المقالات
السياسة
ارشيف مقالات سياسية
رسالة الي الزول عمر حسن احمد البشيير
رسالة الي الزول عمر حسن احمد البشيير
02-02-2012 11:06 AM

رسالة للزول عمر احمد البشيير

حيدر الزين
[email protected]

انا حيدر حسن الزين حسين احمد الامين ...الخ الخ من عيال قلبوس
مواطن زيي زيك ولد ابوي وامي وجدي وترعرعت في هذه البلد
كنت في صغري بحلم انو ابقى قوي لدرجة اني امسك تور هائج من قرنو واديهو الواطة والناس يصفقو والنسوان يزغردن وهدي بت عباس تجي تديني شبال وتقول لي عفيت منك
واكترها نظرة من نادية
ما عندي احلام اكتر من كدة إلا انه اقول يارب الهدام السنة دي ما ياكل من ارضنا كتير عشان الرجلة تنزرع
كنت يا عمر احمد البشير بعرف انه في الاخير في آخرة واهلي والمجتمع والمدرسة فهموني انه في الاخرة في ناس بيكونوا حطب نار زيهم وزي ابولهب وفي صالحين بيدخلوها تووشك وفي ممحركين على السراط المستقيم ممكن ايوة وممكن حرااق جلد
هسع بعد احلام طفولتي كل يوم انا عمايلي الكعبة بتخليني اتساءل بل واسال نفسي اها هسسع في الدنيا نجيت باكر حاتبقي حطب النار يازول اعقل واستبصر ممن هم قبلك
صدقني يا زول يا عمر حسن البشير قدر ما استبصر بقول يا الله راجي عطفك وراجي رحمتك ويا الله جنبني غضبك لاني غلطت كتير
يا الله ما تخليني وارد للنار القلت في محكم تنزيلك : بسم الله الرحمن الرحيم
(( وَإِنْ مِنْكُمْ إِلَّا وَارِدُهَا كَانَ عَلَى رَبِّكَ حَتْمًا مَقْضِيًّا ))[مريم:71]؛))

انا يا عمر اخونا يا زول لا سرقت حد لا قتلت زول لا قطعت رزق زول لا خليت كريم يتسول لقمتو ولقمة عيالو رغم انه طالع من بيت كرماء لا خليت سوداني شفيف عفيف كايس لقمتو بالحلال يبيع اجزاء جسدو عشان يأكل عيالو
لا كضبت
لا حلفت مهانةً
ولا اغتصبت زول
وبعد كدة برجاء رحمة ربي وخائف اكون حطب جهنم

انت يا عمر يازول يا ود حسن احمد البشير الله دا مخاويهو
على النعمة يدخلك في كستبانة مولعة نار لمن تبزبز وكلنا المغلوبيين ديل نجي نتفرج فيك يوم لا امن يحميك ولا سلطة تغرييك ولا بطانة سوء تزور ليك وتدافع عنك

اعتبر يازول
اعتبر يازول
الدنيا قررربت وفانية وانت بتؤسس لخراب شعب وامة كاملة من المسلمين
انت بتؤسس لخراب ملايين البشر حا تشيلهم في رقبتك دي يا تور زيك وزي ابو لهب وفرعون وهتلر الكانو ظانيين انهم بيحموالانسانية بدعوات فجة زي بتاعت خالك الطيب مصطفي والتاريخ وضح لما هم سقطوا واندحرو


[email protected]


تعليقات 3 | إهداء 0 | زيارات 3343

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#287077 [ودالدكيم]
0.00/5 (0 صوت)

02-02-2012 06:35 PM
ياأستاذ حيدر (زعلان ليه)عمر البشير من عدله وعطفه وحنانه لم تشاهده نائماً تحت الشجرة


#286928 [A. Rahman]
0.00/5 (0 صوت)

02-02-2012 02:28 PM
اليسمع العالم ديل يتمسحون بالدين يستغرب، و كمان كل سنة سنتين يتدافعون على الحج. كل هذا ذكرني بمعاوية بن أبي سفيان، فرغم الفتوحات و حياة البذخ و الملك العضوض إلا أنه لم يتذكر حين أدركته الوفاة غير \\\\\"حُجر بن عدي\\\\\"، كما سيذكر جماعتنا مجدي و آخرين لأن في الآخر\\\\\" الحساب ولد، هناك كمان في دغمسة؟\\\\\"


#286900 [المتابع]
0.00/5 (0 صوت)

02-02-2012 02:05 PM
شكلك قهران شديد يا حيدر ، يا جماعة الزول بتاع العربية البرادو عملوا ليهو شنو ، والله الموضوع ده مزعلنى جداااا ، تقول العربية حقتى ، لكن الواحد يتخيل انو الموضوع ده حصل ليهو ، يا جماعة الراجل بتاع البرادو ربنا يصبروا ساكت ، والله الخرطوم دى فيها تماسيح ياكلوك وأنت واقف على طولك ، اللهم أبعد عننا الحرام وأكلى الحرام يا رب ، قولوا آآآآآآآآآآآآآآآآآآآآآآآمين .


حيدر الزين
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة