المقالات
السياسة
ارشيف مقالات سياسية

03-03-2012 11:16 AM


رسائل إلى السيد الرئيس .. بالدارجي المُريح (2)

طارق عبد الرحيم
[email protected]

أولآ بالتبادي وقبل أي كلام نعزي أنفسنا بى أبناء الوطن الماتوا هناك في المواجهات الأخيرة في بحيرة الأبيض .. الناس الراكبين عربات مظللة و قاعدين في غرف مكندشة الإسمهم السياسين يصوطوا البلد بى أفكارهم القروا ليها دراسات عليا في بلد الخواجات ، و أولاد البلد اللاقروا و لا باروا السياسة يموتوا في خطوط النار .

يا ريس و أنا ماشي في شوارع حلتنا الغبشا و عدمانة شوال جير .. داهمني سؤال مهم و هام وهو:-
نحن حنتباع متين يا ريس ؟ مع سياسة تقوم من النوم تقشقش عيونك تلقى كوم مستشفى الخرطوم دايرين يجففوهوا و يبيعوهو .. زمان كان بيقرونا حاجة كدة الرجل المناسب في المكان المناسب .. لو ختينا بدل الرجل المناسب إسم وزير الصحة يتحول بى قدرة قادر لى ما مناسب كلو كلو .. وزير من جا وزارة الصحة ماتوا تلاتة مرضى بسبب نقص الأوكسجين .. ومرضى الكلى إفترشوا شارع الظلط لتوقف الغسيل .. والأطباء وقفوا وقفة إحتجاج بسبب إنو السيد وزير الصحة داير يجفف مستشفى الخرطوم (سياسة خسخسة من خساسة) .. دا كلام يا ريس ..
الدول المشت لى قدام كانت بتطور البنيات التحتية بتاعتها في حين إنو في البلد دي بيتم هدمها .. مشروع الجزيرة تعيش إنت .. السكة حديد مافاضل إلا يبيعوا الحديد بتاعها في شكل خُردة .. النقل النهري بقينا نسمع عنو طشاش طشاش بعد ما إتحول لى شركة خاصة .. الحكومة دي بقت تدينا إحساس إنها دلالة كبيرة تشيل وتبيع تشيل و تبيع ..

طيارة الوزير داك لامن وقعت ناس كتااار في الشارع .. المواصلات .. الإنترنت .. إتمنوا إنو يموت .. إتخيل كيف .. يعني الزول دا لو ما عصر عليهم شديد و أصابهم بالضر ما كان إتمنوا ليهو الموت ..

اليومين ديل في مصطلح شبابي إسمو (كتمت .. كتمت) يعني ضاقت وما فضل إلا الناس تلحس كوعا..

ملحوظة :-
السيد الرئيس .. إذا سألت عنا فنحن ما أظننا بخير ينقصنا الصحة و التعليم و لقمة العيش .. ولستة طويلة من الحقوق الأساسية .. يا ريس لقد هرمنا .. هرمنا


تعليقات 2 | إهداء 0 | زيارات 3098

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#304885 [معاذ محمد]
0.00/5 (0 صوت)

03-04-2012 03:37 AM
فخور بي معرفتك


ردود على معاذ محمد
Netherlands [طارق عبدالرحيم] 03-06-2012 06:59 AM
وأنا فخور بكل سوداني شريف و نضيف ..
تسلم يا صديقي


#304806 [محمد عثمان]
0.00/5 (0 صوت)

03-03-2012 08:32 PM
يقال أن الفريد نوبل لم يبتدع جائزته المشهورة إلا بعد أن أديع خبر وفاته بالخطأ وسمع بأدنه دعوات الناس عليه مما يكشف بغضهم الشديد وكراهيتهم الزائدة له فأستحى على نفسه من أعماله السيئة وأراد أن يكفر عن سيئاته فأبتدع تلك الجائزة .
ولآن بعد أن عرف المتعافي مدى تقدير الناس له مادا يبتدع ليكفرعن سيئاته .


ردود على محمد عثمان
Netherlands [طارق عبدالرحيم] 03-07-2012 12:16 AM
عفوآ .. غلط مطبخي
التنقيب و ليس التنغيب

Netherlands [طارق عبدالرحيم] 03-06-2012 07:06 AM
ياصديقي .. نوبل عندما إخترع الديناميت كانت نواياه حسنه بأن يتم إستخدامه في التنغيب .. و بجائزته يكون قد عاد لأصل بذرة الخير في داخله ..
و لكن هو مثل نوبل فيه قليل خير ؟ أتمنى أن يكون كذلك ..


طارق عبد الرحيم
طارق عبد الرحيم

مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة