شفتوا كهرباء قطعت !!
03-29-2012 02:02 PM

شفتوا كهرباء قطعت !!

كمال كرار

مسؤول إنقاذي كبير تساءل في لقاء مضروب عن أين الأزمة الاقتصادية ، وزاد الكلام ( التحتو كلام ) بسؤال الحاضرين شفتوا كهرباء قطعت !! شفتوا موية مافي ؟ شفتوا دقيق مافي ؟ .

وقطع شك فإن حضرة المسؤول شايف وعارف الأزمة الاقتصادية من واقع التقارير المقدمة له ومن واقع وفود ( الشحدة ) الحايمة العالم من قطر إلي تركيا وماليزيا ، ولكن طالما كان الكلام في الهواء فدعونا نرد علي الورق فيما يتعلق بالكهرباء ونترك الموية والدقيق وما شابهما لمناسبة أخري .

تصل الكهرباء حتي هذه اللحظة ل % من السكان الذين يدفعون قيمتها مقدما بواقع 15 جنيه ( قديم ) للمتر المسمي مدعوم ، و26 جنيه ( طبعا قديم ) للمتر التجاري وللمصانع والقطاعات الأخري تزيد القيمة .

وتقطع الكهرباء وأنت دفعت قيمتها مقدماً ، وتدفع غصباً عن عينك 2.5 جنيه جديد إيجار عداد شهري وأنت اشتريت العداد من حر مالك .

وسعر الكهرباء بالسودان أعلي من كل بلاد الدنيا ، فالمتر ( أو الكيلوواط/ ساعة ) في معظم دول العالم بي 3 سنت أو ما يعادل 8 جنيه قديم .

و الأموال الهائلة التي تدخل جيب هيئة الكهرباء لا تدخل الخزينة العامة للدولة ، لحكمة تعلمها الحكومة .

وسد مروي ( بتاع الرد ) بنوه من قروض تهد حيل الاقتصاد السوداني إلي جنا الجنا ، بخلاف الدماء والاعتصامات والبلاوي التي خرجت من عباءة السد .

وأي أسرة صغيرة عندها تلاجة واحدة تستهلك في الشهر 300 متر كهرباء علي الأقل بقيمة 58.5 جنيه ، يعني ربع الماهية في حالة الحد الأدني للأجور فكم يتبقي للإيجار والرغيف والسكر والمواصلات والعلاج ؟

وأي حبة هواء أو رشة مطر تعمل شورت وتضرب ( أميّة ) وممكن تحرق مكيف ولا تلاجة أو تكتل زول علي نظام غلطان المرحوم .

وياما في السودان محطات كهرباء قالوا حتشتغل بالغاز اشتغلت بالجاز ، ومولدات عشان تنتج كهرباء تحرق البترول الخام زي حكاية البصيرة ام حمد القطعت راس العجل عشان يمرق من ( البرمة ) والباقي معروف .

ولو حكاية المفاعل النووي السوداني ما طلعت مضروبة فعلي كل مواطن سوداني دفع إيجار عدّاد نووي أو ينفي إلي سد مروي ليصبح معلق كروي

الميدان


تعليقات 12 | إهداء 0 | زيارات 3025

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#319520 [واحد تانى]
1.00/5 (1 صوت)

03-31-2012 03:15 AM
ياجماعة الناس الحاكمين السودان ، ما بخافوا من الله ....؟


#319209 [حمتو]
1.00/5 (1 صوت)

03-30-2012 04:44 PM
في وطني هناك في ثري صمت القبورترقد اشباح العدم
وبعض من رفاة انسان ينادي بالحريه والمساواه التي
اصبحت في العدم في زمن العدم الصمت العار يجلجلنا
نمد اعيننا مدي البصر لنلمح شمس الحريه ياوطني
ولنسمع انشودتها في حبك ياوطني جياع ابناك ياوطني
من سرق اللقمه من فمه غير الغول المتلفح بعباة الاسلمة
واتسال عني معني احبك ياوطني فلم اجد لها معني في هذا
الزمن الاغبر ياالمي من حالك ياوطني اني اتسال نعم اني
مندهش ماذا حل بك ماذا الم بك قد كنت نجما في العلا عالا
خفاقا كذري الجبال نجم تالق بين كل الانجم ماهنت يوما بل
في جنابك تكسرت كل النصال واليوم في خصرك اغمدت كل
النصال من حفنة الجبنا بايعي اوطانهم بابخس الاثمان سلعة
العار ان كانت تباع الاوطان ثمنا بخس باسم الدين الويل لهم
ماسفههم من تجار سلالة الاوغاد ولعنة بل وصمة عارا سنمحوها
نحن عنك بالدم دم النضال فانت اسمي انت اغلي من معاني الحب
البستها معني النضال بل الجمال.اني اخجل ان احدثك بمن باعك بابخس
الاثمان ياوطني من اطفا نور الحريه في انفسنا بل اصبحت سلعة يجود
بها الطغات علينا ياوطني
باسم الدين اليوم يكذب علينامن لايعرف كيف يغتسل من نجاسته فهم من عاثو فيك فسادا ياوطني
ريا وكذب وغش ونهب لاموال الفقرا باسم الدين ايضا ياوطني هوس وعنف نحن لم نعرفه من قبل
وسفك لدمي الابريا باسم الدين وهتاف باسم الله فهي للسلطه لا للجاه اي كذب واي نفاق فهذه اسوي انواع
الاستقلال باسم الدين لبنيك اليوم ياوطني اني اعتذر اليك ياوطني نيابة عن كل الشرفا القابضين بحق عن جمر عذابك ياوطني
الويل لهذه الزمره الويل لهم يوم يخرج هذا المارد من قمقمه سنري من يحميهم من غضبته زبانيتهم امن الدوله طفييلي الانظمة المتهالكة
ام اموال النفط التي نهبت باسم الدين فالويل والثبور لكم من بني وطني جموع الفقرا الجوعي العراه المرضي فهم قد صبرو فللصبر حدود فانتم قد
جاوزتم كل حدود فمصيركم مصير كل الانظمة الانقلابيه الديكتاتوريه الي مذبلة التاريخ ومعكم كل مساوي وقذارات ايام الظلم وكل القمع وبطون
قد ملييت بالسحت مشروع الجبهه الاسلاميه جيفة كل معاني الانظمة الديكتاتوريه هذا ان يكن لها معني.وستشرق شمسك ياوطني وكل معاني الانسانيه
والحريه لن نسمح ابدا في فجرك القادم ابدا ياوطني ان يحكمنا طغات الهوس الديني ودجل الجبهه الاسلاميه سيشرق صبحك القادم ياوطني سيضحك المحلروم
مل فمه ضحكتا صافية كلون النيل ياوطني سينال كل محروم فيك ياوطني حقه سيتساوي الجميع تحت سقفك ياوطني ولتذهب كل شعارات الدوله الاسلاميه عروبة الامه السودانيه شعار تحكيم الشريعه الاسلاميه فنحن يكفينا مافينا لا تنقصنا حصص الجغرافيه اوالتربيه الاسلاميه دستور الدوله الاسلاميه وحد الخمر
حدود الجهل تدجين الجبهه الاسلاميه
نحن يكفينا سودانا يلم الشمل نحميه ويحمينا ننميه بايدينا سوداننا لجميع الملل سودانا فيه جميع
معاني الحب بين بنيه وجرح الفرقه سيندمل اني اوعدك ياوطني ووعدي ياوطني ان ترفرف
في شوامخ جبالك قيم الحريه زوال الجهل في كل ربوعك ياوطني .لنعي الدرس بان الجهل استمرارا
للانظمة الديكتاتوريه والرجعيه الدينيه


#318866 [abusamir]
1.00/5 (1 صوت)

03-30-2012 02:23 AM
والله لو كنا تحت حكم تركي او انجليزي يعني مستعمر كان حنوا في حالنا ما كان فرضوا علينا مثل تلك الضرائب او الرسوم الرسمية والغير رسميةالباهظة مقابل الخدمات التي تقدمها لنا الدولة من كهرباء وماء وصحة وتعليم وغيرها...الدولة الان عندما تشرع في عمل اي مشروع ولو خدمي او تعليمي او صحي تفكر في العائد والارباح كم وليس خدمة للمواطن بسعر معقول يتلاءم ودخله,..كهرباء السدود والخزانات هي من ارخص الكهرباء في العالم ورغم حر الهجير والسموم اللافحة البمتاز بيها السودان فالدولة ما حاولت تخفض من قيمة الكهرباء فاهل السودان محرومين من مكيفات غاز الفريون المنتشرة في العالم كله بسبب عدم قدرتهم على تشغيله ليوم واحد مش شهر-- واللي عندهم اما يكونو مؤتمر وطني او وزراء او اصحاب نفوذ او معفيين من فاتورة الكهرباء او... او...- يبدوا ان وكلاء مكيفات الماء والثلاجات في السودان شركات وافراد ذوي نفوذ هم ضد تخفيض قيمة الكهرباء- لان الفرق شاسع ان يستعمل المواطن هذا وذاك- وامرنا لله والبركة في بائعات هبابات السعف مراوح المساكين


#318740 [الزول الكان سَمِحْ]
1.00/5 (1 صوت)

03-29-2012 09:28 PM
شوفتوا ..وللا سمعتوا ...مزرعة..بغض النظر عن مساحتها..بتدخِل..ما يفوق أضعاف راتب رئيس دولة؟؟

لو كده..كان ثلثى الشعب السودنى الزرع...عايش زى ناس هولندا


#318712 [عزيز دنياي]
0.00/5 (0 صوت)

03-29-2012 08:39 PM
انت خايف مالك يا كيمو المسعول الكبير ده ماياهو عمر البشير


#318707 [سوداني]
5.00/5 (1 صوت)

03-29-2012 08:33 PM
الرد الرد اوكامبو السد .... هههه هههه ....بعد ده كلو بالدين


#318676 [الحجووج]
0.00/5 (0 صوت)

03-29-2012 07:37 PM
والله مرات برتفع ضغط الواحد من ما يسمع ليهو كلام ولا تصريح مسؤول
هسي عليكم الله ده كلام
تلقي المؤول ده شبعان ومتعالج واولادو بقروا في جامعت اروبا وحسابو كل يوم يزيد
وكلو من علي حساب محمد احمد الغلبان
لكن بصراحة كده بعد النظام اتغير ما ح نعمل اي حاجة بس ح نخلي كل مسؤول يعيش في نفس الظروف البعيش فيها الشعب السوداني ونسمع تقاريرو الجديدة
وسبحان الله


#318615 [adel]
0.00/5 (0 صوت)

03-29-2012 05:43 PM
kamal in the first give people elcatric or light for house after that can pay money only sistem poor udan


#318482 [اربجي]
0.00/5 (0 صوت)

03-29-2012 03:19 PM
الاخ كمال لك التحية
اود اضافة تعديل طفيف. لكنه ضخم في الواقع, حيث ان الاسعار التي دونتها للكهرباء أقل مما هو مفروض من قبل الحكومة الفاااااااااااااااااسدة في الواقع عشرة مرات. أي ان المتر ب150 جنيه للسكني. و 260 جنيه للتجاري. وهو معلوم بالضرورة لكل المتواجدون داخل السودان.
خايف ياخي اجي كوز وهم طاير يستشهد بالاسعار ويقول مش كمال كرار قال كدة.


#318462 [عبد الرحمن]
0.00/5 (0 صوت)

03-29-2012 03:00 PM
اللي ما شاف كهرباء قطعت أو موية مافي أو أدوية مافي لازم يكون مدفع دلاقين من الوزن التقيل لكن هو شايف نفسه رب العالمين، و العياذ بالله


#318460 [راجل المرا]
0.00/5 (0 صوت)

03-29-2012 02:58 PM
افرض مواطن مرتبه هو الحد الادنى 200ج على الاقل ح يصرف كالاتى:
كهرباء 80ج
دقيق 80ج
مواصلات باقى المبلغ 40ج ولازم يتمها ملح ومعاك قدام يا عم.........
لاحظ انو لا اكل لحم ولا ضاق الحلو ولا شاف سكر ولا شاى ولا عبأ انبوبة الغاز ولا ولا ولا ولا ولا ولا
الحل: فى حل المؤتمر الوطنى وتوجيه ميزانيته الخرافية لخدمة الفقراء والمساكين


#318443 [د الزهجان]
0.00/5 (0 صوت)

03-29-2012 02:44 PM
دي الكهرباء ....... احسنت وتمهلت في التفصيل الصحيح ...........ز تسلم اخوي


كمال كرار
 كمال كرار

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة