مناظير زهير السراج جامعة التمرد والابتزاز..!! منذ أكثر من عام تماطل جامعة السودان للعلوم والتكنلوجيا (وبعض الجامعات الأخرى) فى اصدار الشهادات الجامعية لطلاب دارفور الذين أكملوا الدراسة وتخرجوا، وتعطل مصالحهم وتمنعهم من فرصة التقديم للوظائف العامة أو البحث عن وظائف خاصة أو السفر للعمل بالخارج أو التقديم للدراسات العليا، بل تحرمهم حتى من (إفادة التخرج) التى تسمح لهم باداء الخدمة الوطنية..!! وتتحجج الجامعة بعدم تسديد الطلاب للرسوم الدراسية، برغم انها تعلم جيدا ان الطلاب لا علاقة لهم بالرسوم التى التزمت الدولة بسدادها بعد صدور القرار الجمهوري (بعد اتفاق ابوجا) بإعفاء كل طلاب دارفور بالجامعات والمعاهد العليا من الرسوم الدراسية بسبب ظروف الحرب والنزوح. ولقد صدر توجيه رئاسي اكثر من مرة بالالتزام الصارم بتنفيذ القرار إلا ان جامعة السودان (وبعض الجامعات الأخرى) ظلت تتحدى القرار والتوجيه الرئاسيين بجرأة تحسد عليها وترفض باصرار شديد عدم اصدار الشهادات إلا بعد ان تسدد الدولة الرسوم او يدفع الطالب رسومه كاملة (عن كل سنوات الدراسة)، وفى آخر مرة قالت لهم الادارة أو من ينوب عنهم (ما لم يأت الشيك فلا تعشموا فى شهادات ولو بعد مائة سنة).. تخيلوا الى اية درجة صارت بعض المؤسسات تعارض وتماطل فى تنفيذ القرارات السيادية، بل وتتحداها بأعلى الأصوات..!! الغريب ان جامعة السودان كانت هى اول من بادرت ــ عندما ظهرت هذه المشكلة بوضوح وصارت حديث الصحف فى نهاية عام 2007 وبداية عام 2008، وكان لها تأثير سلبي واضح جدا على علاقة السلطة الانتقالية لدارفور بمواطنيها الذين وصفوها بالضعف ووجهوا لها انتقادات حادة، واتهموها بالتقاعس تجاه قضايا الطلاب مما اثر على علاقتها بالسلطة المركزية باعتبارها المسؤولة عن تسديد الرسوم ــ بادرت بعقد ورشة عمل بالاشتراك مع السلطة الانتقالية حضرها رئيس السلطة الأخ (مني أركو مناوي) بنفسه لبحث سبل حل المشكلة، وتوصلت لتوصية بأن تحل المشكلة بدون التأثير على مصالح الطلاب.. ولكن هاهي جامعة السودان تقف على رأس الجامعات التي تضر بمصالح الطلاب واسرهم وتسهم في تعقيد مشكلة دارفور التى هي اصلا معقدة وليست في حاجة الى مزيد من التعقيد..!! بالله عليكم ماذا نقول عن هذا الابتزاز الذي تمارسه جامعة السودان بالامتناع عن استخراج شهادات الطلاب الى ان تقوم الحكومة بسداد الرسوم.. أليس هو مثل أي ابتزاز آخر يمارسه عتاة المجرمين ويعاقب عليه القانون بأقسى العقوبات..؟! ثم أليست جامعة السودان.. جامعة حكومية تأخذ تعليماتها من وزارة التعليم العالي والحكومة السودانية، أم انها تتبع لدولة اخرى حتى تجد كل هذه الجرأة في تحدي القرارات السيادية؟!* ثم إذا كانت الدولة عاجزة عن حل مشكلة رسوم طلاب دارفور، فكيف ستحل مشكلة دارفور نفسها؟!. السوداني

Tweet

• أدوات :
• [إرسال لصديق]
• [طباعة]
• [حفظ بإسم]
• [حفظ PDF]

اصبح التعليم فى السودان فى خبر كان عند تدخل السياسة فى قضايا القبول وتخصيص مقاعد هؤلاء دبابين وهؤلاء دارفور وهؤلاء الجنوب وما خفى اعظم هذه الاشياء قتخت ابواب التسيب وضياع الرسالة التعليمية وكانت من قبل المعايير واضحة ويتساوى فيها كل الناس اما اتخاذ القرار فلا مرجعية له فى بلدى ياحبوب ابو جلابية ومركوب من كل من هب ودب ورئيس فى الطراوة

يا دكتور زهير عينك فى الفيل وتطعن فى ضلو .................. جامعة السودان ذنبها شنو وبعدين الجامعة عليها التزامات لو ما أوفت بيها حا تقفل ودا شى معروف ...........وبعدين يالحلفاوى الراجل بمسكوهو من ... ما من لسانو صحح معلوماتك

الاخ ياسر - الملز
اريد ان اعقب علي كلامك
في البدء اعتقد مع احترامي لشخصك اعتقد انك لم تفهم ما اريد ان اوصله الي الجميع

بالنص من تعليقي
(( اسرائيل تضرب غزة السودانيقوم ويقعد والمساير المليونية تتحرك ونشجب وندين والعاصمة تتملي بالشعارات والكلام الفاضي وبعداك التبراعات لي هنية وغيرو
والادهي والامر يتبرعو بالملايين لي لاعبي فريق الاهلي المصري وعربات عشان ناس لاهم مناا ولابيشبهونا اتلصقنا فيهم بالرجالة وشلنليهم هموم وخلينا همومن)))

وبالنص من تعليقك
((((وانت يا (إنسان)
ألا تعرف أن مصر أقرب دولة لنا
ومن منا لم يدرس أخوه أو هو نفسه في مصر
وعلى فكرة مصر أفضل منا في مجالات كثيرة
رضيت أم أبيت .. وهات العملوه المصريين في بلدهم
وقارنهم باللي عملناه نحن في بلدنا ..مع الأسف صفر على الشمال ..
وخلي عنك الحسد والحقد ..))))))))))))))))

اولا : قصة الحسد والحقد لم اتطرق لها في تعليقي ولو بالمعني البعيد

ثانيا: مصر دولة افضل مننا كتير ولاانكر طيب يا عزيزي القروش والعربات الادوها للمصريين ناس الاهلي ديل ما كان اخير واولي يدفعو بيها الرسوم بتاعت اولاد دارفور الهم في بلدنا واهلنا او يعملوا بيها مركز صحي في قرية صغيرة او يبنو بيها
مدرسة ولا فصل او يدعمو بيها النازحين في المعسكرات ويوفرو ليهم ولو وجبة واحدة لمدة اسبوع

ثالثا : مصر اقرب دولة لنا ماقلنا لا لكن في رايك كدا دارفور دولة بعيدة سبحان الله دارفور اقليم من اقاليم بلدك ذاتو يعني جوه بلدنا يعنني جزء مننا وبرضو تقول لي مصر اقرب دولة لينا

رابعا : انا اتفق معك انو نحنا صفر علي الشمال او ازفت عارف لي لانو نحنا بندعم ونوزع في الهبات والقروش للاغراب نحنا جوة بيتنا وفي قلب البيت عينا مارقة
ارجو منك ايها الاخ ياسر انترد علي
وماتكون من البيكتبو وما جيبو خبر تاني

ولك التحية

انت يا المسمي نفسك (بلاكبيري)
ألم تسمع بمثلث حمدي ؟
يعني دارفور خارج الحسابات ..
وانت يا (إنسان)
ألا تعرف أن مصر أقرب دولة لنا
ومن منا لم يدرس أخوه أو هو نفسه في مصر
وعلى فكرة مصر أفضل منا في مجالات كثيرة
رضيت أم أبيت .. وهات العملوه المصريين في بلدهم
وقارنهم باللي عملناه نحن في بلدنا ..مع الأسف صفر على الشمال ..
وخلي عنك الحسد والحقد ..

حقيقة هذه الجامعات التي تعامل طلاب دارفور تعامل لايليق حتي بالانسانية بعد القرار طبق هذا القرار في نفس العام وبعده تنصلت منه الجامعات بالمركز بعد المضايقات التي مورست علي الجامعات تم اعفاء القبول العام وقبول الانتساب والدبلوم يعاملو بانهم قبول خاص وعلي طلاب القبول العام حين التخرج ان لم تسدد الدولة ان يسددو هم علي نفقتم اذا ارادو استلام الشهادات بعد التخرج علي كل حال انا واحد من اولاك الذين تضررو من هذا العمل والي الان لم اكمل العام النهائي بسبب هذا الفعل وعلي غير هذا التعامل نجد في الطرف الاخر تعامل والله لايليق الي ان تكون هذها الجامعات موجودة علي الساحة هناك سياسة اخري اقصي من هذا الابتزاز فيتم ترسيب طلاب دارفور فاذا طالبت باعادة تصيحيح المادة التي وجدت نفسك راسب وانت مندهش لهذا الامر فتواجه باجراءات تعجيزية منها يطلب منك ان تدفع رسوم اعادة تصحيح للمادة الواحدة 100 جنيه وانت لا تملك هذا الرقم ولا تستطيع ان توفر قوت يوم غدا كي تذهب الي الجامعة علي كل حال الله اولي بطلاب دارفور الي حين ينبلج الفجر ان فجرالله موعود

هذا يثبت بما لا يدع مجا لا للشك ان الرئس عمر البشير هو رئيس اسمي فقط والبلد يديرها مجموعة من المتعصبين الذين خربو علقتنا بدول الجوار وبشعب جنوب السودان وكان البلد اصبحت قطاع خاص بيهم فقط - يعني رئيس ديكور - البشير محبوب من معظم شعب السودان حتي في الجنوب لكن ديوك العدة اللي معاه ح يودونا في ستين داهية وغدا لناظرة قريب

طيب يا جماعة بس سؤال بسيط
لو أهل دارفور طالبوا بالإنفصال أليس لديهم حق؟؟؟؟

ضحكت كثيراً من يومين على تقرير مصورفى قناة العربية فيه البشير بيقول \"نحن أصحاب عهود ومواثيق , والراجل بيمسكوه من لسانو\" والعجيب أنه كل قراراته بالّيها وشارب مويتا.

جامعة السودان معروفة بانها تابعة للكيزان والقرار لاعفاء ابناء دارفور من الرسوم برضو قرار من الكيزان
ياخوانا الشغلة دي مطبوخة عبارة عن بنج موضعي حتي لا تتفاقم عليهم المشاكل من كل الجهات في ان واحد يعني نظام تصبيرة
و لمن الفاس يقع في الراس كلو واحد يرمي المشكلة في التاني المسئوليين يقولوا نحنا عفيناهم من الرسوم وادارة الجامعة تقول مااستلمنا قروش
والضايع الوحيد طلاب دارفور الغرة والمسئوليين ماهاميهم
الالاف يموتو في دارفور المسئوليين ماهماهم يعني عشان حبة طلاب ابو يدوهم شهاداتهم حا يهمهم
والله الشعب السوداني بقي زي الغنم يسوقوهو محل ما دايريين ويودهو محل ما دايرين
والدليل علي كدا
اسرائيل تضرب غزة السودانيقوم ويقعد والمساير المليونية تتحرك ونشجب وندين والعاصمة تتملي بالشعارات والكلام الفاضي وبعداك التبراعات لي هنية وغيرو
والادهي والامر يتبرعو بالملايين لي لاعبي فريق الاهلي المصري وعربات عشان ناس لاهم مناا ولابيشبهونا اتلصقنا فيهم بالرجالة وشلنليهم هموم وخلينا همومنا
اهلنا في دارفور يعانون الامرين ولامسيرة واحدة تطلع والمعسكرات بتاعت النازحيين يمنعو المنظمات الانسانية من دخولها والغريب انو دارفور جزء عزيز من الوطن
سلامي علي الشعب السوداني ونخوتة
سلامي للمسؤليين المسئوليين امام عدالة الاخرة
غدا لناظره لغريب

اخي د.زهير هذه الحامعة تمارس نفس الابتزاز وبل أسوأ مع الاساتذة الجامعيين المبعوثيين علي نفقة ادارة التدريب بوازارة التعليم العالي والاسوأ من ذلك هناك عدد من الجامعات وعلي رأسها جامعة السودان لا تسمح للاستاذ الدارس بمناقشة الرسالة ناهيك عن الافادة وانا كنت من ضمن الاساتذة المبعوثين لنيل درجة الماجستير في جامعة السودان رفضت الجامعة تسليمي الافادة الا في فبراير 2010م وهو تاريخ دفع القسط الثاني والاخير مع العلم انني ناقشت الرسالة في نوفمبر 2008م وما خفي اعظم , واناشدك د.زهير بالتقصي في مشاكل المبعوثين من الجامعات لتري العجب العجاب.

لم يكن باشئ المدهش أن تعامل حكومة الإنقاذ أبناء دارفور بهذا الأسلوب وفي رأيي الشخصي أن العائق ليس جامعة السودان وإنما حكومة السودان, لذا أقول إن مسألة التنصل وعدم الإلتزام بالعهود والمواثيق شيئ معهود منقبل هذه الحكومة والذي نتج عنه إنفصال الجنوب ومن ثم الغرب لامحال, وكل هذه التطورات ماهي إلا أجندة وأماني الغرب في تنفيز وإخراج المؤتمر الوطني

لايوجد تعليق مناسب !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

السؤال هو ماهذا الرئيس الذي ليس لديه قرار واحد (سالك) منذ ضرائب المغتربين الي نقاط الجباية في الطرق الي والي والي .......... يا أخوي الناس ديل كلهم بيتلقوا تعليماتهم من الخارج لذلك لا تستطيع ان تعتمد قرار اي مسؤول في الحكومه حتي رئيس الدوله .