المقالات
السياسة
ارشيف مقالات سياسية
اكلوا (توركم) .. ومدوا (حدودكم)..!ا
اكلوا (توركم) .. ومدوا (حدودكم)..!ا
01-08-2012 06:51 PM

حديث المدينة

اكلوا (توركم) .. ومدوا (حدودكم)..!!


عثمان ميرغني

قبل عدة أيام.. وزير الخارجية الأستاذ علي كرتي سافر إلى مصر.. من بين ثنايا التصريحات التي أدلى بها هناك ثم بعد عودته هنا.. كان واضحاً أن ثمة (غباراً عالقاً) في الأجواء السودانية المصرية.. الوزير قال: إن هناك من يستثمر في تأجيج الخلافات بين الدولتين.. وبدت بوادر إحساس غامر لدى القيادة السودانية أنها (محبطة) بعد العشم الذي كان يساورها في مصر ما بعد مبارك. من مصادري الخاصة.. يبدو أن السودان كان يتوقع (بداية) معالجة لقضية مثلث حلايب.. فالحكومة في حاجة ماسة للإجابة على سؤال ملحاح عن مصير هذه الرقعة الجغرافية التي وضعت مصر يدها عليها خلال فترة التوتر الشديد في العلاقات بين البلدين.. وكانت الحكومة السودانية تتمنى أن تكون أحد أهم ثمرات ثورة الخامس والعشرين من يناير.. (تصحيح!) الوضع في حلايب.. وكلمة (تصحيح!) لم تكن الحكومة السودانية تشترط أنها تعني عودة المثلث إلى حضن الإدارة السودانية.. بل التوصل إلى تسوية مشتركة تحظى بتراضي الطرفين.. الذي حدث أن الإدارة المصرية الجديدة.. المكونة من مجلس عسكري وحكومة مدنية.. لم تبد الحماس اللازم للتعامل مع ملف حلايب.. أو على الأقل افترضت أن قائمة الأولويات المصرية الآن أبعد ما تكون عن النظر في هذا الملف.. ثم أخيراً حسب ما حمل \"مانشيت\" صحيفتكم \"التيار\" أمس.. بدأت مصر تحريك الأسلاك الشائكة جنوب حلايب لضم مزيد من الأراضي.. الخطأ المنهجي الذي ارتكبته الحكومة السودانية.. أنها افترضت أن هدية من خمسة آلاف ثور (في شهر مارس 2011) .. ثم هدية أخرى (20) ألف من الضأن (في شهر نوفمبر 2011) .. وزيارات مكوكية من القيادة السودانية بمختلف مستوياتها إلى القاهرة.. ودعوات متتالية لرموز الثورة والأحزاب المصرية لزيارة الخرطوم.. كل هذا يعني (تصحيح!) ملف العلاقات المشتركة.. والتخلص من رواسب عهد حسني مبارك. ضعف الجبهة الداخلية السودانية يجعلنا دائماً في موقف ضعف أمام أي تسويات مع العالم الخارجي.. العالم يحدق فينا ونحن نكابد ثلاثة حروب.. في دارفور وجنوب كردفان والنيل الأزرق.. والحكومة متربصة بالمعارضة.. والمعارضة تدعو الله أن يجعل عاليها سافلها.. مشهد يكشف للآخرين عورات ضعفنا ويهزم أية فرصة أن نفاوض أو نحاور من موقف قوة.. إلا إذا كنا نظن أن القوة في هدايا الماشية. لن يحترمنا العالم الخارجي ويقدر خاطرنا.. حتى ولو كان هذا العالم الخارجي هو الشقيقة مصر بكل أواصر القربى معها.. طالما نحن دولة ضعيفة من الداخل.. لا تزال تحرسها عضلات القوة الأمنية وأنياب القوة العسكرية.. الأجدر أن ندشن استراتيجية جديدة لـ(القوة).. نعمق أركان الوطن -لا النظام- المستقر.. والدولة المستقرة هي التي تثبت أقدامها في أرضية (التراضي).. تحكم حكومة.. وتعارض معارضة بمنتهى اليقين الدستوري.. بدلاً من الذي نراه الآن.. حكومة خطابها الرسمي يلعن المعارضة صباح مساء.. ومعارضة تقيم مؤتمراً صحفياً لتقول لناس .. (سيقبضوا علينا خلال 24 ساعة).. ألم يمل الساسة هذه اللعبة السمجة.. ألم يئن الأوان لننظر إلى مستقبلنا بدلاً من أن نتقاذف بماضينا!!

التيار


تعليقات 20 | إهداء 0 | زيارات 3841

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#271874 [صلاح الحويج]
0.00/5 (0 صوت)

01-10-2012 09:30 AM
في العام 58 رفضت حكومة عبدالله خليل التدخل المصري في حلايب وارسلت الجيوش وقدمت شكوى لمجلس الامن مازال ملف الشكوى في مجلس الامن يتم تجديده سنويا وانسحبت جيوش عبدالناصر من حلايب مما يعني قوة الق حكومه المنتخبه امام كل من يستهدف الوطن لانها تستند على السند الشعبي لكن الحكومه الحاليه ضعيفة امام القوى الاجنبيه لانعا لا تستند على السند الشعبي علشان كده ضاع الجنوب وستضيع دارفور والنيل الازرق وجنوب كردفان وربما اجزاء من الشرق النظام الحالي قوته فقط على شعبه وطلاب الجامعات


#271553 [حلفاوي]
0.00/5 (0 صوت)

01-09-2012 04:15 PM
هداك الله ياود ميرغني

وهل شكونا ضعفا قبل وصول رفاقك للسطة ...... عن اي تراضي وعن اي تسوية تتحدث ؟ وعن اي طرفين تتحدث ( رفاقك اخوان السودان ممثلين في مؤتمركم الوطني واخوان مصر ؟
اخوان مصر يا عثمان ليسوا مثلكم فانتم بدلتم جلودكم بعد ان تمكنتوا من السطة شردتم من شردتم وقتلتم من قتلتم ..... اما اخوان مصر فقد بدلوا جلودهم قبل وصولهم الم تسمع بتعهداتهم باحترام الاتفاقات الموقعة (( بما فيها اتفاقية كامب ديفد )) اولم تسمع بتطميناتهم للفنانين المصرين والعاملين في قطاع السياحة بان الحال سيبقى على ما هو عليه ...
قصدت من هذا ان اقول لك ان اخوان مصر قد اختاروا الغرب بكل شروطه ..فلا يعقل ومصر تمر بمثل هذه الظروف ان يختار اخوان مصر الوقوف معكم وقياداتكم تلاحقها العدالة الدولية .. لا يمكن لاخوان مصر الوقوف معكم يا عثمان يا ميرغني وانتم تعادون العالم باثره بل وحتى شعبكم الذي تحكمون ....
هل تعتقد يا عثمان ان امن مصر وسلامتها من البوابة الجنوبية يمكن ان يتاتى عبر حكومة هشة وضعيفة مثل حكومة مؤتمركم .....
هدايا رئيسك وابقاره اخجلت الجميع داخليا وخارجيا .... الكل يسال هل من العقل ان تقدم مثل هذه الهدايا باسم شعب هو في الاصل جائع ... الم يطالع رفاقك يا عثمان شاشات التلفاز خلال فترة هدية الابقار الاولى ليروا بام اعينهم كيف تعرض صور الجوعى في حنوب السودان وهم يقتاتون على اوراق الشجر ......(( وقد كان السودان حينها دولة واحدة )) هل سمعت برئيسك يوجه باطعام نفر من شعبه الجنوبي من جوع طاحن ...
من الاولى بمد يد العون شعب مصر الذي هو افضل حالا منا ام ابنا جلدتنا واخوتنا بجنوب السودان ؟

هدانا الله واياك يا عثمان


#271483 [اتحادي مغبون]
0.00/5 (0 صوت)

01-09-2012 02:00 PM
حلايب مصرية وبشهادة سكانها انفسهم اختيار مصر افضل لهم من السودان من جميع النواحي التعليم الصحة الزراعة السكن الملائم النظافة في كل شئ وبعمل مقارتة بسيطة جدا كل يوم الطائرة المتوجهة من مطار الخرطوم تجاه القاهرة مليئة بالسودانيين الذين يقصدون مصر بطلب العلاج وبعضهم للفحص الطبي الدوري الاعتيادي
بكل شفافية فمن هذا يا اخوان سيبو ناس حلايب في حالهم لأن مصر أفضل لهم بكتيييييير من السودان بالرغم من حبنا الشدييييد للسودان لكن أوضاعه لا تسر
واقول ليك حاجة يا ريت السودان كلو يتبع لمصر أم الدنيا


#271455 [شقى ومجنون]
0.00/5 (0 صوت)

01-09-2012 01:22 PM

يا قبطان....طلبك مجاب ..تابع الروابط دى

http://www.alrakoba.net/articles.php?action=show&id=5784

http://alrakoba.net/articles-action-show-id-11944.htm


#271410 [زول ]
0.00/5 (0 صوت)

01-09-2012 12:10 PM

- في مكان آخر في هذه الصحيفة ورد خبر (اعطاء المصريين 25 مشروع زراعي استثماري في السودان ). بالطريقة دي بعد خمسين سنة مصر ستستوطن في السودان ، واسمعوا تصريحات مرشحهم توفيق عكاشة عن السودان.عشان كده على الحكومة مراجعة سياساتها وعدم التسرع في مثل هذه الاحوال.


#271409 [العجب]
0.00/5 (0 صوت)

01-09-2012 12:10 PM
الأراضي السودانية اصبحت زي قرع ودالعباس ( عشرة بقرش ومائة زيادة ) حلايب راحت ومليون فدن ببقيراتها وغنيماتها زيادة - الله يكون في عونك يا وطن - ومن وراها وزير الدفاع يقول ( جدودنا بعد الاستقلال وصونا على الوطن بصيانة حدوده )


#271407 [Iالقبطان]
0.00/5 (0 صوت)

01-09-2012 12:07 PM
للعلم فقط واحد يتبرع ويشرح لينا :
1- قصه عثما شخيت
2- قصه الكشك
وذلك لكي تعم الفائده


#271387 [مدحت عروة]
0.00/5 (0 صوت)

01-09-2012 11:11 AM
و نسيت الاراضى المليونية التى وعدت بها هذه الحكومة لحزب الوفد فى الولاية الشمالية!!!! يا جماعة ده كلام شنو ده حكومة دولة اجنبية نعم اجنبية و بلاش من حكاية اخواننا فى الاسلام و النيل و الكلام الفارغ ده تحتل ارض متنازع عليها تقوم الحكومة تديهم هدايا و جوائز على هذا الاحتلال ولا تمارس اضعف الايمان اذا ما كانت قادرة عسكريا و هو الاحتجاج و قطع العلاقات اذا استدعى الامر؟؟؟ دى اضعف حكومة تمر على تاريخ السودان مافى ذلك شك او غلاط ولا حول ولا قوة الا بالله العلى العظيم!!!!


#271363 [عبيد]
0.00/5 (0 صوت)

01-09-2012 10:25 AM
لاحظ المصريين وضعوا يدهم في حلايب بعد فعل الجبهية ما لم يستطيع أن يفعله الثور في مستودع الخزف في السياسة الخارجية والداخلية إذا لم يفعل النظام ما فعله كانت الأمور ستمضي كما هي وكان سيكون الحل سلسلا ... انتو همكم في حلايب وثلث البلد اللي انفصل .. سيفعل هذا النظام بالمليون ميل مربع ما عجز الثور أن يفعله في مستودع الخزف .. كلامك ينطبق على الواقع يا أستاذ/ ميرغني النظام كارثة على السودان بكامله وبيننا الأيام.. ولات حين مندم


#271278 [ودالخضر]
0.00/5 (0 صوت)

01-09-2012 08:11 AM
ياشباب المصرين باعو القضية الفلسطينية لمصالحهم اتفاقية كمديفيد لارجاع سيناء ومقابل 8 مليار دولار سنويا من الحكومة الامركية طيب لو المصرين سندوا نظام الانقاذ حيأكلوا من وين ما تقول لى الاسلامين ولا غيرهم اول تصريح للاسلامين فى مصر ستظل الاتفاقية بين مصر واسرائيل قائمة الاخوة الاشقاء المصريين بيعرفوا مصالهم جيد جدا تقول لى بقرات وشوية ضأن اصحوا يا ناس الانقاذ
أعرفوا حاجة واحدة عند قيام الثورة فى السودان اول من يباركها المصرين الايام بيننا رجل الشارع البسيط يعرف كبف يفهم والله اكثر من كرتى قال حلايب قال انتو العندكم قادرين تحافظوا عليه


#271259 [mohamed adam]
0.00/5 (0 صوت)

01-09-2012 06:44 AM
أستطيع أن ادعي بثقة ™ أن حلايب مصرية وليست سودانية، حبي لبلدي لا يعني أن أتسلبط في أرض ليست لي. و دليلي علي ذلك أن هناك قرار صدر أيام الأنجليز يتبع حلايب للسودان اداريا لظروف تشابه السكان. لاحظ أن هناك قرار باتباع حلايب للسودان بغض النظر عن التفاصيل، واسال هذا السؤال، هل تتوقع أن يصدر قرار بتبعية بورتسودان للسودان، بالطبع لا، لماذا؟؟ لان بورسودان أصلا جزء من السودان، ولا تحتاج ألي قرار، أذن فان حلايب لم تكن سودانية.



#271127 [عبدالحق]
0.00/5 (0 صوت)

01-08-2012 10:24 PM
حلايب كانت ردة فعل لمحاولة اغتيال الهالك مبارك .. ومن قام بهذه المغامرة الفاشلة التى اذهبت حلايب الى الابد هو نفسه من قاد مفاوضات نيفاشا التى اذهبت الجنوب الى الابد .. مع تحياتنا للنائب الدائم لما تبقى مما كان يعرف ببلد المليون ميل ..


#271118 [حسبو الشتت قصبو]
0.00/5 (0 صوت)

01-08-2012 10:07 PM
التحيه لك أخى عثمان ميرغنى ,, إيها القامه ,, إيها الرجل النبيل فى الزمن الصعب , لك التقدير والاحترام ,, دائما كتاباتك فى الصميم ,, سؤسفنى إن هنالك بعض .. لايعجبهم ماتكتب ,,
, والله هنالك من إذا أوقدت لهم أصابعك العشره لن يرضوا ,,أكتب لنا فأنت الشمعه التى تنير الدرب إيها الرائع الانيق


#271115 [gafar elmubarak]
0.00/5 (0 صوت)

01-08-2012 10:00 PM
HALAYIB BELONGS TO SUDAN ,,THE INHABITANTS OF HALAYIB ARE PURE SUDANESE
WHY SHOULD WE NEGOTIATE WITH EGYPT ABOUT THE OWNERSHIP OF OUR LAND
THERE ARE DIFFERENT WAYS OF GETTING OUR LAND BACK FROM EGYPT
EITHER BY RAISING THIS SERIOUS NATIONAL ISSUE TO INTERNATIONAL COURT,,OR WE SHOULD USE THE THREATENING LANGUAGE ESPECIALLY THE NILE WATER CARD
I BELIEVE EGYPT ONLY RESPONDS TO THREATS
ALL THIS RUBBISH TALK OF THE SPECIAL RELATIONSHIP WITH EGYPT AS YOU HAVE JUST MENTIONED WILL LEAD US TO NO WHERE

I WISH PEOPLE LIKE YOU WILL BEHAVE LIKE MEN WHEN IT COMES TO THE OCCUPATION OF OUR LAND BY OUR ENEMY EGYPT



#271096 [الحكيم]
0.00/5 (0 صوت)

01-08-2012 09:32 PM
يا أستاذ ......المشكل ليس فى سوء الإدارة السياسية لما بين السودان ومصر .....المشكل إنو المصريين عارفين هم عايزين شنو و عارفين يعملوها كيف !!! لكن ناسنا بيتخبطوا و تايه دليلهم و سياستهم بلابوصله و لا خطه و زى ما بيقولوا سياسة ....سرجى مرجى ......و فاكرين ممكن يمشّوا الامور بالهدايا و الكرى بالبقر و الغنم و الضان و الخ...........و لمّا شافوا الجفا من السلطات المصرية الحالية طبعا حاولوا إستمالة الأخوان و السلفيين و موّلوهم بالشئ الفلانى و نفسهم لمّا يفوزوا تنفك المشكلات و لكن هيهات ...المصريين زى ما قلت ليك بيخططوا و يرسموا كل شئ بحسابو و الظاهر كرتى هذا مشى يشمشم بعد الإنتصارات الأخيره للإسلاميين ولكنه صدم بواقع مرْ و أأكد ليك يوم يتم تنصيب الإسلاميين على السلطه من اوائل قراراتهم حيوقعوا على إتفاقية المحكمة الدوليه طبعا مش قاصدين ناسنا بل لأمور تهمهم ولهم فيها مصالح و بالتأكيد سوف لن يجاملوا إلا فى حدود مصالح مصر الكبرى و بالواضح حيفتحوا لناسكم ديل ...........


#271058 [عصتووف]
0.00/5 (0 صوت)

01-08-2012 08:39 PM



يا رجل الحكومه ضعيفة ورخييص وجبانه انا مختلف بل احتقرهم لكن مستعد وكل السودانيين مستعدين لمحاربة الزفت الشماليه تتذكر حديث نافع لطلاب الشرق ببورسودان ما قال ليهم انتو تاكلو الايسكريم وعاوزين الحكومه تحارب طيب قاعد فيها ليه هو والراقص والله الاوغاد يرقصوكم 10بلدي ومهما منحتوهم انظر لقناة المصري المملوكه لحزب الوفد وشاهد الخريطة والمغفل مصطفي يمنحهم 10مليون فدان وكمان فيها استيطان فلاحين والفلاح السوداني هجر الارض واصبح يبيع مناديل الورق وزين وت م ن والمويه والهتش في اشارة المرور قوم بلا لمه شوفو موضع الخلل وين تجدوه في راس السمكه الفاسده


#271056 [أبوسهل]
0.00/5 (0 صوت)

01-08-2012 08:35 PM
من يهن يسهل الهوان عليه.. ما لجرح ( بميت ) ايلام............وحليل الرجال يابا..


#271044 [ود ام بده]
0.00/5 (0 صوت)

01-08-2012 08:17 PM
ابتلانا الله بمن يسمون انفسهم ساسه يدير ون كل الامور بطريقة (الهواةباحترافيه )ازا كان الامر بخصوص البشير والجنائيه النظام جاهز لكل شئ وكمان نفديه بارواحنا ا ماحدودنا (ببقرنا بنرجعها )


#271039 [بخيت العفريت]
0.00/5 (0 صوت)

01-08-2012 08:03 PM
ماعارف ياباش مهندس انو الواحد لمن يقرا كتاباتك بعد النص بشويه كده بيزهج زمابيتم الموضع الفنشنق بتاعك تعبان زى كورتنا يعنى النتيجه ماكويسه سلام محتاج مدرب اجنبى -


#271003 [سليمان قش]
0.00/5 (0 صوت)

01-08-2012 07:06 PM
تاني ياعثمان


عثمان ميرغني
عثمان ميرغني

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة