المقالات
السياسة
ارشيف مقالات سياسية
عدس الوابل .. يا بيت أبوي..!ا
عدس الوابل .. يا بيت أبوي..!ا
03-28-2012 02:19 PM

عدس الوابل .. يا بيت أبوي

عمر الفاروق عبد الله
[email protected]


أكليشيه أو أفيه كمايقول اخواتنا المصريون ,, يستخدم في إعلان تلفازي والموضوع باين من عنوانه فإما عدس الوابل وإما أسوق أولادي وأمش بيت أبوي! معقول بس طموحاتكم يا بنات السودان من الراجل تدنت لهذا الحد.. يعني من أحفظ مالك وكرسي جابر والتياب السويسرية وتغيير العفش من غرفة جلوس ونوم وأنتريه وتسوق من شارع الشانزليزية وكله ده ليه ومن غير ليه!! تدني من زي ما راجل فلانه لبي طلبات فلانه وخلي عينه مليانه وتلاجته مليانة وشغالته طايعاله برضه تكون المعاملة بالمثل.. معقول بس طموحكم لا يتعدي عدس الوابل وهل عدس الوابل في الصودان اضحي من المطلوبات الكماليات التي تتباهي بها المدام وتفاضل ما بينه عدس الوابل وبين الرحيل لبيت الوالد.
ومعقوله يا رجال ميزانيتكم لا تقوي علي الإتيان بعدس الوابل بعد ما اصبح كيلو البصل بقي بالشي الحصل والعجورة لحقت الف وقام اتعزز الليمون.. واللحمة معروضات والفرخة ممنوعات! والتحلية كباية كركدي "كًر علي" كما كانت تقول حبوبتي.
عدس الوابل غنت له بت لندن ايمان بأنه خالي من التوابل "never, never, never " لا يحتاج توابل ولكن الشعب السوداني يحتاج توابل تحسن من معيشته وتعليمه ومسكنه ومأكله ومشربه وترحاله "ever, ever, ever " نحتاج توابل لا يحتاجها عدس الوابل.. ونسوان السودان تحتاج توابل حتي يخرج من بينهن توكل كرمان وفاطمة احمد ابراهيم ومريم الاخري.. وشباب السودان يحتاج توابل تهب به من غفوته وتنير بصيرته وتعلي من نبرته وتخرج به لشارع التغيير من اجل التغيير لأنه الأولي بهذا التغيير عن الكهول الذين مازالوا وما انفكوا ينتظرون تلك اللحظة التاريخية قبل ان يرحلوا!!
والمهمشين يحتاجون توابل ترفع من قدرهم وتحقق ابسط أمانيهم وتساويهم بغيرهم الذين أصيبوا بالجلطة السلطوية وكنشكوا في سدة الحكم وهؤلاء الذين تنامت ثروتهم وتطاولوا وتطاولت عماراتهم بعد أن كانوا ينظروا لهذه العمارات فيما مضي حتي تقع العمامة من الرأس وتنسدل تملاً الجلباية ويثرثرون في دواخلهم " يا حظ ساكني هذه العمارات تلقاهم ياكلوا في اللقيمات ساي"!
وحكامنا يتحتاجون توابل حتي يوفقوا العلاج بالبتر لمشاكل السودان وحتي يتقوا الله فينا ويرحلوا قبل أن يسائلوا ويجبروا علي الرحيل في المغيرب أو حتي في ضل الضحي وحتي في الثلث الاخير من الليل.
نحتاج توابل حتي نعيد للسودان اسمه ورسمه ووصمة ونعيد وصل جنوبه بشماله حيث تتمايل باباية مع نخلاية وترقص تبلدية مع بانه وتحت شجرة الحنة ويتلموا ناس الحلة من تاني وووو عدس الوابل يا بيت ابوي




تعليقات 8 | إهداء 0 | زيارات 3059

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#318881 [mohy12]
1.00/5 (1 صوت)

03-30-2012 03:15 AM
اكبر بلد أفريقي من حيث الثروة الحيوانية الكيزان لحقوهو العدس؟؟؟؟؟؟؟؟؟؟


#318806 [KOJACK ALAIN]
1.00/5 (1 صوت)

03-29-2012 11:47 PM
تلفزبونات السودان و بسبب الافلاس الابداعى تحول الى بقالة مرة عدس الوابل و جبنا التونة و رز الوابل و تكرار ممسوخ يجعل يدك تعانق الريموت عند ظهور الفنانات المفلسات فنيا و ثقافيا حاجة تجنن و تمحن


#318749 ['طه]
1.00/5 (1 صوت)

03-29-2012 09:42 PM
علي قدر ما لفيت في العالم ده من مردوفيا لي مولدافيا للصين للمكسيك لامريكا لموسكو لجورجيا لكازحستان لايطاليا والليونان لجنوب افريقيا وكل الدول العربية ابدا ا بدا ابدا ما لاقاني تلفزيون بيعمل ليهو دعاية عن العدس ..عدس ؟الله لا كسب الكان السبب خليتو الناس تفتش للعدس


#318613 [محمد العوض]
1.00/5 (1 صوت)

03-29-2012 05:40 PM
دعايات كلها سخيفة ودمها ثقيل...وخاصة بتاع الشافع.. دا ود جيرانا وسيد الدكان ودعاية المراة العجوز والصينية وعدس الوابل وبطيخ الوابل..صراحة الدعاية ما تشبهنا


#318376 [yasin]
4.00/5 (1 صوت)

03-29-2012 01:35 PM
الملاحظ انه الفنانه لندن بتقول لاتوابل لابخار والصحيح بهار
حتي معاني الكلمات ما بتعرفه وتقول لي دعايه ديل جارين ورا القروش والشهره


#318213 [ماسحات ومحبات كريم كونى النجمة]
0.00/5 (0 صوت)

03-29-2012 10:59 AM
هوى يا سموك عمر الفاروق انت ماعندك شغلة ولاشنو اوع تتطاول على ممثلاتنا زى مونيكا وبتاعت رز الوابل يا بيت ابوى
نحن فى تجمع ماسحات ومحبى كريم كونى النجمة لتبيض البشرة وحتات تانية كمان سنتخذ ضدك الاجراءات القانونية ان لم ترعوى فهمت ولا لا؟


#317933 [سراج]
0.00/5 (0 صوت)

03-28-2012 07:12 PM
غايتو فى الدعية كانوا بجيبو زيرو.. الكورة والدعاية المفروض يقولو جلى


#317853 [عمر جابر]
0.00/5 (0 صوت)

03-28-2012 04:23 PM
عارف يا الفاروق الراجل مغفل دي فرصة طوالي يلزها بيت أبوها هذه البطينية ومربربة من أكل المربة.
أما كمية التوابل العاوزها في موضوعك دي إلا نزرع مشروع الجزيرة وحلفا الجديدة توابل حتى نقدر نسد الحاجة التي اوردتها.
أعتقد الست التي تغني لعدس الوابل بدون توابل اسمها مونيكا وإن كنت لا أفهم في المغنى كثير فقد تشابهت علينا البقر.


ردود على عمر جابر
Saudi Arabia [سوداني] 03-29-2012 12:54 PM
عدس الوابل (إيمان لندن).. أرز الوابل (حرم النور).. التونة (أفراح)..


#317796 [ابو الهول]
0.00/5 (0 صوت)

03-28-2012 03:05 PM
لمن يجي هذا الاعلان انا بقول :خدي شوال عدس وروحي بيت ابوكي ..عشان الواحد يرتاح من الاتنين


عمر الفاروق عبد الله
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة