أمرقوا الشارع
01-15-2012 08:34 AM


أمرقوا الشارع

ود الفندكوك
[email protected]


علوا هتافكم ضد ( التاجر)
أحرقوا ( رفوف ) الذله الطالت


أعدلوا كفوف العدل المالت
ردوا الكيد للحكم الفــاجــر

*****
يا العلمتوا الناس الثـوره
فـي أكتوبر وفي إبريـل
يا الدكيتوا حصون جلادكم
ونور بالحريه مجــــــالكم
وراح إتلاشي ظلام اللــيل
أمرقوا الشارع
وإنتوا الحق من الله معاكم
وضــد الغاشـــــــــم
أمرقوا الشـــــــــارع
والموت واااااااحــــــــــد
لو بالجوع أولو كـــان
برصــــاصـة ظــــــــــالم
أمــرقوا الشــارع
وأحكوا الوحده العاشت بينا
للفرقنا وساد بمظـــــــالم
أمرقــوا الشارع
وإنتو معاكم كل تاريخ الشهداء الرحلوا
سيف المهدي وعثمان دقنه
علي والماظ يوم رحهم بذلوا
والقدامن داس زي ديـــــل
كيف يقبلو في يوم ينذلوا
أمرقوا الشارع
ضد الطُغمه الحكمت وظلمت
و بترت تلت الشرف الباذخ
سرقت.. قتلت.. وأدت وســـحلت
داست كل القيم الســــــمحه
تحت البوت واللحــــيه الخنست

أمرقوا الشارع

وليه يتأخر قطر العازه
إنتو الخوف ما من أخلاقكم
لا تهابوها ( الناطحه ورازه )
رصوا صفوف الـعز والنــخوه
وأمـحوا سطور الحقبه الشاذه
أمرقو الشارع
أمرقو الشارع
أمرقوا الشارع


تعليقات 1 | إهداء 0 | زيارات 1535

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#275302 [طارق]
0.00/5 (0 صوت)

01-15-2012 04:09 PM

نحن زمان قاعدين فى الشارع

يوم العسكر هدوا بيوتنا

دخلوا علينا اخر الليل

سرقوا اللقمة وكمموا صوتنا

كمل يا الكندكوك


ود الفندكوك
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة