كلامات
01-10-2012 10:46 AM

كلامات

د.كمال عبد القادر

استطاع أحد المحتالين إقناع أهل قرية بأنه سوف يسفرهم إلى ليبيا، وأخذ من كل واحد مبلغا من المال ثم جعلهم يركبون في لوري متوقف أمام أحد البيوت. في صباح الىوم التالي وجد صاحب اللوري هذا المنظر وحاول إقناع الجماعة بأن اللوري دا خسران ومتوقف منذ زمن، لكن الجماعة أصروا أنهم ما نازلين وكمان ماشين ليبيا، وعندما تعب من المحاولة قال لهم: انتو ما عندكم ناس كبار في الحلة عشان نمشي نتكلم معاهم؟ فردوا عليه: (ناسنا الكبار راكبين في اللوري دا قدام).
كان عندي أمل أن يستطىع واحد من الوسطاء أو المبعوثين الأمميين جمع شمل ناس البلد دي، لكن بعد لغة الخطاب الأخير بين السياسيين وملاسنات الشيخ ونسيبو الإمام عرفت إننا راكبين لينا لوري ما فيهو عجلات وكبارنا راكبين قدام.
انت يا اللوري تشيل منو؟

السوداني


تعليقات 16 | إهداء 1 | زيارات 2237

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#273021 [ابو السيد]
0.00/5 (0 صوت)

01-11-2012 03:24 PM
ولله عينك قويه يا كمال نسيت لما كنت بتتسحب انصاص الليالى وتجى للاطباء فى ميز الخرطوم و تساومهم انت و معاك الاهبل مدير مستشفى الخرطوم لو ما فكيتو الاضراب ما بنفك ليكم زملاءكم و جاى هسى تتظارف .


#272945 [ابو احمد]
0.00/5 (0 صوت)

01-11-2012 01:27 PM
اهلا وسهلا كلتوم ست اللبن تاني؟؟؟ تاني قمتي على ظرافتك الشترا؟ الكديس لما ما لحق اللحم قال عففففففففففففففففففففففففففن!! والله يا جماعة النصيحةلي الله مفارقة كرسي الوزارة حاااااااااااااااااااااااااااااااااارة زي القوموك من الكشتينة بي إسنة يصبح حشاك محروق والدمعة في خديك ليلا ونهارا تسيل ا تمبلول لول لول كع!!!


#272920 [وأ سفاي يا بلد]
0.00/5 (0 صوت)

01-11-2012 12:59 PM
اللوري تشيل منو .... يخم كل الفاسدين و المفسدين
ويبقي البلد نضيف ... ويسعنا كلنا
نقرأ
ونتعلم
ونتعالج
كمان نمشي السينما
;) ;) ;)


#272893 [مغبونة ]
0.00/5 (0 صوت)

01-11-2012 12:28 PM
لورى يهرسك ما يخلى فيك عضم نصيح ياخى عذبتنا ما قالو ليك غور انت ما بتحس لكن لو بتحس ما بتاكل مال المراضى و الايتام


#272458 [الحكيم]
0.00/5 (0 صوت)

01-10-2012 07:51 PM

و بعدين ؟؟؟؟

عامل مطنش من طلب قراء الراكوبه يا دكتور كمال ليه ؟؟؟؟؟

يا أخى دافع عن نفسك .و عن شرفك من الإتهامات بخيانة الأمانة و السرقة و الفساد لك من غالببية كتـّـاب التعليقات و الظاهر هم فى الغالب أطباء مقهورين من الظلم الوقع عليهم منك و من إدارتك أيام تولّيك وكالة الوزارة و شهدوا و عايشوا فسادك و لصوصيتك تلك ...........لأنو إنصرفيتك دى دليل صحة الإتهامات التى يكيلونها لك !!!!!



#272404 [Nagi]
0.00/5 (0 صوت)

01-10-2012 06:24 PM
ابودانيه ايه مترمو

يوديها المحكمه ايه ايه

محكمه


#272382 [Nagi]
0.00/5 (0 صوت)

01-10-2012 05:40 PM
رجع قروش الاجهزه الطبيه الاسكراب البعتها لوزارة الصحه والمستشفى الجنوبى

وبعدين ترجع تشتغل فى ام كداده

وبعدين اعمل ظريف


#272326 [ابودانية]
0.00/5 (0 صوت)

01-10-2012 04:36 PM
ياجماعة مترموا الناس بالتهم ساكت العندو دليل او مجرد شبهة فساد يمشي بيها المحكمة وبلاش افتراء علي الناس صحيح الحرومية واستغلال النفوذ مالي البلد بس الراجل يقول وديت قضية للمحكمة وطلعت فشوش ..غير كدا خلونا نضحك مع كلامات فالرجل بحق ساخر درجة اولي


#272212 [ابوعمر]
0.00/5 (0 صوت)

01-10-2012 02:48 PM
الاختشوا ماتو امثال مايسمى كمال عبدالقادر هو الوجه الفاسد الذى يصتاد فى المياه العكره ونقول له غدا تكون مشنقتك منصوبه فى م.الخرطوم التعليمى امام استثماراتكم شينكو اخوان


#272159 [شيخ تلب]
0.00/5 (0 صوت)

01-10-2012 01:58 PM
كلام بايخ زى وشك ودمك دم قرادة بس ليس الا
انت والشيخ ونسيبو وكل العفن طظ طظ طظ طظ


#272075 [Shah]
0.00/5 (0 صوت)

01-10-2012 12:29 PM
الدروة. يالا شوتو يا معلقين فيكم الخير.


#272071 [أوليفر تويست]
0.00/5 (0 صوت)

01-10-2012 12:24 PM
بالله الواحد زمان كان بيجيب ليهو كباية شاي زاااااابطة كدا ويجي يصطبح يقرا الراكوبة بمزاااااج , هسي الواحد بقى يجيب حقنة (metoclopramide) – ضد الطمام وكدا – مع ناس كلام عبد القادر ديل لأنهم خلونا زي الحوامل الواحد بطنو طامة من الصباح !!!


#272023 [تنقاري]
0.00/5 (0 صوت)

01-10-2012 11:38 AM
هو في محتال اكبر منك ؟؟؟ يمشوا ليبيا ليه ما يهبروا زيك وود خالتك الصيني ويبقوا مليونيرات وهم مرتااااااااااااااااااااااااحين ومرطبين زيكم ياخي اخجل لانه نحن خجلانين ليك


#272008 [ونسي]
0.00/5 (0 صوت)

01-10-2012 11:28 AM
بخ بخ بخ المصيبة انك يا ديك تور فاكر كلاماتك دي طريفة وذكية ولكنها مسخ ولا رابط بينها وبين الموضوع وبامانة كل التعليقات بتقول ليك نفس الكلام انت مصر على اغاظتنا وده تقل دم وعدم احساس منك لانه مهما كتبت فلن تستطيع ان تمحي من اذهان الناس قصص فسادك ومتاجرتك في الاجهزة الطبية بشركة يديرها اخوانك ولهفتوا بيها المليارات ياخي سرقتوا فروش الشعب وبرضو عايزين تضحكوه!! لكن يا كمال تاكد انك ستكون اول من يقتص منه الشعب انت واخوانك ونرجع منكم كل مليم وشكرا على كتاباتك دي لانها بتخلينا متزكرين عمايلك علم ما بتختشي قال برأ نفسه في الانتباهة قال ما ياها شبهك


#271992 [محمد التنقاري]
0.00/5 (0 صوت)

01-10-2012 11:16 AM
يجازي محنك يا دكتور كمال والله لقد ضحكت باهمال بعد حكاية اللوري
فعلا شر البلية ما يضحك وخير الكلام ما قل و دل
لك التحية


#271985 [Shah]
0.00/5 (0 صوت)

01-10-2012 11:13 AM
أكيد إدارة الراكوبة بتنشر لهذا الرجل عشان تدى المعلقين فرصة يشوتوا فيهو. لا أعتقد إنو فى سبب تانى لإنه كتاباتوا الفارغة دى ما بتلقى إستجابة غير الإستهجان.


د.كمال عبد القادر
د.كمال عبد القادر

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة