المقالات
السياسة
ارشيف مقالات سياسية
سكان الخرطوم الأصليين.. في الانفصال عبرة
سكان الخرطوم الأصليين.. في الانفصال عبرة
02-22-2012 09:26 PM


بلا انحناء


سكان الخرطوم الأصليين.. في الانفصال عبرة

فاطمة غزالي
[email protected]

ماورد في صحافة الخرطوم أمس بشأن الملاسنات بين نواب ولاية الخرطوم حول السكان الأصليين بالولاية يؤكد بما لا يدع مجالاً للشك أن بعض السودانيين لم يتحرروا بعد من الإستعلائية تجاه المواطنيين من خارج ولاية الخرطوم، ولم يترجلوا من الأبراج العاجية المشيدة بالغرور والغلواء حتى وجودهم في العمل العام ودخلوهم دهاليز السياسة لم يغرس فيهم أدب المواطنة واحترام الإنسانية وحقوق الآخر بصرف النظر عن من هو الآخر ، وهؤلاء الذين يتحدثون عن سكان للعاصمة أصليين ومهاجرين عليهم أن يتساءلوا لماذا جاء المهاجرون إلى حضن عاصمة الوطن حينما ضربهم شتاء المعاناة ببرده القاسي ؟ ،وكيف شقوا طرقات البوادي والحضر ليكون جزءاً من منظومة سكان العاصمة التي نمت وكبرت بموارد المهاجرين، والمؤسف جداً أن اللغة الإستعلائية تخرج من ساسة مسؤولون عن إدارة شأن الوطن الذي خربته ذات اللغة (وشرمتو، وقرمتو وقطعتو والقصة ماشة مادام جابت ليها) سكان عاصمة أصليين وآخرين وافدين.
لا غرابة في أن لا يتعظ بعض المصابين بالأمراض النفسية بانفصال الجنوب وتراجع مساحة السودان من المليون ميل مربع ،وتقلص نسبة سكانه، لأن هؤلاء لا يرون في مرآة الوطن إلا أنفسهم سواءاً كانوا من عامة الشعب أو رجال دولة، وعليه نقول للذين يتلاسنون في برلمان ولاية الخرطوم حول حقوق السكان الأصليين للولاية الخرطوم، لا يصلحون في إدارة شأن السودان لأنهم لا يعرفون للمواطنة معنى ولا يفقهون في الدستور الذي يقول\"المواطنة أساس للحقوق والواجبات\" وإذا أرادوا أن يكون النهج السائد في الوطن هو أن يحظى سكان أي ولاية بامتيازات تجعلهم في مرتبة أعلى من الآخرين في الحقوق يعني أننا في حافة الهاوية وسندخل في دوامة الشتات الاجتماعي الذي يدفع سكان أي ولاية سودانية للتعامل مع مواطني ولاية الخرطوم الذين هاجروا لأسباب اقتصادية أو سياسية أو اجتماعية أن يعاملوا \"درجة تانية مفيش حد أحسن من حد\"، أما إذا كان المقصود أبعاد ولايات السودان من العاصمة خوفاً من (حاجات تانية حامياني) إذاً نخن في معركة جديدة أسمها الهامش والمركز وأرض المعركة الخرطوم .
لو أن السودان وطن معافى من الشروخ الاجتماعية لما برزت ملاسنات بسبب السكان الأصليين أو المهاجرين وقفاً لمنطق الإستعلائيين في برلمان ولاية الخرطوم، لأن الحق الدستوري يمنح كل سوداني حق العيش والتنقل في أي منطقة من مناطق السودان ،وولاية الخرطوم ليست المدينة المقدسة ولا سكانها فضلهم على الله على بقية أهل السودان الذين ضاقت بهم مدنهم وقراهم حينما توجه خيرتلك المناطق مباشرة إلى الخرطوم العاصمة التي تزينت وتجملت بحقوق المهاجرين الذي جاءوا ليجدوا القليل مما جيئ به للمركز، هاجروا إلى الخرطوم لأنهم فقدوا التعليم، والصحة، والماء ،والعيش الكريم في المناطق المنسية ، أو التي تعاني من الحروبات، يا (سكان الخرطوم الأصليين\" ما قدمته ولايات المهاجرين إلى ولاية الخرطوم لا يساوي شيئاً أمام الأراضي التي يسكنها المهاجرين في الخرطوم، وهؤلاء لم يأخذوا ملك من أحد بل من حقهم كمواطنيين في الدولة السودانية أن يسكنوا في أراضي ولاية الخرطوم مادامت ملك للدولة. ومفهوم التنسيب التضليلي للخرطوم وسياسة فرق تسد بين المواطنيين ظاهرة تحتاج إلى مكافحة وأصوات شترة تحتاج إلى من يسكتها، لأن الخرطوم بمدنها الثلاثة ساهم كل سكان السودان في في تكوين منظومتها الاجتماعية من قبل وبعد تحريرها من الاستعمار التركي ، والانجليزي ومن غلبه الشوق إلى الجذوروالعز والجاه عاد إلى أهله ، وبقى من رأى فيها مدينة بحجم الوطن جديرة بالبقاء فيها دون أن يخلق ذلك حالة شد وجذب بين أهل السودان أصليين ومهاجرين، وهل المقصود بلفظة المهاجرين هو ضرب القراف لإخافة المواطنيين في المناطق الطرفية المهمشة أم اللفظة أطلقت لمخاطبة الجميع.


الجريدة


تعليقات 13 | إهداء 0 | زيارات 4643

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#301317 [الكلس]
0.00/5 (0 صوت)

02-25-2012 10:20 AM
هذا خبر محزن محزن محزن انكم فى كل عام ترزلون الله الذى خلق السموات والارض جعلها واسعةليهاجر اليها من له حاجه حماية لدينه اوبحثا عن رزقه لم نسمع بهذا من دعاة العلمانيه او غيره من اين اتى هؤلاء الذين يدعون ان للخرطوم سكانا اصليين واخرين وافدين


#301037 [ابو عبداللة]
0.00/5 (0 صوت)

02-24-2012 08:39 AM
اطالب بتكوين الجيش الشعبى لتحرير امدرمان لتمكين اهل امدرمان الاصليين الاستفاده من اراضيهم وحتى لا تضيع اجيالهم القادمة


#300971 [واحد]
0.00/5 (0 صوت)

02-23-2012 10:08 PM
جيم جواب من زمن موسي عليه السلام
وراجع الهيروغليفيه وعبدالله الطيب


#300927 [تميسيح]
0.00/5 (0 صوت)

02-23-2012 08:18 PM
اقتراح
يتم نقل الدواوين الحكومية الاتحادية فقط الى مدينة اخرى تكون في شمال كردفانغرب المطار ولا يسكن بها الا ذو ظيفة اتحادية يفارقها بمفارقة الوظيف وتبني على مستوي لندن وباريس ولا يجوز البيع بها لصاحب مال ولو كان مثل مال قارون
لا تشغل الوظائف بها الا بالكفاءة والمناصب الا بالانتحاب ولو كانت الحكومة دكتاتورية يعني يتنخب والى الخرطوم عفوا العاصمة الجديدة من الولا يات الوالى صاحب اكبر نسبة فوز واصوات يتم ترحيلو للخرطوم واللذ ي يليه في الاصوات يلي الولاية
وهكذا دوايك بس خلوها لي بنظما ليكم نظام


#300925 [سين سؤال]
0.00/5 (0 صوت)

02-23-2012 08:09 PM
سكان الخرطوم الاصليين
سكان الخرطوم الاصليين
سكان الخرطوم الاصليين
سكان الخرطوم الاصليين

ابتداء من سنة كم ؟؟؟؟؟؟؟؟؟؟؟؟؟؟؟؟؟
3؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

زمن ترهاقا وبعانخي
مملكة علوة والمغرة
زمن سيدنا آدم ؟؟
زمن المهدية
زمن التركية السابقة
زمن عبد الله ابن ابي السرحي

ورونا بعد داك نوريكم ليه الماصليين جو.. لو قتو لا كان كدي معليش خلاص... لكن لو لكلكتو نحن كمان نقول لا انتو طالما ملكلكين كان كدي مامؤاخزين
هي لكن ما وريتونا

ال ايه

سكان الخرطوم الاصليين

وكهربتكم طالعة من هني دة؟؟
ولا مويتكم ؟؟
ولا قروش البلد الكبوها فيكم خدمات اول ناس بعثات اول ناس قريبين للمطار وعيييييييييييييييييييييييييييك
والله المفروض السكان الاصليين ديل يكفيهم قعاد الخرطوم بس تاني ما يدوهم اي شي


#300594 [واحد]
0.00/5 (0 صوت)

02-23-2012 09:18 AM
سكان الخرطوم الاصليين ما قاعدين يطردو زول ال بطردو في الناس ديل ==كيزان مطقعه كرهونا البلد = وزي ما قالو ناس بري الخرطوم عاجباااااااااانا الما عاجبنا الوالي والحيكومه , وكرش الفيل المسماة =كرتوم توتي -= ترحب بالجميع عدا ناس صراصير وحوش بانقا وكرتي وود جنينه الحيوان ومصطفي عثمان نسيب الحلبيه سعاد الفاتح وجميع منافقي الترابي
اهالي الخرطوم = كرش الفيل ال قسمو = عنهم واحد


#300574 [ابو الليل]
0.00/5 (0 صوت)

02-23-2012 07:15 AM
ماهى موارد الخرطوم -وهل سمعتو يوم انو سكان عاصمه من الدول الحضاريه قالت مثل هذا-الكهرباء من بره المويه من بره البنزين من بره الاندومى من جوه - عيب وهل اصلا سمعتمو باحد العواصم انو بها خطه اسكانيه -عاوزين تعريف للسكان الاصليين للخرطوم ومن اين اتى البشير بتاع كافورى والخضر بتاع القضارف المهدى بتاع جزيره لبب الميرغنى بتاع نجران


#300569 [سند]
0.00/5 (0 صوت)

02-23-2012 05:00 AM
بالله عليك يا عزيزتي هل القادمون الي الخرطوم مؤخراً كانوا اضافة لمجتمع المدينة بثقافتة المتوارثة ام حولوا المدينة الي ريف آخر يعني ريفوا المدينة عديل . وانا ممن سكن الخرطوم من زمن الاجداد واجدادى نفسهم من شمال السودان فياختي اي مدينة عندها خصوصيتها فالهجمة المسببة علي المدينة والتي اسبابها لا تخفى علي احد .لم نحس ابداً بان هذه الهجره كانت اضافة للمجتمع الذي عشنا وترعرعنا فيه بل كانت خصماً لكثير من القيم ليس لان القادمين ادني درجة ابداً والله وحاشا لله ولكن الهجرة كانت اكبر من طاقة الدينة وفي زمن وجيز واسهمت هذه الحكومة في اذكاء روح التفرقة والكراهية ودونك حديث ابوالعفين (نافع) بانهم لم ياتوا من الخرطوم 2 تصوري....... . ماذنب سكان الخرطوم وهم فقدوا كل المساحات التي تؤمن السكن لاجيالهم القادمة وذلك بترهل المدينة شمالاً حتي القرية في امدرمان وريفي الجيلي في بحري ،غرباً حتي تخوم كردفان ،جنوباً حتي مابعد جبل الاولياء وشرقاً حتي عد بابكر .ولكن رغم كل هذا لا نسلب القادميين الجدد حقهم في الاقامة والتملك وفق تخطيط استراتيجي معلوم فاي مدينة تتمدد وفق خطة ونهج مدروس .وبعدين يا احبة شوفوا سوء القصد وحقارة الحكومة كل الاقاليم والمعتمديات يحكموها ابنائها الا نحن ودونكم معتمدية امدرمان آخرتها جابوا ليها امنجي عديل .فالمسالة وما فيها يا اخوة حكومة النهج الحضاري دمرت القري والفرقان فصارت العاصمة صحن خليط من الكمونية والفول والعسل وام فتفت والباسطة وام رقيقة و........وفوقها كباية عصير (حوش بانقا يكون ياتو من ديل؟!) .اللهم لا تؤاخذنا بما فعل السفهاء منا . ربنا يرفع البلاء وستعود البلاد سيرتها الاولي باذن الله ريف وحضر، قري و فرقان .


#300508 [soliman]
0.00/5 (0 صوت)

02-23-2012 12:42 AM
جدنا اسموا على جميل وهو من مؤسسى بحرى والمابعرف ناس جميل مابعرف بحرى وهو كان عسكرى انجليز وبرضو اهلو من الشمال معناتها انا ممكن ملكت الخرطوم بالخطوة صحيح ولكن بالفكر لا وعشان كده عاش اجدادنا الحقيقة عرفتو ليه لانو الفترة دى كان فيها كل السودان وعشان انكم حقيقة رعاع ضاع منكم كل شىء


#300469 [كنى]
0.00/5 (0 صوت)

02-22-2012 11:06 PM
البلد ضرورى تتقسم حته حته واى زول لازم اكون مسئول شعب عجيب خلاص


#300446 [طفيلي في بلاط الكيزان]
0.00/5 (0 صوت)

02-22-2012 10:30 PM
أنا جاي من الشمالية و حاسس اني عملت ضيق للناس ديل ما معقول يا اخوانا زحمة شديدة ووسخ وقرف وباعة جوالين ومواقف مزدحمة وسخانة، الناس ديل عاوزين شوية بس يشتغلوا جناينية وكناسين للشوارع وجزارين وشوية سواقين ورجال شرطة يخدموا الناس العايشين في سرايات كافوري والرياض والمنشية والطائف، تجوا انتو تزحموا البلد امتدادات جديدة كرور ومايو وكلاكلات والسلمة وما عارف ايه، اطلعوا وخلوا البلد لسكانها الأصليين.
لكن المصيبة شنو؟! سكان الخرطوم الأصليين ذاتهم طلعوا ملوص! الساكنين السرايات ديل ما أصليين ديل فالصو جو الخرطوم بعدنا نحن ذاتو لكن هم كيزان اتأصلوا واتمكنو وطردوا الأصليين: الحلب والنقادة والأقباط والأرمن والاغريق
نحن عندنا مدن أعرق وأقدم من الخرطوم بكثيييييير بنرجع لها، انتو يا ناس الخرطوم رأيكم شنو بعد يهجم عليكم ناس التهميش والتغيير؟!


#300443 [سوداني]
0.00/5 (0 صوت)

02-22-2012 10:27 PM
اين حق المواطنة المكتوب في الدستور واذا هؤلاء هم ممثلين الشعب يادنيا عليك السلام وهذا هو مستوي اهل الانغاذ العنصريين


فاطمة غزالي
فاطمة غزالي

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة