بالرصاص..!ا
01-03-2012 10:06 AM

بالرصاص!!

شريفة شرف الدين
[email protected]

المشهد الأول

مدرسة ابتدائية داخل فصل أول ابتدائي

الأستاذ: يا عمر لا تكتب بقلم الحبر أكتب بقلم الرصاص
عمر: كويس يا أستاذ

في اليوم التالي

المدرس: الظاهر إنت نسيت يا عمر .. إحنا مش قلنا نكتب بالرصاص و ما نكتب بالحبر؟
عمر: صح يا أستاذ
المدرس: خلاص و لا يهمك .. بكرة جيب لي الواجب و إنت كاتبو بقلم الرصاص
عمر: كويس يا أستاذ

اليوم التالي

عمر: صحح لي يا استاذ
الأستاذ: تاني بقلم الحبر يا عمر؟ شوف يا عمر ده قلم حبر .. أوعك تكتب بيهو .. ده قلم رصاص أكتب بيهو .. واضح؟
عمر: واضح
الأستاذ: شنو الواضح؟ أنا قلت ليك شنوحسع؟
عمر: ده قلم رصاص أكتب بيهو .. ده قلم الحبر الما أكتب بيهو
الأستاذ: شاطر .. تعال لي بكرة كاتب بقلم الرصاص و عندك جائزة حلوة مني .. سمح؟
عمرك: كويس يا أستاذ

اليوم التالي

عمر: هاك يا أستاذ صحح لي
الأستاذ: تاآآآآآآآآآآآني يا عمر!!! ما قلنا ليك مليون مرة ما تكتب بالحبر أكتب بالرصاص يا أخي .. إيه ده .. ما بتفهم و لا شنو؟
عمر: بفهم يا أستاذ
الأستاذ: طيب ما تكتب بقلم الرصاص
عمر: كويس يا أستاذ
الأستاذ: شوف بكرة آخر يوم .. لو جيتني كاتب بالرصاص حأجلدك شدييييد .. فاهم و لا ما فاهم؟
عمر: فاهم يا أستاذ
الأستاذ: أديني قلم الحبر بتاعك ده .. خليهو معاي لغاية بكرة
عمر: كويس يا أستاذ .. هاك
الأستاذ: ده أسبوع كامل و أنحن في تكتب بشنو .. إنت مستعجل مالك؟ لمن تمشي الصف الرابع حتكتب بالحبر ..
عمر كويس يا أستاذ

اليوم التالي

عمر: هاك صحح لي يا أستاذ
الأستاذ: كتبت بالرصاص يا عمر؟
عمر يطرق صامتا
الأستاذ: جيب كراسك
عمر: هاك يا أستاذ
_______________
الأستاذ: يرمي الكراس في وجه عمر و يذهب إلى المدير
المدير: مالك زعلان يا أستاذ
الأستاذ: عايز اتنقل
المدير: مالك؟ في شي مضايقك؟
الأستاذ: يا أخي عايز اانقل و بس
المدير: حاضر يا يا أستاذ
__________________

المشهد الثاني بعد أكثر من أربعين سنة
المستشار: يا يا سيادة المشير عمر .. في حبة تمرد كده في دارفور .. أنا شايف إننا نجلس معاهم و نشوفهم عايزين إيه؟
المشير البشير: لا. حنحسمهم عسكريا و بس و بالرصاص!!!
المستشار: بالرصاص و لا بالحبر
المشير البشير: لا بالرصاص ... بالرصاص
المستشار: ممكن أسألك يا سيادة الرئيس إنت درست الإبتدائي وين؟
المشير البشير في مدرسة حوش بانقا
المشتشار: غريبة أنا ذاتي اشتغلت هناك .. آه ... إنت عمر ذاتو البكتب بالحبر بدل الرصاص .. صح؟
المشير البشير: صح لكن حسع بقينا نكتب بالرصاص يا أستاذ!!!


تعليقات 7 | إهداء 0 | زيارات 1882

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#268623 [إبراهيم.الجدي]
0.00/5 (0 صوت)

01-04-2012 07:47 PM
لك التحية والتقدير أختى الغالية. مقال في قمة.الروعةؤلا عليكى من الذين لإيرون ابعد من أرجلهم لقد وصلت الرسالة للبفهم ولكن أبشرك بأن نهاية الطاقية أوشكت ليس بالأمانى ولكن بسواعدنا معشر المهمشين والكادحين والمفصولين ولكن] لكل أجل كتاب [


#268120 [abusafarouq]
0.00/5 (0 صوت)

01-04-2012 08:51 AM
الحقيقة تفوح ريحة الرصاص من البشير والرصاص رصاص ..ألة تعلم بدائى لكن تعود البشير به القتل لم يصل مرحلة الحبر ليرتقى . شكرا للكاتبة شريفة فهم من فهم وجهل من جهل التشكيلة فى أسلوب الكتابة هى المطلوبة


#268068 [lollipop]
0.00/5 (0 صوت)

01-04-2012 02:51 AM
مقال ذكى جدا يا شريفة تسلم الأيادى


#267953 [hasco]
0.00/5 (0 صوت)

01-03-2012 10:07 PM
بالعكس ده أروع مقال من كام يوم لك كل الود أخت شريفة........


#267949 [صاروخ]
0.00/5 (0 صوت)

01-03-2012 09:56 PM
بطلي هضربة يا ولية عندنا صاروخ لكل أفراد الهركات


ردود على صاروخ
Canada [Ibrahim Adam] 01-04-2012 03:18 PM
يا ،، اللخو،، قبل ما تفقعنا بخلط الحاء مع الهاء، فتش عن جنس و إصول سيبويه; و بعد داك إتفلسف!!!
الإستنكاح، و عارفنو، الكاتبة دى يمكن تكون أكتر عروبةً من جدك!!! مع إنو دا ما بيزيد ولا بينقص من قدرها ببونطِ!!!


#267944 [المهندس]
0.00/5 (0 صوت)

01-03-2012 09:40 PM
الفكرة واضحة . مشكوره على المقال يا استاذة شريفة شرف الدين


#267788 [ابوالسارة]
0.00/5 (0 صوت)

01-03-2012 04:56 PM
اول مرة اقرا ليك مقال ساذج يا شريفة....


ردود على ابوالسارة
Saudi Arabia [شريفة شرف الدين] 01-03-2012 07:54 PM
أحمد الله أنها المرة الأولى و لك العتبى حتى ترضى


شريفة شرف الدين
شريفة شرف الدين

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة