المقالات
السياسة
ارشيف مقالات سياسية

01-29-2012 10:29 PM

كلامات -

د.كمال عبد القادر

رجل كان يعاني من الحمى أياما. أصاب الرجل \"قومة نفس\" فبدأ أفراد الأسرة في التحضير للموت المرتقب من نوع: يا بت قومي غيري الملايات الناس بجونا هسع. يا بت قشي البيت ويا فلان الحنوط في الدولاب. حتى ولده الطبيب استعرض مقدراته بأن قال لأخته: \"ما قلت ليكم هوبلس كيس\".
قحّ الرجل براهو وطرد البلغم فهدأت أنفاسه ونظر إليهم ثم قال: \"أها ساعة بقيتوا جاهزين كدي تعالوا أخنقوني\".
يعاني السودان من قومة نفس وبدل وصف العلاج فإن الكل يصف الأعراض. معارض يقول: \"ما قلنا ليكم؟\" وواحد يقول: \"الحالة بطالة\"، حتى الولاة ينبذو الحكومة.
الوطني وهو الطبيب المعالج \"عامل رايح\" ويكتب في مذكراتو لزوم نفض اليد.
السودان ينظر للجميع ويقول: \"خلاص اتجهزتوا لي موتي خلاص بالله تعالوا أخنقوني\".
يا رب قحة شديدة.



السوداني


تعليقات 13 | إهداء 1 | زيارات 2484

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#285153 [مىامون]
0.00/5 (0 صوت)

01-31-2012 08:51 AM
الاخ القرفان والله لو ما استوعبت الفكرة ارحمنا من مثل هذه التعليقات الغريبة وعلى ادارة الموقع مراجعة التعليقات اولا قبل نشرها
والسودان يحتضر وكل زول عامل طبيب ويريد ان تجرب وصفته الطبية فيه ...


#284812 [زهجان وقرفان]
0.00/5 (0 صوت)

01-30-2012 06:03 PM
ما شفت لي زول دمه تقيل زي الزول ده...لو قاعد يقرأ التعليقات على كلماته البايخة دي كان زمان طفش...


#284807 [Nagi]
0.00/5 (0 صوت)

01-30-2012 05:54 PM


الزول العندو اصل ما بسوى كده

استحى واخير اتلبد شويه


#284607 [مصطفى ]
0.00/5 (0 صوت)

01-30-2012 01:14 PM
البنسلين ياتمرجي نادو الحكيم ياتمرجي,ناس مابتستحي.ياخي اخجلوا اواستلفواليكم خجل كان ماعندكم. ;) :o


#284603 [كوز مقدود]
0.00/5 (0 صوت)

01-30-2012 01:10 PM
انت يادكتور كمال ما عاوز تختانا مالك ... ياخى كرهتنا السودان والدول المجاورة
اخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ


#284569 [كوجاك]
0.00/5 (0 صوت)

01-30-2012 12:33 PM
بالله سلم لينا على المليونير عاطف الشين والمليونير سامي الشين وربنا يكثر ليكم الاوكسجين دنيا واخرة يا شينكو اخوان عالم ما بتستحي


#284553 [ابو مصطفى]
0.00/5 (0 صوت)

01-30-2012 12:20 PM
طالما أنك كوز أو شبه كوز فلا فائدة من كتاباتك ولا كلاماتك وما ابعدك عن الصدق بمجرد أنك كنت وزيرا في عهد ما يسمى بالانقاذ.


#284529 [مانديلا]
0.00/5 (0 صوت)

01-30-2012 11:51 AM
اولا يا دكتور انت جزء اساسي من ازمة السودان عبر معالجاتك البائسة لبعض لقضايا عندما كنت وكيلا لوزارة الصحة... التعاطي الامني مع قضية الاطباء ومقولة نديهم حلاوة حربة ما زالت راسخة في الاذهان... هذا غير تسليمك للاجنحة الخاصة لمستشفي الخرطوم وامدرمان لبعض اقاربك ومن يدري ربما كنت شريك في القسمة.... وما تنسي فضيحة اتحاد الاطباء المصريين الذين تحولوا لقطاع خاص في مستشفي نيالا بعد ان كان هدفهم تقديم خدمة انسانية في مجال العمل الطوعي في دارفور... وهذا غير اقاربك الذين اصبحوا مدراء طبيبن في عهدك الزاهر.... وكتييييييير تعجز عنه الصفحات.... وبالمناسبة ولدك الدكتور حديث التخرج هل ما زال في السودان ام تم ابتعاثه علي حساب الغلابة..... سيدي ارفع يدك عن قضايا السودان لانك احد المساهمين خنق البلد...


#284376 [ممغوس محمد قرفان]
0.00/5 (0 صوت)

01-30-2012 09:11 AM
الله يقرفك انت - اللهم خذهم اخذ عزيز مقتدر


#284282 [ابو احمد]
0.00/5 (0 صوت)

01-30-2012 02:43 AM
اسمعي يا كلتوم ست اللبن انت ما تشوف ليك شغلة تانية غير الكتابة في السياسة دي ممكن الناس تنساك شوية وان كان دا صعب شديد.حاول اكتب مثلا عن الكوافير واسعارها او عن الفن وظهور الفنانين الفلتة او الكورة او اي حاجة تبعدك من الناس الواعين ديل.....النصيحة دي ما حاااااااااااارة


#284258 [قسم]
0.00/5 (0 صوت)

01-30-2012 01:17 AM
هاك الاكسجين ده


#284255 [المتطلع]
0.00/5 (0 صوت)

01-30-2012 01:06 AM
يا دكتور اهو قلتو براك الزول دا ما ارتاح الا بعد كح البلغم برة .... بس نحن بلغمنا كيزانك الانجاس ديل

بلا يخمكم يا فاسدين ومفسدين


#284206 [motaz]
0.00/5 (0 صوت)

01-29-2012 11:02 PM
قلت لى شركة اخوك بتاعة الاكسجين كيف*ليكم يوم ياعديمى الضمير -مافى غيرك وباقى الكيزان الذين خنقوا البلد-اللهم عليك بهم


د.كمال عبد القادر
 د.كمال عبد القادر

مساحة اعلانية





الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة