطاع السياسي للحزب الحاكم، مما اعطي انطباع ان البشير قد ابعده -عن عمد- من الحزب ايضآ ابعاده نهائيآ من الخرطوم بهدف ان يؤمن لنفسه "البشير" وضع مريح بلا "حمائم وصقور" داخل نظامه!!...فهل كان البشير فعلآ وراء ابعاد علي عثمان بعد مصطفي من الساحة السياسية كما ابعد قبله حسن الترابي وعلي الحاج وصلاح العتباني واخرين؟!!

ثانيآ:
----
***- هل يعقل ان يطلب منا علي عثمان قبول قصة اعتزاله السياسة هكذا بكل بساطة، وهو الذي منذ ايام دراسته في جامعة الخرطوم اشتغل بالسياسة والمناشط الاسلامية، وبرز سياسيا بعد انضمامه لـجماعة "الاخوان المسلمين " رغم نشأته في بيئة ختمية، واستطاع من خلال "الجماعة" ان يصبح رئيساً لإتحاد طلاب جامعة الخرطوم عام ١٩٧١، ناهض علي عثمان -وقتها- حكم جعفر النميري وناصبه العداء...وبعد تخرجه من الجامعة أُنتخب عضواً لمجلس الشعب لثلاث دورات في الفترة من ١٩٧٧ - ١٩٨٥ وكان رائداً لمجلس الشعب. وبعد إنشقاق جماعة الاخوان المسلمين انضم إلى "الجبهة الإسلامية القومية" التي كان يتزعمها الدكتور حسن الترابي التي دبرت انقلاب عام ١٩٨٩؟!!...وظل علي عثمان طوال ٢٦ عام يحتل المراكز المرموقة في الحزب والحكومة ووصل الي ان يكون الرجل الثاني بعد رئيس الجمهورية ، وتزعم رئاسة "الحركة الإسلامية السودانية" بعد إقصائه لحسن الترابي في ديسمبر ١٩٩٩؟!!

***- هل بعد هذا السرد القصير (اعلاه) عن حياة علي عثمان السياسية والمليئة بالاحداث، ان يقتنع احد ما في السودان بصدق اعلان علي عثمان التنحي طوعآ عن السياسة- وهو الذي خطط ونفذ واشرف علي انقلاب عام ١٩٨٩- ويتركها هكذا بكل بساطة ويسر للمهندس إبراهيم محمود حامد وربيع عبدالعاطي وبدرية سليمان؟!!

ثـالثآ:
----
حتمآ -وبلا جدال-ان هناك جهة ما وراء قرار علي عثمان اجبرته علي ترك السياسة، فهل هذه الجهة هي:
(أ)-
المجلس الاربعيني؟! !
(ب)-
حزب المؤتمر الوطني- جناح بقايا فلول "الصقور"؟!!
(ج)-
القصر؟!!
(د)-
"الحركة الإسلامية السودانية"؟!!
(هـ)-
جهاز الأمن والمخابرات؟!!
(و)-
تم اعفاءه من السياسة بهدف تعيينه لاحقآ سفيرآ في الخارج اسوة بالدكتور مصطفي ا سماعيل؟!!
(ز)-
القرار جاء لاسباب صحية وبتوجيهات من الاطباء؟!!

٣-
***- نسأل علي عثمان:
هل لك ان تفسر لنا مامعني "تركت العمل السياسي واتجهت للسياسة الحقيقية"؟!!.

***- ما هي هذة "السياسة الحقيقية"؟!!.. وما وجه الاختلاف بينها والسياسة غير حقيقية؟!!..

***- هل نفهم من كلامك، انك طوال ٢٦ عام لم تكن تمارس سياسة حقيقية؟!!..اذآ ماذ ا تسمي ماكنت تمارسه:
خداع سياسي؟!!..
دعارة سياسية؟!! ..
ضحك علي الذقون؟!! ..
سياسة الهبل؟!!...
(سياسة قاطعينها من رأسكم؟!!)...

٤-
***- هل قرار علي عثمان ترك السياسة بمثابة (تحلل) من سياساته وموقفه السابقة؟!!

٤- واخيرآ:
***- يا علي عثمان، قل بكل صراحة بلا لف ولا دوران:( الي ماذا تخطط وتسعي؟!!)...

بكري الصائغ
[email protected]




تعليقات 13 | إهداء 0 | زيارات 5120

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1365127 [كاســترو عـبدالحـمـيــد]
0.00/5 (0 صوت)

11-05-2015 06:23 AM
تصريح السيد / على عثمان طه بأنه سوف ينتقل للعمل السياسى الحقيقى للأسف لم يفهمه الكثير من القراء ولهم العذر فى ذلك ولكن فهمه الذين يعرفونه حق المعرفة وقليل من المتابعين . لأول مرة سوف يعمل السيد/ على عثمان طه بدون ضغوط مواقف حزبية كان يتعين عليه التعامل معها حينها لمصلحة بعض المكاسب الحزبية والشخصية بالرغم من معرفته مسبقا فى انها تأتى بنتائج مضرة للحزب والدولة وللنظام الذى كان يتمتع بمزاياه . مما لا شك فيه انه تم ركله خارج المنظومة الحاكمة واصبح خارج العملية كلها , ولكن ليس بهذه السهولة والبساطة فى انه سوف يركن جانبا ويتسلى بالمتابعة والشماته . لا والف لا فهو ليس من النوع الذى يقبل مثل هذه الأوضاع . سوف يحاول ان يشارك من خارج الملعب ولكن سوف تكون المشاركة الجديدة بدون ان يتحمل وزرها علأنية وفى نفس الوقت سوف يعمل على تبرئة نفسه من كل ما قام به فى فترة تحمله المسؤلية وسوف يقف مع الشعب لأول مرة نعم سوف يقف مع الشعب وذلك لما يحمله أو يعرفه من اسرار ساهمت فى الوضع المدمر الذى وصل اليه السودان جراء السياسات التى كانت تصدر منهم سواء كان مشاركا فيها أو كانت من غيره من المسؤلين ولكنها فى النهاية تقع مسؤليتها عليه وعلى امثاله من القادة بحكم مناصبهم . نحن بالضبط لا نعرف ما يخبئه من اعمال ولكن نطلب منه التوبة أولا لربه ولكى تكون توبه صادقة يجب عليه الا يخفى اى اسرار أو أموال تم نهبها من قبل رجال الحزب خاصة من أموال البترول وان يكشفها للشعب بالطريقة التى يراها المهم انه هذه الثروات تعود للشعب الذى انتهى بسببهم . ونترك له ان يسوى اموره مع ربه وفى النهاية رب العالمين هو الذى يغفر ذنوبه , اما ذنوب العباد فالله تركها لعباده انفسهم , فمن شاء غفر ومن لم يشاء لم يغفر والله المستعان .

[كاســترو عـبدالحـمـيــد]

ردود على كاســترو عـبدالحـمـيــد
[بكري الصائغ] 11-05-2015 11:12 PM
أخوي الحبوب،
كاســترو عـبدالحـمـيــد،

مساكم الله بالعافية، الف شكر علي الزيارة والمشاركة القيمة، وكتبت:

(مما لا شك فيه ان على عثمان طه تم ركله خارج المنظومة الحاكمة واصبح خارج العملية كلها , ولكن ليس بهذه السهولة والبساطة فى انه سوف يركن جانبا ويتسلى بالمتابعة والشماته .لا والف لا فهو ليس من النوع الذى يقبل مثل هذه الأوضاع، سوف يحاول ان يشارك من خارج الملعب ولكن سوف تكون المشاركة الجديدة بدون ان يتحمل وزرها علأنية).


#1365005 [فيصل محمد خير]
0.00/5 (0 صوت)

11-04-2015 08:51 PM
أخ بكري الصايغ تحيات طيبة

علي المستوي الشخصي أعتقد أن أكبر خسارة تكبدتها من زمرة الانقاذ

هي تلوث الوجدان بنفايات وسقط المشاعر

تعلمنا منهم الحقد والبغضاء لاشخاص لا نعرفهم ..

أستدعينا كل إرثنا من القيم والاخلاق وما يأمرنا به ديننا

لكي نتجاوز ونغض الطرف لكنهم كانوا يصرون علي الحنث العظيم

كانوا ومازالوا عباقرة في إستعداء الغير وتعلية رصيدهم من الاعداء

لماذا لست أدري...

أن أعيش فقيرا مغمورا ولا يحبني أحد ولا يبغضني أحد

خيرا لي وأحب عندي من أن اكنز الدنيا وتملء سيرتي الآفاق

ويبغضني أحد لمظلمة

لم نبغضهم حسدا ولكن غضبا لمحارم نتنتهك وحقوق تسلب ومظالم كثيرة

لانشك في وقوعها بل نراها بالعين أمامنا ...

كل ذلك ممن كنا ...

ليغفر الله لنا غفلتنا وحسن ظننا في الشيطان يوما ...

وأستعير قول الشاعر الكتيابي مع الفارق ...

( لوكنت أعلم أن هذا الحب
( يهدي للتي هي للجحيم
(لكفيتك العبرات
(كنت هديت بالك للصراط المستقيم ..)

وأكرر نفسي وأقول :

( ظني فيكم خاب

عشمي فيكم عشم الاحمق في الغربال قادوس للساقية

لا خيرا فيكم

والشر فيكم للأخوان )

[فيصل محمد خير]

ردود على فيصل محمد خير
[بكري الصائغ] 11-05-2015 02:45 AM
أخـوي الحبوب
فيصل محمد خير،
(أ)-
الف الف مليون مرحبا بك ايضآ بحضورك الجميل، شكرآ علي التعليق الفلسفي الجميل ملئ بالعبر والحكم.

(ب)-
-اخر اخبار الاستقالات بعد استقالة علي عثمان-
استقالة وزير الإرشاد والأوقاف:
(تقدم وزير الإرشاد والأوقاف د. الفاتح تاج السر باستقالته من منصبه لظروف خاصة لرئاسة الجمهورية. وقام بتسليم سيارتي الوزارة).
- المصدر: "الانتباهة"- ٤ نوفمبر ٢٠١٥-

(ج)-
شخصيات كبيرة اطيح بهم او
قدموا استقالتهم اخيرآ:
****************
١-
بعد رباعية الجابون..استقالة عبد الله مازدا من قيادة السودان!!
٢-
اعفاء اللواء سيف الدين عمر مدير الجمارك...
٣-
اعفاء مدير مكتب مدير عام هيئة الجمارك العقيد طارق محجوب...
٤-
معتمد محلية الحصاحيصا د. بابكر عبد الرزاق وقيع الله قدم استقالته وسافر للعمل في السعودية!!
٥-
عزل الدكتور مصطفي اسماعيل من منصبه في المؤتمر الوطني وتعيينه سفيرآ في السعودية!!
٦-
وافق مجلس إدارة نادي الهلال السوداني على استقالة مدربه التونسي نصر الدين النابي...
٧-
استقال مدير إدارة الطوارئ والعمل الإنساني في وزارة الصحة الاتحادية وانسحب من لجنة استقبال الجرحى اليمنيين، إثر مشادات كلامية بين وزيرة الدولة بالوزارة سمية ادريس اكد، وطاقم أطباء ومسعفين بالمستشفى الجنوبي في الخرطوم بعد وصول الطائرة الثانية لجرحى العمليات العسكرية باليمن.
٧-
كشف وزير الداخلية الفريق أول ركن عصمت عبدالرحمن أن جملة التساقط وسط منسوبي الشرطة بلغت «232» ضابطاً، بجانب «5468» ضابط صف وجندي من جملة «10279» تم تعينهم في الفترة السابقة.


#1364994 [بنت الناظر]
0.00/5 (0 صوت)

11-04-2015 08:28 PM
غايتو تغيير المواقع البعمل فيه البشير ده... ذكرنى بتعليق لرجل فلسطينى كبير فى السن سأله مراسل إحدى قنوات التلفزيون العربية حينما فاز يهود براك على نتنياهو... فقال للمذيع راح يهودى وأجا يهودى شو راح تفرق معانا...

ونحنا يا أستاذ ..برضو ما بتفرق معانا مشى كوز حرامى وجانا كوز حرامى يعنى حتفرق إيه مع الشعب السودانى...

[بنت الناظر]

ردود على بنت الناظر
[بكري الصائغ] 11-05-2015 01:59 AM
أختي الحبوبة،
بنت الناظر،
(أ)-
سعدت بك وبحضورك الجميل، الف شكر علي المشاركة المقدرة،
جاء في تعليقك:(برضو ما بتفرق معانا مشى كوز حرامى وجانا كوز حرامى يعنى حتفرق إيه مع الشعب السودانى)!!

***- لا ياحبيبة بتفرق معانا كتيير، لمتين حيقعدوا الحرامية يتوارثوا الحكم? !!.. ده يروح يجئ غيره..ده يموت يجئ بداله عشرة..ده يعزلوه يجئ واحد من نفس العينة يحل مكانه!!...بتفرق معانا كتييير في حالة عدم الاهتمام، ان يتكاثروا اكثر مما ذي قبل حتي وصل الحال بهم درجة من الفساد، الي ان" حتة" ملازم شرطة في مكتب والي الخرطوم اغتني بمليارات الجنيهات!!

(ب)-
***- سؤال هام مطروح بشدة:
(..هل اعتزال علي عثمان السياسة هو نوع من تقسيم الادوار في الحزب الحاكم وتمويه لعمليات سياسية كبيرة قادمة في الطريق؟!!..هل هو تنسيق متفق عليه مسبقآ؟!!..هل قام علي عثمان بمسرحية اشبه بعشرات المسرحيات التي عرفناها ولمسناها من اعضاء المؤتمر الوطني؟!!


#1364807 [جمال علي]
0.00/5 (0 صوت)

11-03-2015 02:09 PM
أهو كلام و السلام.
السودانيون يهوون التوصيف و المحسنات الديعية.يعني سياسة بقت سياسة حقيقية!!!
دة يذكرني بلغة الباكستان في السعودية.تؤشر للتاكسي و تقول ليهو ماشي دلة.و دلة هي مكان إصدار رخصة قيادة السيارات.يقول ليك :دلة حقيقي و لا دلة تخصصي؟و يقصد المكتب الرئيسي أم المكتب الذي يقع في شارع المستشفي التخصصي!!!
عجيب يا ساستنا!!!

[جمال علي]

ردود على جمال علي
[بكري الصائغ] 11-05-2015 01:41 AM
أخوي الحبوب،
جمال علي،
(أ)-
السلام الطيب لشخصك الكريم، الف الف شكر علي الحضور والمساهمة المقدرة.

(ب)-
وصلتني رسالة من أخت عزيزة تقيم في سويسرا، وكتبت:
(..الله وحده اعلم ان كانت "عودة الوعي" هي وراء استقالة علي عثمان من السياسة وتفرغه لمناشط اجتماعية؟!!..
كان المفروض عليه ان يعلن اولآ استقالته نهائيآ من حزب المؤتمر الوطني، ثم بعدها يعلن تخليه عن السياسة. موقفه من اعلان الاعتزال غير واضح: فهل استقال من الحزب الحاكم فعلآ؟!! ام انه مازال عضو سياسي في الحزب لكنه انتهج سياسة اخري خاصة به؟!!...).


#1364703 [سننتصر علي الكيزان الخونة اكلة قوت الغلابة]
0.00/5 (0 صوت)

11-03-2015 11:35 AM
السودان لم ينل وسوف لن يكسب خيرا من المدعو علي عثمان طه (فار الفحم) وذاك الاخر سفير االموائد والعزومات
قل لي ماهي حصيلة ادارة البلد ل 26 عاما من قبل هؤلاء النكرة ؟

نهبوا السودان وببدوا ثرواته وورثوا البلد الفقر والجوع والمرض واذاقوا الناس الذل والهوان ونشروا الفساد والحروب والفتن بين مجتمع هو من افضل المجتمعات في الترابط والتآخي والمودة بين كل فئاته ...

الالعنة الله عليهم وعلي البشير وعلي من يشايعهم او يؤيدهم ولو بحرف .. وسنري فيهم قريبا اسوآ مما حدث للقذافي باذن الله تعالي ..

[سننتصر علي الكيزان الخونة اكلة قوت الغلابة]

ردود على سننتصر علي الكيزان الخونة اكلة قوت الغلابة
[بكري الصائغ] 11-05-2015 01:11 AM
أخوي الحبوب،

سننتصر علي الكيزان الخونة اكلة قوت الغلابة،
(أ)-
مساكم الله تعالي بالصحة والعافية، مشكور كتير علي الحضور الكريم وبالتعليق المقدر.
(ب)-
بعض من تعليقات قراء صحيفة "الراكـوبة" علي خبر:
(علي عثمان محمد طه : تركت العمل السياسي واتجهت للسياسة الحقيقية)
****************
١-
على عثمان والترابى زي حركة البساتم جو مكنة بابور ابو اتنين سلندر
لازم واحد فوق رافع الضغط والتانى تحت فى الاستعداد..اللهم لا تقم لهم قائمة ولا لاتباعهم فى السودان...
٢-
ليك حق تخلي السياسة عشان النقاطات شغالة وعلي رأسهم شركة "الهدف"...
٣-
يتسبب في إعاقة وطن كامل .. ويختبئ خلف أصحاب الأحتياجات الخاصة !!!!!!
٤-
( تركه للعمل السياسي واتجاهه للسياسة الحقيقية ) انتهى الاقتباس.
تناقض يبرز شخصيته. يريد ان يطمئن البشير بأن لا أطماع له في الحكم و في نفس يبث رسالة الى اتباعه أنه لا يزال في الساحة السياسية.
غباء أوصل البلاد الى ما هي عليه اليوم.
٥-
الترابي الان رجع يكنس فيكم واحد واحد بداء بك وبو العفين والجاز وأخيرا الطفل المعجزة رماكم في مزبلة التاريخ غير مأسوف عليكم...
٦-
السياسة هي تركتك لاتك ليس ب سياسي ولا رجل دين ولا رجل فاعل خير تسترزق منها كما يسترزق المحامي الفاشل النصاب من القضايا الفاشلة والسمسره ف البيع والشراء واخذ طاقية ده تضعها ف راس داك ب الدارجي الرعيل الاول الذي صادم الاستعمار وتسودنت الوظائف بهم هؤلاء هو السياسيون اولاد البلد يكفي استلموها مليون ميل مربع وانت مزقتها ارض ومجتمع م هي انجازاتك الله يستر علي اصحاب الاعاقة من اصابعك تفسد كل شئ...
٧-
على عثمان بعد ما نجض السالمين عايز كمان ينجض المعاقين موش كفايه عليهم الاعاقة كمان يبقن عليهم الاثنين الاعاقة وعلى عثمان ؟؟؟.
٨-
بالله عليك ابتعد عن اصحاب الاعاقه .. رفقاً بهم...
٩-
... Shoot to kill
١٠-
ذوى اﻻعاقة الحقيقية هم انتو يا مقاطيع .. تسرقوا قروش الشعب وعايزين المبدعين المساكين يدعموكم ؟!! اما قلة ادب.. وبعدين شنو السياسة الحقيقة دى ؟!! يعنى من سنة 1977 ومشاركتكم فى مايو وطمبجتوها باﻻنقاذ دى كلها كانت سياسة ( غمت لبد وحرّينا )؟!!


#1364676 [المتغرب الأبدي]
0.00/5 (0 صوت)

11-03-2015 11:04 AM
نسأل علي عثمان:
هل لك ان تفسر لنا مامعني "تركت العمل السياسي واتجهت للسياسة الحقيقية"؟!!.

***- ما هي هذة "السياسة الحقيقية"؟!!.. وما وجه الاختلاف بينها والسياسة غير حقيقية؟!!..

***- هل نفهم من كلامك، انك طوال ٢٦ عام لم تكن تمارس سياسة حقيقية؟!!..اذآ ماذا تسمي ما كنت تمارسه:
خداع سياسي؟!!..
دعارة سياسية؟!! ..
ضحك علي الذقون؟!! ..
سياسة الهبل؟!!...
(سياسة قاطعينها من رأسكم؟!!)...

================================
ههههههههه
فعلاً أسئلة وجيهة جداً يجب عليه أن يجيب عليها بدون لف ودوران ..
رائع جداً ومقال في الصميم يا أخي بكري ..
الله يخليك لينا ولأحبابك ..

[المتغرب الأبدي]

ردود على المتغرب الأبدي
[بكري الصائغ] 11-05-2015 12:42 AM
أخوي الحبوب،
المتغرب الأبدي،

لك مني اسمي آيات التحايا القلبية، مشكور علي الحضور السعيد، واشكرك ايضآ علي حسن الثناء جزاك الله تعالي كل خير وسؤدد.

***- طالعت الصحف المحلية التي صدرت بالامس واليوم وما وجدت اي تعليق او مقال حول اعتزال علي عثمان!!..-كل الصحف وكانها علي اتفاق مسبق- امتنعت عن نشر اي شي يتعلق بعلي عثمان واعتزاله الداوي !!..ياتري هل الاجهزة الامنية هي التي منعت النشر؟!!..

***- ياتري هل رأت الصحف المحلية ان موضوع تنحني علي عثمان لايشكل اي اهمية فامتنعت عن التعليق ومتابعة مستجدات علي عثمان؟!!

***- هل علي عثمان اصبح اخيرآ غير ذي اهمية "اعلاميآ" مهمل الي درجة تجاهل خبر اعتزاله؟!!

***- امنت بالله تعالي الذي "مابين غمضة عين وانتباهتها يغير من حال"...

[بكري الصائغ] 11-05-2015 12:02 AM
أخوي الحبوب،
ابونزار،

سلامي الحار لشخصك الكريم، مشكور علي الزيارة والتعقيب علي اخونا لمتغرب الأبدي.

***- كتبت ياحبيب: (اما اشارته الى السياسة الحقيقية فاعتقد انه يعني سياسة تدبيره للانقلاب عند البداية...وهذا عبارة عن تهديد لجماعتو..يعني حاقلبا ليكم.....كدي ننتظر ونشوف كان بيقدر)...

***- والله يا ابونزار، كل شي غريب ونادر متوقع ويحصل في السودان الهامل ده!! كل شي ممكن حدوثه بلا مفاجأت!!.. لن استغرب اطلاقآ اذا بكرة سمعت البيان العسكري "رقم واحد" بصوت علي عثمان!!

[ابونزار] 11-04-2015 06:10 PM
في رائيي ان السياسة التي كان يمارسها علي عثمان طوال ال٢٦ سنة الماضية هي كل ما اوردته في هذا التعليق ..اما اشارته الى السياسة الحقيقية فاعتقد انه يعني سياسة تدبيره للانقلاب عند البداية...وهذا عبارة عن تهديد لجماعتو..يعني حاقلبا ليكم.....كدي ننتظر ونشوف كان بيقدر


#1364644 [كاســترو عـبدالحـمـيـد]
0.00/5 (0 صوت)

11-03-2015 10:20 AM
أولا : بما انك تعرف وكنت تدير التنظيم الأسلامى فواجب عليك أن تعـيد الأموال التى اغتصبها الحزب واودعها فى الخارج وهى تقدر بالمليارات . هذه أموال الشعب استوليتم عليها وسوف يسألكم ربكم عنها وانت بالذات والترابى . لذلك احسن لك قبل ان تودع هذه الدنيا وانت ما زال فيك صحة , انت تكشفها للسلطات أو الشعب وتبرئ نفسك منها .

[كاســترو عـبدالحـمـيـد]

ردود على كاســترو عـبدالحـمـيـد
[بكري الصائغ] 11-04-2015 11:45 PM
أخوي الحبوب،
كاســترو عـبدالحـمـيـد،

الف مرحبا بك يا أمير وبقدومك السمح،

لكن تعليقك والله غريب للغاية:
(كيف ياكاسترو عاوز من علي عثمان يرجع الفلوس التى اغتصبها الحزب واودعها فى الخارج وهى تقدر بالمليارات وانت عارف ان طلبك ده من سابع المستحيلات؟!!..
***- يا اخي خليك متواضع واطلب منه بس ارجاع عائد بيع حديقة الحيوانات او عائد بيع هيئة المواني البحرية؟!!..

***- اطلب منه يرجع الاموال المصادرة من اسرة مجدي محجوب وبطرس واركانجلو ؟!!..

***- يرجع مثلآ فلوس بيع الفلل الرئاسية؟!!

***- الملازم غسان بابكر (صاحب فضيحة مكتب والي الخرطوم) مات في ظروف غريبة بسبب اموال وعقارات لا تساوي شي ولاتقارن بمليارات عائدات النفط المجهول مكانها!!...وهذا يعني بكل وضوح: (مليارات عائدات النفط خط احمر لا يسمح بالنقاش فيه!!)..


#1364617 [أبوقرجة]
2.00/5 (1 صوت)

11-03-2015 09:31 AM
أستاذنا الغالي بكري الصائغ... لك كل التحايا والتقدير...

أنا عندي تحليل للعملية دي .. تنحي علي عثمان طه... والبشير يستدعي علي الحاج.... هذا يعني أن حزب الترابي وحزب البشير سيندمجون مرة أخرى..... استبعاد علي عثمان طه يكون تم بضغط من حسن الترابي انتقاماً منه لدوره في عزل حسن الترابي أو بما يسمى المفاصلة الشهيرة..... حتى يتم الاندماج ... مرة أخرى.. الله يستر على السودان والسودانيين لو حدث هذا الاندماج....

والله أعلم..

لك التحية والتقدير

[أبوقرجة]

ردود على أبوقرجة
[بكري الصائغ] 11-04-2015 11:28 PM
أخوي الحبوب،
أبوقرجة،
(أ)-
يا ألف مرحبا بك وبقدومك البهيج، دائمآ تجئ ومعك كلام الفهم والمنطق، فعلآ ياحبيب ان استدعاء البشير للدكتور علي الحاج جاء علي عجل وباستعجال شديد تمامآ في نفس يوم تنحي علي عثمان طه!! مما يعني بكل وضوح أن حزب الترابي وحزب البشير يلعبان لعبة الاندماج مرة اخري بعد قطيعة ١٥ عام!!

(ب)-
وصلتني ١٣ رسالة من اصدقاء اعزاء يقيمون في دول الغربة والشتات وواحدة من السودان، وكتبوا:

الرسالة الاولي من القاهرة:
*****************
(..علي عثمان انتهي ومااظن تقوم له قائمة بعد الان. اعلن عن اعتزاله السياسة بطريقة غبية للغاية..كان المفروض قبل المغادرة ان يعتذر عن جملة مصائبه التي وجدناها منه!!)...

الرسالة الثانية من لندن:
***************
(.."مات الملك عاش الملك"..مات علي عثمان عاش علي الحاج!!)...

الرسالة الثالثة من القاهرة:
*****************
(..مسكاقرو عمي الصايغ، مفروض عنوان المقال يكون:( بردلب: امانة ما وقع علي عثمان!!)...

الرسالة الرابعة من برلين:
*****************
(..لا اعتقد ان علي عثمان انتهي سياسيآ، حتمآ سيعود للسياسة من باب اخر ربما انقلاب عسكري؟!!..او بمؤامرة تطيح بالبشير؟!! كل شي وارد في السودان الما مفهوم!!

الرسالة الخامسة من نيويورك:
******************
(هناك مثل امريكي يقول: اياك ان تأتمن الافعي في اي حالة من الحالات سواء كانت مستيقظة او نائمة!!)...

الرسالة السادسة من امستردام:
********************
(..تصريحات علي عثمان كثيرة ومتعددة منذ ان استولي حزبه الاسلامي علي السلطة وما اهتم بها احد من المواطنين لانه لم يكن صاحب قوة حقيقية في الحركة الاسلامية او تنظيم الاخوان المسلمين او في المؤتمر الوطني او في القصر. تصريحه الاخير اعتزال السياسة لا يهم احد، وكما قلت يابكري لعلي عثمان:" وداعآ قشة ماتعتر ليك" نقول ايضآ: " نتمني ما نشوفك تاني في الصحف ولا نسمع صوتك!!)...

الرسالة السابعة من ميونيخ:
******************
(.. يا ود الصايغ، هل تنحني علي عثمان من السياسة يحتاج الي كتابة مقال عنه؟!!)...

الرسالة الثامنة من السودان:
******************
(..ياعمي الصايغ، الاغاني السودانية فيها انواع كتيرة ومليانة بالرحيل والوداع والفراق، وممكن نربط رحيل علي عثمان السياسي باغنية: "فارقيه دربي!!"..او باغنية:" فارق لا تلم!!"..وكمان ممكن نغني له:" بلاء وانجلي !!")...

الرسالة التاسعة من القاهرة:
*****************
(- ١٠٠% الترابي عملها في علي عثمان، اصلو مافي زول غير الترابي وبكره علي عثمان كراهية العمي، بكرة حنسمع تصريح من الترابي يعلن فيها شماتته من علي عثمان!!)...

الرسالة العاشرة من لندن:
*****************
(..غريبة ان تنحي علي عثمان نهائيآ من السياسة جاء متوافقآ مع توقيت التصريحات بين السودان ومصر حول حلايب!!

الرسالة الحادية عشر من موسكو:
**********************
(..اخيرآ انتقم حسن الترابي من غريمه علي عثمان ورماه في الشارع!!وزيادة في الشماتة فيه سيكون علي الحاج هو اليد اليمني!!)..

الرسالة الثانية عشر من القاهرة:
********************
(..حالة علي عثمان قد تكون واحدة من الحالات التالية: احالة للصالح العام..عزل من كل المناصب..طرد من الخدمة المدنية والحزبية..رفد من الحزب الحاكم.. "استراحة محارب"..اطاحة بلا توضيح اسباب..النزول للمعاش..ابعاد قسري..اجبار علي التنحي.......طرد بمكيدة او بمؤامرة!!) ...

الثالثة الثالثة عشر:
**********
(...ليس المهم الكلام عن اعتزال علي عثمان او الاطاحة به، لكن المهم البحث عن اجابة سؤال يقول: " من القادم قريبآ في سلسلة الاطاحة؟!!")...


#1364593 [الغريب]
0.00/5 (0 صوت)

11-03-2015 09:08 AM
شر البلية مايضحك ... كاني اسمع نلسون مانديلا أو مهاتير محمد يتكلم بعد أو حرروا شعوب بلادهم ووضعوها بين الأمم لم نرى منك ياعلي عثمان سوى الألم والدموع والخزى والعار والقتل والجوع والمرض والهوان وتقسيم البلاد أعمل ماشئت لا بارك الله لك ولا فيك

[الغريب]

ردود على الغريب
[بكري الصائغ] 11-04-2015 08:58 PM
أخوي الحبوب،
الغريب،
(أ)-
تحياتي ومودتي الطيبة، مشكور علي الحضور السعيد،
تعليقك جميل للغاية ياحبيب ، وفعلآ "شر البلية مايضحك" من تصريح علي عثمان! ! ..ليته لزم الصمت بعد الاهانات التي وجدها خلال السنوات الماضية والضربات الموجعة التي تلقاها من اصدقاءه الاسلاميين..ليته فهم ان السياسة فيها الكر والفر، وفر منها مثل الاخرين الذين سبقوه للشارع!!

(ب)-
وصلتني رسالة من صديق عزيز يقيم في لندن، وكتب:
(..تصريح علي عثمان يعني انه نزل للمعاش الاختياري!!)...


#1364589 [المتجهجه بسبب الانفصال]
0.00/5 (0 صوت)

11-03-2015 09:05 AM
الاخ الاستاذ بكري ،، شكراً لك على مواضيعك التوثيقية الرائعة وتتبعك للجماعة الذين يعتقدون انهم الاذكى وأن الامهات السودانيات لم ينجبن اذكى منهم ولعمري من هذا الاعتقاد اتى غباءهم السياسي،، فرجل عرك العمل السياسي بمؤامراته كعلي عثمان منذ 1971 وحتى 2014 أي أكثر من أربعين سنة ثم يأتي ليقول أنه توجه الى العمل السياسي الحقيقي يدل على أن هذا الرجل كضبة كبيرة ولم يكن رجل سياسة بل رجل مؤامرات،،، لقد سمعنا بالحوار الذي غلب شيخو في المأثور الصوفي السوداني ،، لكن في المأثور الاسلاموي السياسي فلن علي عثمان يكون اول من ضرب مثلاً جديداً هو (( الحوار الخدع شيخو))

أما السر في تركه العمل السياسي وتصريحه الذي أراده سياسيا فجاء غبياً فيرجع الى ان بين العليين ( علي الحاج) و (علي عثمان) عداوة مبطنة والفرق ان علي الحاج لا يجيد المؤامرات والدسائس داخل التنظيم مثل غريمه علي عثمان،، ورغم كرهي للانقاذ الا انني احترم علي الحاج لأنه لم يعض يد شيخه الترابي بغض النظر عن رأينا في الاخير وهذه محمدة للدكتور علي الحاج ،، فقد اخبرني احد المطلعين أن الانقاذ في ايامها الاولى كانت تعول في محادثات السلام على الدكتور علي الحاج وكان هو المسئول عن ملفات محادثات السلام منذ ان بدأت في يوغندة بل كان هو رسول الجبهة الاسلامية أيام الديمقراطية لفتح الحوار مع الحركة الشعبية كما يعلم الجميع ،،، الا ان غريمه علي عثمان يتصف بصفة الكمون ثم الانقضاض على جهود الآخرين ،، وقد قال لي محدثي أنه في احد الايام وعلي الحاج كان المسئول عن الحكم الاتحادي وملف السلام قابله علي عثمان في القصر الجمهوري فبادره قائلاً يا علي الجماعة منتظرنك جوة ،، وكان من بينهم الجاز وربما مجذوب الخليفة وبعض الاسلاميين، ذهب اليهم وفوجيء بمطالبتهم له بتسليم ملف محادثات السلام فسلمهم له دون جدال ،، فظهر مجذوب الخليفة مسئولاً عن ملف السلام وبعد فترة امتلك علي عثمان ملف نيفاشا وحده،، وما يثبت اقصائه للآخرين وانفراد جون جارانج به أنه بعد التوقيع على نيفاشا وظهور مشكلة دارفور ،، أنه في احدى اجتماعات الحكومة مع حركات دارفور في احدى مدن دارفور كان مجذوب الخليفة يمثل وفد الحكومة فاذا بعلي عثمان يأتي من الخرطوم فجأة ليدخل مقر الاجتماعات فما كان من مجذوب الخليفة الا ان قال له أما جمع من الناس ( جاي تعمل شنو مش كفى العملتو في نيفاشا)،،،

كذلك الملاحظ أن علي عثمان كان لا يطيق أي إسلامي ترأس اتحاد جامعة الخرطوم أمثال ربيع حسن أحمد، ومحمد عثمان مكي وغيرهم من الاسلامويين الذين كانوا من البارزين في العمل الطلابي في جامعة الخرطوم ايام عزها وسطوتها السياسية علماً بأن رئاسته للاتحاد استمرت اسبوعين فقط وكان أداؤوه سيئاً وغير مصادم مثل محمد عثمان مكي وربيع حسن احمد وغيره من الذين سجنوا ابان العمل الطلابي فهو الوحيد الذي لم يدخل كوبر لا أيام معارضة ولا أيام معارضة حكومته فالرجل زي ود الموية وهو حينما يصرح بأن العمل في مجال (( الاشخاص ذوي الاحتياجات الخاصة) سياسة حقيقة فهو صادق لأنه طوال فترة عمله السياسي ظل يمارس سياسة الاعاقة ولم يمارس اي سياسة ايجابية من اجل البلد او من أجل تنظيمه الذي صنعه،،

الافتراض الاقرب للصحة كما ذكرت انت استاذ بكري ،،، هو ابعاد علي عثمان مقابل عودة الدكتور علي الحاج فالعليين بعد الحصل ما ممكن يجتمعوا في وعاء جامع أو وعاء خلوة بعد الحصل (والله ما مني كل الحصل ما مني) هكذا اراد ان يقول علي عثمان بتصريحه الفطير ،،،

نحن حسرتنا على ال26 سنة الضاعت من عمر السودان ومن عمرنا سدى ويجي واحد يقول ليك يا دوب بدأ يمارس السياسة الحقيقية بعد ما صات البلد وجاطا ،،،، محن والله،،،

[المتجهجه بسبب الانفصال]

ردود على المتجهجه بسبب الانفصال
[بكري الصائغ] 11-04-2015 08:49 PM
أخوي الحبوب،
المتجهجه بسبب الانفصال،
(أ)-
مساكم الله تعالي بالعافية الكاملة والصحة التامة، الف شكرة يا أميرة علي زيارتك الكريمة.اما بخصوص تعليقك الذي حوي علي كثير من المعلومات القيمة، الا ان هناك بعض النقاط وردت في تعليقك تحتاج الي توضيحات فاتت عليك.

اولآ:
*****
جاء في تعليقك:( علي الحاج لا يجيد المؤامرات والدسائس داخل التنظيم )!! بقي ده اسمه كلام يا المتجهجه بسبب الانفصال؟! كيف لايكون علي الحاج "لايجيد الدسائيس" - حسب رايك- وهو واحد من الخمسة الذين خططوا مؤامرة الانقلاب علي الوضع الديمقراطي عام ١٩٨٩ وانقلبوا علي حكومة الصادق واعتقلوه، ومن بعدها اقاموا "بيوت الاشباح" واسسوا "ساحات الفداء" التي اودت بحية نحو ٥٤ الف شاب وتلميذ؟!!..

***- علي الحاج "يجيد الدسائس"، وهو الذي كان ينفذ بكل دقة مؤامرات سيده حسن الترابي طوال سنوات التسعينيات، بفضل نجاحه فيها اغتني واصبح صاحب جاه وثروة في الداخل وفي المانيا!!

***- لا اعتقد ان هناك عداوة او كره بين علي الحاج وعلي عثمان، فكلاهما تربيا علي يد الترابي، كلاهما وجهان لعملة واحدة اسمها "الاسلام السياسي"، العلاقة بينهما قد تكون فاترة تمامآ كما في اغلب الاحيان تكون بين اخوين اشقاء لكنها لن تصل لدرجة الكراهية، علي عثمان يحترم علي الحاج خوفآ من (خلوها مستورة)!!

ثانيآ:
*****
اصبح من الواضح ان ابعاد علي عثمان قد جاء علي حساب عودة الدكتور علي الحاج المرتقبة، خصوصآ ان علي الحاج اثناء سنوات وجوده في المانيا كان يسعي الي ادخال المانيا في الشأن السوداني وان تسعي الحكومة الالمانية الي تقريب وجهات النظر بين الاخوة الاعداء في السودان، وهذا جعله محل حترام المؤتمر الوطني. لا استبعد ان للترابي دور في ابعاد علي عثمان!!

[بكري الصائغ] 11-04-2015 08:12 PM
أخوي الحبوب،
كمال ابوالقاسم محمد،
(أ)-
تحية الود، والاعزاز الشديد بقدزمك الكريم،
لكن ياحبيب -مع خالص احترامي لتعقيبك علي اختنا الحبوبة "المتجهجه بسبب الانفصال"- كان تعقيبآ قاسيآ للحد البعيد وافتقر الي المناقشة الهادئة وجنحت للهجوم الشخصي. كنت اتمني ياأخي كمال ان تجنح الي توضيح وجهه نظرك بدون تجريح. كنت اتمني ايضآ ان تناقش تفاصيل ماكتبت بهدوء ونفس طويل خصوصآ انها شاركت بعقلانية شديدة وجاءت بمعلومات قيمة اثرت بها تعليقها.

(ب)-
***- وصلتني رسالة من صديق عزيز يقيم في القاهرة، وكتب:
(..لا يختلف اثنان علي ان علي عثمان قد اصبح خارج اللعبة السياسية ولم يعد من النافذين في المؤتمر الوطني. علي عثمان يوم اطاح به البشير وعزله من القيادة في القصر والحزب والحركة الاسلامية وابقاه بلا وظيفة محددة. كم هو مسكين علي عثمان صاحب انقلاب ٣٠ يونيو ولا يجد حتي ولا جزء من كيكة السلطة!!..).

[كمال ابوالقاسم محمد] 11-03-2015 12:17 PM
يا المتجهجه بعد الانفصال كتابتك و(تفاصيلك) تدل على انك كنت واحد من 0المتاسلمة)..يعنى جايينا من المعمل الاخوانجي...ليه ما تسيبك من حكاية المتجهجه بعد الانفصال...وتباشرنا بوضوح...عشان نقدر كمان نباشرك بوضوح...ونحن على ادراك بمرجعية وتاريخ (المتجهجه بعد الانفصال)...
تدرك تماما ان التواصل والتجادل والحوار والتداخل والتعليق (مثلا )مع عمر بادي او محمد صالح ابراهيم او سعاد ابراهيم عيسى اوشريفة شرف الدين (مع الاحترام وحفظ الالقاب).اعني التداخل والتحاور وتناول نقدهم سلبا او ايجابا يختلف فيما اذا كان الطرف الآخر (كوزا عتيدا) وقادم من ذات الماخور الاسلاموي الآسن...فكتابات المتأسلمة أمثال (أفندينا...حسن مكينا ...طيب زين عابدينا...حسين خجلتينا..تجاني عبدالقادرنينا...كمال عرواتينا ...ياسين عمر أمامينا...محمد طه محمد أعورتينا...صلاح غازينا...حيهم وجيفتهم) لا ترمي سوى للتبرير المكشوف...ومحاولة الهروب في أحسن الأحوال...وهى كتابات يتضح فيها استغفال الشعب وتسذيجه وخداعه ودعوة واضحة للشعب ليمارس (عفا الله عما سلف) بحق تجربة المشروع الحضاري والتى قادت للقبك (الحزين والمشؤوم)...
يا (المتجهجه بعد الانفصال)...أوضح...ابن...حتى نعلق على مداخلاتك...(التى تدعو للالتباس)....(هناك شي في داخلي يخربش...يقول لي المتجهجه دا...كوز معفن ...ومن حواريى مجذوب الخليفة وعلى عثمان وعلى الحاج!!!
سيبك من بكري دا هسع ...ورينا المتجهجه (دا منو وشنو)!!!!!!!
انا كمال الدين ابوالقاسم محمد...السجانة...جامعة الخرطوم...الآداب...السجانة ..الديوم...جوال 0506386311


#1364565 [المشروع]
0.00/5 (0 صوت)

11-03-2015 08:29 AM
الكيزان الظالمين اخي بكري زي نبات الحلفا ونبات المسكيت لا ينقطع دابرهم اطلاقاً وهم مثل الذئب فكما يقال في ادب الحيوان اذا التقت عيناك وعين الذئب في الغابة فإن الذهب يتقهقر فوراً ولكن حذار عليك ان تعتقد ان الذئب قد غادر المكان والزمان وانما يعد العدة ليكمن لك في طريق آخر..

ان اسلاف هؤلاء القوم قتلوا علياً ابني ابي طالب رضي الله عنه داخل المسجد وكان عبدالرحمن بن ملجم قاتل علي يكبر الله وهو يهوي عليه بالسيف ..حتى نعاه الشاعر
بقوله:
فيا ليت التي فدت عمراً بخارجة فدت علياً بمن شاءت من البشر

وذلك لأن خورج ذلك العصر اتفقوا على قتل علي بن ابي طالب ومعاوية وعمرو بن العاص حتى يستلموا السلطة في العراق والشام ومصر فشاءت ارادت الله ان يغيب معاوية في ذلك اليوم عن صلاة الفجر واما عمرو بن العاص فقد كان مريضاً فأرسل رئيس الشرطة خارجة ليوم الناس بدلا عنه فقتله الخارجي ظاناً انه عمرو بن العاص فكان قول الشاعر كما ذكر أعلاه..


ولا اريد ان استرسل في حوادث التاريخ فما اكثر العبر واقل المعتبرين منها ووالغريب في الامر الخارجي الظالم بات في المسجد ..ولم يفتح الله عليه طيلة وجوده بالمسجد او تخطر على باله مساوي القتل وحرمة الدماء خاصة دم خليفة رسول الله صلى الله عليه وسلم الذي يروى عنه صلى الله عليه وسلم انه قال (عليكم بسنتي وسنة الخلفاء المهديين من بعدي عضوا عليها بالنواجذ)..

اذا كان امثال هؤلاء القوم يفعلون ما يفعلون باسم الدين والاسلام فما بالك بنا نحن وقد ابتعدنا الف اربعمائة عام ومازال الفكر الظلامي الداعشي يسيطر على امثال التمكينيين وهم يعلمون تماما ما فعلوه بأرض السودان واهله البسطاء المساكين ويعتقدون كل ذلك من الدين وانهم الافضل على العالمين؟؟

فلا عذر لمن يصدقهم لأنهم لم يصدقوا في حديثهم او شعاراتهم حتى لو قاموا بتعيين الامين الساسي للمؤتمر الوطني حارساً بجامعة الخرطوم او غفيرا في بنك السودان فإن هؤلاء القوم هداهم الله الى الكذب مع العلم ان انقلابهم قد نجح ومع ذلك يكذبون

والآن جاءت المرحلة الثانية من التمكين وهي القبض على منظمات المجتمع المدني بعد سمموا بدن السياسة السودانية واستلموا الجامعات بكوادرهم التي منحوها الدرجات العلمية سريعاً جداً ودمروا الاحزاب وشتتوا شملها فلجئوا الآن الى تأسيس المنظمات الطوعية مثل المعاقين ومنظمة مدا (اميرة الفاضل) ومؤسسة الزبير الخيرية ومؤسسة سند الخيرية وكلما مات منهم فرد عملوا مؤسسسة خيرية بأسمهم وكل هذه المنظمات تحت مظلة منظمة الشهيد التي ترعي ايتامهم فقط وهو عين الظلم والعدوان.

لن نسأل عن مصادر تمويل هذه المنظمات ولا حجم التمويل او الدعم المقدم لهذه المنظمات ولكن إنتشارها الواسع وقبض الحركة الاسلامية على تلابيب العمل الإنساني والمجتمع المدنى في البلاد هو السياسية الحقيقة التي ارادها على عثمان وسيكون لهذه المنظمات الكثيرة دورها في المرحلة القادمة ..

[المشروع]

ردود على المشروع
[بكري الصائغ] 11-04-2015 07:55 PM
أخوي الحبوب،
المشروع،

مساكم الله بالعافية، الف شكر مجددآ علي قدومك السعيد، تحليلك رائع وجميل ينطبق عليه المثل المعروف:(التاريخ يعيد نفسه)، ما يجري في السودان لا يختلف عن زمان الاسلام في الدولة الفاطمية والعباسية وخبث الاسلاميين الذين حكموا البلاد وقتها بالحديد والدنانير!!..علي عثمان ومن معه من اسلاميين (فشنك!!) ما هم الا احفاد من شوهوا الاسلام وحرفوا القيم الجميلة فيه، مع الاسف الشديد ان امثال هؤلاء يعمرون في الحكم طويلا علي حساب اهل الفضيلة والحق!!


#1364488 [سنتر]
0.00/5 (0 صوت)

11-03-2015 06:18 AM
وما زال هناك الكثير من المشاريع الإستثمارية الضخمة والعقارات المنتشرة في أصقاع العالم تدر الكثير الوفير. عيننا باردة
كل ما نرجوه بعد هذا الظفر أن تقف لهذا الوطن إكبارا وإجلالا لأنه وطن عظيم شبعكم وأكفاكم أفو معلوم طبعا بذكائكم طبعا وليس بخيراته
ولكن كيف تركتم حال الأمة التي وليتم أمرها تزكرهم في منامك وأحلامك سيطاردك كابوسهم حتي يوم الرحيل ثم يتولاك الرقيب الحسيب الحكم العدل سبحانه
أعد المال لأصحابه وإني لك من الناصحين فنحن في مجاعة وبؤس وما عندك بالتأكيد سيوفى الكثير

[سنتر]

ردود على سنتر
[بكري الصائغ] 11-03-2015 08:41 AM
أخي الحبوب،
سنتر،

قلت شنو لعلي عثمان: "عد المال لأصحابه وإني لك من الناصحين فنحن في مجاعة وبؤس وما عندك بالتأكيد سيوفى الكثير؟!!"..

اولآ:
****
ما اكتسبوه ناس البشير والجبهة من مال وثراء يعتبرونه هبة من الله، لذا فهي - حسب افكارهم- حق لا ينازعه احد فيهم!!

ثانيآ:
****
هل سمعت منذ ٢٦ سنة واموال حرام قد ردت للحكومة؟!!..او قرأت واحد من نا س البشير ضميره انبه علي سرقات او "همبتت" الشعب والخزينة العامة؟!!..

ثالثآ:
****
سبق لنا من قبل ان طالبنا البشير عدة مرات في مقالات كثيرة، ان يرد الاعتبار الي اسرة الراحل محجوب محمد احمد وبطرس واركانجلو ويعتذر علي اغتيالهم ظلمآ بهدف سرقة اموالهم الخاصة من خزينة العائلة، ما اهتم البشير بالرجاء ولا بالطلب المتواضع فصب عليه رب العالمين جام غضبه العارم واصبح مطارد في كل مكان، ومريض في حنجرته وركبتيه، لقد نسي البشير ان: (المنتقم من اسماء الله الحسني)...

رابعآ:
****
علي عثمان اصلآ خطط لانقلابه بهدف خراب البلاد والجلوس علي تلها، الانقلاب كان بهدف الاغتناء والثراء الحرام وباي طريقة حتي لو علي حساب الجنوب وبيع حلايب والسكوت علي احتلال الفشقة، علي حساب خصخصة كل شي..ايضآ علي حساب بيع السودانيين في سوق تجارة البشر،...هل بعد ده كله ياأخي سنتر تطلب من علي عثمان " "عد المال لأصحابه وإني لك من الناصحين فنحن في مجاعة وبؤس وما عندك بالتأكيد سيوفى الكثير؟!!"..

*** نسيت اقول لك صباح الخير يا حبيب!!


#1364474 [بكري الصائغ]
0.00/5 (0 صوت)

11-03-2015 03:42 AM
١-
ما ان تم بعد دقائق قليلة من نشر خبر تنحي علي عثمان عن السياسة، حتي جاء خبر اخر افاد بان البشير قد اجري خلال الأيام الماضية، مكالمة هاتفية مع الدكتور علي الحاج المقيم حالياً في المانيا طالبه من خلالها بالإسراع في العودة للبلاد للإسهام في حلحلة كثير من القضايا.

٢-
رغم ان المكالمة بينهما -بحسب ما جاء في الخبر- كانت قبل ايام قليلة مضت ، الا ان الخبر بث - تحديدآ اليوم الاثنين ٢ نوفمبر الحالي- ليتماشي مع قرار علي عثمان !!

٣-
البشير اطاح بعلي عثمان من القصر..وجمد نشاطه في الحزب..وابعده من رئاسة الحركة الإسلامية السودانية"...واستدعي بدله عدوه اللدود الدكتور علي الحاج!!! ....يا تري، ما هذا الذي يجري في اروقة المؤتمر الوطني ؟!!

[بكري الصائغ]

ردود على بكري الصائغ
[بكري الصائغ] 11-04-2015 07:29 PM
أخوي الحبوب،
ابوياسر،

تحية طيبة ممزوجة بالشكر علي قدومك الكريم والتعقيب المقدر.

مع خالص احترامي لرأيك وكتبت:(اعتقد القصة ومافيها انو علي عثمان مريض وحس بنهايته لذلك قرر اعتزال السياسة والسياسة)، علي عثمان متعلق بالسياسة ولم يفطم بعد، لن يترك السياسة فقد سبق ان طرد من القصر عام ٢٠١٣ وكان المفروض عليه وقتها ان يترك السياسة بعد تعرض للبهدلة لكنه فضل ان يبقي حتة موظف في المجلس الوطني!!..

***- اعضاء الحركة الاسلامية رفضوا بشدة تعيينه رئيس عليهم..اطاح به البشير من منصب نائب رئيس الجمهورية بحجة انه عجوز وعين مكانه العجوز بكري حسن صالح!! ومع ذلك ما تخلي علي عثمان عن السياسة التي تركته!!...

***- سيعود علي عثمان للساحة السياسية تحت اسم:(السياسة الحقيقية!!)...

[بكري الصائغ] 11-04-2015 07:16 PM
أخوي الحبوب،
المشروع،

حياك الله وجعل كل ايامك افراح ومسرات، شكرآ علي الزيارة والمشاركة بالتعقيب وكلامك جميل ومنطقي.

***- لا اعتقد اطلاقآ ان علي عثمان ترك السياسة التي تجري في دمه وتفرغ لها منذ سنوات الدراسة، حالة علي عثمان اسمها (استراحة محارب عجوز) وسيعود الي ساحة السياسة لينافس عجايزها: محمد عثمان الميرغني..الترابي..الصادق المهدي!!

[بكري الصائغ] 11-03-2015 02:56 PM
أخوي الحبوب،
السيد الامام،
تحية طيبة، سعدت بقدومك الكريم،

كتبت في تعليقك:( علي الحاج ليس عدواً لاحد من الناس)!!،
***- يبدو لي انك لا تعرف تاريخ علي الحاج، او تتغابي ان تعرف انه واحد من الذين خططوا لانقلاب ٣٠ يونيو، وانقلب علي الوضع الديمقراطي واطاح بحكومة الصادق المهدي...واختلس اموال بملايين الدولارات من مخصصات انشاء طريق الانقاذ الغربي وهي قصة يعرفها كل سوداني لذلك هرب سرآ من الخرطوم الي برلين تحسبآ من الاعتقال!!... يبقي السؤال قائمآ:(من اين يعيش علي الحاج في المانيا وهو ليس باللاجئ فيها؟!!)...

***- لماذا يخشي العودة للخرطوم ان كان لا احد يعاديه او كما قلت انت:(علي الحاج ليس عدواً لاحد من الناس)؟!!..حتي بمناسبة زواج ابنته لم يستطع الحضور للحضور والمشاركة في السودان!!علي الحاج متهم مع الاخرين بجرائم الابادة والتصفيات الجسدية، كان هو ومعه حسن الترابي ونافع وراء تاسيس (بيوت الاشباح) في اعوام التسعينيات وسكت عن ما يجري فيها من انتهاكات وجرائم اغتصابات وتعذيب. شارك علي الحاج في خراب الاقتصاد الوطني واثري علي حساب النهب الذي طال كل شي في البلد عندما كان الترابي سيد البلد في سنوات التسعينيات.

***- الشعب السوداني يعرف تمامآ تاريخ كل من شارك في النظام الحاكم الان، الشعب يعرف من هم القتلة في الانقاذ...واللصوص في "الجبهة الاسلامية"...

European Union [ابوياسر] 11-03-2015 01:13 PM
مقالك رائع بس اعتقد القصة ومافيها انو علي عثمان مريض وحس بنهايته لذلك قرر اعتزال السياسة والسياسة الحقيقية يقصد بها الرجوع الي الله والتوبة من ما اقترفة في حق البلاد والعباد والله اعلم

[المشروع] 11-03-2015 12:10 PM
أخونا الامام السلام عليكم ورحمة الله وبركاته

صحيح ان لا يكون على الحاج عدواً لأحد وقد يكون عدوا للناس جميعاً فأنت لا تدخل في قلوب الناس للحديث باسمه.

ولكن طالما أن على الحاج يتبع لمنظمة الجبهة الاسلامية وحزب الترابي وتأمر ورضع من ثدي الحركة الاسلامية السودانية التي تأسست على الغدر والنكوث بالعهود والتمكين والصالح العام ولم يفتح عليه الله بكلمة واحدة في ادانة مثل هذه الممارسات حتى يومنا هذا فهذا يعنى انه موافق على كل ما حصل وموافق على مقررات حزبه ..

أفراد حزب الترابي صنفوا انفسهم بأنهم اسلاميين اي ميزوا انفسهم عن بقية المسلمين وقالوا انهم اسلاميين اكثر من غيرهم وقبضوا على مفاصل السلطة والاقتصاد والامن والجيش في السودان وقادوا ثورة التمكين وكان صاحبنا على الحاج من ضمنهم وضمن الذين تمكنوا على حساب الآخرين ظلما وبغيا وعدواناً..


أخيرا ان الجبهة الترابية وضعت كل السودانيين اعداء لها وعملت فيهم السيف والسجن والتعذيب وكما قال واعترف قوش اخيراً بقوله ان خطأ الانقاذ انهم جاءوا مع الانقلاب وتصنيفاتهم للناس وللعالم في جيوبهم وعملوا على تنزليها لأرض الواقع فصار الشعب السوداني هو عدوهم وكل ما لم يكن معهم فهو عدوهم اللدود
وبالتالي لا فرق بين قوش وعلى الحاج وعوض الجاز وقطبي ومندور وغيرهم فكلهم تمكينيين ظالمين عدوانيين وبالتالي هم الذين جعلوا الشعب كله عدوا لهم الا من كان منضوياً تحت كوادرهم او الذي يأكل ذبيحتهم المذبوحة على نصب الاثم والعدوان..

واخيراً اخي السيد الامام نصيحتي لك ولله ان تدافع عن نفسك فلا يجدنك الله سبحانه وتعالى مدافعا عن الظالمين... فالساكت عن الحق شيطان اخرس

[السيد الامام] 11-03-2015 09:07 AM
علي الحاج ليس عدواً لاحد من الناس .


بكري الصائغ
بكري الصائغ

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة