المقالات
السياسة
ارشيف مقالات سياسية
معتمد الخرطوم ومنتدى الاحبة و (كديسة) شارع النيل ..!!
معتمد الخرطوم ومنتدى الاحبة و (كديسة) شارع النيل ..!!
04-01-2012 09:07 PM

معتمد الخرطوم ومنتدى الاحبة و (كديسة) شارع النيل ..!!

جمال علي حسن
[email protected]

لم اكن اتوقع ان تكون سياسة ولاية الخرطوم في تحقيق مظاهر للتنفيس والترفيه وتهيئة اجواء اجتماعية صحية وثقافية حية ومنتديات ومسارح ..لم اكن افهم ان هذه السياسة هي فكرة ترتبط بوجود او ذهاب شخص محدد من المسئولين في ولاية الخرطوم ..
ولكن الظاهر لي الان ان معتمد الخرطوم الحالي يقود حربا ضد موضوع (شارع النيل والخرطوم بالليل) والذي تطور مشهده من انعدام الحياة الى ضجيجها ومن الصمت والسكون الى الحراك والتفاعل مع الحياة عند مواطن محبط وفقير ومحاط بظروف معيشية ضاغطة يحتاج الى متنفس ومكان يستمتع فيه حلالا بلالا بالهواء الطلق وبرائحة النيل ومسائه الجميل او كما يبدو ..
والذي اراه الان ان معتمد الخرطوم الجديد يثبت لنا كل يوم وجود معركة في ذهنه مع مظاهر الترفيه او المثاقفة اوالترويح عن النفس هناك ..ويجعلنا نظن ان الرجل لايرغب في هذه الحالة الصحية التي انتفت بوجودها فكرة ان الخرطوم عاصمة تنام عند التاسعة مساءا كما ظلت هكذا لسنوات طويلة ..
هل يريدنا ان (ننكمد) في نومنا التعيس ونسامر الظلام والاحباط وموت الحياة في ليل الخرطوم ..
ان لم يكن الامر كذلك وان هناك في الحقيقة (كديسة) كما يقولون في دماغ محلية الخرطوم اسمها شارع النيل .. لو لم يكن هذا الاعتقاد صحيحا فلماذا بعث المدير التنفيذي للمحلية بخطاب لمدير منتدى الاحبة بشارع النيل يخطره فيه بقرارهم القاضي بايقاف نشاط هذا المنتدى فورا كما ينص الخطاب ..
بالله عليكم ولو سئلتم يوم الحشر العظيم عن اسباب كتم وخمد هذا المنبر الثقافي والفني الجميل والذي حضرته اكثر من مرة ولاارى فيه اي شئ يمكن استنكاره انهم يرددون اغنيات حقيبة الفن النظيف وهم مجموعة من المثقفين لايتعاطون السياسة حتى نقول انهم يخططون لتنفيذ ثورة على الحكومة ولايرقصون (عشرة بلدي) حتى نقول انهم خدشوا وجه الادب ..فقط يدندنون ويتسامرون في الفن والثقافة فهل هذه جريمة يامعتمد الخرطوم المحترم ..
ولماذا سيدي الوالي قمت بافتتاح عدد من المسارح وشاركت في عدد من المنتديات واعلنت انك تنحاز لتفعيل النشاط الثقافي والفني ..؟
هل هؤلاء مزعجون اكثر من بص شركة الاتصالات تلك الذي يستغل وجود مواطنين ليملأ اذانهم (بالكوراك) ...(قرايب وحبايب وماعارف ايه) يروج عن بضاعته بمكبرات الصوت العالية رغما عن انف السكينة والهدوء وحق المواطن في عدم التعرض لتلوث ضوضائي !؟ ..
لماذا يوقفون منتدى فني بقرار من المحلية ..؟ّ!
لقد طالعت نص خطاب الايقاف واستعجبت جدا ان يكون الخطاب مزيلا بشعار (نحو عاصمة وطنية امنة متحضرة) لان مضمون الخطاب في اعتقادي يتجه نحو نسف هذا الشعار مفردة تلو الاخرى (بعكاز) غليظ اسمه الايقاف الفوري !!!!!




تعليقات 2 | إهداء 0 | زيارات 1944

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#322247 [المرضى]
0.00/5 (0 صوت)

04-03-2012 07:16 AM
كديسة تاكلك


#321679 [جدو]
0.00/5 (0 صوت)

04-02-2012 02:02 PM
الناس تمشي وين يا سعادة المعتمد نمشي بيتك لا شنو الحاصل


وعشان شنو القرار عشان ناس في شارع النيل شارع عام

خلاص ما دايرين شوراع تاني
منتدي جميل ليس فيها شي من السياسة والله احسن حاجة في الشعب السوداني
الزيك دي ماشغلين فيهم
(((( الله في الايام جاية)))))))))))


#321108 [الدبعلو]
0.00/5 (0 صوت)

04-01-2012 10:10 PM
اصل الحكايه انو واحد ماشى بشارع النيل على وراره التربيه والتعليم الساعخ سته صباحا البرد مبالغه لقى ليهو واحد بيغسل ليهو فى كديسه قال ليهو حرام عليك الكديسه ديه بتموت قال ليو مابتموت اهه لمن جه راجع لقى الزول قاعد والكديسه ميته قال ليهو ماقلت ليك بتموت قال ليهو ماماتت من الغسيل ماتت من المصر- ديه حكايه كديسه شارع النيل -هسع واحد يقول الزول ده ماشى وزاره التربيه والتعليم الساعه سته صباحا يسوى شنو ماشى يكشف الامتحانات مواعد ليهو زول هناك -


ردود على الدبعلو
United Kingdom [مامون] 04-02-2012 01:28 AM
دمك خفيف يا الدبعلو


جمال علي حسن
جمال علي حسن

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة