كرة الثلج.. تتدحرج..!ا
02-12-2012 03:59 PM

حديث المدينة

كرة الثلج.. تتدحرج..!!

عثمان ميرغني

لا تزال القضية الداوية تتدحرج .. أمس أصدر السيد رئيس الجمهورية المشير عمر البشير قراراً قوياً قطع به كل الطرق المؤدية إلى روما للتساهل في أموال الشعب السوداني.. أطاح بمجلس إدارة شركة السودان للأقطان.. وما أدراك ما مجلس الإدارة الذي يترأسه السيد عباس الترابي (راجعوا وثائق \"التيارليكس\" وفتشوا عن اسمه في شركات محيي الدين).. مجلس الإدارة مصمم هندسياً ليمرر أجندة إدارة الشركة.. رئيسه عباس الترابي أحد أهم الحلقات المرتبة بالمدير العام عابدين محمد علي ورفيقه محيي الدين.. وظل في موقعه لقرابة العشرين عاماً,. مهمته الأصيلة. أن يحمي ظهر أبطال ملفات الفساد في الأقطان. مجلس الإدارة هذا.. من فرط عزمه على وقف تحريك القضية واستعادة التحكم في ملف شركة الأقطان.. استجاب لترشيح وزير الزرعة د. عبد الحليم المتعافي وكلف الأستاذ أحمد آدم سالم بمهام المدير العام.. وكتبت في ذلك يوم الخميس الماضي في عمود (حديث المدينة) وقلت: إن تعيين المتعافي لصديقه في هذا المنصب في هذا التوقيت لا يعني أكثر من تأكيد العزم على إطفاء قضية الأقطان بأقل الخسائر.. وقف المحاسبة الشاملة التي تجري في ملف شركة الأقطان .. وهاهو الآن قرار السيد رئيس الجمهورية يضع النقاط فوق الحروف ويبطل قرار تكليف أحمد آدم سالم.. ويعين مديراً عاماً جديداً هو السيد عثمان سلمان.. بكل يقين قطع قرار الرئيس قول كل خطيب.. وأثبت أن عزم الرئيس البشير على فتح هذا الملف على مصراعيه. لم يكن استهلاكاً سياسياً بل تصميماً على دحر وتفكيك أحد أكبر أركان الفساد في البلاد. الشركة الأكبر التي تتولى أضخم عمليات الإسناد للزراعة في السودان.. بأفسد ما تيسر..!! بالله عليكم. هل أدركتم الآن لماذا كانت الزراعة دائماً في السودان خسارة في خسارة لا يربح منها السودان إلا جيوش المزراعين الذين يدخلون السجون كل عام.. غير الآلاف الذين تقتلهم الحسرة.. هل عرفتم الآن لماذا انهار مشروع الجزيرة ونهبت ممتلكاته وفككت خطوط السكك الحديدية فيه وبيعت المخازن والمنشآت في الجزيرة وفي بورتسودان.. ولم يبق من المشروع إلا الأطلال وحسرة السيرة القديمة لمشروع كان السودان كله يعتمد على صادراته من الأقطان.. قرارات الرئيس تبعث الأمل في نفوس كل السودانيين أن الحرب على الفساد لم تعد مجرد شعار ينتظر بركات (آلية أبوقناية).. بل ربما يعني عملياً أن الآلية تجاوزها الفعل والعمل ولم يعد من فائدة لها. طالما أن القانون وألياته المتاحة العادية كافية تماماً لدحر الفساد ما توفرت له الإرادة السياسية والعزم.. وقبلها النية. مطلوب ضخ مزيد من التفاؤل.. نستطيع أن نبدل الصورة القاتمة عن فساد كاسح يجتاح الدولة لصورة وطن موفور العافية قادر وراغب في دحر الفساد .. أجلنا اليوم نشر بقية وثائق فساد شركة الأقطان لانشغالنا بمتابعة التطورات المثيرة فيه.. ونواصل من يوم غد.. في (التيار ليكس) نشر بقية الوثائق..

التيار


تعليقات 46 | إهداء 0 | زيارات 7132

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#294986 [عادا احمد حسن ]
0.00/5 (0 صوت)

02-14-2012 11:16 AM

بعد الذي كتب أقول لشعبنا العظيم لقد طال الليل البهيم ( دعهم في طغيانهم يعمهون )ولكننا نثق ونعرف شعبنا الآبي لقد كان دوماً ومهما طال الظلم والغبن عليه وفي اللحظات الفارقة في حياة الوطن يكونون دوما علي الوعد والعهد الذي عرفوا به أسالوا يااهل الربيع العربي عن أول من فجر الثورات وتدفق كالسيل العرم في الساحات وانتزعوا الحريات وخلعوا الديكاتوريات وقدم الدروس لآن أهل السودان وببساطة شعب معلم ( إن في ذلك لذكري لمن كان له قلب أو القي السمع وهو شهيد ) أن الفجر آت آت آت .
قال الله تعالي في محكم تنزيله ( ولا تهنوا ولا تحزنوا وانتم الأعلون إن كنتم مؤمنين )


#294668 [اخو السمحات]
0.00/5 (0 صوت)

02-13-2012 08:14 PM
عثمان ميرغنى انت لسة قاعد تكتب يا اخى بعد الكتبوا ليك فى الراكوبة لو عندك دم تانى ما حتكتب سطر واحد يا راجل الشعب السودانى شعب ذكى جدا ومتعلم وما تنطلى علي الاعيبك وحيلك دى يا اخى اتقى الله قال باشمهندس على الشعب بيكرهك الى حد الموت لانكم نوعكم دا هو البطول عمر الدكتاتوريات


#294560 [عنقالي]
0.00/5 (0 صوت)

02-13-2012 05:12 PM
انت يا عثمان ميرغني ما بتعرف السرقة السرقوها اخوان الرئيس ؟ وما سمعت بذهب وداد الدستو في خزنة انجلترا ومعاها جمال الوالي وما سمعت انه جمال الوالي ده هو المشغل قروش الرئيس واسرته وما كنت عارف انه ما كان عنده تعريفة وبيتهم في فداسي كان بسيط ما بين يوم وليلة بقي عنده قروش النار ما تاكلها
وما سمعت عن ويكليكس الماخمج لمن قالت انه الرئيس ثروته 9 مليار دولار اكرر دولااااار (الخواجة ابو صلعة المسرح لي وراء)
شابكنا محي الدين وشركة الاقطان انت لو رااااجل ولو السودان فيه حرية صحافة اكتب في الكلام القلتو فوق .وقتها بس نعرف انه ما عندك مصلحة في الموضوع


#294426 [عادا احمد حسن ]
0.00/5 (0 صوت)

02-13-2012 02:50 PM
السيد عثمان ميرغني - الموقر
السلام عليكم ورحمة الله وبركاته وبعد
نأمل أن يتواصل كشف الفساد والفاسدين في بلادنا العزيزة فقد بلغت الجرأة والتجرؤ علي الشعب شاؤاً بعيداً فوزير الخارجية كرتي وفي مزاد فندق قصر الصداقة ( جمعة الجمعة ) يدفع عشرات الملايين من الدولارات الأمريكية لشراء الفندق في الوقت الذي تم فيه أعدام مجدي وجرجس لحيازتهم حفنة من الدولارات ويعين كرتي احدي زوجاته سفيرة في روما ويعلن ذلك علي الملأ والمتعافي يتبجح وفي وسائل الأعلام ويقول بأنه يمتلك المليارات وعمارات نافع وأملاكه ومزراعه وقصر ابنته نسيبة وزوجه مصعب أبن الزبير وقصة فضيحة ملآيين الجنيهات الآسترلينية في لندن عند أبن إبراهيم احمد عمر والتي نشرتها وسائل الأعلام العالمية ومن ضمنها جريدة الشرق الأوسط وفي صفحتها الأولي وعن قوش وما ادارك ما قوش والجاز والوالي ووداد والفلل الرئاسية ووووو ( وكثير لا تعلمونهم يعلمهم الله ) وحديث الرئيس عن ثروته الصغيرة المتواضعة والمتمثلة فقط في بيت كافوري وبيت الطائف والمزرعة وشقة النصر واقراره بالمحسوبية والواسطة في التوظيف . بالله عليكم أسالوا كيف يقيم أهل الأنقاذ مناسباتهم الأجتماعية يحدث كل ذلك وبعض من أهلنا يكابد من أجل لقمة فول بوش ويسكنون في الأعشاش في الأطراف ويفترش ابعض أبناء شعبنا الأرض لتلقي العلم في المدارس الحكومية . كيف يرضي من له همة وشرف وأخلاق ودين بذلك قال رسول الله صلي الله عليه وسلم ( الحياء شعبة من الأيمان فأن لم تستحي فافعل ما شئت ) .


#294301 [العابر]
0.00/5 (0 صوت)

02-13-2012 12:30 PM
السيد /عثمان سلمان مدير الجهاز الأستثماري للضمان الأجتماعي .


#294285 [مدحت عروة]
0.00/5 (0 صوت)

02-13-2012 12:11 PM
الفساد يا عثمان ميرغنى بدا بالانقلاب على الديمقراطية و فصل الناس للصالح العام و تقديم اهل الولاء على اهل الكفاءة و وضع القانون و المحاسبة و حرية الصحافة و المساءلة من قبل ممثليى الشعب عن اى عمل تم فى البلد و مثال لذلك سودانير و مشروع الجزيرة و حاجات تانية كتيرة وضعها جميعا فى التجميد و اصبح الكل يشتغل على كيفه بحجة التامين و التمكين فانفتح باب الفساد و وقف الفساد لا يحتاج لقرارات من رئيس الجمهورية بل يحتاج اولا لالغاء نظام الانقاذ و رجوع الحرية و الديمقراطية و دولة القانون و الدستور و فصل السلطات و حرية الصحافة !!! ما تنوروا الشعب السودانى بالكلام ده ولا انتو ذاتكم عايزين ليكم تنوير؟؟؟ يعنى خراب مشروع و سكك حديد الجزيرة و سودانير ياخى اقول ليك خراب السودان كله بدأ من الليلة ؟؟؟!!! ياخى الخراب بدأ من 30 يونيو 1989 !!!!!


#294258 [zahi]
0.00/5 (0 صوت)

02-13-2012 11:42 AM
( ( وأثبت أن عزم الرئيس البشير على فتح هذا الملف على مصراعيه. لم يكن استهلاكاً سياسياً بل تصميماً على دحر وتفكيك أحد أكبر أركان الفساد في البلاد. ) ) بل هو استهلاكا سياسيا يا هندسه من باب التضحيه بالبعض للتغطيه علي الاخر والا كيف تفسر الصمت المطبق علي كل هذا العفن لكل هذه المده الطويله ( 20 ) عاما ؟؟؟؟؟ وانت تعلم جيدا ان ما تكتبون عنه ما هو الا راس جبل الجليد .. بلاش غطغطه ودهنسه يا واطي يا متواطي .......................ز


#294128 [أبوقرض]
0.00/5 (0 صوت)

02-13-2012 10:11 AM
تساءل الإخوة المتداخلين عن دور المهندس عثمان ميرغني في كشف الفساد في هذا الظرف الزمني بالذات ، فالشريعة لها بالظاهر فالنقل هذا هو دور الصحافة كسلطة رابعة في كشف الخلل في دولاب السلطة والمطالبة في معالجته، بالأمس هاجم عثمان ميرغني الأستاذ أحمد آدم سالم المدير المكلف للشركة من المتعافي قبل ان يباشر الرجل مهامه بغض النظر عن انه مفسد أو غير ذلك، ونجده اليوم راضي تماما على تعيين الشيخ عثمان سلمان، فالنذكر السادة القراء بأن عثمان سلمان وما أدراك ما عثمان سلمان والمهندس عثمان ميرغني رفقا درب طوييييييييييييييييل يمتد منذ ان كانا في السعودية ولقد عملا سويا في شركة الظهران ومن ثم تم ترحيلهما للسودان قسرا عندما إندلعت حرب الخليج الأولى بما تسمى غزوة الكويت هذه قصة يعرفها عثمان ميرغني، يعني بالواضح عثمان سلمان أميرا لعثمان ميرغني في التنظيم، لهذا ،،، كيف يعلو الحاجب على العين أيها السادة ،،، تعيين عثمان سلمان يعني انه آخر الفصول في مسرحية صحيفة التيار ،،، والتتر قادمون


#294059 [ابشلوفة]
0.00/5 (0 صوت)

02-13-2012 08:57 AM
عندي سؤال لقراء ومتابعي الراكوبة
تفتكروا الناس ديل فضحوهم كدة لييه؟
في ناس اوضح فسادا واكبر مقاما في الحكومة والحركة الاسلامية ومافي زول بيتجرا ويقول عنهم حاجة وكبيرهم الجزار لما لمحوا ليهو عن تهمة الفساد قال \"انا ما زول كيشة انابعرف القانون كويس\" يعني فساد بالقانون
بالله ورونا رايكم شنو الجماعة ديل لييه تم التشهير بهم بهذه الصورة البشعة، انا بقيت اشك ان التشهير ده - من خلال الكوز عثمان ميرغني - وراهو مصلحة معينة ما قادر اعرفها

مارايكم دام فضلكم


#294053 [سائل يسأل]
0.00/5 (0 صوت)

02-13-2012 08:51 AM
لاحظتم طبعا ان عثمان ميرغني لم ينبش سيرة عثمان سلمان خلافا لما فعله مع سيرة الشخص الذي عينه المتعافي وكأنه يريدنا ان نهضم عثمان سلمان بجرعة واحدة ونقول الحمد لله خلافا لطريقته مع احمد ادم سالم الذي شرحه تشريحا واضاف اليه مقبلات من انتاج المتعافي.
ما علاقة عثمان سلمان بالبشير وبمنطقة البشير؟
نعم هذا هو المنهج الذي يشرح به عثمان ميرغني. فاذا كان احمد سالم صديق المتعافي فان عثمان هذا له صلة بالبشير ارجو بيانها . ولا اريد ان اذكر ما علمت قبلان يحدثنا عثمان ميرغني بذات اسلوبه.


#293946 [شمالي]
0.00/5 (0 صوت)

02-13-2012 02:43 AM
هسي يعني إنت جادي كدا بإنو رئيس الجمهورية ح يحلها ويوقف الفساد
أما إنك راجل فارغ صحيح يا عثمان ميرغني


#293918 [مدير مكتب فساد علي عثمان ابراهيم الخواض]
0.00/5 (0 صوت)

02-13-2012 12:56 AM
مدير مكتب فساد علي عثمان ابراهيم الخواض

يا باشمهندس لماذا لا تكتب عت فساد المدعو ابراهيم الخواض و الذي رائحة فساده تزكم الانوف و الذي صار من اثرياء البلد بعد ان كان لا يجد حق الفول في امتداد الدرجة الثالثة وشيد العمارات و المصانع و المزارع الرجل صار اذا ابنه اشتكي من الحمي يسفره الي المانيا للعلاج سبحان الله لكن ساعة الحساب ازفت وسيعلم الذبن ظلموا اي منقلب ينقلبون


#293917 [الشعب يريد اسقاط النظام]
0.00/5 (0 صوت)

02-13-2012 12:56 AM
عثمان مرغني جزء من المسرحية الملهاة البايخة النظام يعلم جيدا الفساد اكبر من ان يحارب لانه تغلل حتى راس النظام وانت يا ود مرغني اول من يعلم ذلك ولكنك تصمت عن قول الحقيقة وقد اشتروك بهذا الاسرار حتى يرسموا منك بطلا من ورق نتحداك ان تكون شفافا في كشف الفساد بدء من اقرابائك حتى الرئيس


#293915 [motaz]
0.00/5 (0 صوت)

02-13-2012 12:55 AM
اي قرار تتخذه هذه العصبة الاثمه وعلي راسها البشير ...من خلفه

اما جلب مصلحة لهم

واما التستر علي مفسدة

خلاف ذلك لا يقومون بفعل اي شئ..
thanks Ali this is the truth


#293904 [ناصر]
0.00/5 (0 صوت)

02-13-2012 12:11 AM
كبش الفداء الذي يريد السيد الرئيس ان يضحي به هو مدير هذه الشركة ولكن الوضع اكبر من شركة الاقطان السودانية واذا كانت هناك محاسبة شفافة يجب اولا محاسبة رئيس الجمهورية نظير تفريطه في ضياع جزء عزيز من البلاد فازمة البلاد اكبر من اختلاس اموال شركة ولكن تكمن المشكلة في ضياع الوطن ولكن يبدو ان كاتب المقال يريد ان يشغلنا بسفاسف الامور


ردود على ناصر
Libyan Arab Jamahiriya [بومدين] 02-13-2012 02:22 AM
تسـلم يا ناصـر .. وتسـلم نظرتك الثاقبه ، السـمكـه تفسـد مـن راسـا .. ياناصـر الـبلـد ضـاعـت ، والـغـبش المسـاكين ضـاعـوا .. يا ناصـر أغـلب أهـلنا المسـاكين بياكلوا وجـبه واحـده بائسـه لاتسـمـن ولاتـغـني مـن جـوع .. زي طـبالين السـلطان ديل يوم واحـد مـا شـافوا طلابنا فـي الجـامـعـات بياكـلوهـا بوش ويرجـعـوا بيوتم كـداري .. ياناصـر المجتمـع إنهـار وبيوت المـايقومـا بقـت فـي كـل مـكان .. والطـامـه الكبري المجـاعـة ضاربه البلد ، وبدل مـايعـلنوا عـنهـا ، عسـي أن يتصـدق عـلينا المحسـنين ، يغـتغـتوهـا ، وزي الطبال دا يقـول ليك إتفائل .. يـعـني مـوت بهـدوء وإنت مبتسـم .


#293885 [عدنان]
0.00/5 (0 صوت)

02-12-2012 11:08 PM
أمس حلمت انو ولدي الفي الروضة خش الاساس والثانوي والجامعة واتخرج ولقى وظيفة اشتغل كم سنة وبعدين عرس وجاب ولد وولده كبر واتعلم القراية وجاب لي جريدة وقال لي: جدو هاك أقرا الجريدة قلت له: أنا ما خليت قراية الجرايد.
قال لي: من متين يا جدو؟
قلت له: من زماااان لما يادوب بدت قضية شركة الأقطان!


#293883 [محمد احمد الباقى]
0.00/5 (0 صوت)

02-12-2012 11:07 PM
اين مكتب مشروع الجزيره بلندن ومانشستر وبيوت مشروع الجزيره بلندن ومانشستر,,,اين مخازن مشروع الجزيره ببورتسودان ومارنجان والحصاحيصا والباقير وبكل تفاتيش ورئاسة اقسام الغيط بالجزيره والمناقل ,,,اين قاطرات وعربات و1300 كلم من قضبان سكة حديد الجزيره اين واين واين؟؟؟؟؟؟؟؟؟؟


#293879 [عبدالواحد00 ]
0.00/5 (0 صوت)

02-12-2012 10:57 PM
يا عثمان رجاءا ارس بينا على بر ؟!! على عثمان ام الرئيس ؟ امبارح كنت بطبل لعلى عثمان الحصل شنو00 وغيرة رأيك؟ ويا عثمان بصراحه انا داير افتنك مع الرئيس واقول للرئيس إذا كان بيفهم حاجه: والله عثمان ميرغنى ده بتاع التيار امبارح كال حنس مديح لعلى عثمان لمان شفقنا عليك والظاهر على عثمان لاحظ ده وقال ليه بالحرف (انا والرئيس 0000فى لباس واحد00وخليك عاقل وما تجيب لينا الهوى ) انتهى كلام على عثمان لعثمان ميرغنى00طبعا الرئيس بفهمو التقيل ما حيستوعب كلامى ده !! أصلوا على عثمان ده (راجل العبان)وبيلعب بالبيضه والحجر وفى اول ملف يمكن يكشحهم جميعا وبأتى بأخرين يحبونه ويحبهم !!الغايه00 وعلى عثمان فى مقالتو دى نسى وهو بيحول الموجه ان يقول الرئيس القائد والملهم والمفدى طويل العمر المشير عمر حسن احمد البشير رضى الله عنه وارضاه واكتفى بالاسم مجردا المشير عمر البشير و حتى ما قال عمر حسن احمد البشير وكأنو ما عندو جد ولا جد الابو 00جاتم داهيه اينما حلو لانهم كانو السبب فى إنتاج (عرة الرجال ده) الما بيفهم حتى كان فهموه 00 على كل حال نحن حالنا كحال جحا عندما طار سرواله وبقية القصه معروفه لديكم يا أحباب وربما تشاروكونى الرأى 00وعلى كل حال يا ابو عفان مشكلتك مشكله واخير تاخدها من سكات وتسحب نفسك لانك وضعت نفسك فى موقف باييييخ واخشى عليك ان لاتطول بلح الشام ولا عنب اليمن مهما تخيلت انك مسنود وديل يا عزيزى ببيعوا اى حاجه تقع قدامهم وتحقق ليهم منفعه00اها فهمت ولا نجيب ليك فهامه 00عامل نضارتك دى0


#293873 [قهور قهران]
0.00/5 (0 صوت)

02-12-2012 10:50 PM
والجماعة الدمروا مشروع الجزيرة ساكتين ليهم لمتين لعشرين سنه اخرى


#293864 [hijazee abdel]
0.00/5 (0 صوت)

02-12-2012 10:35 PM
انت يا باشمهندس عثمان- آسف- عبيط والا بتستعبط. انت يعني داير تقنعنا ان الرئيس جادي. طيب كيف تجي دى وهو يعين عثمان سليمان مديرا للاقطان والله ده استفزاز ما بعدة استفزاز وبالذات ليك انت ذاتك والا ماك واعي. وبعدين وين اخوانه وحرمه المصون ان كان فعلا جادي. يا باشمهندس نحن فعلا كنا بنحترم كتابتك ما تخلينا نغير راينا فيك


#293817 [عزيزه]
0.00/5 (0 صوت)

02-12-2012 08:56 PM
لقد كشفت لنا مشكورا جزءا يســيرا من الفساد المالي، فهـل كشفت لـنا مشكورا عن الفساد الاخلاقي والانحلال الاجتماعي والجهوية والقبلية التي تجزرت وتشعبت في عهد هؤلاء الفاسدين ، ربنا ينتقم منهم


#293815 [amal altum ]
0.00/5 (0 صوت)

02-12-2012 08:55 PM
عثمان في واحدة إسمها مزاهر نجم الدين كتبت قبل أيام هنا في الراكوبة وقالت ليك لا تستعير الأسماء بدون مضمون هل شفتو؟ عليك الله يا عثمان خليك من محاولات إقناع الناس بعدم فساد القوم. ماذا تريد أن تقول يا عثمان؟ اتس tooooooooooooooooooo ليت متأخر خالص .. يعني بالعربي الفصيح كده عايزين تقولو لينا قتلنا 400,000 ألف روح في درافور وبقية السودان يا جماعة معليش سامحونا؟؟؟؟؟؟؟؟؟؟؟؟؟؟؟؟؟؟؟؟؟؟؟ شوف ليك موضوع عليك الله .


#293794 [محمد أحمد الناجي]
0.00/5 (0 صوت)

02-12-2012 08:32 PM
لو علم القراء من هو عثمان سلمان هذا لأصابهم الضيم الشديد من عمايل هذا الرئيس الراقص.. عثمان سلمان أيها الأعزاء من ألمع نجوم الفساد الإنقاذي الكريه، فنوادره تملأ دواوين و أحاديث شركة شيكان للتأمين و الصندوق القومي للتأمينات الاجتماعية و غيرها و غيرها.. و لا أعتقد أن الأخ/ عثمان ميرغني يجهل ذلك ، فهو من النجوم اللامعة في ميدان الفساد و الكل يعرفه


#293793 [wahied]
0.00/5 (0 صوت)

02-12-2012 08:32 PM
قال الباشمهندس ( وقطع الرئيس كل الطرق المؤدية الى روما للتساهل فى اموال الشعب !!؟؟ ) ما ذكرته يا هندسة هذا يساوى قطرة فى محيط هل اصابت الرئيس صحوة العدل والمساواة بين الناس بعد 22 عاما واكثر !!!!؟؟ عثمان انك بصراحة بقيت زى الحرباء كل يوم لك لون جديد حسب البيئة كلامك يطمن من لا خلفية له على اخلاق الكيزان واعمالهم أولا كيف ينهى البشير عن الفساد وهو غارق فيه وعائلته حتى اذنيه ؟؟ ثانيا لا زلنا فى عهد التستر والتمكين الا تعلم ان سياسة التمكين هى التى فتحت ابواب الفساد على مصارعها للكيزان وشمروا ثيابهم وكبروا وهللوا وبسملوا وقال هاك يا لهط ولغف فلى اموال المواطنين لا يخافون الخالق ولا المخلوق فقد دانت لهم كل السلطات . ثالثا خلوها مستورة دى خلت الجماعة كل حرامى يتستر للاخر واما محى الدين الذى ذكرته هذا وصاحبه عبارة عن كبشيى فداء وتمويه لحاج احمد الغلبان . كيف يا عثمان يستقيم الظل والعود اعوج ؟؟؟؟؟ كفاية يا كيزان ضحك على الدقون وكفاية نفاق سياسى ودينى واخلاقـــــــــــــــى . خسئتم خسئتم خسئتــــــــم .


#293781 [ودامدرمان]
0.00/5 (0 صوت)

02-12-2012 08:13 PM

وبي مناسبة ((( كل الطرق المؤدية إلى روما )))
ارجو ان ترد علي الاستاذ الفاتح جبرا
في سؤاله اليومي اخبار الخط شنو ؟؟



تخريمة:
الزول دا شايت علي وين؟؟؟


#293775 [واحد]
0.00/5 (0 صوت)

02-12-2012 08:07 PM
عثمان !!!!!!!!!11!!!!
خاف الله
مخطط التوريث ماشي تمام التمام والاستعداد لليله السكاكين الطويله علي قدم وساق
المواجهه بين عصابة البشير وعصابة علي عثمان وصلت ما بعد شحذ السكاكين وبدأ الذبح وانتهي عض الاصابع
الشريف ود بدر محسوب علي جماعة علي عثمان = صديقه من ايام الدراسه = ذبح مع عابدين ولم يشهر به مراعاة لشيوخ ام ضوبان ومريديهم وجميع موارد وشركات جهاز الامن التابع لصلاح قوش الشايقي =ما مشلخ لي وراء=تحت المراقبه (حتي يافطة الاعلان)
عوض الجاز همش منذ خلافه مع وداد بسبب شيك لشركة سند الخيريه وهو حق شايقيه
الجعلي الفالصو = ابو العفين = لسه ما فاق من صدمه الاتفاق و ما في كبير الا آل البشير


#293770 [حلمي شيخ ادريس]
0.00/5 (0 صوت)

02-12-2012 08:02 PM
000 وأثبت أن عزم الرئيس البشير على فتح هذا الملف على مصراعيه. لم يكن استهلاكاً سياسياً بل تصميماً على دحر وتفكيك أحد أكبر أركان الفساد في البلاد. 0000

يا عثمان ميرغني وسعادة الرئيس بتاعك دا كمان لازم يتحاكم معاهم لانو سيادة الرئيس بعد ما الفاس وقع في الراس عايز يحاكم ويظبط الشغلانية وين كان نايم سيادة عشرون سنة , اول واحد هو يتحاكم وكل الشله لانو كلهم حرمية ولصوص وكلاب ... ربنا يلعنهم واحد ورى التاني وسخين حرمية ...


#293761 [ابوكوج]
0.00/5 (0 صوت)

02-12-2012 07:52 PM
عفارم عليك يا ريس حركت جندي ظل يطالب باتبداله بزميل اخر لانه لهط ما كان في الوعاء


#293759 [سلوى]
0.00/5 (0 صوت)

02-12-2012 07:49 PM
بعد ملف شركة الاقطان رجاء من الاخ عثمان التعريج على ملف مشروع الرهد الزراعي والذي انشئت لالتهامه شركة وهمية تسمى شركة كنانة للحلول المتكاملة . وهذه الشركة لا تحمل من كنانة المعروفة الا الاسم فقط وليس لها اي قدر من الامكانات وهي تعمل فقط كمقاول تسخر لها كل امكانات البنك الزراعي التي يمنع ربعها من الادارات الفعلية القائمة وعند فشلها يقوم البنك الزراعي ومن مال الشعب بتعويض بعض المزارعين . بقى ان نعرف ان هذه الشركة الوهمية قد مثلها في ادارة مشروع الرهد السيد(معاوية) احد اقرباء( المتعافي وعديله(زوجتيهما شقيقات). وهكذا يحطم المشروع وتستبدل ادارته بالمحسوبين الذين يعملون كمقاولين وتسخر لهم اموال الدولة ويخسرون ويعوضون من مال الدولة ... سبحان الله !


#293752 [Sudani Hqani]
0.00/5 (0 صوت)

02-12-2012 07:39 PM





غير معقول يا سيادة الرئيس - يعنى لعبة الشطرنج دى لمتين !!!

معقول البلد بقى ما فيه سودانى نظيف سيرة و سريرة ؟؟؟؟؟؟؟؟؟؟

نشك فى ان ( الطبق ) لم يرفع بعد ؟؟؟؟؟؟؟؟؟


#293740 [جزراوي]
0.00/5 (0 صوت)

02-12-2012 07:17 PM
والله العظيم والله العظيم والله العظيم سمعت المدعو احمد البدوي مدير شركة \"متكوت\" الذي تم القبض عليه يقول عندما كان خلال التسعينيات برفقة عدد من الوزراء الولائيين في جولة على أسر الشهداء بولاية سنار عندما حل الليل ولم يكتمل برنامج الزيارات وكنت معهم في نفس السيارة حيث قال لجماعته نكمل الجولة بكرة الصباح قال له أحد الوزراء بكرة عندنا جلسة مجلس الوزراء سأل الجلسة الساعة كم قالوا ليه الساعة عشرة صباحا فقال بالحرف الواحد;(كلها خمسة دقائق نلخم الجماعة الله أكبر الله أكبر ونرمي ليهم شوية مواد تموينية ونجي راجعين نلحق الاجتماع).


ردود على جزراوي
Sudan [ود الجزيره] 02-12-2012 11:17 PM
هههههههههههههههههههه والله ياجزراوى قويه منك. انت كنت تااااااكل وتسمع؟!! والله ديل الخموهم فى دقيقه واحده مش 5دقايق.


#293725 [رجب]
0.00/5 (0 صوت)

02-12-2012 06:47 PM
000 وأثبت أن عزم الرئيس البشير على فتح هذا الملف على مصراعيه. لم يكن استهلاكاً سياسياً بل تصميماً على دحر وتفكيك أحد أكبر أركان الفساد في البلاد. 0000

ابدا لا أكبر ولا حاجة دى قطرة مطر فى بحر بس يمكن بتاع الاقطان ده ماكان مفتح ما احتفظ ليهو بورقة ورقتين من بتاعين الفساد الاكبر

وملاجظه اخرى السادة فى الراكوبه هذا المتملق طوال الفترة السابقه يروج لجريدتو 0000 أجلنا اليوم نشر بقية وثائق فساد شركة الأقطان لانشغالنا بمتابعة التطورات المثيرة فيه.. ونواصل من يوم غد.. في (التيار ليكس) نشر بقية الوثائق.. 0000




#293704 [وحيد]
0.00/5 (0 صوت)

02-12-2012 05:59 PM
فقط يدهشنا ان سعادة الرقيص اقصد الرئيس لم ير و لم يسمع عن هذا الكم الهائل من الفساد العلني المدعوم بالسلطة و الذي يشمل جهات سيادية عدة و الذي استمر لعشرين عاما في شركة عامة تسيطر على اهم مورد اقتصادي في البلاد!
حقا ان تاتي متاخرا خير من ان لا تاتي ... لكن ان يكون قنبور الدولة اقصد راس الدولة اعمى و اصم و ابكم طوال هذه السنين عن هذا الفساد بكل اجهزته الامنية التي يصرف عليها ثلاثة ارباع الدخل القومي على حساب المرضى و الجوعى و على حساب التعليم و الخدمات الاساسية جدا و التي وفرتها الامم لشعوبها قبل قرون و ما زال الحديث عنها مجرد احلام عندنا !


#293680 [عبدالمنعم ]
0.00/5 (0 صوت)

02-12-2012 05:22 PM
ياعثمان ميرغني عندي سؤال هااااااااااااااااااااااااااااااااااااااااااااااااااااااااام جدا
عثمان سليمان دة منو ؟؟؟؟اوعى يكون بتاع الصندوق القومي للمعاشات

لو بقى ياهو الواضة في خشمك وخشمنا
كاننا ياعمرو لا رحنا ولا جينا واسأل عنو الكاردينال !!!!

واراضي الكنيسة والكاردينال الكنسي

والمليارات الظهرت في الجنوب واثيوبيا وووووو الخرطوم

بعد داك خلينا نشوف في امل ولا لأ

انت جادي ياعثمان ؟؟؟؟؟


تحياتي


#293678 [ممكون]
0.00/5 (0 صوت)

02-12-2012 05:20 PM
يا أخونا الزول دا حاسي بي شنو ؟؟؟


#293676 [صادميم]
0.00/5 (0 صوت)

02-12-2012 05:16 PM
على الشعب السوداني ان يجمع تبرعات من اجل تلقيح صناعي لحواء السودانية التي عقمت بان تاتي بشخص غير كوز ليتولى منصباً فى الدولة. وكعادة رئيس الجمهورية في تصريحاته التي تعد للاستهلاك المحلي عندما صرح بانتهاء فترة التمكين و فها هو قد عين عثمان سلمان مديراً لشركة الاقطان بعد ان كان مديراً للصندوق القومي للمعاشات و ستسمعون قريباً بتعيين عابدين محمد علي مديراً لادارة حكومية اخرى بعد انتهاء فترة استراحة المحارب


#293673 [alitaha]
0.00/5 (0 صوت)

02-12-2012 05:07 PM
اي قرار تتخذه هذه العصبة الاثمه وعلي راسها البشير ...من خلفه

اما جلب مصلحة لهم

واما التستر علي مفسدة

خلاف ذلك لا يقومون بفعل اي شئ..


#293668 [مصطفى ]
0.00/5 (0 صوت)

02-12-2012 05:02 PM
نتمنى ان تكون الحكومة اكثر جدية في محاربت الفساد ,وتفتح ملفالحج والعمرة ,وشركات الاتصالات ,والشرطة والجيش,وشركة بترونيد ,والهدف,والتأمينات,وغيرها من الفساد الؤسس,وتفعل القاعدة من ين لك هذا,ورجالات الانقاذ النظر لحياتهم قبل الانقاذ وبعد التمكين كما قال الريس,هي لله هي لله.ولالدنيا قد عملنا,;) ( )


#293664 [أبو أحمد]
0.00/5 (0 صوت)

02-12-2012 04:56 PM
يا عثمان شركة الأقطان ليست الوحيدة التي جلس على سدتها أشخاص لعشرات السنين وحسبوها ممالك لهم عاثوا فيها فساداً وإفساداً وأنشأؤا الشركات التي تتعامل معها بصورة حصرية هنالك العديد من المرافق الشبيهة فشركات تطهير الترع في الجزيرة كانت حكر على الشريف بدر وشركة توريد مستلزمات مصانع السكر مملوكة للمدير العام السابق لمؤسسة السكر وهو من البدريين الذين ظلوا في منصابهم لمدة طويلة جداً وحين بلغ من الكبر عتيا ووصل سن المعاش تم تعيينه مستشاراً للوزارة وهو يتقلد المنصب إلى يومنا هذا والشباب المتقد الذهن المتفتح عاطل يجوب الطرقات بالرقشات والأمجاد... أفتحوا ملف شركة السكر والمؤسسات والهيئات الشبيهة لتروا العجب ... الفساد ضارب أطنابه في كل ركن يا عثمان وما شركة الأقطان إلى بمثابة رأس جبل الجليد.


#293656 [انور السيد الامين]
0.00/5 (0 صوت)

02-12-2012 04:44 PM
وهناك ادارة مشروع الجزيرةورئيسها المستقيل ودبدر وممتلكات المزارعين المنهوبة نريد قرار رئاسى بشأنهابفتح جميع ملفات الفساد بها.
ويامحاربة الفساد او الرماد كال حماد فى كل البلاد


#293653 [ ابو عكـــــــــــــــــاز]
0.00/5 (0 صوت)

02-12-2012 04:42 PM
صحوة ضمير من البشير والراجل كان مغشوش ياربى ؟؟؟ نتمنى ذلك اقلب الطاوله ياريس
وبطل الغباء والهباله وحاتلقى الشعب سند ... انت راعى الرعية والتاريخ لن يرحمك


#293649 [محمد احمد السودانى]
0.00/5 (0 صوت)

02-12-2012 04:38 PM
ان لم تستحى فأكتب ماتشاء
!!!!!! بلا ياخدكم
الشاعر قال: اذاكان رب البيت بالدف ضارب...............................................

وانت بدون خجل عايزنا نقتنع بان زولك ضد الفساد وكان فى بيات شتوى 23سنة!ّ!!!!!!!!!!!! مصيبة الزمن هو امثال المطبلين

قيل لفرعون مين فرعنك.....................................................
امس فى ورقتك البتدعى انو عمود وصحافة قلت ان النائب كان فى بيات شتوى لمدة 23سنة واليوم الرئيس وغدا وبعد غدا وبعد بعدة حتعمل أية ياجدع!!!!!!!!!!!!!!!!!

لقد الان الأوان وليس هنالك وقت اضافى لكم مهما فبركت ياويكلكس

قال أية تيار لكس
دنيا مهازل


#293643 [القاضي]
0.00/5 (0 صوت)

02-12-2012 04:27 PM
أمس يا جماعة قلنا للزول ده ما تكسر التلج لعلي عثمان وسيبك من مسح الجوخ الفارغ ده .. كأنو نحن ما قلنا شيء الليلة عايز يثبت لينا كلامو كلو عن البشير ... يا عثمان ما عذيتنا يااااخ ... عايز تثبت شنو أنته على البشير ... والله إنت ما بتتعلم من ابواق السلطان حقين حسني مبارك أمثال عماد اديب وعمر أديب وووو المصريين البتحبهم


#293639 [عمر الفنان]
0.00/5 (0 صوت)

02-12-2012 04:19 PM
ياسلام يا عبقري زمانك....انت ماعندك غير اللف والدوران ؟؟ خلاص ياخي مشكور سعيكم ...انتهينا من الاقطان وعابدين.....اذا كنت راجل صحيح وشجاع اكتب عن فساد الريس وبطانته من زوجات..اخوان..اولاد العمومة.....حوش بانقا...صراصر ..وهلم جرا .....اكيد في هذه الحالة سوف يحترمك القراء المحترمين ......بغير ذلك......طظ فيك


#293636 [علياء]
0.00/5 (0 صوت)

02-12-2012 04:17 PM
مبروووووووووووووووك للتيار فليس هنالك اجمل من ان تعمل و تجد ثمرة عملك

سبق صحفي بكل المقاييس اتفقنا او اختلفنا مع عثمان ميرغني.

يقلقنا فقط هذا القادم الجديد وما ادراك ما القادم الجديد!!!!!!!!!!!!!!!!!!



#293632 [ابوعمر]
0.00/5 (0 صوت)

02-12-2012 04:13 PM
طالما سعادة الرئيس شال احمد ادم الجابو عبدالحليم وبعد يوم واحد ما يشيل عبد الحليم والله عبد الحليم لوبقي ملاك يمشي علي الارض في صورة بشر حقو يمشي الناس اضايقت من عبد الحليم ومشاكله وبعدين في اجماع علي كراهية هذا الرجل


ردود على ابوعمر
Saudi Arabia [أبو مصطفى] 02-13-2012 03:09 PM
عثمان سلمان جاء السودان بعد طرده من السعودية التي قضى بها 19 عاماً.
كان منزل عثمان سلمان مستأجراً بالخرطوم مستأجراً لأسماة بن لادن وربما يكون هذا السبب المباشر الذي بسببه تم ضرب مصنع الشفاء حيث أن عثمان سلمان عمل ميراً لمصنع الشفاء بعد عودته من السعودية. ولكن كيف اختار عثمان سلمان مؤسسة علوم الكمبيوتر التي يملكها شقيق عثمان ميرغني لتقوم بأعمال الكمبيوتر بمصنع الشفاء؟ عثمان ميرغني صديق لعثمان سلمان منذ وجودهما بالمملكة السعودية.
كيف قام عثمان سلمان بإنشاء مؤسسة استثمارية لصندوق التأمينات الاجتماعية؟


عثمان ميرغني
عثمان ميرغني

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة