المقالات
السياسة
ارشيف مقالات سياسية
التغطية مستمرة... قضية الأقطان.!! شاهد وثيقة
التغطية مستمرة... قضية الأقطان.!! شاهد وثيقة
03-12-2012 03:38 PM

حديث المدينة

التغطية مستمرة... قضية الأقطان.!!

عثمان ميرغني

عدنا من حيث انتهينا قبل صدور قرار تعليق (التيار).. قضية شركة السودان للأقطان.. والتي طواها النسيان خلال فترة إيقاف الصحيفة.. هذه القضية التي هزت المجتمع السوداني بعنف لفداحة تفاصيلها وتأثيرها المدمر على شريحة كبيرة من أضعف شرائح المجتمع السوداني.. المزارعون.. هؤلاء المكلومون الذين انطبقت عليهم قصة سيدنا سليمان مع الجن.. الجن كانوا يخدمون سيدنا سليمان ويكابدون الرهق في العمل المضني وهم ينظرون إليه من بعيد من خلف الزجاج ويرونه واقفاً يحدق فيهم.. لكن (دابة الأرض) أكلت العصا التي كان يتكئ عليها فسقط.. فعلمت الجن أنه فارق الحياة منذ فترة طويلة.. (فلما قضينا عليه الموت، ما دلهم على موته إلا دابة الأرض تأكل منسأته، فلما خر، تبينت الجن أن لو كانوا يعلمون الغيب ما لبثوا في العذاب المهين). مكث المزارعون تحت نير شركة الأقطان.. ما دلهم على موتها إلا (التيار ليكس).. ولما خرت .. تبينوا أن لو كانوا يعلمون ما لبثوا في عذابها المهين. كانت الشركة التي تدار بأموالهم تمارس أبشع عمليات إزهاق هذه الأموال في مصالح خاصة.. وبلغ الأمر مهانة جعلت بعض القيادات في شركة الأقطان تؤسس شركات بأسماء أفراد أسرهم.. لتدخل في شراكات تجارية مع شركة الأقطان وصلت حد أن تباشر أعمالاً تجارية خاصة بالأقطان. ودفع المزارعون ثمن ذلك باهظاً في أكثر من وجه.. مدخلات زارعية باهظة الأثمان وأحياناً فاسدة.. مثل قضية المبيدات الفاسدة التي عرضناها قبل حوالى العام.. والأليات الزارعية (التراكتورات). الآن تحرك بنك السودان المركزي للحجز على أموال المتهمين في قضية شركة الأقطان.. ويشمل الحجز أموال الشركات التي أسسها بعضهم بأسماء أولادهم وزوجاتهم وبقية أفراد الأسرة.. وهي شركات تعمل في شراكات مباشرة وصفقات تجارية مع شركة الأقطان بمبدأ (زيتنا في بيتنا). ورغم أن الإجراء ربما أتى متأخراً بعض الشيء .. إذ ضاع زمن مهم منذ تفجرت القضية.. زمن قد يسمح بنقل الأموال بعيداً عن خزائن البنوك ويد السلطات، إلا أنه في النهاية يمثل درجة من الجدية في متابعة القضية والإمساك بكل خيوطها ومحاصرة توابعها. هذه القضية لم تعد مجرد حكاية فساد تسير بها ركبان الإجراءات الحكومية وحدها.. لأن الشعب السوداني كله بات ينظر وينتظر.. وقلبه واثق أنها في أيد أمينة.. تجدون في (التيار ليكس) صفحة (7).. وثيقة البنك المركزي.. ومعها الوثائق التي تشرح لكم العلاقة بين الشركات المذكورة في خطاب البنك المركزي وشركة السودان للأقطان.
التيار

image
image


تعليقات 15 | إهداء 0 | زيارات 7420

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#308828 [ابو محمد]
0.00/5 (0 صوت)

03-13-2012 04:07 PM
تاني عثمان ميرغني
ايها المشمهندس عثمان والله الصحافه بقت مهنة من لا مهنه له هذا المدسوس وسط المعارضه وبيعمل فيها حيكشف الفساد وكده عندي معلومها انو بعمل لصالح الجماعة (الشعبي) في تكسير قيادات الوطني وهم داقسين وما جايبين اي خبر وعامل لنك مع المدير الجديد للاقطان عشان كان معاهو في شركة واحده في السعوديه عشان الاعلانات القادمه وبكسر في التلج لي الرئيس بالمناسبه عثمان سلمان المدير الجديد للأقطان قريب الرئيس بعد ما رفدوه من سرقة الجهاز الاستثماري للضمان الاجتماعي لفساده جلس في استراحة محارب حتي تحين الفرصه وحانت الفرصه بتقديم د.عابدين قربان للفساد.
عثمان ميرغني ماالذي اسكتك عن الكتابه عن الرئيس واسرته دي محمد عطا يا جبان قعدوك في شنو عليك الله
بعد قضية الاقطان التي مستنداتها لا تمثل اي شئ لدي القانون واصغر محامي يمكن ان يفندها ويحلهابس انت ما تعمل فيها بطل شوف ابو كبيره وداد وعبد الله البشير وعلي البشير الاستاذ الاساسي من اين له ان يملك مول اكبر من عفراء ير انه اخ الرئيس
انت معروف ان تاجر رخيص وتباع في اسواق التجاره بابخس الاثمان وما جديده عليك


#308782 [المبروك]
0.00/5 (0 صوت)

03-13-2012 03:17 PM
الموضوع تم توليته للجنة !!! واللجنة المنبثقة من اللجنة !!رئاسة الجمهورية حا تعين مساعد رئيس لهذه القضية صبرا يا مزارع حقك قدام


#308659 [اسد الخشاش]
0.00/5 (0 صوت)

03-13-2012 01:00 PM
الصورة دى مزورة ... حتقول لى كيف !! حاقول ليك لمن تعمل ليها داونلوود حتلقاها ناقصة .. وتنزل تحت وتعمل للتانية داونلوود .. مع انها فى الخبر ظاهرة على انها صورة واحدة .. بعدين الخطاب ما معنون ليه يعنى فكوهو كدا سااااااااااااااااى

ـــــــــــــ
تم تحميل الصورة على مرتين
النصف الاعلى + النصف الاسفل

يمكن مراجعة موقع صحيفة التيار


ردود على اسد الخشاش
Sudan [سوداني لن ننهار] 03-19-2012 08:00 PM
اول حاجة المصلحة شنو من تزوير الطين في طينو ؟؟
اما العنوان بصفتي مصرفي لو اطلعت علي تعاميم بنك السودان اصلا لا يتم عنونة المنشور الي جه لان المقصود مدراء عموم البنوك .هذا للعلم


#308606 [محمد مصطفى]
0.00/5 (0 صوت)

03-13-2012 11:35 AM
جن شنو؟ ودابة شنو؟ وعصاية شنو؟ كمان جايب الآية كلها. خلاص يا باشمهندس كلامك كمل؟ قضية الأقطان خلاص أصبحت غير مثيرة. كان ما عندك حاجة جديدة يا باشمهندس أكتب عن عبد الظافر يوم وعن هويدا يوم. بعد داك كلامك كان كمل سيب الشغلانة دي وافتح ليك ورشة يا باشمهندس إمكن تنجح


#308597 [كمال]
0.00/5 (0 صوت)

03-13-2012 11:23 AM
انتو ياشباب حتفضلوا لغاية متين فى الكلام الفارغ ده ؟ عايزين حقوقكم ترجع ولا لا؟ اطلعوا الشارع وغيروا الوضع لو انتظرتم الاعيب عصمان والاسلامويوين اخوانه بعداك ماحتحاكموا الارقبتكم دى لانو لا هم بكونوا فى ولا القروش مكان الخلاف بتكون فى كلو بكون فى ماليزيا وده الدور المطلوب من صحفيى الانقاذ فى المرحلة الراهنة والماعارف يعرف اشغلوا الناس بقضية الفساد يعنى يشغلوكم بقضية هى اصلا موجودة ذى كأنكم مختلفين فيها عرفتوا ياشباب الناس دى بتخطط كيف؟لما اقول ليكم هم غلبوا ابليس صدقوا الفسادإإإإ بقيتو ذى المساطيل اللى بيتغالطوا دى الشمس ولا القمرة؟


#308540 [عاشق الهلال]
0.00/5 (0 صوت)

03-13-2012 10:15 AM
يا عثمان عايزين نعرف العلاقة بينك و المدير الجديد لشركة الاقطان و الذى كنت انت و هو تعملون بشركة واحدة خارج الوطن و عدتم سويا للتمكين !!! اذا كنت مخطئا ارجو تصويبى اثابك الله


#308535 [alseeny]
0.00/5 (0 صوت)

03-13-2012 10:09 AM
شكرا عصثمان على المعلومه


#308473 [abood]
0.00/5 (0 صوت)

03-13-2012 06:33 AM
بتقصد منو بالايدى الامينة، اوع تقول لى انت قاصد بشبش ؟ِ


#308337 [جمال]
0.00/5 (0 صوت)

03-12-2012 10:20 PM
الاخ عثمان
تحياتي
قلت لك انك تغرد خارج السرب !! وفهمك على قدرك !! الدليل على ذلك ان هذه القضية تحدثت عنها قبل اكثر من شهر !! واليوم اتيت بمستند والمستند الذي اتيت دليل انك تغرد خارج السرب !! يا اخي هؤلاء البشر محبوسين حبس تحفظي لاكثر من شهر وخطاب بنك السودان بخصوص الأرصدة تاريخه 6/3/2012 يعني الجماعة لو كان عندهم مال قارون لاستطاعوا فى تهريبه فى الايام السابقة !! وفر مجهودك وابحث عن موضوع اخر تسوق به التيار !! انت تغرد خارج السرب !!!


#308283 [ابوعبدا]
0.00/5 (0 صوت)

03-12-2012 08:48 PM
الاخ عثمان انت تنفخ فى قربة مقدودة


#308231 [بت الخرطوم]
0.00/5 (0 صوت)

03-12-2012 06:57 PM
ههههههههههههههههههههههههههههههههههههههويدا اين الاستاذة هويدا


#308222 [كاكوم]
0.00/5 (0 صوت)

03-12-2012 06:31 PM
عود احمد الاخ الباشمهنس وربنا يجعل فترة الغياب اجر وبركة

ما زال السيد رئيس مجلس ادارة الاقطان المحلول يمتطى ( اللاند ) وهو يمد لسانه ويصرح لخاصته

انه بعيد عن الموضوع وهم يصدقون طالما انهم يرونه حرا طليقا

ابنه هو وكيل ( اذر ) الشركة التى جلبت جرارات تاف والتى لم نر لها اثرا فى وثيقة

اليوم

ما هى بالظبط حكاية هذا الرجل وماهو سبب عدم مساءلته الى الان بل الحاقه بزملائه المجرمين

فى السجن ؟

نريد افادة لو امكن


#308213 [ود الحاجة]
0.00/5 (0 صوت)

03-12-2012 06:01 PM
ليست مجرد قطن, إنها قضية وططططططن


#308205 [احمد عبدالرجمن بابكر]
0.00/5 (0 صوت)

03-12-2012 05:49 PM
ممتاز...بس كمل جميلك ونط في داخل حوش بانقا دا شوف لينا الحاصل شنو بوثائق ذي دي...


ردود على احمد عبدالرجمن بابكر
Saudi Arabia [الامير] 03-13-2012 10:21 AM
السلام عليكم

زى ما قال حمد عبدالرحمنكدى شوف لينا موضوع حوش بانقا والعارت الفى السماء الجات بقدرة قادر والشركات دى. والله اقو ليك ولا مافى داعى لانو ما حيحصل شئ.


#308198 [جمال]
0.00/5 (0 صوت)

03-12-2012 05:28 PM
عثمان ميرغنى
انت تغرد خارج السرب !! الموضوع تم توليته للجنة !! فلا داعي لكسب بطولات على الفاضي !! ارجو ان تبحث لك عن موضوع اخر !! الموضوع الخاص بالأقطان فى رئاسة الجمهورية !!!
كل عام وانتم بخير !! ابحث عن موضوع اخر !!


ردود على جمال
Sudan [سوداني 010] 03-13-2012 09:32 AM
يااخي كم قضية تم احتواها هذا القصر الفاسد اين قضية التقاوى الفاسدة وبطلها العوض عثمان مدير عام البنك الزراعي وبعد حفظ القضية تم مكافاته بتجديد لمدة عام لادارة البنك الزراعي واين قضية الحاصدات الصينين الغير مطابقة للمواصفات واين قضية طريق الانقاذ الغربي و عمارة الرباط وقتل عوضية وطالب النيلين ودكتور عطبرة مئات بل الوف القضايا الم تسمع اذا اردت قتل اى قضية او موضوع حيوى اعمل له لجنة .

[ود شندي] 03-12-2012 11:08 PM
مع احترامي لرأيك يا جمال لا زم من متابعة اعمال اللجنة لأن اللجان معروف منها التنويم والتنفيس حترجع كل قرد لجبلوا ثاني ياخل الموز والخيارى يتم النسيان وي

[bakhiet] 03-12-2012 09:57 PM
الفساد باين وواضح يا باشمهندس بين هذه الطغمة الماسكة بزمام الدولة ولكن بكل أسف 99فى المائة من رجال السلطة ضالعين فى الفساد وعلى رأسهم كبيرهم السيد الرئيس فالقاضى والشرطى ورجل القانون كلهم خدام هذه الفئة وهم جسم منها لذلك لن تتم محاسبة هذه الرؤس الكبيرة ربما قاموا بمحاكمة بعض الشخصيات من باب التموية فقط

Saudi Arabia [محمد] 03-12-2012 09:54 PM
قال جمال: ( الموضوع تم توليته للجنة !! فلا داعي لكسب بطولات على الفاضي !! الموضوع الخاص بالأقطان في رئاسة الجمهورية !!! ) .
طيب طالما الأمر كده فلزوم شنو علامات التعجب الكتيرة دي ؛ وإلا التعجب في محله لأن الموضوع الآن في بيت الداء ( رئاسة الجمهورية ) وما لف حولها من لجان ، فهنا تكمن مصائبناالتي التي تستحق التعجب!!!!!!


عثمان ميرغني
عثمان ميرغني

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة