المقالات
السياسة
ارشيف مقالات سياسية
قضية المستشار مدحت..تطور خطير جداً..اا
قضية المستشار مدحت..تطور خطير جداً..اا
02-06-2012 10:13 PM

العين الثالثة -

قضية المستشار مدحت..تطور خطير جداً!!

ضياء الدين بلال

لم أكن أرغب في الحديث أوالكتابة عن قضية المستشار مدحت مرة أخرى، خاصة بعد أن انتقلت الى لجنة قضائية.
وقد مثلت لثلاث جلسات أمام اللجنة الثلاثية لقضاة المحكمة العليا، التي شكلها رئيس القضاء، وأدليت بمعلومات تفصيلية وإضافية حول تجاوزات المستشار.
ورغم اطمئناني للجنة وثقتي في عضويتها، إلا أن بعض المؤشرات أصابتني بحمى الظنون.
وصعد القلق لمداه عندما علمت من اللجنة الموقرة أنها لن تستمع لشهود اتهام، وأنها ليست مكونة بموجب قانون لجان التحقيق لسنة 1954 وأن دورها محصور فقط في إبداء الرأي والتعليق حول تقرير لجنة المستشار محمد فريد!!
من الواضح أن وزارة العدل تتجنب- لأسباب تعلمها -إخضاع المستشار مدحت لتحقيق وفق قانون 1954 الذي تؤخذ فيه الشهادات على اليمين، طالما أن هناك اتهامات مباشرة قدمت ومستندات نشرت وشهود مستعدون لتقديم معلوماتهم على اليمين المغلظ!
من هم الذين يريدون حماية مدحت من التحقيق الشفاف وقاموا بتشكيل لجنة من مستشارين أقل منه درجة وأحدهم صديقه منذ الطفولة والصبا!!
دع كل ذلك جانباً، كيف تكون لجنة برئاسة محمد فريد وهو قد خضع قبل أشهر للجنة تحقيق حول تجاوزات خطيرة وقع فيها وأوصت لجنة التحقيق بإحالته للجنة محاسبة!!!
كم علامة تعجب تنصحني عزيزي القارئ بأن أضعها أمام الفقرة السابقة؟!
رئيس لجنة تحقيق ومسؤول لجنة ادعاءات تجاوزات المال العام، هو في حد ذاته موضوع قيد الاتهام من قبل وزارة العدل التي أمرته بالتحقيق مع مدحت (يفهموها كيف دي)!!
ضع أنت عزيزي القارئ ما تشاء من علامات التعجب، ولكن السؤال البسيط الذي يحتاج أن يخرج له السيد دوسة من قبو صمته، ليواجهه في الهواء الطلق ، من أين يستمد محمد فريد مشروعيته الأخلاقية ليحقق مع آخرين، لتصبح نتائج تحقيقه ملف غريب، يوضع أمام كبار قضاة المحكمة العليا لإبداء الرأي فقط، في سابقة تعد الأول في تاريخ العدالة السودانية!!
ولماذا لم يوقف دوسه مدحت عن العمل؟!! رغم أن ملفه أمام لجنة قضائية، والمعروف منطقاً وقانوناً أن أي موظف شكلت له لجنة تحقيق إدارية يوقف عن العمل الى انتهاء عمل اللجنة!!
ومدحت وصل ملفه الى قضاة المحكمة العليا ولا يزال يمارس في عمله كالمعتاد في (ولاية الخضر)، يوقع على العقود ويمضي الاتفاقات، وعندما يطالب الوزراء والمتعمدون بإيقافه يرفض الخضر ويصمت دوسة!!
بل إن مدحت ومن مقر عمله يجري اتصالات واسعة للتأثير على مجرى القضية!!
يحدث ذلك ودوسة مشغول جداً بإصدار القرارات لحماية أوراق الشركات من التسرب خارج نطاق مكاتب المسجل التجاري، ولا يسمح حتى للمحامين والنيابات والمحاكم بالاطلاع ، حتى لا تتفجر قضية أخرى شبيهة بقضية مدحت!
واحد من اثنين:
الأول: إما أن تشكل لجنة تقصي حقائق من كبار المستشارين بوزارة العدل وهي وزارة زاخرة بالكفاءات المتميزة والنزيهة مع مشاركة قضاة من المحكمة العليا!
الثاني: أو أن يختصر المستشار مدحت الطريق ويذهب للقضاء لفتح بلاغ ضد شخصي، بتهم الكذب الضار وإشانة السمعة ويطالب بأكبر تعويض يريد!
أقسم بالله العظيم لا يحركني في هذه القضية سوى المصلحة العامة ولم أكن أعرف المستشار مدحت قبل هذه القضية ولم ألتق به إلا قبل أيام بالصدفة في نيابة الصحافة حين قال لي أحدهم :(هذا هو مدحت الذي تكتب عنه)!!
سعادة رئيس الجمهورية:
وقناعتي في هذه القضية أن محاربة الفساد يجب أن تبدأ من وزارة العدل، فقد قلتها مراراً وتكراراً لا كبير على المحاسبة.
وإذا كان في الجسد مضغة إذا صلحت صلح سائر الجسد، فإن في الدولة مضغة إذا صلحت صلح كل عمل الدولة واستقام على جادة الخير وهذه المضغة هي الأجهزة العدلية!
والسلام.


السوداني


تعليقات 20 | إهداء 1 | زيارات 6327

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#291084 [عبدالمنعم ]
0.00/5 (0 صوت)

02-08-2012 03:40 PM
استاذ ضياء سلامات

زمان قلت ليك الحكاية خربانة وما في فايدة !!! ضع مليون علامة تعجب وارجع لكلام الرئيس عن الفساد في تمثيلية الطاهر التوم وستعرف لماذا يرفض عبدالرحمن الخضر ولمذا يصمت دوسة ولماذا يفسد مدحت ولماذا ولماذا ؟؟؟؟؟؟؟ اضع ليك كم علامة استفهام هنا ياضياء ؟

زمان لمن هرشوك ياالكلس قلنا ليك لا تعتذر

لا تعتذر يتقاذفون بنا كامثال الحجر لا تعتذر الحق هم والوطن هم وانا وانت مغيبون كاننا لسنا بشر !!!!
او كما قلت لك في حينها ......

ضياء اخوي كل اناء بما فيه ينضح الازمة ازمة اخلاق بس من وين تجي الاخلاق مع فقه التمكين والضرورة والسترة

وخليها مستورة


#291069 [أم خالد]
0.00/5 (0 صوت)

02-08-2012 03:23 PM
اولا الشكر للاستاذ المحترم ضياء لطرح فساد مدحت لانه لا يستحق كلمة استاذ او مولانا هذا السفاح يفترض محاسبته عندما عين مستشار بالطيران المدني لي تعاونه مع مدير الاداره الماليه مدير إدارة شؤون الافراد بداية عمله قام بتعيين اخته بعد ان تم فصلها لاسباب ماديه بالدرجه الثامنه في اقل كم سنه وصلت الدرجه التالته كل ذلك بي تعاونها المستمر علي الفساد وقامت بتشييد منزل علي القطعه التي أعطاها الاخ مدحت منزل 3 طوابق و ما زالت في وظيفة مدير إدارة التعويضات بالطيران تصرف شهريا هي واعوانها ملايين الجنيهات غير المرتب مع متعاونيها من مدير إدارة موارد بشريه وشؤون افراد وشؤون ماليه ومراجعه داخليه والخزنه الجميع يكتبون بكشف الصرف دي اسره موبوءه واله علي ما اقول شهيد وحسبي الله ونعم الوكيل والشكيه لغير الله مزله الرسالة



#290850 [ايهاب]
0.00/5 (0 صوت)

02-08-2012 11:30 AM
هو بلاى فى وزير دولة بوزراة العدل ده نهائى ماسمعنا بيهو .... طيب هو خائف من ايه مفروض يتحرك .. الفرصه جاتو لحدى عندو عشان يثبت انو وزير .. قرار رقم واحد لسنه 2011 اقاف مدحت عن العدل وهشام عثمان الذى لم تستر على زميله وايقاف الوكيل لانو احتمال كبير يكون اداهو القطعة بتاعة الارض لما كان مدير اراضى ..ولو لو لقى طريقة يخش واسطه خير للشعب السودانى ويطالب الرئيس باقاله دوسه ...


#290585 [محمد]
0.00/5 (0 صوت)

02-07-2012 11:30 PM
اين وزير الدولة بوزارة العدل وماهى مهامه على الاقل يحلل راتبه بى قرار قرارين ..
وزير الدولة هو الوحيد الذى يسطيع ان يحسم هذا الموضوع لان الكل يخاف ان ينكشف ورقة اذا ادين مدحت فكلهم شركاء . الوزير هو من سجل شركات مدحت والوكيل لديه ابن شريك لمدحت واكبر حرامى هو هشام عثمان رئيس نيابة المال العام .....



#290398 [مغترب مقهوووور]
0.00/5 (0 صوت)

02-07-2012 05:24 PM
الاستاذ ضياء واصل وسيعينك الله انت من تملك الكلمة اكثر من بكشف الفساد ولا خير فينا ان لم نقلها


#290394 [عوض محمد احمد الحسين]
0.00/5 (0 صوت)

02-07-2012 05:18 PM
يامولانا دوسه الحراميه ديل دايرين ليهم دوسه بى قطر لكن يبدو انك ما قادر عليهم واحد فى وزارتك وقضاياه امام المحاكم ومازال يعمل لجنة شنو البتكوينوها ليه ده مفروض يعدم جهارا ومن معه ومن يدعمه لكن الظاهر ان المدحت حايجيب مداحين كتار وراه عشان كونت لجنه واللجنه تكون لجان وياكافورى الحقنى انشاءالله فى المجاهدين


#290176 [احمد]
0.00/5 (0 صوت)

02-07-2012 01:03 PM
كم نقطة تعجب تريد والله امرك عجيب في زمن العجائب الراجل شائف شغلوا عايز توقفو ليه حساده منك ما ياكل كما اكل الناس التانين . الرئيس بقول كل المسروق خمسة ملايين . وطلع ورقته وقراها علي الملا .
اتعجب يا سلام في زمن كل عجب .


#290046 [zahi]
0.00/5 (0 صوت)

02-07-2012 11:34 AM
( سعادة رئيس الجمهورية:
وقناعتي في هذه القضية أن محاربة الفساد يجب أن تبدأ من وزارة العدل، فقد قلتها مراراً وتكراراً لا كبير على المحاسبة.
وإذا كان في الجسد مضغة إذا صلحت صلح سائر الجسد، فإن في الدولة مضغة إذا صلحت صلح كل عمل الدولة واستقام على جادة الخير وهذه المضغة هي الأجهزة العدلية! ) ................ وبرضو يا الضو تقول لا يجب ان يستخدم محاربة الفساد كذراع لاسقاط الحكومه ؟؟؟؟؟؟؟؟؟؟ اذا كانت الحكومه من كبارا غرقانه فيهو نعمل شنو يا الفالح بما فيهم ( سعادتو ) ؟؟؟؟؟؟؟؟؟؟؟؟ بلا يخمك ... والله انك متواطئ ...............


#290044 [ود المحس]
0.00/5 (0 صوت)

02-07-2012 11:34 AM
صدقت استاذنا ضياء فيما قلته ، الشخص دا مدعوم من كبيرهم الذي علمهم السحر واكيد هو كما شايل اوراق للناس الكبار عشان كدا القضية ما جيبة همو .
اذا تريد ان تموت قضية شكل لها لجان ، فما دونك احداث شهداء بورتسودان وكجبار والعيلفون والمناصير ودارفور وقضايا اخري .


#289952 [بت الخرطوم]
0.00/5 (0 صوت)

02-07-2012 10:13 AM
رحمه الله القضاء وانا لله وانا اليه راجعون وحسبنا الله ونعم الوكيل


#289887 [الموجوع]
0.00/5 (0 صوت)

02-07-2012 08:53 AM
صدقت يا استاذ ضيا اذا اردنا فعلا وقولا محاربة الفساد فالنبداء بالأجهزة العدلية
اذا صلحت وعادت لجادة الصواب كعهدها الزاخر كنست الفساد عن كل مفاصل الدوله والأ فالرماد كال حماد


#289885 [صحراوي]
0.00/5 (0 صوت)

02-07-2012 08:49 AM
الأسماء دي غريبة شوية : مدحت وفريد وشوكت وطلعت وميرفت شوف يا مدحت ضياء قال ليك أمشى اشتكيهو بإشانة السمعة ولكن لأنك خابز المحاكم وعاجنها بحكم عملك في وزارة العدل وحكاية الشكوى دي حتأخد ليها عمر طويل ،، أقترح تشيل ليك بسطونة وتمشى مقر صحيفة السوداني وتدي ضياء ده بسطونتين ثلاثة لغاية ما يتكتب إعتذار في الصفحة الأولى يقول (كنت بهظر معاه) ;( ;( وكان بقيت مدحت بالجد وما بتقدر على البسطونة .. أجر ليك جماعة زي ما عملت زوجة المرحوم نهار (الف رحمة ونور عليه);( ;( ;( ;( ;(


#289849 [sakwaha]
0.00/5 (0 صوت)

02-07-2012 06:41 AM
الضو \" الما بقولولو سو \"
ياخي قلنا لك الشئ بحراً غريق و ناسك ديل كلهم عايمين في البحر ده إذا كان دوسة ذات نفسه لاندكروزراتو كانت شايلة مليارات من العملة و لمن إتقبضت خارجوها زي ما حصل شئ ...... أهاااااا القاضي ذات نفسو عايم مع الناس الحرامية في البحر .... و القاضي يجي يقول للحرامي يا حراااااامي .... يقوم الحرامي يقول للقاضي إهييييييي ما دافننو سوا .... بعد داك القاضي تاني ما بقدر يقول للحرامي ( بغم حلوم )
أهااااا شايف إذا كان الصير الصغار ناس فريد و مدحت ما قادرين عليهم أسماك
القرش ( بتاعة الأنهار خليك من بتاعة البحار ) البقدر عليها منو ؟؟؟؟


#289830 [مواطن حر]
0.00/5 (0 صوت)

02-07-2012 03:06 AM
لا اعتقد ان الدولة جادة في محاربة الفساد والذي استشري حتي هدد الدولة بالانهيار ولا نراه بعيدا
حسبى الله ونعم الوكيل واللهم لا تترك على الأرض من الظالمين ديارا


#289796 [واحد]
0.00/5 (0 صوت)

02-07-2012 01:42 AM
الفاسدون --البشير واهله مشروع التوريث وقرابين الفساد
يسعي البشير ورهطه لجعل حكم السودان =مملكة ال بشير = وذلك عبر توريث الحكم لاخ البشير عبدالله = وللوصول لهذه الغايه طرد القوش وحجم علي عثمان وذلك بنزع قوته الاقتصاديه وكشف الفساد في المؤسسه الامنيه الاقتصاديه وسحب سلطاته مستعينين بالاله الاعلاميه واذرعها متمثله في ضياء بلال وعثمان ميرغني والاستعانه بفتي التلفزيون الذهبي الطاهر التوم والمقابله ==الكارثه =مع البشير
السودان يقوده الان شخص مختل عقليأ وككل المجانين هو دموي ,قاتل لا يتورع عن اي فعل مهما كان قبحه ومنافته للخلق القويم .


#289792 [عمر الفنان]
0.00/5 (0 صوت)

02-07-2012 01:13 AM
المديدة حرقتني .....الهندي عزالدين عليك بضياء وبعد ما تنتهي منو ..........بشوف واحد تاني علشان ينتهي منك ...............اخص عليكم .......تربية الكيزان ......


#289775 [TOM TOM]
0.00/5 (0 صوت)

02-07-2012 12:20 AM
موضوع مدحت مات وشبع موت, قبل فترة كان فى اجتماع مع الوزير فى موضوع الترقيات بصدقو مدحت شال المكرفون واتكلم عن الترقيات بكل قوة عين ,
مدحت منظم فى الحركة الاسلامية من زمن الفرع, وصاحبو الشخصى اكبر راس فى النائب العام المستشار...... قريب البشير, وديل ما سألين في دوسة ذاتو.

ودوسة مشغول جداً بإصدار القرارات لحماية أوراق الشركات من التسرب خارج نطاق مكاتب المسجل التجاري، ولا يسمح حتى للمحامين والنيابات والمحاكم بالاطلاع , لانو دوسة ماعاوز زول يعرف إستثماراتو الشخصية لكن ممكن تسأل ناس جياد بوروك البزنيس بتاعو.
بعدين مدحت براهو اى مستشار منظم عندو بزنيس, الخطوة الاولى بتبدأ بالنقل لمحل فيهو فايدة(سمين) بعد داك اللهط ببدا.

المستشار ..... نقلو المحافظة سجل ليهو كم دكان باسمو , لكن داير ليهو نقاطة سريعة , سجل الادبخانات بتاعة السوق باسمو بدخل ليهو حوالى 15 مليون بالقديم فى الشهر.
مدحت دة ماسك قرون البقرة بس شوفو القاعد ين يحلبو منو ????????????.


#289754 [kamal]
0.00/5 (0 صوت)

02-06-2012 11:24 PM
عايز نصيحتى ياضياء ابدأ الفساد اولا بنفسك ومن الذى اوصلك لنا وبقيت صحفى وقال ايه عين ثالثة لمن تحاكم المسؤول واللى رماك علينا بتكونوا فعلا صادقين اولا امام الله وبعداك امامنا قال المستشار مدحت كلكم سبتو الفساد من رئسكم وعائلته مرورا بجازكم ومتعافيكم وجمال واليكم وقطبى مهديكم وايييييييييييييييييك يامن كم حرامى ومسكتوا فى قضية لارايحة لاجاية غايتو ربنا يحضرنا نهايتكم


#289740 [ابو صلاح]
0.00/5 (0 صوت)

02-06-2012 10:48 PM
بلا مدحت ---بلا طلعت شد حيلك يا استاذ يكفيك فخرا انك لم تسكت عن تجاوزات هؤلاء اللصوص --و سعادتو بقول نحارب الفساد كيف ---اما مولانا دوسة فامل هذه الامة لاحقاق الحق و ارجاع المال المنهوب


#289727 [الحقيقة]
0.00/5 (0 صوت)

02-06-2012 10:32 PM
من كان منكم بغير خطئة فليرمها بحجر


ردود على الحقيقة
Qatar [الحالم] 02-07-2012 06:09 PM
هذي هي دولة الحزب الواحد اذا كان رب البيت للدف ضاربا فما شيمة اهل البيت الا الرقص و اللعب كما قال احد التجار اذا كان الحكومة عايزة تحاب الاحتكار و الفساد تسجن نصف الشعب السوداني الفساد بقى ثقافة في المجتمع السوداني لانة المفسدين بقى لهم رواج بل ويطبلون لهم


ضياء الدين بلال
ضياء الدين بلال

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة